47
5
5
營業時間
今日營業
12:00 - 20:00
星期一至日
12:00 - 20:00
付款方式
Visa Master 現金
其他資料
Wi-Fi
酒精飲品
自帶酒水
電話訂座 詳細介紹
加一服務費
食評 (70)
以住對酥皮類甜品完全不感興趣 (海鮮湯上那層酥皮除外),直至在日本街頭吃過新鮮焗製,剛剛出爐的酥皮蘋果批後,漸漸對酥皮類甜品有所改觀。原來酥皮甜品也可以做到如此皮薄香脆而又不覺油膩。得知銅纙灣有間蘋果批專門店剛剛開業,品牌來自日本,這是首間海外分店,今日在銅纙灣食完午飯,順道去朝聖一下先。舖外舖內都會見到 ~「世界一の絕品蘋果批 World’s No. 1 Apple Pie 」的標語,舖面所採用的鮮紅色招牌以及佈置,令人聯想起一個個豐腴飽富的日本富士蘋果。這裏可供選擇的食物種類不多,有主角蘋果批、千層一口酥、富士蘋果梳打、接骨木花梳打。有選擇困難症的朋友絶對不用擔心,帶多一位朋友同行,叫齊4款食品開心share ,一次過食均全部4款應該絶無難度。疫情關係,街上人流已不多,加上仍是午飯時間,不用排隊,直接走到櫃位落單便可。見舖內還有坐位, 一於買4個蘋果批 ( 4件裝更優惠 ),3個帶走, 一個即場趁熱食先。招牌蘋果批烤至外層呈金黃色,香氣撲鼻,酥皮層次分明、口感鬆化。咬一口,澎湃的豆乳吉士忌廉徐徐湧出,不太甜,很棉滑。食到批的中心位便會咬到幾顆以慢煮厚切的蜜餞富士蘋果粒作餡料,吃起來爽脆,亦增加咬口,味道清甜中帶微酸,整體感覺甜而不膩。四個裝蘋果批包裝大方得體,用來送禮也不錯。至於餘下的3個批,便存放於家中雪櫃,翌日按店員提供的加熱解說再翻熱,味道還不錯,當然即場堂食口感最佳。 繼續閱讀
(以上食評乃用戶個人意見 , 並不代表OpenRice之觀點。)
聽到世界第一嘅蘋果批嚟到香港,當然要試吓啦! 來至日本橫濱現焗蘋果批專門店,成間舖頭都係蘋果紅色~ 到去已經聞到濃濃嘅蘋果批味~ 以厚切富士蘋果粒做餡料,仲有獨家製作嘅吉士醬,單靠蘋果批就買到海外! 而且仲有返到屋企保溫嘅方法,貫徹日本人細心同專業嘅服務態度!打卡friendly(*゚∀゚*) : 📸📸/5 (唔知點解今次啲相認得唔係幾清楚。。嗚)Price💰世界一蘋果批 —— $36個人認為蘋果批比較偏細~~味道非常特別,配合自家製吉士醬同厚賜蘋果粒的確可以滿足到食蘋果批嘅慾望, 不過我自己比較鍾意加咗玉桂粉嘅蘋果批... 對我來講食一次就夠了千層一口酥 —— $38非常邪惡嘅甜品! 出面佈滿糖漿嘅酥皮粒,都幾好食嘅,但係始終唔會特登去食~推薦值💡:⚜️⚜️+0.5 /5都幾有日本特色嘅甜品,但係我自己比較鍾意傳統嘅蘋果批,總括然而唔太推薦,而且位置都有啲難搵 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-13
231 瀏覽
日本食嗰間排哂隊嘅,唔記得咩名,見呢間又tokyo聞到陣味又勾起回憶,整番個啦!但係……淋嘅個皮……冇下次……衰啲講句,講真而家唔再食嘅牡丹樓,嗰啲係唔算咩酥皮蘋果批架喇,但十元八塊起碼係脆囉 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-24
346 瀏覽
#蘋果枇 #銅鑼灣五月左右就去咗試傳說中嘅世界第一蘋果枇💁🏻‍♀️不過超級失望,所以一直都冇咩意欲去po佢🙃有機會係因為每個人口味唔同嘅問題,大家自己考慮食定唔食啦😚▪️蘋果枇▪️$36蘋果枇已經凍咗,外皮唔酥脆,少少稔咗,勝在內餡蘋果粒同吉士忌廉嘅味道配合都ok,味道比一般蘋果枇冇咁酸。總體由內到外都凍咗係幾失望。舔脷指數:5/10😅Mille Mele Tokyo📍銅鑼灣霎東街33號地下4B號舖 繼續閱讀
(以上食評乃用戶個人意見 , 並不代表OpenRice之觀點。)
來自東京嘅人氣蘋果批Mille Mele Tokyo早前登陸銅鑼灣,主打即焗蘋果批,喺日本橫濱同鐮倉有3間分店。「招牌蘋果批」($36/個;$138/4個)以手工製酥皮聞名,加入慢煮厚切富士蘋果粒作餡,配上日本直送吉士忌廉同豆乳忌廉,經兩次烤焗,食落充滿乳製品嘅幼滑口感同香氣。不過小妹覺得佢唔係最好食嘅蘋果批,皆因蘋果肉唔夠多,蘋果肉質素偶有參差,好睇運氣食唔食到香甜蘋果。而酥皮就香氣十足,可惜層次略嫌不足,批身較薄,但整體都算合格嘅。小妹反而覺得佢嘅「千層牛油脆粒」($38/杯)嘅層次非常足夠,粒粒都炸到酥香脆口。「蘋果梳打」($28),梳打水伴新鮮富士蘋果肉糖漬而成嘅蘋果醬,飲落冰涼而唔太甜,都幾出色。 繼續閱讀
(以上食評乃用戶個人意見 , 並不代表OpenRice之觀點。)