影片
港鐵荔枝角站 A 出口, 步行約1分鐘
繼續閱讀
電話號碼
35800836
營業時間
今日營業
12:00 - 22:00
星期一至六
12:00 - 22:00
星期日
全日休息
以上資料只供參考, 請與餐廳確認詳情
-
網上訂座服務暫停
長沙灣廣場呢間日本居酒屋有好多幾有創意嘅fusion菜，而且價錢都相對唔貴，朋友推介，所以去試下。兩個人叫咗幾樣野食同兩款cocktail ，好夠飽，每人大約3百蚊鬆啲。⭐前菜每人首先會有兩碟前菜：蘿蔔、中華沙律。⭐雞皮薯片平時食雞皮都係串燒，今次呢個係一大塊雞皮炸到好似薯片咁脆，仲配埋少少七味粉，食落更加惹味。⭐滕椒腸滕椒腸係日本空運返港，食入口時啲汁爆哂出黎，勁香勁正！不過絕對唔可以睇小個辣度，越食越覺得辣。⭐茄子大阪燒呢個大阪燒用咗茄子同蛋代替平時食開嘅粉漿，夠哂有創意，而味道唔輸蝕比平時嘅大阪燒，啲蛋食落仲好滑，醬汁同木魚絲夠哂多。⭐牛油果醬芥茉煙三文魚意粉賣相幾有心思，煙三文魚整到成朵花咁。意粉沾滿牛油果醬，微微帶點芥茉味，所以唔會蓋過牛油果嘅清香。⭐赤呢度嘅cocktail好似飲sake咁上枱。Cocktail用冰水浸住，可以保持佢凍，又唔會破壞個味。呢杯赤幾好飲，好似fruit punch咁，酸酸甜甜，飲開酒的話，會覺得酒味唔濃。⭐橙呢杯就幾清香，有伯爵茶嘅味道。⭐花生酥餐廳最後送咗呢個自家手製嘅花生酥做甜品，食落充滿好濃郁嘅花生味，好似食口花生醬咁濃，而口感亦都非常酥脆！佢仲有禮盒裝賣，一盒有8塊。整體黎講，呢間啲野食同飲品都高質，會有下次。
繼續閱讀
朋友介紹，特登去荔枝角食～果然冇介紹錯！鱈魚片燒到非常脆，好香口，配埋沙律醬，好味出色嘅送酒小食，雖然我唔係飲酒。牛油果醬芥末煙三文魚意粉呢個意炒好好食，平時食開切成一片片嘅牛油果，但呢度就用牛油果整成意粉醬，首先個淺綠色好靚，食落好creamy，再加埋少少芥末，成件事變到啱啱好，唔會滯！！意粉面頭有一圈似7味粉嘅野，撈埋食更惹味😋送嘅花生酥餅非常鬆化，仲要好香花生味，真材實料！Rocky Mountain 呢杯野飲普通，係正常嘅朱古力～
繼續閱讀
估唔到長沙灣廣場都有咁好食嘅日式料理先點左杯mt. Fuji mocktail 好明顯係為打卡，唔難飲，只係好細杯反而yuzi soda大大杯就好抵飲叫左：- 烤鱈魚片，脆卜卜好岩送酒- 三文魚腩串燒，好肥味好好食- 雞胸軟骨串燒，係大嘅雞軟骨！唔係到到有，真係好爽口好正，為左呢個我可以再黎！- 明太子意粉，好有口感，味道幾濃，好creamy，share食就幾好，一個人食都幾滯- 右口魚群丼，呢個可以再encore!!! 入口即溶！加埋啲紫菜，好好撈，成碗飯會唔覺唔覺咁食哂🤤- 煎湯丸，芝麻味，煎得好香口，好好食 另外仲送左碟自家製嘅花生餅，又係入口即溶，超濃濃嘅花生味 。發生左個小插曲，就係有隻小強係坐位附近行埋黎，所以呢個位相當扣分 。職員見到都無做啲咩補償，但見佢地有即時清潔噴野，但我地都急急腳走人了
繼續閱讀
