83
0
4
電話號碼
28853320
開飯介紹
Mina House日文帶有「我們」的意思,務求滿足大家所需,為大家帶來無與倫比的餐饗體驗。餐廳除了提供全天用餐服務,奉上琳瑯滿目的甜點及質優味美的鹹點,還可盡情飽覽香港的璀璨景色,讓賓客一邊欣賞悅目的絕佳美景,一邊享受頂級全天候料理。 繼續閱讀
營業時間
今日營業
12:00 - 15:00
18:00 - 22:30
星期一
全日休息
星期二至五
12:00 - 15:00
18:00 - 22:30
星期六至日
11:00 - 22:30
公眾假期
11:00 - 22:30
公眾假期前夕
11:00 - 22:30
付款方式
Visa Master AlipayHK 支付寶 現金
座位數目
70
其他資料
網上訂座
Wi-Fi
酒精飲品
自帶酒水
切餅費
外賣服務
加一服務費
當面支付
有關獎賞計劃
食評 (92)
【Mina House】與精緻奢華扒房【37 Steakhouse & Bar】係鄰居。食完正餐過黎食甜品,兩樣共佔地3,000呎架!真係好大。【Mina House】既日文帶有「我們」既意思,相信係呢個集團想用佢地既誠意務求滿足大家所需,就算是供應甜品放題,都要令客人食到有質素既食物。時尚豪裝環境食甜品都會令身心胃口都非常滿足。 在堂既中間有一個可以容納10位客人的甜品吧台區,中間開放式的長桌,清楚欣賞廚師們的料理過程,卻彷彿可以療癒人心;話時話甜點注重視覺及美感效果,但呢度款款造型搶眼又極富玩味,精湛手藝真係太勁了。入面都係貫切了【37 Steakhouse & Bar】店舖裝潢...都係時尚摩登【Mina House】提供兩種不同的餐飲方式,讓客人自由選擇。.我地揀左Buffet,第二種是:以高性價比的體驗和價錢,品嚐精緻甜品。不過食完鹹食,見Buffet有精緻誘人的甜點放在甜品餐車上,多款華麗甜點...已經覺得好正!💋【Mina House】甜品Buffet  $158/1成人每位HK$158,小童每位 HK$108,甜品放題則由每日上午11時至下午5時半供應。慢慢食,可以坐好耐添!.眼看有「新鮮雜果杯、煎茶芝士杯、巧克力燕麥曲奇🍪、綠茶紫蘇蛋糕、芒果熱情果蛋糕、巧克力蛋糕、伯爵歌劇院蛋糕、香草栗子蛋糕、法式香橙乳酪蛋糕、 香草豆泡芙、馬檸撻等」,隨意挑選心儀的甜品,樣樣都有試吓。餐廳亦會不定期更新甜品款式。等你唔會咁悶次次都係食呢啲。🔹我最喜歡的是綠茶紫蘇蛋糕現場即切的。一抹翠綠的外型甚有夏日氣息,蛋糕富有宇治抹茶的回甘幽香,茶味濃厚,甜度不高。鬆軟的綠茶蛋糕及慕絲中間加入了紫蘇啫喱,點睛之處在於紫蘇jelly,但茶香真係好濃厚好出色。香草栗子蛋糕及巧克力蛋糕排第二🔹香草栗子蛋糕,栗子泥香醇綿密的口感,搭配軟綿綿的蛋糕,雲呢嗱慕絲配上栗子蓉,滿口充滿濃厚栗香,勝在用上了法國的栗子蓉,栗子味更為香濃。對我這個栗子控而言,真是毫無抵抗力啊!🔹巧克力蛋糕你真係估都估唔到,佢既朱古力純度極高,高到回味到今時今日,深醇濃郁的可可韻味略帶苦澀,但我就是喜歡 100 % 的黑朱古力,太幸福了,不禁令我這個朱古力迷忍不住口encore完一件又一件,食到我極有內疚感呢。