57
16
1
港鐵灣仔站 A5 出口 繼續閱讀
電話號碼
28028888
25846983
開飯介紹
酒店內的西餐廳,主打創意cocktails及西式美食,例如鮮鱿魚慢煮豬腩肉薯泡、燒鱸魚及美國肉眼扒。 繼續閱讀
營業時間
今日營業
08:00 - 01:00
星期一至五
08:00 - 01:00
星期六至日
09:00 - 01:00
公眾假期
09:00 - 01:00
付款方式
Visa Master 現金
座位數目
153
其他資料
網上訂座
Wi-Fi
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
有關獎賞計劃
食評 (97)
等級4 2019-09-19
1071 瀏覽
🎐終於來到這天,熊妹一行六個妹子兩個月前說好的《Mirage》Summer Afternoon Tea,因為恆生信用卡💳半價優惠,需要提早兩個月前預訂先有位,咪話唔誇張。📌3️⃣點準時開波,3點前黎到都要係大堂門口守候。🕴🏻📌果真好受歡迎👏🏻,是日全場係爆🈵,坐無虛席,而且全部都一定係預先訂位的📞。📌大家都係慕名嚐嚐呢款芒果狂熱夏日下午茶。4款鹹點,6款甜點加2款鬆餅,包飲品一杯,典型英式下午茶的餐單。📌簡單的英式三層架,三隻大碟裝著下層鹹點,中層英式鬆餅同上層甜點,非常正宗的擺法,再跟上一杯芒果布甸,成款下午茶以芒果🥭為主題,黃甘甘,十分夏日感覺🏖。📌high tea多過食飯的熊妹知道正式品嚐英式下午茶應該由底層到食到上層,即由鹹食到甜,符合平日進餐的邏輯,食完咸食仲有飯後甜品🍮。下層- 鹹點大蝦青芒果沙律(左下)大蝦🍤蝦肉非常爽口,煎烤過非常入味,鮮味都幾出,底下有粒粒青芒果粒墊底,配撘幾清新。咖哩泡芙配芒果醬 (左上)成件事就係咖哩角,泡芙酥皮脆脆,包住咖哩餡,點上芒果醬,帶點酸酸甜甜,唔錯。布袋芒果芝士冷湯(右二)一個玻璃杯仔裝著的一碗凍湯,布袋芝士係英文burrata cheese的釋音,係一款芝士名,比較厚實杰身的白芝士,芝士味本身唔係好重,淋入酸酸甜甜的芒果湯裡面,又帶點鹹味,成件事又鹹又甜,有少少怪,唔知應該當湯飲定當甜品芒果汁咁食🤷🏻‍♀️。火腿芝士手指三明治就係一款最普通不過的三明治🥪,夾雜著火腿片同芝士片,熊妹又覺得幾好味喎,簡單就是美,咸咸地再連無味的白麵包🥯一併食,非常飽肚的一款小食。好多時三層架下午茶不能單單只有甜品,都要有一兩款飽肚的茶點,就好似三文治。中層- 英式鬆餅芒果杏仁鬆餅📌一如既往,熊妹依然覺得鬆餅就係整個下午茶的靈魂,所以一試便知龍與鳳🐲。芒果味就唔係好食到,杏仁相信講緊用杏仁粉整成,成件事就似係牛油鬆餅多啲。都幾鬆化,但牛油味未算好重,都係要靠靠側邊的果醬同clotted cream提味。一啲都唔吝嗇的奉上兩款Bonne Maman 的樽裝果醬,好足本喎!一款係必備的士多啤梨味🍓,一款係桔橘味🍊,酸酸甜甜,係一款經典的英式茶點。不過熊妹始終都係鍾情於clotted cream🍼,奶油香味更能帶出牛油鬆餅的清幽。朱古力紅莓鬆餅一舊黑黑實實的立方體🍫,朱古力味都食到,但配合上紅莓粒有點怪,始終朱古力已經有味,用上帶酸甜的紅莓就唔係好夾,如果加上朱古力粒應該會更加好味。上層- 甜點芒果熱情果馬卡龍(左一)📌熊妹發現馬卡龍係近年被列入下午茶不少得的甜點之一,係比較受歡迎的新派甜點。不過熊妹就麻麻地好喇,始終覺得太甜。呢款芒果熱情果醬的馬卡龍又ok wor!終於唔係蛋白霜得個甜字,而且熱情果醬又酸酸地,真係好夏日清新feel。夏威夷堅果芒果撻(左二)白𠽌𠽌一件撻仔🥧好吸引喎😍。原來係蛋白泡沫,好有空氣感,內餡有的係芒果醬,夏威夷堅果就唔係好覺有,撻皮好脆口,幾好味。芒果乳酪慕絲(中間)芒果不嬲同乳酪都夾的,不過芒果味唔係好濃,慕絲都算細滑,味道偏甜少少,可能怕芒果味酸都會放好多糖去調味。