影片
以上資料只供參考, 請與餐廳確認詳情
今日放假去新蒲崗行下，經過一間隱世小店，即叫即做嘅吉士車輪餅熱辣辣出爐，外皮脆口，一咬開濃滑吉士餡爆湧，甜度啱啱好，夠晒正宗台風！草莓乳酪冰涼清新，酸酸甜甜正好平衡車輪餅嘅甜膩，乳酪質地順滑，仲食到粒粒草莓肉，誠意十足。壓軸嘅藍莓窩夫即製香噴噴，窩夫外脆內軟，淋上自家製藍莓醬同新鮮藍莓，整體價錢親民。製作認真，雖然店仔細細，但風味絕對拍得住人氣名店，值得專程幫襯！店員有禮貌，兩位快手分工，一個即製甜品，一個做飲品，幾分鐘就可取。
繼續閱讀
芒果窩夫 （試食價$20）窩夫面頭鋪滿芒果🥭芒果酸酸甜甜+cream balance得好好，而家試食價只係$20！超羨慕新蒲崗街坊，大家真係要衝去買！抹茶車輪餅 （$25）🍵值得一試既下午茶甜點，餅皮烤得恰到好處，外皮酥脆，內層柔軟，厚度剛好不會太厚，大小適中，抹茶味道唔算濃，甜度適中，餡料量足，價格合理。開心果拿鐵 （$36）☕️最近開心果係流量密碼，所以試一試，開心果味道明顯但不會過於強烈，同咖啡的苦味取得平衡，堅果香氣自然，沒有明顯的人工香精感，甜度適中，奶泡質地滑順，奶泡打得細緻，喝到最後仲有開心果顆碎粒增加口感😻
繼續閱讀
今日同小朋友係新蒲崗上完playgroup玩到身水身汗 竟然發現到有間超高質既手搖店Meow Tea 係一間主打台式飲品與甜品的小店 裝修都係走可愛風格 貓咪主題實在太cute!我地飲/食左🍹 芒芒甘露 芒果味濃郁 底部好似沙杯咁 夏天飲一流 椰香淡雅 整體甜度適中 果肉份量足 真材實料 🥑 牛油果乳酪 超驚喜！乳酪滑順 牛油果味道自然 仲食到一粒粒磨碎左既nuts 入口清新不膩 比起一般果昔更有層次感 適合鍾意健康口味既朋友 🍵 抹茶窩夫 窩夫外脆內軟 抹茶味濃而不苦 即叫即整熱辣辣 更為出色 擺盤精緻 🌰 開心果窩夫 開心果碎粒香氣十足 同窩夫既酥脆好夾 甜度控制得岩岩好🍮 黑糖珍珠車輪餅 又係叫即整 車輪餅外皮香脆 內餡黑糖珍珠煙韌香甜 咬下去有爆漿感🧀 芝士雞蛋車輪餅 估唔到芝士同雞蛋咁夾 鹹甜交錯 口感豐富 比起一般甜味車輪餅更有驚喜☺️
繼續閱讀
貓Meow Tea晚餐當Afternoon Tea上次試了蜜桃烏龍, 這次點了美式咖啡, 凍的, 走甜。想不到雖然沒有甜味, 但仍然好喝, 喜歡它的咖啡味道不會太酸, 咖啡的香味都有出來, 並不是淡如開水。手搖點的優點是可以加配料, 選了寒天, 比珍珠健康, 但美味與健康都做到, 是一個我覺得很不錯的選擇。寒天吃起來冰涼清爽, 跟咖啡是意想不到的搭。而且價錢都合理。送餐速度快, 很令人滿意。最好的是其實可以用app下單, 算是優惠和方便市民大眾, 有貼心。海苔肉鬆鬆餅仍是很足料, 沒有呃秤, 可說是比想像中多, 而且暖呼呼的, 配上凍咖啡, 真是一大享受。海苔肉鬆本身有咸香, 更是絕配, 加上手搖, 真是個不得了的晚餐。
繼續閱讀
🟡青提香檸茶$32🟡開心果窩夫$38 🟡 Oreo車輪餅$18新蒲崗返工，喺呢間茶店上面就係公司，今次終於有時間試吓！想講青提香檸茶入口先係青提嘅清甜，再帶檸檬嘅微酸，茶底清爽冇澀味，冰涼得嚟唔會過甜，飲完口腔好乾淨，特別適合食完油膩嘢之後飲返杯。開心果窩夫就係另一個亮點，外層焗到金黃微脆，切開時仲聞到淡淡堅果香，入面軟綿帶少少彈性，開心果醬塗得夠厚，香味濃郁而唔會膩口。每啖都有堅果同牛油香交織嘅感覺，配返啲茶飲食真係幾滿足。Oreo車輪餅外皮焗得香脆，厚度啱啱好，入面嘅Oreo餡軟滑香甜，咬落仲有細碎曲奇粒增添口感，係超級多，超級多Oreo！仲要$18咁平，真係要試！
繼續閱讀