MGB by Manhattan Grill & Bar (已結業)

星期六嚟左呢間裝修得好靚好舒服既西餐廳食brunch!餐廳仲有室外既位置，天氣好坐室外就更chill! 野食系半自助形式，㨂左main course, 前菜甜品就出面任拎。前菜款式唔少，除左湯之外，仲有煙三文魚。Parma ham配哈蜜瓜。拎左幾款嚟試，質素都Ok, 但當然唔會非常好。黑松露雜菌意大利飯煮得啱啱好，有咬口，唔會太淋，黑松露同菌味好濃，入口creamy，唔錯。Burger包好脆，但烘得過脆就有點乾，牛肉patty有肉味，略鬆散，整體一般甜品選擇唔少，焦糖燉蛋蛋味香濃又夠滑。奶凍都好食，牛奶味濃。brownie略乾，果撻夠脆唔錯。食到飽飽，心情都特別好！

平時成日同男朋友係觀塘搵食，貪地點方便，食完仲可以去海濱散散步，吹吹風。今個白色情人節就決定黎manhattan grill and bar 慶祝💓地點好易搵，係apm隔離既亞太中心。餐廳有室內同室外位置，我地揀左室內。環境好有情調，每張枱都有燭光，認真d睇先發覺原來係發光蠟燭，唔係真既蠟燭，幾環保👍parma ham melon ($98)巴馬火腿咸味適中，配上鮮甜的新鮮哈蜜瓜。每次食呢樣都好堅持一定要用火腿包住件蜜瓜黎食😂crab and seafood cake ($96)蟹餅質地比較軟身同lum, 好容易可以用叉切開佢兩半，面頭煎到微脆。配酸辣醬幾惹味german sausage platter ($228)德國腸拼盤整體黎講不過不失。最令我驚喜既反而係配菜，薯蓉好重牛油味好香，翠玉瓜亦有牛油香同多汁。seafood jambalaya ($168)超級推介😍😍👍👍新奧爾良海鮮飯，同意大利飯差唔多，比較濕不過飯唔會太硬。有好多魷魚粒，蝦，青椒同紅椒等，蝦幾爽口，配上濕濕地既飯口感豐富。strawberry kiss ($48)唔會似藥水味🍓甜度適中，杯邊有糖粒作decorati

新年後，工作冇咁忙，終於有時間可以約下朋友食飯，今次就去到觀塘食西餐。呢次去到亞太中心嘆西餐，一入到餐廳，經理熱情同禮貌招待，仲推介是日精選。首先，我哋叫咗一個曼克頓小食拼盤，有水牛城雞翼、雞肉捲、芝士條同薯仔皮。水牛城雞翼好夠味，酸酸甜甜好開胃，又滑；另外個薯仔皮都好惹味，有芝士同煙肉粒；芝士條同雞肉捲都可以。到主食，我哋叫咗一個煙肉帶子菠菜意大利飯，大大粒帶子煎到好香，意大利飯啱啱好，唔會太硬，加埋煙肉夠哂味，唔錯嘅。跟著我哋兩個食肉獸就叫咗一份八安士嘅澳洲草飼西冷，牛排好稔，燶燶地先好食，配埋特製醬汁，好正呀！食哂全部正餐之後，就到大家最期待嘅甜品，我哋分別叫咗特濃朱古力心太軟同雪糕新地，個朱古力心太軟好正，入面流心效果啱啱好，唔錯。雪糕新地口感非常豐富！估唔到觀塘工業區都有好野食，大家快d去啦！

於3月9號晚7時左右到達餐廳，3月7號預訂了位，被安排一張靠近open kitchen 的5人枱，大摡坐了10分鐘，實在忍受不了油煙味，於是唯有坐在室外，職員也樂意安排。用餐期間上菜時有一點混亂，好明顯有一部份是新員工，期間有一名男黑色衫員工對住其他女waitress 大叫 “呢張101, 102,103!” 非常忟熷😠完餐後用信用卡埋單，5個人net total $1327, 由於室外燈光非常暗，也沒有很仔細check 單，回家後發現多收兩杯飲料品共$136， 於是星期六早上11點9左右打電話想問一下，接電話的男仕聽完件事之後，請我親自攞張單返去，由於自己住得比較遠，可以有其他方法？！ 答案係妳下次幫襯俾discount 或者free drink 。 由於自己亦冇check 淸楚單就俾錢，亦唔期望對方毫無疑問相信我，但作為負責人，於當時幾分鐘對話，唔好話’對唔住’ ‘ 唔好意思’ 都冇一句，亦冇問過overcharge 咗幾多錢，overcharge 咗乜，你哋幾點到，小姐點稱呼！完全冇意思跟進，單已經send 咗去office, check 唔到，我晚上10點10分埋單，12個鐘後

