20
3
1
港鐵上環站 E1 出口, 步行約5分鐘 繼續閱讀
電話號碼
24884444
營業時間
今日營業
全日休息
星期一至六
11:00 - 21:00
星期日
全日休息
付款方式
Visa Master AlipayHK 支付寶 現金 八達通 AE 微信支付
其他資料
網上訂座
Wi-Fi
酒精飲品
自帶酒水
賞訂座積分
外賣服務
加一服務費
電視播放
當面支付
有關獎賞計劃
食評 (25)
等級4 2021-01-10
452 瀏覽
要清假所以約左朋友搵個平日黎大館行下影下相,行完經過嘉咸街街市發現有間新開嘅泰菜店,天氣凍特別想食啲辣野,趁六點前仲有堂食狗衝入去食返個early dinner先。MeKong雖然主打食泰菜,不過聽個名就知佢其實連越南野都有,佢係一間走中低價位嘅食店,裝潢平實冇咩花巧,勝在乾淨企理。冬陰功海鮮湯($88) - 先黎一個冬陰功湯暖下胃先,熱辣辣酸辣度啱啱好,暖肚又惹味,一鍋份量唔算少,大約分倒四碗,裡面有蝦、青口、魷魚同草菇。泰式拼盤($88) - 拼盤包括左炸蝦餅、春卷、炸雞翼同沙嗲雞肉豬肉串燒,份量夠二至四人食。蝦餅好陣牙食得出鮮蝦味,炸雞翼同春卷幾香脆,沙嗲串燒沙爹味幾香,不過雞肉同豬肉就燒得有少少過左火,肉質硬左啲。越南生牛肉湯河($68) - 生牛肉湯河上枱時牛肉仲帶少少紅色,牛肉量對版。牛骨湯味道濃甜,食完都唔覺口渴。河粉當然冇得同越南當地比,但以香港質素黎講都算幾薄幾滑。除左牛肉,仲有白蘿蔔,清甜冇渣吸晒牛骨湯啲味都好正~!!熱龍眼水($28) - 唔會太甜,入面都有唔少龍眼肉。熱檸檬生薑蜜($28) - 薑味夠重又唔會太辣,好啱而家凍冰冰天氣飲,飲完成個人暖晒。總結,食物唔錯,份量都好足,仲要唔洗加一,估計lunch hour應該幾多人食。 繼續閱讀
(以上食評乃用戶個人意見 , 並不代表OpenRice之觀點。)
和朋友去了上環中環嘉咸街的MeKong泰.越.港食泰國菜館,這是一間位於街市小巷內的泰國餐廳小店。雖然沒有華麗裝修,但是滿滿人情味的小店,店員亦非常殷勤有禮招呼我們。雖然餐廳佔地有限,但是食客座位間隔合理,坐得舒服。我們點了小食拼盤,泰式炸蝦餅,肉碎生菜包,馬沙文咖哩豬肉,泰式虎蝦炒金邊粉,椰青等。泰式拼盤有春捲,雞翼,蝦餅,豬肉及雞肉沙嗲,都是泰式的香口小食,適合作餐前小食與朋友分享。由於朋友特別喜愛這裏的炸蝦餅,所以我們再另點多一份蝦餅,蝦肉結實,鮮味,口感彈牙,配上他們的泰式雞醬十分好味。泰式辣肉生菜包,雖然有點辣,配上新鮮生菜卻十分惹味。馬沙文咖哩豬肉,配粉,配飯都好適合。泰式虎蝦炒金邊粉,虎蝦夠大隻,結實,金邊粉炒得夠乾身,滴幾滴青檸汁調味,更加開胃。另外我們也點了椰青,可以清一清油膩感覺。總結:MeKong泰.越.港是一間價錢大眾化的泰式餐廳小館,而且店員招呼亦相當殷勤有禮貌,在食的期間有很多熟客幫襯,食材有一定水準,是一間會返去再食的泰國小館。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-28
