657
75
31
所有分店 (2)
電話號碼
37059125
68507056 (WhatsApp)
開飯介紹
一間提供多元化食物的多國菜餐廳,多款菜式都是自家首創,如「牛柳朱古力波」,朱古力醬汁配牛柳,淋上百加地酒然後燃點,有創意又衝擊視覺。 繼續閱讀
營業時間
今日營業
12:00 - 16:00
18:00 - 23:30
星期一至日
12:00 - 16:00
18:00 - 23:30
*星期日至四: 截單時間: 22:00 星期五至六及假期前夕: 截單時間: 22:30
付款方式
Visa Master AlipayHK 支付寶 現金 AE 銀聯
座位數目
200
其他資料
支持防疫 詳細介紹
網上訂座
Wi-Fi
酒精飲品
切餅費
電話訂座
賞訂座積分
外賣服務
加一服務費
當面支付
有關獎賞計劃
食評 (834)
等級4 2020-10-21
378 瀏覽
疫情稍為緩和 就聽到好姊妹的好消息上星期就相約到呢一間旺角的Mini Friday 去收喜帖以及分享一下喜悅呢一間餐廳位於旺角銀城廣場地點絕對方便餐廳嘅裝修寬敞 簡約既吊燈 加上輕鬆嘅音樂實在係聚腳嘅好地方餐廳嘅食物質素都幾高一個脆卜卜嘅脆餅用嚟配啤酒就最適合不過呢一個《芒果黑松露鮮蝦沙律》賣相花盡心思沙律除咗有彈牙的蝦肉之外仲加入爽脆的洋蔥粒同埋香甜嘅芒果黑松露醬汁嘅調配恰當既有黑松露香氣 同時亦有酸甜味道配搭相當不錯另外的《溫泉蛋菠菜大啡菇》好味得嚟又健康大啡菇有肉嘅口感同時又有大量蛋白質係瘦身女士嘅恩物另外菠菜用咗忌廉同芝士烹煮 食落美味上面嘅溫泉蛋雖然唔係太流心但係就有溏心效果另外嘅主菜《美式BBQ豬肋骨》焗得非常香口BBQ sauce 非常惹味豬肋骨嘅肉非常juicy幾個人一齊share就最適合不過另外就叫咗呢度嘅招牌甜品《即製梳乎厘班戟配雪糕》梳乎厘班戟充滿空氣感食曬成塊都唔會覺得太飽濟而且充滿咗蛋香 加埋香甜嘅吉士汁輕易就畀我哋幾個女士K. O. 整體嚟講呢一間 Miini Friday質素同環境都相當唔錯係疫情嘅情況下 就算食飯都一定要保持衛生警覺呀 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-09
992 瀏覽
位於旺角的 Mini Friday ,是一間主打多元化西餐廳。品牌有旺角和觀塘都有分店,旺角店相對上有情調,吸引不少情侶光顧。而觀塘店則有Live band表演,熱鬧氣氛,更適合一大班人聚會呀。Mini Friday與同層的日本料理店 日本野,同屬一個集團,使用同一個接待處和洗手間。想吃西餐和日本菜? 他們都一手包辦哦!餐廳環境寬敞,設有不少卡位,坐得舒服,食得舒適,用餐過程感覺良好。以紅磚牆和酒瓶做裝飾,帶點懷舊的西餐廳感覺。每枱客人匀會呈上一碟炸脆片,賣相像墨西哥的Nachos。如果有醬汁附上,感覺上更加完美。胡椒雞翼 $58全新推出的時代抗翼有四個口味,胡椒雞翼用上大量的黑胡椒粒和蜜糖調味,嗆中帶辣,辣中帶甜,味道不錯。意式辣肉腸巴馬火腿薄餅 $158這裡的薄餅匀是薄脆餅乾口感,面層放有巴馬火腿和芝士,非常邪惡,薄餅鹹中有辣,惹味刺激。由於是薄脆餅底,所以兩人分享也不會過膩。心太軟配雪糕 $68製作需時的心太軟,呈上時即傳來濃香的朱古力味。心太軟焗得剛剛好,外脆內流心,緩緩流出的濃稠朱古力醬,又香又甜,是傳統經典味道呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-27
