413
59
30
港鐵觀塘站 B2 出口, 步行約5分鐘 繼續閱讀
所有分店 (2)
電話號碼
37059174
68507467 (Whatapps)
開飯介紹
一間提供多元化食物的多國菜餐廳,多款菜式都是自家首創,如「牛柳朱古力波」,朱古力醬汁配牛柳,淋上百加地酒然後燃點,有創意又衝擊視覺。 繼續閱讀
營業時間
今日營業
12:00 - 16:00
18:00 - 00:00
星期一至日
12:00 - 16:00
18:00 - 00:00
公眾假期
12:00 - 16:00
18:00 - 00:00
付款方式
Visa Master AlipayHK 支付寶 現金 銀聯
座位數目
200
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
外賣服務
加一服務費
當面支付
有關獎賞計劃
食評 (540)
等級4 2019-05-15
10405 瀏覽
話說小弟今日係觀塘收工, 女友人過左黎接我放工.. 咁橫掂佢都過左黎觀塘又已經夜晚,我地就係呢頭揾野食啦. 我地行左陣街就發現呢間叫The Wave既活化工廈,外表金光閃閃吸引左我地入去, 行到最頂層就見到Mini Friday呢間餐廳, 睇落唔錯咁我地就入去食飯啦.我地分別叫左個鮮蟹濃湯,黑松露野菌湯,溫泉蛋菠菜大啡菇,香草牛油焗田螺酥盒,法式羊鞍寶雲穌 同燒美國頂級肉眼扒...我想講我個鮮蟹濃湯真係好濃,飲落有d似龍蝦湯咁好正.. 女友人個黑松露野菌湯就以粒粒蘑菇肉同大大羹既黑松露撈均而成. 好香好用口感.. d小食都唔錯焗得好惹味,個燒美國頂級肉眼扒先正.. 肉質真係好靚完全滿足晒我呢個牛魔王既口味,而女友都對佢個法式羊鞍寶雲穌幾滿意,大大份又厚肉咁好底食.. 最後食到好飽就叫左個茉莉菊花茶飲消下濟。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-05
13797 瀏覽
一個星期連續去咗觀塘The Wave兩次,不過今次去嘅係3樓嘅Mini Friday。餐廳佔地面積非常大,3樓一半都屬於Mini Friday。有啲座位有大遮,不過室內開遮有啲搞笑。另外燈光非常充足。餐牌設計鮮艷奪目,一頁內包含唔同category,有主菜、小食、沙律、薄餅、意粉、甜品部份。另外餐廳特別之處係客人可以自由配搭意粉。一落完單侍應就送上一份墨西哥脆片。Set dinner會包埋沙律同餐湯。沙律以玻璃樽呈上,入面除咗青瓜蕃茄沙律菜之外,仲有水果味嘅爆珠,為平凡嘅沙律帶來一點驚喜。整體酸酸甜甜,幾開胃。至於餐湯口感幼滑,唔會過鹹。法式羊鞍寶雲酥有三大件,肉質相富嫩滑,外面加左一層麵包糠令羊架賣相更靚,口感更加香脆,可謂香而不羶。甚至旁邊嘅薯蓉亦非常出色,特別鍾意佢既質感。另外叫咗一款自選意粉,自己可以自由配搭麵、配料同醬汁。我嘅自選意粉係蒜片欖油菠菜扁意粉。意粉軟硬程度適中,蒜香味非常突出。估唔到西餐廳提供蒜香炒雜菜,最估唔到係我女友真係叫咗蒜香炒雜菜,份量幾多。飲品方面叫咗焦糖咖啡沙冰,咖啡既苦澀同焦糖既甜味達致完美嘅平衡,消暑提神一流。最後以芝士蛋糕作結。一般餐廳嘅飯後甜品都係比較馬虎,但Mini Friday嘅芝士蛋糕絕對係水準之作。芝士蛋糕相當鬆軟,配上三款唔同水果,整體輕盈而不膩。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-03
7344 瀏覽
