影片
港鐵荔枝角站 A 出口, 步行約1分鐘
繼續閱讀
電話號碼
35800836
營業時間
今日營業
12:00 - 22:00
星期一至六
12:00 - 22:00
星期日
全日休息
以上資料只供參考, 請與餐廳確認詳情
-
網上訂座服務暫停
我哋成日喺荔枝角食飯，完全冇諗過D2以外，原來長沙灣廣場都仲有其他選擇！呢間居酒屋細細間，bar 枱位置好有feel，好適合同朋友傾偈摸吓酒杯底。餐廳嘅另一邊就放咗好多公仔做裝飾，似乎都係店主嘅私人珍藏🤩一開始先叫兩杯飲品啦，highball 正常發揮，清爽醒神；另一杯好似富士山咁嘅飲品賣相一流，小朋友好鍾意！一開始食咗兩串串燒，腐乳醬豚肉串味道好好喎，豚肉係用咗豬面肉嘅部份，口感爽脆！腐乳醬味道幾特別，平時我唔食腐乳，點知原來佢用嚟做串燒咁好食！呢度嘅招牌菜南蠻雞好好食，平時南蠻雞多數係炸雞，但呢度係用咗慢煎嘅方法，保留雞肉嘅肉汁同埋嫩滑度；雞肉上面鋪滿蛋沙律同埋秘製醬汁，所有嘢加埋一齊好好食😋之後就食個明太子意粉，明太子意粉大大碟，意粉沾滿明太子，味道香濃好味。意粉鋪滿紫菜絲，增加香氣👍最後原來仲有小甜品贈送，係兩件餐廳自家製嘅花生酥🤩 花生酥近乎入口即溶，花生味道好濃郁，一定唔可以錯過！如果鍾意食仲可以成盒買返屋企！估唔到長沙灣廣場都有好味嘅日式餐廳，下次再嚟食 🙂
繼續閱讀
減碳行動繼續進行中，今次去咗荔枝角嘅一間日式小店，見到個門面就覺得呢間店好有心，連Menu都自己畫出嚟🤣店內環境都好舒服同溫馨！前菜 free店員俾咗兩款前菜我哋食，一款係醃白蘿蔔，另一款係醃娃娃菜，店員仲新資同我哋介紹娃娃菜係用咗豆腐、甘筍、大蒜同埋壽司醋去醃，好開胃好好味，而且係之前未食過嘅味道，好香豆味，而且又有大蒜辣辣地！富士山 $48香桃可爾必斯梳打 $48富士山呢款飲品完全係打卡able，估唔到味道都好唔錯，用咗荔枝、Lemonade、菠蘿同梳打等調製而成，唔太甜，啱晒香港人👍🏾而香桃可爾必斯梳打就酸酸甜甜咁樣好開胃又好醒神！牛蒡山 $68店員同我哋介紹呢個牛蒡山，係將牛蒡刨成一條條再拎去炸，再用鹽同糖調味。本身見到咁大份都嚇親，但呢個係食到停唔到口！牛蒡炸得啱啱好，口感有啲似新鮮炸出嚟嘅薯片咁，但感覺又好似健康啲😆調味調得啱啱好，朋友直程話好味過食過嘅所有薯片！明太子包包 $48平時去日本餐廳或者居酒屋叫嘅明太子食物，好多都係撈咗大量沙律醬，呢個係冇特別撈到沙律醬，明太子味好濃郁，仲有少少辣味好過癮！三文魚腩串 $38平時三文魚腩刺身就食得多，估唔到竟然會拎嚟做炸串，又幾有驚喜，外脆內軟而且入口即溶，仲配埋酸汁俾我哋點，可以用嚟解膩👍🏾腐乳松阪豬(兩串) $88燒魷魚串 $48腐乳松阪豬好值得推薦，店員介紹係先用腐乳做調味，最後喺上面加少少蜜糖，真係平時好少食過嘅味道，而且啲松阪豬好爽口，好正！燒魷魚串就好新鮮，抵讚嘅位係我哋得兩個人食唔晒原隻嘅魷魚串，店員幫我哋安排咗單串嘅魷魚👍🏾茄子大阪燒 $88呢個係成餐飯最經驗到我同朋友嘅食物，冇諗過茄子都可以做到平時大阪燒粉漿嘅口感😍正值減肥戒緊碳水化合物當中嘅我都可以過下口癮，佢同大阪燒真係有90%相似，好好味呀！合桃餅 free餐廳最後仲送咗兩塊合桃餅俾我哋食作為飯後甜品，見份量唔多我都食咗🫢好酥脆又好香牛油味！餐廳比客人飲嘅茶唔係普通嘅綠茶同玄米茶等等，我同朋友都一致覺得好飲，問返店員先知原來係玫瑰花茶嚟🤩全餐飯嘅體驗都好唔錯，嘢食又好味，而且店員都好好服務，換上一道菜都會過嚟同我哋介紹點樣整同埋有咩特色，真係做到日本餐廳嘅服務👍🏾希望呢間小店可以有更加多人認識同支持🥰