今天，我來到了長沙灣廣場的一家日本餐廳，這家餐廳位於3樓，當我踏進餐廳時，立刻被寬敞的空間和精美的裝潢所吸引。整個空間以日式花卉擺設為主題，搭配溫暖柔和的燈光，讓人感到心曠神怡，仿佛置身於日本的和風庭院中。坐下後，我點了炸牛蒡、藤椒香腸、南蠻雞和鴨肉湯拉麵。第一口炸牛蒡的酥脆口感和淡淡的甜味讓我感到驚喜，而藤椒香腸則散發著香氣，讓我胃口大開。南蠻雞以傳統的方式製作，不經油炸，十分健康，配上蛋沙律，份外清新；而且酸甜口味讓我回味無窮，每一口都帶來滿滿的幸福感。然而，最令我驚艷的是鴨肉湯拉麵。店員告訴我湯底是從日本海外直接空運到港的，這讓我更加期待。拉麵Q彈有勁，鴨肉鮮嫩多汁，湯底清淡卻帶著濃厚的鴨肉風味，每一口都是一種享受，讓我感受到日本料理的精髓。店內的服務也十分周到，店員細心地介紹每一道菜的背景和製作過程，讓我更了解日本料理的文化。他們還介紹了兩杯Cocktails給我們，讓我感受到他們對顧客的用心。最後，店員還拿出了他們自家製的芝麻酥和花生素，還送了一個甜品給我們吃，酥脆粉嫩，吃下去很像傳統糕點的味道，甚有手作的風味，值得支持。整個晚上的用餐體驗讓我感到放鬆和快樂。這家日本餐廳營造出溫馨舒適的氛圍，食物美味、服務周到。我會毫不猶豫地再次光臨，並推薦給喜歡日本料理的朋友們。今晚的晚餐讓我感到十分滿足，期待下次再來品嚐他們的美食。
繼續閱讀
今日係D2睇完戲，當然就係附近搵間餐廳吃晚飯。知道長沙灣附近好多好野食，但我地就揀左間近地鐘站既，方便吃完唔洗行太耐就搭到車。Mata 係人氣好高既日本fusion 菜，一於試下佢！餐廳其中一大特色係七彩cocktail，非常吸睛！我地叫左其中一款-藍色，除左靚之餘，仲好香既水果味，非常易入口！甜甜地係因為vodka 入面加左荔枝，菠蘿，好正！而朋友叫左Rocky Mountain，好重朱古力奶味之餘亦有雲呢拿香味，加上面頭既棉花糖點綴，真係又靚又好飲！熱浪雞翼，個名好特別。經店員介紹原來因吃落會有少少似熱浪薯片既味道而得名。先講炸漿，超級薄既炸漿特級脆！加上面頭有自家特製味粉，少少辣得黎好惹味！炸漿入面包裹住既係好嫩滑既雞肉！仲有肉汁！依個雞翼滿分！鱈魚片乾烤到兩面都鬆脆，口感似薯片！而越咬就越有魚既鮮味湧出黎，好食！佢亦配有蛋黃醬，面頭仲灑上七味粉，香滑得黎仲好香。用黎佐酒真係一流！叉燒和牛串燒一定要試！串燒面頭加左叉燒汁燒製，燒到剛剛好有少少焦香。聞到好香既醬油味，食落口係少少甜。肉質黎講因為和本身油脂好豐富，吃落口係非常juicy非常嫩滑！份量都幾大，一串有成4~5舊和牛，誠意滿滿！牛油果醬芥辣煙三文魚意粉，完全諗唔到牛油果同芥辣係可以甘夾！牛油果好滑，加上少少既芥辣香味，加埋一齊竟然係香滑又creamy 既質感！意粉煮到剛剛好Al Dente，非常掛汁，加埋一齊好好食！真係驚艷到我了！而煙三文魚又為依碟意粉加多左個層次，依個真心推介！滕辣腸烤到表面香脆，已經幫你切好一口大小，好有心。依隻腸相對比較瘦，入面既肉有少少彈牙。吃落口會感覺到佢既麻辣慢慢滲出黎，好過癮！依個時候飲一啖酒就可以中和到，繼續食！依加堂食仲會送自家製花生酥，口感極之鬆化并充滿香濃嘅花生味，入口即溶而唔會黏口，甜度亦啱啱好，好適合用黎送咖啡或茶！臨近中秋，我都買左幾盒比屋企人，一定會中意！整體黎講Mata 係非常有水準有誠意既日式fusion 菜！從簡單既配菜到食材既配搭都用盡心思，味道無可挑剔。而服務都好好，店員會介紹每一道菜既特色，聽得出好用心！非常高質一定再黎！
繼續閱讀