429
62
22
所有分店 (2)
電話號碼
37059125
68507056 (Whatsapp)
開飯介紹
一間提供多元化食物的多國菜餐廳,多款菜式都是自家首創,如「牛柳朱古力波」,朱古力醬汁配牛柳,淋上百加地酒然後燃點,有創意又衝擊視覺。 繼續閱讀
營業時間
今日營業
12:00 - 16:00
18:00 - 23:30
星期一至日
12:00 - 16:00
18:00 - 23:30
*星期日至四: 截單時間: 22:00 星期五至六及假期前夕: 截單時間: 22:30
付款方式
Visa Master AlipayHK 支付寶 現金 AE 銀聯
座位數目
200
其他資料
網上訂座
Wi-Fi
酒精飲品
切餅費
電話訂座
賞訂座積分
外賣服務
加一服務費
當面支付
有關獎賞計劃
食評 (566)
等級4 2019-09-20
432 瀏覽
Mini Friday之前搞過五周年優惠,去食過一次lunch覺得不錯。今次就同朋友嚟食晚餐。雖然近排話巿道差咗,但我哋坐咗一陣就差唔多客滿。DINNER SET有齊沙律、湯、餐飲,唔駛諗咁多~【田園沙律】沙律菜上面淋咗酸酸嘅沙律汁,仲有番茄同黃椒,再加幾粒甜甜嘅果汁爆珠,清新開胃。【是日餐湯】係蔬菜忌廉湯,雖然冇料但係蔬菜味都幾突出。【主菜】【香煎鸚鵡魚柳配蟶子忌廉燒汁$208】香煎出嚟魚柳仲係嫩滑juicy。蟶子忌廉汁有少少蟶子肉,個汁同魚柳又幾夾。【燒澳洲牛肉眼扒配黑松露燒汁$248】叫咗五成熟,出來肉色粉嫩,肉汁豐富,加上有返咁上下脂肪比例,食落除咗濃濃肉味仲有油香,好邪惡但好正。兩個主菜配菜有黑松露薯蓉、茄子,有特色。咖啡或茶,除咗普通餐飲仲可以用差價(減$28)轉特飲。我就叫咗杯蘋果汁。跟餐加$1就有是日甜品,當日係檸檬撻,唔係我飛佛加上又飽飽哋所以冇叫到,但只係加$1係抵食嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-12
904 瀏覽
放工食晚餐,男朋友選擇了這間受歡迎又客滿的西餐廳。真的好預早訂枱,但這裡都好貼心,有椅子讓客人坐下來等候。入到去,立即放下炸脆香雲吞皮作餐前小食及送上飲用水,服務幾好,服務員友善又勤快,打理得環境好乾淨整潔。環境是全層好寬敞,坐椅是梳化椅為主,好舒適;水晶燈飾及如天空星宿一般的餐廳設計,更擺放著有一個大流星機及電話作設計,好特別!餐牌有2個,一個是單點的、另一個是晚餐套餐,有扒類、意粉、飯類、小食等等選擇,套餐更有優惠有加$1點甜品!點了2個晚餐套餐,包了餐湯餐飲及沙律。餐湯:甘筍蓉湯橙黃色的蓉湯,好靚的又香滑又甘甜雜菜芝麻醬沙律不同款式清新爽脆的沙律菜,更配有紅色粒粒車厘茄及酸甜橘味的彈珠珠,抹好芝麻醬汁好開胃健康!Dry Pasta (香草龍蝦煙鴨胸扁意粉)自選的意粉,客人自己選擇意粉類、醬汁及一種配料,更可加錢點海鮮!點了這個扁意大利麵,半邊爽脆鮮甜的龍蝦及咸香肉質嫩的煙鴨胸,香草味加上片片蒜片好夾,扁意粉是比較硬身及煙韌的口感!BBQ豬肋骨晚餐BBQ豬肋骨的肉質好軟又嫩滑易咬,滋味醬汁甜甜香香好野味,配有香滑黑松露薯蓉,黑松露味好濃郁,加上用以番茄蓉製成的爽口茄子飲品凍藍檸檬梳打好靚的蔚藍色飲品,配有一片檸檬,酸酸的味道,開胃又解渴熱檸水3片新鮮檸檬片 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-31
1189 瀏覽