278 瀏覽
喺中環核心地區, 想食泰菜有好多選擇。其中[Mekong] 隱藏於嘉咸街小巷中, 可能係好多上班族的飯堂。裝修是很地道嘅舊香港feel. 一人晚餐包括湯, 主菜, 小食和飲品,款式大路必有一款啱食。香葉肉碎太陽蛋飯1人晚餐$80肉碎好惹味,混入辣椒愈食愈辣, 夠刺激絕對醒胃, 加上香葉的味道別具風味!跟一人晚餐的例湯, 類似海南雞飯的例湯, 清清地唔錯。炸春卷 (跟餐小食), 其貌不揚但味道唔錯, 餡料做得好吃。軟殼蟹米紙卷🦀米紙卷好有咬口, 煙韌, 配襯著清新豐富的餡, 青瓜絲,生菜,香甜嘅鮮芒果肉,凍海蝦, 較特別嘅係夾有少少酸薑, 口感和味道都很豐富!青檸梳打青檸味唔算濃郁, 但絕對夠汽冰凍, 很配合泰菜~冬陰海鮮湯這裏的冬陰海鮮湯唔算好辣, 有少少嗆喉~ 但味道濃郁地道, 香茅,椰汁, 酸,辣和鮮味都足夠。 2人分量大概有五至六碗左右, 兩隻大蝦也是鮮甜彈牙, 大量雜菇,蕃茄, 還有青口 ,夠晒真材實料!食肆冇加一,份量足, 中環核心區來說性價比相當高。 留意抗疫下嘅外賣價也是相當抵食!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-24
274 瀏覽
「泰式鳳尾蝦炒金邊粉」相比好多地方嘅金邊粉,佢嘅配菜份量令我好滿意。鳳尾蝦有三大隻,其他配菜如:花生、芽菜、雞蛋、豆腐等等都不少。味道不會太鹹或者太淡,賣相都好吸引。對於我比較細食嘅女士,整碟金邊粉嘅份量很多,呢個價錢好抵食。「越式涼拌豬扒撈檬」好多餐廳提供嘅檬粉都是凍的,依間餐廳嘅檬粉仲係熱辣辣。上菜時,服務員更細心提醒我哋,撈檬粉嘅酸汁使用方法,提醒我哋要攪勻才倒出,點樣食會好味啲。這點令我好欣賞👍🏻 豬扒不會炸到油淋淋或乾爭爭,豬扒和配菜分量滿意,不欺場。味道不錯。「椰汁珍多冰」&「椰汁紅豆冰」真係椰汁👍🏻 唔係椰粉溝水。紅豆冰甜度適中。好意外,埋單時發現有九折,原來而家做緊抗疫推廣,午市有9折。下午茶時段, lunch set更加有8折。經濟不景,發現好多餐廳都將貨就價,份量減少之餘,更加會選擇次等材料煮食。但呢間餐廳依然堅持誠信,真材實料,沒有欺詐。實在令我感動。我會再幫襯。👍🏻👍🏻👍🏻 香港人,加油💪🏻💪🏻💪🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-19
25 瀏覽
海南雞冬蔭功湯河冬蔭功既酸同辣比例岩岩好 而且味道十分地道 有齊曬所有香料 香味好濃郁 開胃得來又好夾個湯河 湯河好掛汁 海南雞厚肉juicy 每舊都好軟冧入味 泰式鳳尾蝦炒金邊粉好有鑊氣 金邊粉每條都十分入味 鳳尾蝦多而且好有鮮味 個汁酸酸甜甜好開胃 辣度十足 泰式拼盤有幾款既泰式小食 炸蝦餅炸得好香脆 蝦餅都好彈牙香口 雞肉串同豬肉串都好juicy 雞肉嫩滑 豬肉軟冧 加埋個沙嗲汁好入味 炸春卷細細件又香脆 幾好食 炸雞翼都炸得好香口 而且好多肉 唔錯 繼續閱讀
(以上食評乃用戶個人意見 , 並不代表OpenRice之觀點。)