537
23
5
港鐵銅鑼灣站 A 出口, 步行約3分鐘 繼續閱讀
電話號碼
28850060
開飯介紹
裝修風格以泰國街道特色的漫畫塗鴉為主,營造出休閒舒適的氣氛。菜式由泰國師傅團隊製作。在保留傳統味道的同時不失新派擺盤的視覺享受。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
AlipayHK 支付寶 現金
座位數目
82
其他資料
Wi-Fi
酒精飲品
自帶酒水
電話訂座
外賣服務
加一服務費
當面支付
食評 (591)
等級4 2020-07-22
22 瀏覽
約左好友飯聚,一早BOOK定Milu Thai,呢間餐廳想試好耐,好友力推泰菜好味!六點幾去到已經接近全場滿座,獲安排坐四人卡位,寬敞舒適。柚子鮮蝦沙律清甜柚子配彈牙鮮蝦,再淋上又酸又甜醬汁,清新開胃,岩哂炎炎夏日食。泰式串燒可以揀選牛肉、豬肉、雞肉各兩串,肉味濃郁,肉質嫩滑彈牙,帶點焦香, 配以香濃沙嗲醬汁,辛香開胃,味道一流。馬拉盞炒通菜通菜新鮮翠綠口感細嫩,辣度適中,鹹香可口。火山排骨必點招牌菜之一,上枱好震撼,排骨疊到勁高份量勁多,餐廳仲貼心附上手套。排骨肉質嫩滑無筋,秘製醬汁酸酸甜甜好醒胃。泰式蛋包炒金邊粉金黃色蛋網賣相誘人, 金邊粉炒得乾身,鑊氣十足,口感煙韌彈牙,炸蝦外酥內軟。蒜蓉包金黃香脆,熱辣辣好香口。蒜蓉牛油雞翼充滿香濃蒜蓉牛油香,口感酥脆惹味,雞翼嫩滑多汁。椰汁冰椰漿味道香濃,口感爽滑。龍眼冰清甜香醇,入口清爽。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-11
142 瀏覽
最近疫情好似有放緩跡象,所以同男朋友今日都開開心心出去食下飯放鬆吓,發現最近喺Instagram都見到呢間人氣好高嘅泰國菜,我當然都唔錯過黎試吓啦!同男朋友胃口都唔算好大,所以我哋都冇叫到主食,食泰國嘢當然唔少得叫一份生蝦,泰式生蝦嘅賣相相當吸引!因為一上枱以乾冰呈現眼前,好夢幻嘅感覺,而且生蝦食落都幾新鮮喎,食落去肉質實淨而且帶點彈牙口感,認真唔錯㗎!見到每一台都會叫呢火山排骨/火焰燒雞,因為男朋友比較鍾意食骨嘅關係,所以我哋揀咗呢款人氣菜式可能因為我隻手比較大嘅關係,令大家睇唔到佢有幾大份,所以我唯有那起手登登登登!見唔見到排骨有幾咁大條呢!除咗有兩條帶排骨之外,仲有三舊細排骨,原來呢款泰式口味係用上佢哋嘅生蝦醬汁,再加上蒜頭製成,食落去個醬汁好濃烈嘅泰式味道,而且帶點辣,食落去好惹味,真係越食越過癮不過因為兩個人真係食得唔多,呢個排骨都食唔晒,要攞走先至得,所以可以叫多幾個朋友一齊嚟食就最好啦雞牛豬串燒,每款肉質都唔會燒得太過乾身,特別係豬肉都可以燒到啱啱好,控制火候方面做得唔錯,牛肉醃製唔會太過重味/太過林身,食落帶點咬口,不過個人略嫌沙嗲醬汁做得唔夠重味,如果可以做得再濃味啲就更加好啦另外叫咗飛天炒椰菜苗,飛天原來係泰式豆瓣醬味道,少有叫咗呢一款試,不過比較之下比較鍾意食馬拉盞炒椰菜苗多啲嘢食方面都好大份,特別係火山排骨,要食呢一個真係起碼要三至四個人嚟食!嘢食方面真係唔錯,難過平日夜晚黑都要等位👍🏻 繼續閱讀
(以上食評乃用戶個人意見 , 並不代表OpenRice之觀點。)
今日去左同事介紹我依間係銅鑼灣既泰國餐廳,好彩一早book定位,一上到去已經全場滿座,而且食物選擇好多,份量好大份🤤生蝦刺身($98)生蝦用乾冰上所以視覺效果好靚,岩哂打卡影相😍生蝦質感紥實爽甜,配上生蒜同辣椒食更加可以帶出生蝦既鮮味,再蘸上秘製既酸辣汁好開胃炭燒豬頸肉($88)肉質軟嫩惹味,豬頸肉邊燒得好香脆,食落去吾會覺得好韌青咖喱軟殼蟹配蒜蓉包($158)咖喱用熱鍋上所以keep住溫度都係熱烘烘,本身諗住叫薄餅,但驚喜既係蒜蓉包烤得金黃香脆,蒜蓉味香濃,配咖喱食好完美啊🥰🥰個人覺得味道吾算太辣,而軟殼蟹份量都頗多好足料火山排骨($178)見個個黎到都叫所以都要試下😝份量真係超多我諗夠3-4個人share食,餐廳好貼心咁準備左手套俾我地方便撕開黎食,肉質非常軟腍,配上秘製既酸辣汁,但味道都係偏辣,而軟骨部份更加吸收左醬汁既精華好入味🤤鹽燒鰂魚($138)鰂魚魚肉軟滑鮮甜,調味適中,味道吾會好鹹,反而好香口而且鮮味好出,雖然已經好飽但都忍吾住食哂成條 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-28
