影片
幫襯呢間到會2次，食物質素愈來愈差。2次都係order到會套餐，分別係Happy Share及Kama Deluxe。食物分量係ok嘅，但質素真係麻麻哋。送貨時間兩次都遲到，跟本約指定時間係無謂嘅，要追好多次先覆。送到嚟嘅食物凍哂，個pizza仲散哂嘅。😔 可能我住港島區，所以一定最後先送嘅order，所以引致以上嘅問題，但我強烈建議香港島人唔好搵呢間。
繼續閱讀
真心分享 劣食評Kama delivery catering ，一班朋友共8 人.屋企party新居入伙. 我係主人家付責訂食物 上網search 到Kama delivery 網站設計好似幾靚 食物相又好似影得幾靚 送貨時間ok. 點知打開食物 好失禮 先吾講味道一般 比相像中細份 我其中一位朋友話 e 間到會好cheap 比個d 食物 大部份響網上超市 同一d急凍鋪可以買到既急凍食物～ 新居入伙 我好冇面囉。 大家自己唸 比錢食急凍食物。不如上網上超市 自己返熱算....我之前有訂過幾間到會 e 間算几冇良心😞😞
繼續閱讀
今次想同位重要人物搞farewell party，所以都想搵間特別啲嘅到會。果然無搵錯Kama今次想同位重要人物搞farewell party，所以都想搵間特別啲嘅到會。果然無搵錯Kama! 👍👍🥳🥳見到佢網頁野食好特別又精緻，所以就試下啦！仲要係前一日落單都可以安排，好有熱誠呀！👏👏真係極力推介! 到會現貨同相片一樣，精緻美觀，味道一流! 🤣個個同事都讚，因為太精緻吸引，唔記得影相就開始食🤣再叫到會一定會再幫襯! 👍👍🥳🥳見到佢網頁野食好特別又精緻，所以就試下啦！仲要係前一日落單都可以安排，好有熱誠呀！👏👏真係極力推介! 到會現貨同相片一樣，精緻美觀，味道一流! 🤣個個同事都讚，因為太精緻吸引，唔記得影多幾張相就開始食🤣再叫到會一定會再幫襯!
繼續閱讀
樓上cafe嚟講食物選擇都多同創新日式和西式結合的fusion 菜幾個朋友嚟可以揀唔同食物分享又符合大家口味我同朋友都幾滿意連野飲都好有特式但可惜忘記左影相總括嚟講值得一試
繼續閱讀
呀媽早排話驚👩母親節正日出街食會好多人！OK收到，咁我就即刻搵下有乜買返屋企嗰日一齊食。有日經開旺角嘅Master Kama，見到有外賣送餐喎，於是就上網睇下。點知又真係有嘢啱喎！餐廳做緊一個3-5人嘅Mini Party Set($398)，有六樣食物，感覺都幾抵🎉。再者，呢排有免運費優惠，抵上加抵。訂餐過程非常愉快同流暢，Whatsapp餐廳好快就有回應，而且店員十分友善同有交帶。如果套餐有嘢唔啱食，都可以試下同佢哋傾吓有無得轉😁。迷你到會套餐準時送到我屋企樓下，收貨時食物仲係熱辣辣的；包裝幾好，全部都無濺出👍。可惜母親節正日太多訂單，送貨時間只能夠安排喺下午五點鐘，晚餐嚟講早咗少少。白酒忌廉汁大蜆(1.5磅)，呢個係套餐入面最正嘅嗰道菜！首先，蜆肉份量好多，應該有三四十隻。雖然蜆應該稱唔上係大蜆，但都新鮮肥美😋，而且無沙。第二，個白酒忌廉汁超好食，🍾酒味恰到好處，同忌廉汁勁夾；基本上任何食物點呢個汁，都會變得好食咗。黑松露野菌忌廉闊條麵(2.5磅)，🍝闊條麵份量夠四個人食的，味道都OK，食得出黑松露味，但唔算太濃，醬汁多啲會更佳。而且我略嫌佢寡咗啲，餸料得少少菇，如果有啲煙肉絲或者雞肉，成個感覺會好好多！香草燒春雞配烤雞脾菇、雜菜(1隻)，🐔燒春雞一開四咁放落個盤到，下低墊咗啲雜菜；隻春雞都算大隻。不過依隻雞唔係好掂，因為雞肉十分非常之乾身...，連鍾意食雞胸嘅我都嫌佢鞋口😅。蒜蓉牛油焗野菌雜菜(1磅)，呢個我懷疑佢足唔足一磅呢？不過咁樣都已經夠食，蒜蓉牛油味幾香口。雜菜主要有椰菜🥬同車厘茄🍅，食下食下發現呢盒菜應該同春雞下面啲菜一樣🤣。牛油果蟹肉酥盒(5件)，套餐本身係唔包呢樣的，我見有燒春雞所以將雞翼轉咗做酥盒。酥盒造型精美，四四方方入面裝住啲蟹肉🦀同牛油果蓉🥑，都幾足料。不過酥盒嚟到時唔夠脆，我拎咗去焗。日式章魚燒(5隻)，🐙🍡呢個正正常常，面頭有啲紫菜同木魚絲，幾正宗。食落口感唔會太粉，所以都還可以！我落單時驚套餐唔夠食，又見呀媽鍾意食鰻魚，所以就額外單點咗一個🍕日式汁燒鰻魚薄餅($128)，Pizza係9吋薄批。賣相就普普通通啦，望落啲鰻魚片到好薄咁，但就鋪滿哂個Pizza。一食發現無論個日式汁、燒鰻魚定薄餅都好難食😫，個汁同鰻魚好奇怪。至於最難頂係個Pizza皮，又唔脆、又唔煙韌，又唔似餅乾、又唔似麵包，四不像。我諗可能係餐廳自己搓出嚟...，其實買個現成皮返去加工可能仲好啲。我哋最終食剩一塊。總括嚟講，依餐嘅食物有好、有唔好，但整體全家都算食得開心🥳。食物種類幾多，乜都有啲，就算唔加Pizza(有啲敗筆)，四個人都夠飽。最重要係餐廳大時大節都做套餐，令我哋可以安坐家中就有得食，人頭計百五蚊都唔洗，性價比高！不過記住要早啲Book啊，唔係未必有期😜。
繼續閱讀