1628 瀏覽
餐廳格局西式, 但最緊要係坐得舒服, 放到野得黎唔會太逼!服務好, 有換碟, 店員都熱心, 基本上到7-8pm左右都爆晒場.前菜, 呢個前菜無收費, 脆口野比客人咬下咁解,建議唔好食太多, 一陣無肚食其他野!黑松露野菌湯(48$), 野菌料落足, 可以見到面頭勁多碎, 口感一粒粒好似沙冰咁,如果加埋忌廉就更完美! 自己中意偏甜.肉眼扒(258$) 7成熟, 面頭如果細心d睇都會見到d肉汁, 肉汁比較多, 牛味重, 配埋醬汁食用比較濃味. 格離有個薯蓉, 細細件, 可能唔算好飽但creamy, 味道唔錯!卡邦尼扁意粉(98$) , 價錢唔算貴, 份量正常, 汁好痴意粉, 同埋汁夠濃味, 味道唔錯, 如果打散埋個蛋食會更好食, 會有小小黃美醬既味道, 美中不足既係意粉唔係扁意粉,係圓頭意粉, 口感度唔夠彈牙!心太軟(68$) 流心做得好出色, 朱古力味濃, 帶小小苦, 我自己覺得整得相當唔錯,流心切開時都十分香, 雪糕可惜無其他味選~整體而言味道, 環境 , 服務都唔錯,價錢都好抵食, 推薦一試! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-18
1781 瀏覽
九月第二個星期二晚上,旺角。友人工作勞累,加上政府朝令夕改的抗疫措施,很久都沒有在平日出來晚飯,最近晚飯時間放寬到晚一點,友人就先訂了西餐廳,下班後好好吃一頓。電梯門打開,就是一大幅貼滿復古風外國掛畫的紅磚牆,配上仿油路燈,很有外國家庭式小餐館的溫暖感覺。從門外的大燈牌可以得知餐廳主打自家製菜式,而且價錢走親民路線,裡面抬頭看到的星空吊燈又營造了浪漫的氛圍。黑松露野菌湯,熱騰騰的餐湯飄來陣陣菇菌香,每一口都是滿滿的蘑菇粒,足料又酸暖胃。柚子蜂蜜雞翼,在抗疫期間餐廳推出的新品,把醃好的雞翼煎香,用上韓國柚子蜜拌勻,雞翼變得晶瑩剔透,香脆軟嫩的雞肉酸酸甜甜,可口又有趣。時代抗翼還有咸蛋黃醬,辛辣跟胡椒蜜糖可以選擇,58塊有4隻,雞翼控真的不要錯過。1664可倫堡白啤酒,為了迎接主菜的來臨,我們各點一杯1664白啤酒,友人挺喜歡的,喜歡它獨特的花果香跟綿密的氣泡,感覺清爽沒有太多啤酒的苦澀感。火焰燒德國咸豬手,服務生把一大隻已經烤好的豬手端上桌,火槍一點,整隻豬手就在我們面前燒起來了,好壯觀啊!燒完以後就端回廚房切件再端出來,外皮又脆又有嚼勁,肉質嫩滑,雙重享受,配上一點德國酸菜Sauerkraut可以降低膩感,最喜歡吃豬手了!吃著喝著,聊聊天,可惜限聚到十點而已,真想再坐久一點呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-25