121 瀏覽
呢日趁奶綠男返學前去佢學校附近 銅鑼灣既呢間食泰國菜既餐廳嘆個lunch 由於我哋早起身又無食早餐 中午非常有胃口 加上佢哋嘅野食又幾好食 所以不停追加咗野食 全部都食得出係誠意之作😋我哋首先叫咗個青芒果香鬆沙律 一份生蝦刺身 同兩杯特飲 個青芒果香鬆沙律🥗幾特別 嚟到嗰陣見到有一大塊炸物起碟上面 店員同我哋介紹 嗰一大塊炸物其實係炸肉鬆嚟🤯店員仲好貼心咁話個建議食法俾我哋聽 提議我哋可以食個陣逐啲加入另上既酸甜汁 可以食到甜甜酸酸既沙律之除仲保持到炸肉鬆既香脆口感 真係唔錯 食落去幾特別😆另外我哋叫既生蝦刺身 一上枱好有仙氣 生蝦刺身起乾冰擴散下顯得格外吸引眼球 條蝦尾好輕鬆就離殼 可見生蝦刺身好夠新鮮 點埋好清香酸甜既汁 好香口爽甜😛兩杯特飲都幾好飲 佢叫咗泰式奶茶 話幾好飲 飲飲下仲叫多杯嚟飲 我就叫咗杯乳酸梳打 酸甜醒胃 乳酸味啱啱好 飲落夠凍夠爽🤪於是我哋追加咗個半打泰式串燒 雞牛豬各2 當中表現最出色係牛個串 食落最惹味 打破咗平時串燒大多數以雞串燒燒得最好既現象 而豬就幾彈牙 雞個串都okay 三款串燒沾一沾香甜既串燒汁 好香花生沙嗲味 幾正🤤奶綠男仲話不如嚟多條魚 就決定叫多條青檸明爐烏頭 烏頭同粉絲吸收咗湯汁既青檸同魚湯精華 都幾入味 唔錯👀最後我哋叫埋做芒果糯米飯share 芒果幾香甜 糯米飯質地幾軟熟 加上椰汁有鹹香同甜甜地 幾好食 之後絕對會再嚟過😌👍🏻Milu Thai มิลู่ไทย 銅鑼灣耀華街3號百樂中心2樓 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-21
799 瀏覽
期待已久既泰菜🇹🇭😋,食物款色多、質素高、份量大、價錢又合理😆👍🏼。.⛰️火山排骨🌶️🌶️💲178可以用"宏偉"去形容呢個餸,造型真係成座山咁⛰️😆超巨大,醬汁係青辣椒、芫茜、蒜頭、蔥,味道好有層次感好惹味,仲酸酸辣辣好開胃添😋。豬肋骨煮到好腍好入味,肉同骨都煮到好易分離好易拆肉😍,不過食完之後個嘴麻左成個鐘👄。.🥘咖哩三重奏配蒜蓉包粒💲198鐵鍋中間分左3part,分別係黃咖哩、紅咖哩同埋青咖哩,裏面嘅海鮮同埋配料多到滿瀉咁滯🤩,仲有個小火爐係下面保温:🔸黃咖哩又香又甜😋,裡面有 帶子、脆炸魚柳、薯仔、洋蔥、青椒,我最喜歡食呢個,附送既蒜蓉包粒點哂呢個黃咖哩食💛。🔸紅咖哩椰香味濃郁😍,有 蝦、魷魚、青口、四季豆、波蘿。🔸青咖哩好香辣,咸味重左少少,裡面有 炸軟殼蟹、四季豆。.🥗柚子鮮蝦沙律🌶️💲88柚子多汁又清甜,4隻鮮蝦剝左殼,咬落去爽口彈牙👍🏼,配埋酸辣調味料好開胃消滯。.🍢泰式串燒(半打)💲88🔸豬、牛、雞燒得火喉剛好,色擇好靚,豬肉嫩滑可口,但雞肉有少少鞋😝。.🥬椰菜苗(蒜蓉)💲88椰菜苗都幾嫩口,啖啖蒜香😋。.🥭芒果糯米飯💲78芒果開邊切好上碟,味道好甜唔酸(唔知係咪當做呢🤔),糯米飯辣騰騰,咬落好煙韌,口感一流👍🏼,配埋甜甜既椰漿食好正😋。————————————————價錢:💲791味道:😋😋😋😋😋環境:✨✨✨✨服務:💁🏻‍♂️💁🏻‍♂️💁🏻‍♂️💁🏻‍♂️賣相:📸📸📸📸📸等待:0 mins (7pm)回頭率:80%📌 外賣盒$1 繼續閱讀
(以上食評乃用戶個人意見 , 並不代表OpenRice之觀點。)