它是甜又膩但綿密鬆軟,相信朱古力迷吃過都會意猶未盡簡直媲美酒店Buffet Level。🔹第三是煎茶芝士杯,煎茶芝士個名好吸引,因為兩款都是我喜歡的食物及飲品。用了煎茶粉末做的甜點, 是偏軟身的質地,煎茶味清香甘甜,配上芝士,很適合做茶點,食落質地軟滑細緻,芝士味就不太重,所以不會過於膩口。🔹伯爵歌劇院蛋糕奢華貴氣的歌劇院蛋糕,我成日都覺得好難整,跟足傳統做足8至9層之餘過程又煩,所以每次見到都係必食之一既蛋糕款式。用上伯爵茶配搭意外驚喜...以伯爵茶糖漿、海綿蛋糕、忌廉、朱古力製成,食落層次感豐富,又用了鏡面朱古力層層相間好靚,手工非常好呀。食落都好濕潤。唔乾口...🔹芒果熱情果蛋糕熱情果醬做了一個鏡面, 芒果軟蛋糕底,造型鮮艷奪目,食起來芒果與熱情果的配搭酸酸甜甜,都係偏清新。發覺呢度一係主打好清新一係就主打好激進既味道。.還有一個甜品架擺放了許多一口一個的小甜點。造型精緻小巧之餘,也可以盡情淺嚐多個款式。就好像比較特別特...👉🏻柑子撻喜歡果撻的朋友一定要試試柑子撻,因為店員直說好像是由檸檬撻演變而成的,撻皮堅挺而富牛油香,所以改為採用果香較濃的柑子,酸酸的柑子忌廉平衡了蛋白的甜味,食落係清新醒神。加埋外型上都相對吸引,用火槍燒過後好靚,先吃一小口試一試。真係覺得甜品成日都會搞搞新意思。👉🏻玫瑰草莓杯子蛋糕,想信女仔會幾開心。因為有玫瑰優雅清幽花香充滿夏日氣息。入口感到玫瑰味道自然,草莓而非香草精,幼滑既杯子蛋糕少酸多甜。都真係唔錯。👉🏻法式香橙乳酪蛋糕,聽名道覺得樸實美感、天然好食既蛋糕,但果然真係淡雅既橙味幽香,讓乳酪蛋糕變清爽了亦會覺得用上了輕乳酪。放到最後吃也不錯啊!👉🏻香草豆泡芙,泡芙蓬鬆酥脆的外皮,搭配入口即化的香草忌廉內餡,不會過於甜膩。最緊要入口都夠香脆。👉🏻巧克力燕麥曲奇香酥無比的燕麥餅乾絕對會打破你對燕麥片的刻板印象!但咁岩呢度曲奇質地偏向硬身,外層鬆化脆口,內裏則是脆口煙韌的口感,夾雜著粒粒朱古力。吃起來會覺得硬了點呢...🔹香草紅桑子杯綴以酸甜紅桑子,香草慕絲採用新鮮雲呢嗱籽取代香草精,味道自然,入口幼滑。食完好精神 。每款甜品都有列明所用材料如「乳製品、麩質、果仁、花生、甲殼類」,就算對食物有敏感的人士也可因應自己體質食用。So Sweet 既提示。.🔹餐廳自家製的雪葩都好好食,「雲尼拿、朱古力同雜莓味」。點了朱古力同雜莓雪葩,雜莓味道極酸,朋友就好喜歡,因為非常清新!但我都係喜歡朱古力味,感覺試餐廳取決朱古力的味道試會有不同層次的選擇。最後想像不了會提供👉🏻雜果,非常開心呀,因為吃完這麼多甜品,的確會有點膩,所以來個新鮮雜果杯消滯解膩是貼心的鋪排喔。【Mina House】呢個Buffet 所有甜品都加入玩味元素,款款皆展現不同的烹調技巧及面貌,無論是鮮忌廉、雪糕、宇治抹茶、慕絲都展現皆讓有人耳目一新的感覺。另外甜品Buffet外,有一個摩登芝士餅同拿破崙革命都好似好吸引,有機會下次要再來試試喔。身為甜品控的你,沒理由錯過吧!其實餐牌仲有提供滋味鹹點可供選擇...又鹹又甜,發覺食野真係好開心架。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-27