4194 瀏覽
上兩次食Mini Friday 已經係一年前既事,兩次都係同事請食lunch buffet,當時已經覺得buffet 黎講質素唔錯。早排經過朗豪坊附近,突然心血來潮,同朋友上左去銀坊廣場再戰Mini Friday! 不過真係第一次試佢既晚餐,而且上兩次都係喺觀塘食,今次算係試菜之旅 😋一出lift 就見到佢大大個招牌,嗰陣仲未有六點後禁令,入面係高朋滿座。由於唔想打擾到其他食客,所以冇影到室內嘅setting,不過都係西餐廳嘅設計,帶點昏暗。餐廳提供左好幾個餐牌,可以點晚市套餐,或者散叫每一道菜,仲黎個抗疫餐牌,非常有創意😂 我同朋友最後都係點左 set dinner,因為比較抵食,有前菜、餐湯、主食同埋加$1 換到既甜品!另外,本身一入到黎,枱上面已經擺左一盤玉米脆片,類似墨西哥Nachos 🇲🇽 我地試左幾塊,口感帶點脆,亦都有玉米片嘅味道,不過我地廢事食太飽品嘗唔到個dinner set,所以只係小嚐數口。好快店員就呈上左沙律同餐湯,田園沙律嘅主要材料有生菜、粟米🌽同蕃茄🍅,清新可口。沙律醬汁酸酸甜甜,都幾開胃。餐湯方面係羅宋湯,湯料係傳統採用嘅薯仔🥔、紅蘿蔔、芹菜/雜菜等等。我估係有放到肉類熬製,因為餐湯鮮味十足,仲好似帶點奶油味,香濃細滑。首先出爐嘅係朋友點嘅DIY 意粉餐(價值$158),我地揀左黑松露忌廉汁配雞柳扁意粉🍝 我地另外加左$20 追加煙三文魚,份量都幾足,抵食又好味 👍🏻由於我同朋友都係黑松露愛好者,佢既醬汁好合我地心意,香口味濃😋 雞柳味道唔錯,食落幾嫩滑,而且好足料,啖啖肉~意粉烹調時間岩岩好,軟硬適中,彈牙既口感得以保存,勾起左我地喺意大利食意粉嘅回憶🇮🇹最後介紹下個煙三文魚,三文魚處於半熟狀態,口感依然係嫩滑,帶有咸香味。三文魚既油脂感雖然冇咁飽滿,但微微溢出魚油香,係另一種風味。後來我點既碳燒紐西蘭牛肉眼扒(價值$258)都到左~ 炭燒過既牛扒離遠已經聞到陣陣香味,牛扒表面雖然燒熟左,但裡面仲係處於五成半熟既狀態,口感真係非常juicy!其實我地食嘅途中有個小插曲,由於朋友覺得牛扒中間太生,所以我地好唔好意思地叫左店員幫我地拎入去再煎熟啲。店員非常樂意,二話不說就幫我地拎左入廚房,出返黎仲重新擺盤,令我地覺得好窩心👍🏻☺️繼續介紹牛扒,牛扒既脂肪分佈非常均匀,咬落不但嫩滑,而且肉汁四溢。旁邊嘅黑松露薯蓉唔單止香滑味美,仲有助清減食客口腔內既油膩感,咁就可以慢慢細味呢塊碳燒牛肉眼扒🔥🥩。最後呈上嘅係$1 換購嘅甜品,chocolate brownie~ 本身仲好擔心會因為好飽而食唔落,點知呢道甜品非常小巧,朋友稱之為「一口糕」,因為真係可以一啖食完 😂 brownie 甜甜地,帶點朱古力既苦澀味,口感鬆軟。當時我地掛住食,竟然唔記得左影餐飲,分別係凍檸茶同埋可樂,呢兩樣咁大眾化嘅野飲就唔多作介紹 😛🥤🍋☕️總括而言,餐廳氣氛熱鬧,食物質素亦都滿意~ 店員既服務態度親切,等疫情消退之後,要再帶朋友去試其他菜式。 繼續閱讀
(以上食評乃用戶個人意見 , 並不代表OpenRice之觀點。)