繼續閱讀
位於長沙灣廣場3樓 係一間主打日式fusion嘅居酒屋🏮環境舒適 菜式有心思 老闆對食物同自己嘅出品都好有要求💯而且佢哋會主動同你傾偈 介紹每款菜式 服務超高質🤗·`♡·三文魚腩串外層燒至香脆 魚油豐富 入口即溶 非常滋味 滿口充斥著魚油嘅滿足感🥰·`♡·明太子意粉用上彈牙意粉配上濃郁太子醬 鋪滿紫菜 鹹香開胃🤤·`♡·古法制南蠻雞好特別🩶係日本古老嘅做法 用煎嘅方式烹調南蠻雞 一樣做到外脆內軟 再用薑汁和醋整成嘅醬汁 加埋蛋沙律 食到唔停口 ·`♡·腐乳豬豚肉用上豬面頰肉腐乳調味 外層搽上蜜糖🍯鹹中帶甜 肉質軟腍 好惹味 ·`♡· Fuji mountain富士山造型嘅mocktail🩵打卡好靚 波子汽水嘅口感 無酒精🫧·`♡·橙 CocktailSake杯上枱🧡味道酸酸甜甜 酒味唔會好重 容易入口·`♡·自家製花生酥Staff送嘅飯後甜品 👏🏻自家製嘅花生酥🥜花生味好濃 入口酥脆 有興趣仲可以買禮盒裝💖一盒有8塊🍪
繼續閱讀
唔講唔知，原來長沙灣廣場入面有一間高質居酒屋隱藏左係三樓😍一坐低店員就即刻送上前菜🌟 酒漬蘿蔔蘿蔔係用咗日本酒去浸，入口清新，開胃又易入口🌟 黃金泡菜小食叫左🌟鱈魚片燒到脆卜卜 好似食梗薯片沙律醬灑左小小七味味 辣辣地 好開胃 令人一塊接一塊甘食串燒🌟柴蘇雞皮雞肉串呢個係我第一次食到，好有層次好特別！佢係 (雞肉->紫蘇葉->雞皮)雞皮包住紫蘇葉咁拎去燒 外脆內嫩雞肉多汁，紫蘇葉清香解膩 鹹香脆口層次豐富😍🌟雞橫膈膜 雞橫膈膜既一個小肌肉唔係內臟肉質彈牙帶嚼勁 配上照燒汁 油脂適中，係我第一次食呢個部位嘅串燒，好特別😍🌟古法制南蠻雞 有6舊 份量好多！佢特別在於其他店舖嘅南蠻雞多數係炸，而呢度係煎雞上脾肉，冇咁熱氣又好味！而且上面鋪滿蛋沙律同椰菜，好開胃！飲品方面，我就叫咗個Cocktail🌟藍有好香荔枝味，酒味亦唔會好重 所以都好容易入口😋🌟提子可爾必思梳打食到最尾，店員仲請我哋食佢哋自家製嘅甜品🌟花生酥好濃郁嘅花生味，入口酥脆除咗花生味，仲有黑豆芝麻味，都係佢哋自家製㗎，真係一間好有心思嘅小店😍
繼續閱讀
Mata Japanese Cuisine坐落在長沙灣廣場神秘的三樓，唔特登去抋都幾難發現！一間精緻小店！商品名称（散叫）牛舌味噌煮牛舌特別在於佢忟到好似牛坑腩咁𣺉咁好咬水，用了做牛坑腩既做法，係我食過好最林既牛舌！入口即溶不用咀嚼，是這店的鎮店名菜！明太子翠玉瓜兩串翠玉瓜最難控制火喉！漫燒一段時間先可以放上芝士，兩者要配得好好，燒出黎先好食！呢方便師傅都掌握得好好！大𠯋釀煮蜆日式煮蜆是勝清酒夠清，清酒味濃陏，令到蜆更入味，每一啖都有如飲酒的感覺，會有一點點醉意，有一種令你飲埋最後既湯既摩力！由布柚子胡椒雞白湯拉麵一種清新健康拉麵！雞胸最好食的煮法，超柔軟，咬咬肉，清淡的感覺但湯味夠濃，追求健康既人會食得好開心！鱈魚片好好食助餐小吃，高檔食材做薯片，超有魚味，點沙律醬！Plum wine餐廳對酒類都非常有心思，親手用紫酥葉釀制梅酒！梅酒有分淡味至濃味，份外香甜，可以每款都試一下港鐵荔枝角站 A 出口, 步行約1分鐘荔枝角長沙灣道833號長沙灣廣場3樓308號舖
繼續閱讀