Manhattan grill 有一日同朋友去到觀塘食飯，本來想食放題，但係大排長龍，唯有到樓下食西餐。當時係12點，去到餐廳門口，店員同我地講一點鐘要還枱，雖然我覺得真係好似食緊快餐咁，但係冇辦法啦，唯有接受佢嘅安排，入到去餐廳都唔算多人，但係安排左我哋坐係一個露天位置嘅門口旁邊。隨後，餐廳嘅人漸多，好多嘅顧客都比安排坐出露台會知，每一次侍應經過呢一道門，一陣強風騷擾我嘅耳朵，成餐飯都食得好唔舒服，先不停係身邊行嚟行去，感覺比快餐店還要差。講返食物個湯超普通，牛尾飯，但係唔太入味，個餐包係凍嘅。最後個甜品都非常普通，個蛋糕好硬，下一次唔會黎。

位於觀塘亞太中心三樓，是一間蠻受歡迎的酒吧餐廳，舖面近門口的部份是bar corner，走進前廳內裡亦有不少顧客在吃優雅的西餐晚餐。iHouse Wine - Casteltorre Iatly ($56/Glass): 味道較light，清爽甜美，也適合女士小酌一杯。威靈頓牛柳拼薯條 ($308): 是一款傳統的英國菜式，牛柳先煎香，然後塗上鵝肝醬/ 黑松露蘑菇再包上酥皮焗製，步驟較煩複，不是每家餐廳也願意花時間弄。建議約五成熟，以保持牛柳肉汁及嫩度。切開酥皮便看見半熟牛柳，肉味適中。酥皮鬆化富牛油香，中層散發芳香的黑松露香氣。白汁蟹肉扁意粉 ($138): 從餐牌上signature款式擇一，醬汁以白汁及大量蟹肉煮製而成，濃度剛好而不感過於油膩，醬汁夠creamy，能牢鎖緊在扁意粉。 特濃朱古力心太軟 ($72): 呈流心狀態，外面脆，內裡鬆軟，朱古力流心味濃，甚為吸引。另配雲呢拿雪糕。

上班一族朝九晚九是常識吧！難得今晚大家都咁夜，又happy Friday!無理由一個人返屋企食杯麵！😢 決定放工約齊姊妹，一齊食個late dinner!由於玩即興，無心水食咩？🤔知道呢座大廈多野食，決定上黎搵搵。😎朋友之前話食過呢間唔錯，見佢又唔太早收。一於試下。佢有個1664 snack set,2杯1664加Buffalo chicken wing 都係$100鬆d.反正唔貴，就一於試下。雞翼講真有d失望😞，太乾。而且果汁味道差左d.之後個Parma ham反而可以，不太醎。反而果芒果，牛油果，大蝦🍤沙律吸引到我！個sauce 同個沙律好夾，好清新。因為太夜晚關係都唔想叫太多野，都係叫左半條rib! 個醬一如預期，沒有太大驚喜。反而份量就嚇親我地。半份都咁多，叫一份就真係不得了！🤦🏻‍♀️最後以甜品作結，反而令我對呢度減左少少分。Apple Crumble份量少得可怕，給人太小家既感覺。不過味道是可以的。但係Cream Brûlée 就差左d，唔夠滑。有食燉蛋既感覺。😫但是觀塘上班一族，放工夜左想搵個近近地既地方。食下飯、吹下水；呢度還是一個不錯既選擇。👍🏻

事先book枱已知只做兩輪，冇散叫淨係做情人節set，落訂500。Book咗尾輪830，去到都要等一陣，眼見入面都仲大把人食緊，心諗咁做乜要咁傻唔book頭輪反正都係任你慢慢食？入座後過咗大半個鍾先上湯，本來係龍蝦湯，好彩算早入座仲有，聽見隔離枱遲少少入已經冇，重點係個客自己發現問個侍應先話冇哂龍蝦湯轉磨菇湯。淨係做情人節set加要預先book枱落訂都可以唔夠嗰下好嘢，唔知佢點預食物，仲要側側膊個客唔問就唔自首。之後等主菜又等一個鍾，就算認真食fine dining都唔會等咁耐。煎魚柳整得ok，但塊心形牛扒加150(係呀原本個餐988兩位，仲要另加150先可以食牛扒做ain)，叫medium rare，我都預咗會整到medium咁款，但我估唔到佢會上塊medium well to well done嘅扒上黎囉，又乾又韌完全冇汁。上塊扒由入座起都已經等左兩粒鍾，叫佢再整都費事。期間有好幾枱都等唔切飲完湯就走，好幾個仲話俾左500訂，飲兩碗湯當蝕俾間餐廳。另一樣離譜嘅係埋單佢夠膽死唔扣番落訂嗰500。訂枱有落名有過數收據，入座佢有mark名mark位都可以錯？好彩隔離枱埋單先，佢地有呢個問

