更多
2025-04-02
420 瀏覽
《Men-ya New Old》醬油拉麵🍜📍中環歌賦街9號地舖時間一轉,對上次黎呢間店已經係有半年前了。上次食嘅係《昆布水沾麵🍜》,明顯地係高質,不過偏貴,而昆布水並冇為我帶來太多餘韻,所以一路都冇再去。今日咁啱响附近收工,又諗起佢,而一路都有個念頭想試埋佢嘅《醬油拉麵🍜》,一於就gogogo啦。香味 (3/5)名店嘅拉麵🍜,一攞上枱個賣相超靚,以為好香,點知一聞又只係一般般,唔係特別香,聞到只係少少醬油味同蔥味。湯 (3/5)湯非常咁通透,油量偏多不過都算輕盈。醬油香同味,我認為就唔特別,只屬於正常好食。而鹹度偏高,頭幾啖還好,食到未有d吃力。而湯底嘅味可能因為太鹹,唔係好食得出用咩去煲,估計係以雞骨為主。麵條 (4.5/5)細麵至中細麵之間,軟糯,幾有個性。以一個咁重鹹嘅湯來講,麥味就唔多食得出,少少啦,不過呢款麵口感係好特別,同屯門《道》款麵有相似之處。配料 (4/5)豬叉燒嘅煙燻味超高,而家有用火熗燒過先上碟。肉質較扎實,唔係軟熟嗰類口感,不過都唔硬。肉味係夠,幾好食。溏心蛋本身冇,要額外加。我就覺得麻麻地,太熟左少少。筍就唔錯啦,正正常常。整體 - 如果唔介意貴少少,可一試。
📍中環歌賦街9號地舖
時間一轉,對上次黎呢間店已經係有半年前了。上次食嘅係《昆布水沾麵🍜》,明顯地係高質,不過偏貴,而昆布水並冇為我帶來太多餘韻,所以一路都冇再去。今日咁啱响附近收工,又諗起佢,而一路都有個念頭想試埋佢嘅《醬油拉麵🍜》,一於就gogogo啦。
醬油拉麵🍜
$128
91 瀏覽
1 讚好
0 留言
香味 (3/5)
名店嘅拉麵🍜,一攞上枱個賣相超靚,以為好香,點知一聞又只係一般般,唔係特別香,聞到只係少少醬油味同蔥味。
湯 (3/5)
湯非常咁通透,油量偏多不過都算輕盈。醬油香同味,我認為就唔特別,只屬於正常好食。而鹹度偏高,頭幾啖還好,食到未有d吃力。而湯底嘅味可能因為太鹹,唔係好食得出用咩去煲,估計係以雞骨為主。
麵條 (4.5/5)
細麵至中細麵之間,軟糯,幾有個性。以一個咁重鹹嘅湯來講,麥味就唔多食得出,少少啦,不過呢款麵口感係好特別,同屯門《道》款麵有相似之處。
配料 (4/5)
豬叉燒嘅煙燻味超高,而家有用火熗燒過先上碟。肉質較扎實,唔係軟熟嗰類口感,不過都唔硬。肉味係夠,幾好食。
溏心蛋本身冇,要額外加。我就覺得麻麻地,太熟左少少。
日式溏心蛋
$18
275 瀏覽
0 讚好
0 留言
筍就唔錯啦,正正常常。
整體 - 如果唔介意貴少少,可一試。
我有一個強烈建議。關於攞盤方面,麵家可以將d蔥放一旁,唔好擋住 d 叉燒。一方面賣相會靚仔d,第二方面,好似我咁,乜都未食就聞左先,既然叉燒比左咁多心機整到咁香,叉燒味點都會優勝於青蔥味,第一印象會好好多。
張貼