萬麗芝士蛋糕(右一)好驚喜喎!非常厚實濃郁的紐約芝士蛋糕🍰!仲加上一塊萬麗海景酒店🏨「R」的朱古力字牌,更突顯呢款係招牌菜,讚!柚子餅(右二)好的㪣🎲的柚子,仲加上一片朱古力柚子葉,下午茶最吸睛就係呢啲用心製作的小小茶點。柚子入面係慕絲,外層係朱古力皮,形成偏甜風味的外脆內軟,柚子味就唔係好食出,味道都係酸酸甜甜咁,有塊餅乾🍪襯底,幾香口。芒果布甸最後壓軸出場的係最後的餐後甜品,芒果布甸。成個afternoon tea set終於食到的新鮮芒果喇,唔酸的,天然的甜。布甸分兩層,用玻璃酒杯裝著🍸,能分明地看出布甸的層次,美美的。面頭是椰奶布甸,非常重椰香味🥥,下面是芒果布甸,芒果味都出,兩層布甸質感好幼滑,又可以一次過食兩層,椰奶同芒果味道都好夾,飲品就各人包一杯正常餐飲,熊妹當然點了最愛的flat white☕️,不過熊妹覺得奶味差少少,變成苦了點。其餘的妹子嚐了朱古力、凍檸茶🍹同mocha🍵,各有千秋。📌來一個iphone 📱的portrait 角度,英式下午茶高清版。📸📌享受完快樂的下午茶時光,步出酒店已是黃昏時份,望著灣仔碼頭,熊妹靈機一觸💡,帶著五個妹子坐船⛴到對面岸尖沙咀碼頭欣賞維港的日落景色🌄,難能可貴的友誼,得來不易的假期,以難得一遇的美景完美地劃上句號。💯 繼續閱讀
Mirage Bar & Restaurant 新出左秋季下午茶喇,加上恒生信用卡有半價優惠,就book 左枱,同朋友一齊嚟試吓。☺️☺️☺️好幸運,餐廳安排左卡位俾我哋坐,沙發好舒服,等我地可以慢慢食,慢慢傾,開心☺️呢個下午茶餐有三層,傳統應該係:下層鹹點、中層鬆餅和上層甜品,但可能因為要配合南瓜湯嘅關係,所以次序有啲更改,變成最上層鹹點、中層甜品和下層鬆餅。鹹點方面,我覺得係非常好食的。香煎厚切豬腩肉奶油包,超好食,豬楠肉處理得剛剛好,肉嫩多汁。南瓜湯口感好rich。而煙三文魚味道都不錯。甜品方面,我覺得就一般,對我來講大部份都太甜。綠色嗰個食落比較清,值得推介。到最尾,當然飲番杯茶作總結啦🥰 繼續閱讀
(以上食評乃用戶個人意見 , 並不代表OpenRice之觀點。)
依間係開喺灣仔Renaissance 酒店既一間餐廳。如果你一個下晝冇咩好做,的確係值得黎Mirage 食個靚lunch,加埋個落地大玻璃,可以睇埋海景。佢既lunch set 包前菜同主菜,加多50幾蚊就包甜品buffet同餐飲。甜品buffet 雖然冇一大張長枱俾你揀,但勝在款款都好好食😍仲有movenpick 任揀,所以我覺得幾吸引😛前菜有蝦沙律,好精緻都幾好食。其實佢前菜都幾乎日日唔同,大多數都幾好食。但我另外食過佢個ham就少少難食.......而俄羅斯沙律就雖然唔覺有幾俄羅斯,同埋好細份,但味道就真心唔錯😋而最普通既凱撒沙律就正正常常啦。同樣地主菜都成日轉,圖中既黑松露意粉就真心好好食。而佢另外都有芝士長通粉同燒春雞都係值得推介既主菜。總括黎講餐廳位置唔錯,又靚又舒服,野食都唔差。但如果你趕時間就慘DD,因為佢有時上菜都算慢。但我個人都幾鍾意依間餐廳😍 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-09
366 瀏覽
幾個朋友難得有時間,可以相約一齊輕輕鬆鬆來個下午茶,今次選了位於灣仔的萬麗海景酒店的 Mirage。侍應哥哥放下香濃的咖啡,一邊吃下午茶,一邊看着海景,十分舒服。今次的tea set 非常豐富,有美味濃郁的南瓜湯。其中香煎厚切豬腩肉奶油軟包,豬腩肉味美,份量適中。芝士蛋糕,芝士味香濃。楓糖啤梨慕絲,慕絲的味道很好配啤梨很特別。還有楓糖合桃馬卡龍,一般的馬卡龍會比較甜,但這個剛剛好,不太甜。每款的甜品非常精緻而且好味。 繼續閱讀
(以上食評乃用戶個人意見 , 並不代表OpenRice之觀點。)