影片
以上資料只供參考, 請與餐廳確認詳情
2025年7月10日 星期四今日咁啱去開尖沙咀，竟然喺加拿芬廣場地下見到有間甜品店新開張雖然天氣落住雨，但係都冇阻客人排隊，人龍仲要好長添，身為甜品控嘅我當然要湊下熱鬧見到舖頭擺滿咗好多新式嘅甜品，放晒喺玻璃櫃，等客人可以清晰見到，而且餡料仲係即叫即唧，確保新鮮餐廳主要係售賣泡芙同拿破崙蛋糕，但係泡芙嘅款式好特別，係拿破崙泡芙，我從來都未見過，而且仲有幾個唔同口味，於是即場買咗三個返去同屋企人分享返到屋企打開嘅時候，食物仍然喺舖頭見到嘅一樣冇變，賣相一流，啱晒嚟打卡，呢一個係原味，一咬落去酥皮好脆，真係食得到一層層酥皮，而且裏面嘅吉士醬仲即刻爆晒出嚟，落足料，個人覺得甜度啱啱好，同酥皮好夾至於另一款就係朱古力口味，泡芙上面灑滿咗朱古力碎同花生碎，咬落去啖啖濃郁嘅朱古力味，喜好朱古力嘅人士就啱晒，而且冇咗朱古力嘅苦澀味，加上又唔算太甜，食完都唔覺得好口渴最後有開心果口味，係近期嘅大熱口味，一咬落去已經有超多嘅開心果醬，十分濃郁，開心果味好香，食到停唔到口，質素唔錯
繼續閱讀
之前果排係社交平台 爆紅既呢間Milkfill 拿破崙泡芙，夠曬特別，結合拿破崙酥皮加泡芙內餡，見到宜家唔係排隊，即刻黎試下。另外想講呢度店員都好好，會熱心咁介紹有咩款，同埋有咩款係推薦既。1⃣️開心果拿破崙泡芙（$46）正正方方，酥皮面係見到層焦糖脆皮，層層酥脆帶牛油香，中間既開心醬好多，幼滑creamy，仲要食到最尾都有開心果醬，面頭仲加左堆開心果碎，開心果控要試！2️⃣開心果拿破崙蛋糕（$55）個蛋糕都好正！拿破崙蛋糕係直立式設計，同平時既唔同，食起上黎更加方便，可以一片片分開食～酥皮每一層都非常酥脆，配合開心果味既忌廉，顏值同味道都好好。3️⃣朱古力堅果泡芙（$32）堅果泡芙面頭好脆身，完全冇比入面既餡浸淋！咬落有爆餡既朱古力醬，朱古力味好濃！
繼續閱讀
終於有時間去近期爆紅的泡芙專門店小店主打全港首創拿破崙泡芙大家都快啲去試吓😎✨ 開心果拿破崙泡芙開心果控必食🥰開心果味道濃郁，咬落去嘅時候會爆餡，有流心感覺✨原味杏仁泡芙泡芙面鋪了一層既焦糖，脆卜卜的😍皮薄且鬆脆，內餡綿密✨士多啤梨拿破崙棒好特別的拿破崙棒，內外都鋪滿了Custard，加了幾片士多啤梨🍓吃落去好滿足😌
繼續閱讀
行過尖沙咀會發現最近新開的甜品店Milkfill，有拿破崙泡芙、泡芙、拿破崙捧等，主要口味有原味、朱古力、開心果。賣相吸引，即時每樣買一款試試。選擇好口味後，店員才會為拿破崙泡芙、泡芙擠入忌廉，拿破崙泡芙捧更是即製，確保最新鮮。開心果拿破崙泡芙焦糖脆面配開心果賣相很美，質感是鬆化無比，之後感受到滿滿的幼滑開心果忌廉，又有開心果碎的多重口感，味道一流。朱古力堅果泡芙質感是脆身，內裡是澎湃濃郁的朱古力忌廉，喜歡朱古力的朋友大讚一流。香印青提拿破崙棒脆口的拿破崙棒包著雲呢拿籽的吉士忌廉，表面是提子忌廉，帶點甜酸果香幾開胃。
繼續閱讀
香港時不時都有小店推出吸引甜點，今日經過尖沙咀，見到這間人龍不算太長，而且鋪面陣陣香濃烤餅味，我即刻沖去買😆 買左3個不同口味，每種都有不同口感🥰「榛子拿破崙蛋糕」榛子cream在拿破崙夾住，層次分明，底部更有朱古力，重點榛子cream唔太甜呀👍🏻「菠蘿拿破崙泡芙」 這款是新推出產品，當然要揀它，新鮮菠蘿外層燒至焦糖口感，這款拿破崙像個盒子一樣，質地好鬆脆👍🏻「開心果堅果泡芙」外層有即時烤蕉，泡芙外層口感有曲奇味道，內裏滿滿的開心果吉士，註：會食到流哂😆😆正呀
繼續閱讀