2121 瀏覽
今日同男朋友上山頂拍下拖,搵地方撐枱腳之際見到呢間日本開過嚟嘅餐廳。原來同一間舖裏面有兩間餐廳,知道呢間有甜品放題,所以我喺隔離食完lunch就過嚟呢邊食甜品buffet!店員安排左我坐窗邊位,今日又天氣晴朗,人都開心啲。中間位有間甜品車,車上放咗十幾款甜品,有蛋糕、奶凍、撻等等,全部睇落都好吸引😍煎茶芝士杯係好似Tiramisu,底層蛋糕濕潤,煎茶無澀味,令蛋糕味道更香濃。香草紅桑子杯,面層有金寶,金寶酥脆,下層係兩舊奶凍中間夾著果醬,奶凍幼滑。檸檬撻上層係蛋白,有先用火槍燒過好靚,入口即溶,配埋檸檬吉士醬酸酸甜甜,岩哂夏天食!香草豆腐泡芙,香草味較濃,泡芙皮焗得香脆。伯爵茶歌劇院蛋糕,層次分明,茶味香濃突出,仲食到咖啡味同朱古力味,蛋糕亦好濕潤。法式栗子蛋糕,面層係厚厚既栗子慕絲,中間仲夾著雲尼拿吉士醬,蛋糕鬆軟,材料簡單已好好味。餐廳仲會送上朱古力酥,酥皮鬆脆👍🏻除左甜品,仲有三款蛋糕可揀,雲尼拿、朱古力同雜莓味。我要左雜莓雪葩,味道偏酸,非常清新!甜品拍得住酒店質素。可惜食完午餐已經太飽試唔哂😭 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-26
1426 瀏覽
山頂的Mina house,是女生的天堂,有著各款甜品等著妳, 令人垂涎三尺的各款甜品,今天就解放一下啦!伯爵歌劇院蛋糕, 朱古力鏡面整個都比較甜,餅底比較結實,成個蛋糕做得好好。朱古力蛋糕, 中間有一層好濃嘅朱古力將佢冇乜甜味,我諗起碼用的是七十度以上的朱古力, 表面上白朱古力, 朱古力慕士在中間。 芒果熱情果蛋糕,熱情果醬做了一個鏡面, 芒果軟蛋糕底, 酸酸甜甜,食完好精神 。香草栗子蛋糕, 這款蛋糕我也十分喜歡因為栗子好幼滑, 中間是一層軟忌廉,最後才是可以蛋糕餅底。綠茶芝士酥蛋糕對抹茶的沒有太大興趣,但是我覺得應該都好好食。法式香橙乳酪蛋糕,香草豆腐泡芙 ,玫瑰草莓杯子蛋糕, 柑子撻,這幾款小甜品都放到湯匙上面,插在一條柱上面,除了做了一個特別嘅裝飾,又可以方便客人拎取,可見餐廳的用心。柑子撻上面是一個忌廉, 餅底包住柑子醬,非常酸,正。朱古力燕麥曲奇, 需要有牙力才食到。煎茶芝士杯,雜果,香草紅桑子杯,健康美味。服務員會像天使為你不斷添加,所以食得非常開心。為咗開心食甜品,我這個星期要每日都做運動,不食辦公室零食,忍口, 我承認敗給給你這個惡魔。滿分為10分(1分最低,10分最高)食物:8.5環境:8.5衛生:8.5服務:9價錢: 8.5舒適度:8.5總分:8.5 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-25
1280 瀏覽