今日約咗朋友去旺角個頭,所以一早聽人介紹book咗呢間mini friday食晚餐。我地book左8點,但上到去都見到有幾多人下,地方都幾大,而且裝修都好靚,環境昏暗,好有氣氛。一坐底就有個小食上,應該係三角脆片都幾脆幾好食既。我同朋友一人叫左一個套餐,先上餐湯同田園沙律,餐湯係羅宋湯,甜中帶香,沙律就有為沙律加添左一點口感,配菜蕃茄車厘茄各樣都新鮮。主菜先黎燒澳洲牛肉眼扒 配 黑松露燒汁,一開始揀佢有少少原因係因為個醬汁,果然無令我失望,有黑松露既味道為肉眼扒增添美味,而肉眼扒本身既肉味亦都好重,五成熟都好嫩口,配埋個汁覺得好juicy,雖然個邊有d lone,但都好滿意。之後叫左個DIY既意粉,自選汁係溫泉蛋芝士忌廉,配扁意粉同煙鴨胸,另外追加左煙三文魚同帶子。首先蛋白超級滑,個汁好creamy,如果個扁意粉可以硬翻少少就更好,煙三文魚雖然融入左係意粉入面但佢鹹鹹地既味道仍然係度,帶子新鮮,香口軟身。最後有個是日甜品,類似蛋糕既甜品,唔係好食得出啲配料,不過覺得係比較健康既材料,因為個甜品一啲都唔"漏"亦都唔覺得甜,好似有d果仁之類既材料。最後餐飲叫左凍朱古力,感受到濃郁既朱古力味,飲得過。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-28
1034 瀏覽
Mini Friday - Give me Friday!!-聽聞Mini Friday除左係觀塘有分店外,原來旺角都有一間樓上鋪,上到去門口已經見到人龍排隊等入座,心諗哇!係咪咁堅呀!?餐廳佔地真係好大,座位自然夠寬敞,環境都開揚d啦!價錢算幾親民,但驚喜係食物水準唔錯,性價比高!食得過!👇📌芒果黑松露鮮蝦沙律 - $88👉賣相真係夠哂特別呀!以水滴形既冰藝技術將沙律重重包住,外形夠殺食之餘,仲可以將沙律保持新鮮,用料亦都好豐富wor,芒果肉啖啖鮮甜配埋黑松露既大蝦,酸酸甜甜,醒胃又好味!📌鮮蟹濃湯 - $68👉有蝦就一定要有埋蟹,用濃湯配蟹埋肉一齊熬製,份外惹味,口感豐富,每啖都係精華!📌皇牌威靈頓牛柳 - $288👉講到功夫菜,就一定要點威靈頓牛柳啦!係出面餐廳一般價錢都唔平,但呢到可以叫抵玩,首先黎到已經聞到好香牛油酥皮味,切開一半睇到牛扒同酥皮之間夾住一層佈滿黑椒既鮮菇,加強層次感,牛扒質感嫩滑易切,仲有陣好濃郁既肉香!係黎呢間餐廳必點既菜式。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-25
1155 瀏覽
銀城廣場一間唔錯嘅西餐館,升降機一出就會見到呢塊大大嘅招牌Mini Friday🍽成個環境、格調,以至服務都比到人一種好高尚嘅感覺牆上掛滿不同嘅酒品作裝飾每枱均有一籃炸脆脆配千島醬, 比客人喺等候食物來臨嘅時候可以有啲嘢咬下🌌 水牛城雞翼 $78🌌水牛城雞翼以酸甜辣味為主, 聞落非常之攻鼻,但食落非常之惹味😋雞翼非常之大隻, 而旁邊配菜為爆珠沙律菜,可作清一清味蕾🌠 香草牛油田螺酥盒 $88🌠酥合上枱非常之熱, 店員亦都叮囑唔好掂到個邊位蒜蓉田螺係絕配大家都知, 而呢個熱辣辣嘅酥合就充分反映到出嚟, 將蒜蓉田螺擺喺少量薯蓉上面再以酥盒包裹, 營造外酥內軟嘅感覺,非常好食🎆 香烤寶雲酥羊架 配 紅酒汁 $238 🎆羊架一碟有三隻,底部以蔬果承高,樣貌靚仔羊架肉質非常嫩口, 紅酒汁配合香草調味剛剛好, 再結合面頭嘅脆脆增加咬口,可算係一道有趣嘅菜式👍🏻🌌 藍檸檬特飲 $88🌌以餐配飲可減$28, 可以供2人飲用, 藍檸檬特飲味道似波子汽水,再加上少少檸檬酸😋👍🏻總括來說, 呢間西餐館嘅食物都幾正, 晚餐諗唔到食乜嘢都可以嚟呢度享受一下,不過記得book位,因為都幾爆,最重要係食物對得起個價錢👏🏻😋 繼續閱讀
(以上食評乃用戶個人意見 , 並不代表OpenRice之觀點。)