22
0
0
港鐵西營盤站 A1 出口, 步行約2分鐘 繼續閱讀
電話號碼
52923545
營業時間
今日營業
11:00 - 21:00
星期一至日
11:00 - 21:00
付款方式
Visa Master AlipayHK 支付寶 現金 八達通 AE
其他資料
當面支付
食評 (27)
等級4 2021-03-27
594 瀏覽
最近係屋企附近開左間Burger 店🤤初初睇門面以為又係新cafe 店舖簡約風設計~有少量堂食位置雖然係小店但都有8款嘅burger 理念係balance lifestyle 有時怕食得多肉會guilty 都可以揀guilt-free嘅亦可以同時滿足到!🙆🏻‍♀️近期愛店 會再食😋外賣仲有9折優惠➖➖➖1️⃣Mirror burger $79 (𝟠/𝟙𝟘) 係店舖signature! 特別在佢地嘅素扒係自家製配料有牛肉漢堡扒(4oz) 、自家製素漢堡扒、美式芝士 仲會夾住火箭菜、生菜、番茄、洋蔥就咁睇就知好足料 因為塊扒重到冧咗😂素扒入面好足料 有紫薯、番薯、紅腰豆、鷹嘴豆同燕麥 感覺上無咁大罪惡感🤤而且真係食到薯、豆綿密口感雖然有炸過但唔會好厚炸粉~底下仲有一塊四安士牛肉漢堡扒 肉味濃郁不過口感無素扒咁突出!想要晒肉可以試321😝朋友話好食➖➖➖2️⃣他他牛油果軟殻蟹漢堡$98 (𝟟.𝟠𝟝/𝟙𝟘) 呢個都不錯~ 幾鍾意佢地嘅他他醬同秘制醬汁軟殼蟹唔會好硬 夠酥脆 隻蟹有15cm長🦀中間仲有牛油果片、火箭菜、番茄所以都唔太膩~➖➖➖3️⃣炸牛蒡 (跟套餐連飲品+$19) (𝟟.𝟝/𝟙𝟘) 第一次食炸牛蒡😋 調味適中同樣炸得香口~感覺無薯條咁heavy! 繼續閱讀
(以上食評乃用戶個人意見 , 並不代表OpenRice之觀點。)
之前經過這間新潮漢堡店見到有素漢堡已經好想食,今日過開海就過去試下。Mirror Burger 同 Mirror 是沒有關係,他們的素排用蔬菜和豆類自家製作,外面包了燕麥再炸香,高纖健康又好味。小食除了炸薯條和番薯條之外,仲有好特別的炸牛蒡絲,食物全手工製作吃得出用心。Mirror Burger 在西營盤地鐵站 A1 出口對面,街角係另一間當紅咖啡店 TIL,這附近都幾多 cafe 和好野食架。門口有塊鏡好切合主題。小店一眼望晒面積唔大,之前經過以為無位坐,原來行去入面有個小空間,仲意料之外坐得幾舒服。平日買外賣的人比堂食多,所以都唔驚無住坐,小空間大概可以坐八個人,座位比想像中坐得舒服,起碼張檯唔會太矮唔知點算咁。小貨架上面有自家制酸瓜、花茶和醋之類。11:30 前或下午茶時段有輕食揀,中間個牛油果番茄煎蛋堡好似幾好食。漢堡就這八款好簡單,招牌 Mirror Burger 有素排又有牛排幾搞笑,右邊排 E F G 三款都係素食,除了自家製素排仲有款係炸大啡菇。漢堡加HK$19就可以變套餐,有埋炸炸小食和飲品,另外亦有一堆配料可以加錢再加。我以為酸瓜係default有,後來先發現要加錢點,所以今次無食到。雖然我平時都唔好酸瓜,但自己浸好似幾有誠意可以試下。這裡的素漢堡唔係用有牌子的素排,而係自己用番薯、紫薯、紅腰豆、鷹嘴豆和燕麥製作,好厚一塊外脆內軟。剛好見到店員在浸青瓜,下次要記得加酸瓜先。圖中這些應該就係未炸之前的素排,之前睇到飲食男女的影片,個素排係會沾粉沾蛋再包一層燕麥片,然後再拎去炸,工序都幾多喎。Housemade Veggie Burger HK$62 / COMBO +HK$19 / add avocado slide +HK$13素排漢堡有兩款,另一款係辣辣版,我揀左原味再加牛油果片。素排主要材料係番薯,所以口感都係番薯蓉咁,外面有個脆皮中間又有豆可以咬下,味道係蔬菜鮮甜,配埋芝士生菜係幾好食既,而且食完真係無負擔感。炸物有牛蒡絲、番薯條和薯條揀,這邊的牛蒡絲係用削皮器刨成絲帶狀,炸完一堆咁又幾可愛,不用沾茄汁都好夠味好好食,係略嫌有少少太油。非常厚的素漢堡排,特別適合唔鍾意食「假肉」的素食者,因為成塊都係蔬菜超級高纖,雖然係炸亦唔覺太熱氣,屬非常療癒的素漢堡之選。 繼續閱讀