唔知點解依個星期持續有holiday mood, 可能番工唔忙碌😂 心情大好,今晚約媽咪黎個飯局,又同佢去觀塘工廈食大餐。 選擇地點很方便的興業街TheWave 依棟modern 翻新工廈。今次媽咪選擇了三樓的Mini Friday. 發現媽咪都挺喜歡去工廈餐廳,其一原因係環境夠大坐得舒服。-餐廳除了環境超級寬敞外,食物都唔錯。安排座位後,奉上餐牌及脆脆片。 炸得香口,一會兒就食哂了。-我們叫了一個套餐,有餐湯、沙律、甜品及飲品。 ❤️香烤美式BBQ 豬肋骨套餐 $168 用玻璃瓶盛載的田園沙律🥗,沙律菜嫩綠新鮮夠爽脆。 而是日餐湯是蕃茄湯,酸酸甜甜夠濃郁,帶點creamy不會水浠浠。 沙律菜及蕃茄湯均有著清新開胃的作用。主角豬肋骨來了! 媽媽還是第一次吃,大讚超級惹味。用刀一切,就輕易骨肉分離,肉質夠鬆化,配上燒烤醬十分惹味。 還有黑松露香滑薯蓉,黃瓜、蕃茄及翠玉瓜。-❤️西班牙海鮮飯 $228這盤海鮮飯份量都多呀,金黃色的海鮮飯口感煙韌帶著濃郁的海鮮香; 海鮮配料相當豐富,有鮮蝦、墨魚🦑、蜆、魚柳等等,吃得滋味又滿足。-❤️蒜香炒雜菜 $58由細到大每次同媽媽出街食飯,都一定要有菜的😆 這碟炒雜菜份量都多呀,有鑊氣又充滿蒜香。-最後來一客跟餐的飲品及是日甜品。芝士蛋糕挺香滑,甜度適中。- 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-21
1622 瀏覽
穿越咗石屎森林一般的工廠區 係呢個寸草不生嘅工廠森林入面 搵到呢一間環境優美嘅西式餐廳 特登寫食評讚一讚佢落完order之後 侍應該隨即奉上一份墨西哥脆片畀我哋做前菜 墨西哥脆片配上千島醬 令我哋當日嘅晚餐非常開胃餐牌上有好多唔同款式嘅牛柳同埋牛扒 而最引人注目 同最令我感興趣嘅就係 Gordon ramsay嘅拿手菜式 威靈頓牛柳Beef Wellington ($288)要再做到威靈頓牛柳呢一種菜色 係需要非常多嘅功夫步驟同埋材料 首先外層要有一層酥皮 而內層就係用炒香咗嘅蘑菇同香料製成 而更內層就係五成熟嘅牛柳 加上餐廳預備嘅紅酒汁 令到肉嘅鮮味更加出 份量適合三個人食 呢一份威靈頓牛柳喺調味上爆炸性十足 幾有誠意嘅一道菜式除咗牛柳 我哋亦都嗌上另一份主菜 卡邦尼意粉($98) 呢間餐廳嘅卡邦尼意粉十分出色 醬汁做得非常creamy同埋用料充足 完全做到我心目中想要嘅卡邦尼意粉嘅感覺 所以都幾impressive 小食方面 我哋嗌咗一份餐牌上推介嘅 香草焗牛油田螺酥盒($78) 用上酥皮做一個外層 加上香草同牛油 再配上主角田螺 造成嘅一個田螺酥盒 同傳統食法唔同 食法都非常方便 頗有特色總括而言我覺得呢間餐廳嘅質素幾有水準 最重要一點係 可以喺食物入面見到餐廳嘅誠意 呢個追求快餐文化嘅社會入面更顯得難能可貴 所以幾推薦呢間餐廳 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-06
20 瀏覽
今日同朋友去了觀塘一間非常大的西餐廳吃晚飯,這家餐廳就是位於觀塘的the wave。這幢大廈內有很多間很不錯的餐廳,而今次選擇的是Mini Friday。這裏有live Band,首先我們當然點了兩杯生啤酒,一邊聽着live Band一邊看看吃什麼,當啤酒到場的時候,他還送了一款小食,是脆片配上一個很好味的芥末蛋黃醬。不知是我肚餓嗰陣時味道太好,我不禁吃得很快。mini Friday 除了晚餐之外,當然有很多單點的食物,最特別是它有一個自選意粉套餐,就是你可以配不同的配料和意粉甚至他的醬汁都可以自己選擇。我朋友就選擇了溫泉蛋芝士忌廉的醬汁,配上天使麵,配料方面選擇了蘑菇加海鮮。套餐還有沙律和餐湯,而餐包並不是普通的方包或是蒜蓉包,他是小小的牛角包味道十分之好。沙律的醬汁也很好吃,而餐湯是白湯. 味道也10分不錯。而我選了一份晚餐,我選的是澳洲牛肉眼扒配黑松露燒汁醬,我選的是三成熟,廚師的功力也很好,牛扒都煮得剛剛是我想要的生熟情度。牛的口感也很好而且牛味也很濃。配上香濃黑松露燒汁,真的10分好吃。最後我朋友想吃一個甜品,他選了一個疏乎厘配雪糕,意想不到的是這裏的疏乎厘非常好吃,蛋香非常濃郁,就算我不加任何配料,都覺得非常好吃,甚至比起所謂日本甜品店的疏乎厘更好吃。其實我不是太愛甜品,但我也跟朋友分享了三大塊疏乎厘跟朱古力雪糕。而且這家餐廳價格也非常實惠,要跟女生吃晚飯這裏是很不錯的選擇。 繼續閱讀
(以上食評乃用戶個人意見 , 並不代表OpenRice之觀點。)