放題大家就吃得多了,甜品放題大家又吃過嗎?前天是星期日,那天下午和男朋友在山頂吃了一頓好吃的牛排午餐然後有一個「開心大發現」,就是原來那間牛排餐廳和旁邊這間 Mina House 是同一個集團的。這裏的環境好像比隔壁那間牛扒餐廳更好,能遠眺山景,不過座位就比較密集。甜品放題由早上11時開始至下午5時半,每位$158,以甜品放題來說價錢合理。吃主菜加$98就可享用甜品放題,也算是划算。一小架甜品車就放在餐廳的正中間,開始的時候還繞了餐廳一大圈,還感到奇怪,為何發現不到甜品😅撻的擺設很是精美令人想立即拿來吃了。不同款式的甜品就呈現在眼前。先拿了綠茶紫蘇蛋糕、香草紅桑子杯和煎茶芝士杯,綠茶紫蘇蛋糕的綠茶帶有甘香味,但又不會苦,我覺得不錯的,因為我本身也喜歡吃抹茶類的甜品。然後是香草紅桑子杯,表面像是曲奇碎那些脆脆,小朋友想必會很喜歡這款,紅桑子則偏酸,底下還有雲呢拿和紅桑子果凍,清甜可口。煎茶芝士杯其實就是 tiramisu,上面是滿滿的朱古力粉,下面的芝味濃郁。然後拿了伯爵歌劇院蛋糕和香橙乳酪蛋糕,伯爵歌劇院蛋糕在一些西餐廳也有提供的,一吃便吃到濃厚的朱古力味,很豐富呢亦有適當的咖啡味,不過整體來說偏甜。香橙乳酪蛋糕有淡淡的甜味,蛋糕鬆軟,甜度剛好。最後餐廳還送上一球朱古力雪糕,真好。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-16
1403 瀏覽
☀️話說去左山頂黎個小旅行,行左陣攰攰地餓餓地,諗起頭先食lunch間37 Steakhouse隔離Mina House有得食甜品,就去左歎個甜品buffet,繼續我嘅悠閒肥肥下午~✨Dining環境無得彈,明亮柔和嘅燈光,寬闊嘅用餐環境,窗外綠色景緻,酒店級嘅甜品賣相,令人心情放鬆,味蕾滾動呀!♥️每位先奉上朱古力酥餅,烤熱左令朱古力少少溶化更加好味😋隆重出場嘅甜品區就放置喺餐區中央位置,其中包括有:🔆巧克力燕麥曲奇 🍪 Chocolate Oats Cookies - 絕對推介,軟硬甜度剛好。燕麥同朱古力一濃一淡配合,令曲奇味道層次up~🔆法式香橙🍊乳酪蛋糕 French Orange Yogurt Cake - 好香橙味,配合乳酪味蛋糕,造型香味特別,係一個優雅又酸酸地嘅甜品~🔆香草栗子🌰蛋糕 Vanilla Chestnut Cake - 厚厚嘅栗子蓉,下面係香鬆軟嘅蛋糕,一層蛋糕一層cream,口感奶滑香軟,高水準!🔆伯爵歌劇院蛋糕 🍰 Earl Grey Opera Cake - 如果有人好似我咁鍾意Earl Grey味道,一定都like呢個蛋糕,皆因佢嘅百爵茶味道好突出。蛋糕造型神秘又高雅,茶味香濃奶油香滑蛋糕鬆軟,坊間真係少有。🔆巧克力🍫蛋糕 Chocolate Cake - 朱古力濃而不膩,完全唔會過甜,一層一層嘅蛋糕、朱古力cream都帶比味蕾無窮嘅享受呀!🔆除左以上食左幾轉嘅甜品,仲有其他未能盡錄呀!而且造型味道真係酒店級水準👍🏻。好似有煎茶芝士杯 Sencha Tiramisu Shooter、芒果熱情果蛋糕 Mango Passion Fruit Cake、香草紅桑子杯 Vanilla Raspberry Shooter、玫瑰草莓杯子蛋糕 Rose Strawberry Cup Cake、綠茶紫蘇蛋糕 Greentea Shiso Layer Cake等等,百幾蚊就可以開心又滿足,我真係知慳識儉😜 繼續閱讀
(以上食評乃用戶個人意見 , 並不代表OpenRice之觀點。)