(以上食評乃用戶個人意見 , 並不代表OpenRice之觀點。)
餐廳:Mirror Burger (西環)地址:西環皇后大道西194號地舖呢間位於西營盤嘅漢堡包店🍔,以Balanced life為主旨。Mirror🪞,意指漢堡分為Guilty(肉類)同Guilt-free(素食)兩類,比你可以有邪惡或者健康嘅選擇,有成8款漢堡比你揀😋,就算想keep fit嘅人都可以無負擔咁食,快啲搵返個啱自己嘅Eat-Life Balance😜今次就介紹佢哋兩款burger:鏡漢堡 $79牛油果軟殼蟹漢堡 $98鏡漢堡好明顯就係 mirror_burger 嘅招牌漢堡,入面有牛肉漢堡扒同埋自家製素漢堡扒做主打,一次過enjoy到肉同素嘅滋味。牛肉漢堡扒係用咗USDA認證嘅4安士美國牛肉🐂;素扒就用咗蕃薯、紫薯、紅腰豆、鷹嘴豆同燕麥去整。幾欣賞呢個素扒整得好好食,咬開脆脆嘅外層就會食到薯蓉嘅質感,以紫薯香為突出,成個漢堡勁厚勁大份,但價錢絕對唔貴!牛油果軟殼蟹漢堡用咗完隻炸軟殼蟹去整,粉唔厚,軟殼蟹香脆可口;牛油果切開一片片夾喺中間🥑,至少都有半個牛油果份量,絕對喺物超所值,加上他他醬同餐廳自製嘅秘製醬汁,惹味得嚟唔會dry,可以encore😎 繼續閱讀
(以上食評乃用戶個人意見 , 並不代表OpenRice之觀點。)
💿 呢間可愛嘅漢堡店位於西營盤 a1出口,門口有塊qq嘅鏡。堂食得好少位,見大部分人都係外賣/food panda,啲漢堡嘅現配搭新頴,(同埋啲poster設計得好靚)( ー̀֊ー́ )✧︎。MUSHROOM SCHNITZEL吉列大啡菇漢堡 $59 (+$20 combo)我對蘑菇情有獨鍾,次次食burger有蘑菇我都會叫,今次都唔例外。呢個菇係炸過嘅,多汁,口感豐富,入面仲有自製pickle、蕃茄、洋蔥,正。見有牛蒡咁特別,一於捨棄蕃薯條叫嚟試下,脆係脆,不過太油啦,食完成口油,可一不可再!// 同場加映 //CLASSIC BEEF $65 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-01
0 瀏覽
本身我係好鍾意食burger,所以一位住喺西營盤嘅朋友介紹咗呢間Mirror Burger俾我,話一定啱我口味,而且舖頭係正地鐵站A出口對面。店舖雖然不大但五臟俱全,將少少cafe嘅原素混入去裝修入面。而我因為時間上嘅關係所以係take away,但亦都無損佢嘅味道。。。🔘Hottest Beef 🌶🌶 | $68評分: 🌕🌕🌕🌕🌑評語: 朋友嘅介紹真係冇錯嘅😭一打開個麵包,佢啲芝士真係好澎湃,本身以為佢係普通burger咁樣配一塊牛肉,食落口就知唔係咁簡單😭等候期間見到佢將漢堡炸過,咬落去先發現原來係牛肉薯餅嚟㗎,好好食x3,但因為薯餅好飽肚,所以我都食唔晒一整個,佢本身係配左墨西哥嘅Mayo醬,有少少辣好惹味!Burger仲可以揀要唔要extra add-ons 或者有咩材料唔中意食,落單嘅時候都可以選擇,另外可加$19配薯條同嘢飲。。。🔻呢個價位都幾抵食,性價比好高🔻好高質,我應該會再返嚟試埋佢其他burger😛🔻一出站就會見到,非常方便推介指數: ⭐⭐⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)