踏入新一年，當然要同最愛既人👵🏼食好西。之前同媽經過依間餐廳，我地覺得依間西餐廳幾有格調，一直都想黎試下。反正阿爸約左死黨拜年打牌🤑，咁一於俾媽媽休息一天，book 好位，同👵🏼黎嘆西餐撐台腳 。（不過唔好俾阿爸知🤫，如果唔係佢又會呷醋）-餐廳侍應好親切，個個都好有禮貌安排左座位之後，奉上menu 及餐包（一咸一甜）餐包微暖，芝麻包軟熟-🌟鮮蝦🦐、芒果、牛油果🥑沙律🥗沙律都有好幾款選擇不過依款沙律既配料係我地既至愛，即拍板叫黎食🙋🏻‍♀️依道沙律酸甜可口，係一個開胃既前菜。沙律菜新鮮爽脆，芒果清甜、牛油果既潤滑且香、鮮蝦彈牙👍🏼 除左賣相唔錯，配料份量仲要頗多！口感很有層次，亦有種很清新既感覺-🌟香煎意大利海鱸魚柳🐟魚肉白嫩，沒有魚腥味道和肉質跟銀鱈魚相似 煎得皮香口，但保留魚肉潤滑感唔會煎得過火偏乾配菜仲有最愛既滑溜薯蓉👍🏼-🌟西班牙伊比利黑豚扒🐖嘩！好厚切呢🤤肉質鬆化， 而且肉味濃黑豚扒既脂肪分佈紋理細緻、油潤甘香肉嫩多汁十次有八次去高級餐廳，都會點既一款main course 仲有香脆可口既薯條👍🏼-每次食西餐，點都要食埋甜品先夠圓滿同滿足🌟特濃朱古力心太軟🍫好鍾意半熟流心軟綿綿既

由於港島沒有一田，我們有時都會到觀塘找食～Apm沒有太多選擇，便在網上找找有沒有合適的餐廳而且離情人節有點近，所以男人提議不如吃西餐！因我們其實沒有打算正日外出晚飯找了這家在門外已覺得有點情調店內不算很大，但比較有氣氛！不過是Open kitchen 油煙比較重 （介意的人可以坐外面）Outdoor 也很有格調，也適合吸煙人士！Order 之後，店員便為我們上麵包！Nachos $78Nachos很脆，大大份！雖然好快凍左，但配有三款醬汁給我們作出不同嘗試，十分滋味好吃蟹肉釀白菌 ＄64蟹肉釀入菇內很Creamy！上台後還是很熱，配了沙律菜，感覺好fresh，而且蟹肉很juicy不過味道有少少淡，有待改善香蒜欖油帶子扁意粉 ＄158意粉非常夠火喉，上碟還是很熱！雖然油比較多，但還可以接受！大大粒帶子是有灸過的，這個簡單得來，但又鮮味很出美國Star Range 純黑安格斯肉眼 12oz. $298牛我們選了五成熟，這個也很夠火喉及juicy！可惜汁較濃味，我們沒有覺得可以不用沾還更加好吃！我們還配了芥辣一同食用！這道菜還配了幼薯條作配菜，非常豐富！焗蘋果酥餅 ＄68選了兩款熱辣辣西式甜

尋晚食情人節set，bk枱時已知8點還枱，我地7:10到，都預左食得急，無所謂。上前菜，麵包，都無問題。到個湯，等左15分鐘先有。湯之後既main course，足足等左45分鐘。枱枱都係咁，隔離枱等到發脾氣。結果8:30先上主菜，我地啦啦臨食埋甜品即刻埋單，9:00離開餐廳時見到有20人係餐廳門口等緊入座，原本2輪係8:30，但9點都未有枱，我諗佢地食完都應該11點。食物質素好麻麻，無野可以評論了。

情人節多人都預左，book8點半去到係門口再排隊，到9點1，2先入得算，我9點1，2坐低10點1，2先黎個湯，情人節Manu 個湯係蟹肉湯，黎到個湯係磨菇湯，我唔係貪你個蟹肉湯，其實你黎個罐頭我都要硬食架啦，但係你冇呢個湯你係唔係應該同個客講聲呢，我9點1，2入座，最後個主菜黎到已經係差唔多11點，跟住埋單問個經理，我地book8點半等到9點1，2先入位，佢話d枱返唔到，問佢manu個蟹肉湯點解轉左磨菇湯，佢話個湯賣哂，咁我就好奇喇，我問佢你地今日係唔係做埋walk in，佢話唔係咁即係全部都係book左枱架啦，幾多人book左枱你知架嘛，book枱幾多位你有記低架嘛，唔夠料個湯賣哂，你情人節淨係得個個餐食，你都可以賣哂都算啦，你賣哂都可以同個客講呀嘛，講唔通囉大哥，情人節我預左跌錢，但係跌都跌得合理，跌都跌得鋸少少丫，book枱要落訂，黎到仲要再等多半個鐘，真心食物ok既，個甜品我覺得要讚有誠意好食嘅，但係係出菜出得咁慢點攪呀師父，仲要最後廚房入d人，仲大大聲講，唉，得返咁少人掂啦，食返碗擔擔麵都得啦，大佬呀你有冇道德架，係你都唔好大大聲講丫，成個場都係客，專業少少丫，

一次同最後一次來LE度食!!情人節來到預左會比平時差但估唔到咁差! 入座後一陣上左湯同前菜.前菜叫蜜桃拼鵝肝上左無蜜桃本來唔覺..但後尾見到人地原來有..人地有包我又無... 食左LE兩碟野之後等左成粒鐘都無主菜食.. 不過隔離枱仲慘..湯都未有得飲..仲聽到話龍蝦湯無哂而家先到煮磨菇湯..頂..龍蝦湯同磨菇湯根本唔同價錢...完全揾笨!!.眼見佢廚房樓面極度混亂.. 其實個餐牌得兩個選擇..我唔明點解攪到咁....崔左幾次終於上左... 一食落去就覺得唔對路... 明明叫做牛仔柳..牛無牛色, 又無肉味... 失敗... 根本唔知食梗咩肉... 我真係以為上錯豬排就去問... 之後果D甜品同茶都依然要崔... 咁既質素佢夠膽死收我成千蚊!!! 我唔鬧你我鬧邊個!! 重點係到我賣單走果陣..隔離枱仲未有湯飲呀陰公.....我真係俾佢零分!好差.. 我無寫開食評都要專登寫一寫!!!

8點幾坐低，等咗成粒鐘先有主菜，隔離枱仲慘，10點鐘都未飲到個湯...牛仔柳d色成舊bbq豬扒噤，我都食唔出係咩肉，龍蝦湯埋哂自己轉蘑菇湯又無同人講，垃圾！！！

有一段時間冇來觀塘呢邊食飯，今日收工就專登過來揀左呢間西餐廳dinner，位置都幾近apm，平時少來呢邊食飯，見評語唔錯，加上訂位有折。對住門口係吧枱位置，裡面好似L型設計，座位不少，梳化椅坐得幾舒適。平日都有唔少人，但又唔會話好嘈，靜靜地食個飯傾下計都可以。裝潢感覺上都幾有格調，燈光唔會太昏暗，我幾鐘意。餐牌有set dinner，但我地就揀左散叫。有沙律、小食、扒類、海鮮、pizza、甜品等。價位都係一般西餐廳，人均二百零三百咁。餐包：點單後店員就送上餐包，幾好食，有件麥芬同餐包，溫度微暖，少食到呢個質素。餐包有大陣香草味，迷迭香，包質鬆軟。麥芬外面焗得好脆，蕉味出眾，唔會好甜，而且食落唔乾，加上暖暖地，我地兩個都覺得正lemon squash 28：蟹肉釀白菌 64：一份四粒，菇菌中釀有蟹肉，加忌廉芝士焗。菇身脆脆地，蟹肉份量唔多，菇汁保留。美國純黑安格斯肉眼 298/12安士：肉眼扒有一個碟咁大，伴有蔬菜、燒汁，同埋炸薯條。燒得好靚嘅網紋，扒好大塊，唔會太厚身，我地點左7成熟，時間啱啱好，仲有肉汁必出來。肉眼嘅牛味唔算好重，但肉質嫩脆，又夠香口，而且冇筋。佢仲有少少脂肪，相當出