Marco's Oyster Bar & Grill (彩鴻酒店)

這店十多年前到過，但改了名，酒友介紹，上到嚟才發覺似曾相識⋯⋯由於最近酒友告知多優惠，嘉嘉生日，老餅一番慶祝吓⋯⋯震撼優惠於11月前，2:30pm-6:00前，生𧐢$10/隻。6:00pm 後，生𧐢正價收費，冇要緊，紅白酒任擇。生𧐢種類繁多，最好是weekend 到來會選擇更多，當晚筆者星期四晚到來，想選Cherry Store，他們話星期五先有貨，所以想食咩，請預早通知食店。全日$50買一送一徳國手工啤酒，唔帶酒嚟都冇所謂。當日一口氣點了兩打𧐢，他們竟然話我訂得少，最後追加一打⋯⋯徳國咸豬手$328~皮夠脆，酸菜不夠酸，不似德國式風格，但帶濃厚牛油味道，未算太差。蒜片活蜆意粉$188~香氣撲鼻，意粉彈牙爽身，是筆者當晚最喜歡。斧頭扒$586(11月優惠)~㕑子在你面前切，唯獨是我們點的是Medium Rare但變了七成熟⋯⋯幸好扒嘅質素尚好，雖然煮得Over 咗，但尚可接受，但大家都有點失望。自家製薯脆~這個小食是配以斧頭扒的，相信是計過人頭，一人一件，手工嘢，幾好食。堂煮卡幫尼$208~即席揮毫，在你面前煮，這個是他們的招牌項目。開心菓Pizza $88~由於點了斧頭扒，另加$88開心果Pizza 但完全沒有開心果味道，但作為甜品，甜度適中，有兩個雪糕作襯托，滿足整體來說:老餅慶生一流，自彈結他老歌手伴唱，當切蛋糕時，還會過來彈奏，免開瓶，由於食店有自家製蛋糕，所以如果自帶蛋糕會收$50，點食店的自家製蛋糕，有質素，如冇要求者，建議不用買蛋糕，因為點整個Cake都只是$168。服務員態度和藹親切，詢問之下，十幾年前都是他們，絕對親民，一讚。懷舊西餐，值得支持。…查看更多

今晚慶祝媽媽生日，特意訂左位，經openrice訂仲有主餐牌菜式有6折優惠，我哋一行十人有老有嫩，安排一張長枱，我哋放埋bb櫈額外仲有位可以放bb車同手袋，大家都坐得舒服。現場仲有個菲藉歌手彈結他唱歌，環境氣氛都好好，又唔會好嘈，員工都好貼心服務，睇得出大家都好熱誠，值得欣賞👍👍食物亦都性價比高：點了青口，即時在食物車度煮，煮得好香，青口又夠大隻多汁 ；炸豬手皮脆肉又夠淋；卡邦尼意粉會有外籍服務員現場即煮，好睇又好食，好香濃嘅芝士味，大人細路都食得滿足當然要點生蠔，我哋今次點了Four seasons 海水味濃，蠔肉又夠大隻，$38/隻，性價比高最後當然要讚下現場負責唱生日歌的歌手帶出氣氛，現場客人都有一齊拍手好開心、仲有我訂左嘅生日tiramisu 蛋糕碟，有寫Happy birthday同大大隻碟，用嚟打卡都好有睇頭，媽媽睇到都好開心。兩位外籍服務員亦都好積極配合幫手影相、切蛋糕搞氣氛。整體來講當晚大家都食得開心食得滿意，埋單又享受到訂枱優惠，性價比超高。會多啲帶父母再嚟，而家香港少有呢啲餐廳，一定要支持下…查看更多

Marco’s Oyster Bar & Grill 一直都好想到訪，原因好簡單，因為我同太太都係生蠔烘，今日阿女有課外活動，完咗去接佢一家人就決定佢去學校附近呢間Marco’s Oyster Bar & Grill 試吓⋯你都整體氣氛唔錯，有部份香港服務亦有部份來自外國的，其中一個跟佢交談時佢話自己係意大利混血希臘，佢主力現場即做邦尼意粉，成件事變得簡單中有儀式感，非常之唔錯亦都係加分嘅地方⋯同太太選擇咗六款唔同嘅生蠔每人兩件，總共12件原來12件可以有一支白酒送，每件生蠔平均價大約$30到$40左右，咁樣性價比非常之高，生蠔嚟到擺盤相當唔錯，侍應亦指示應該由右邊度開始食起！口感鮮味，而且非常新鮮值得俾個like！之後再叫咗個Parma Ham Pizza，你嗰個賣相幾得意，因為係長方，而且一啲都唔孤寒放咗好多Parma Ham喺上面，味道唔錯！阿女因為唔食生蠔，所以佢選擇咗個$380嘅套餐，先嚟一個三文魚雞蛋多士，味道合格有餘，不過唔係特別驚喜！跟住上龍蝦湯，我坐喺佢對面啲香味引到我都想另外叫多一碗飲，阿女味道點樣佢話相當唔錯俾隻手指公最後主菜Rip eye steak，雖然叫咗四成我都預佢last咗之後會變五成，所以恰到好處真係我個女自愛，我個女比較揀飲擇食，好少叫佢笑住嘴成嚿牛扒一口氣食晒，爹哋見到開心⋯最後佢竟然話唔夠喉，加多咗個Tiramisu，不過呢個可能係來貨，阿女話未到一般般⋯ 餐飲佢要咗檸檬茶，呢個唔使多講都係一般貨色而已⋯整體用餐感覺非常滿意，返頭指數亦相當高✌🏻…查看更多

咁午餐約咗人喺呢度食嘢 因為朋友話覺得呢個地方實惠少少 但係就有好嘅環境可以傾嘢午餐set係西餐，見佢咁特別有龍蝦半隻咁平，本身都諗緊應該唔慌好質素 但係見朋友嗌我就跟佢本來其實想食牛柳啖啖肉 點知原來質素都真係幾差 啲龍蝦肉好少好細隻，仲要妹妹地 拎去炸過嘅有少量海鮮係新鮮嘅 不過好少主角龍蝦就比較差廣西湯就給濃郁嘅見到人哋嘅牛柳好靚仔 好後悔唔買佢嗰個🫠🫠🫠環境OK嘅，服務質素都OK，有個阿姐幾有性格lol嘢食就係平民西餐…查看更多

昨天到食晚飯,食物質素很好, 餐具相當不淸潔,欠缺服務員,經openrice定台,大拍大餐牌散照應該有五折,但埋單時其中一項牛扒肉眼扒竟然冇折,經理話openrice有特別要求最後給了我們八折,要是這樣我經餐廳訂枱西醫本上已經可以得七折優惠,所以這間.餐廳相當不老實不會再去,Show cook,意大利粉相當不錯,基本上食物可以做到達到要求,嚴重欠缺服務員,整晚只有一個經理走來走去,大酒店出生的質素不應該這樣…查看更多

為了慶祝我的生日，伴侶預訂了Marco's Oyster Bar & Grill和我嘆嘆生蠔。多年前，店舖還在吳松街時，我曾和朋友光顧過，搬店後，這次是第一次。店舖裝潢截然不同，不是那帶有海洋風的藍色色調。既然是Oyster Bar，當然有揀選生蠔🦪自選生蠔一打，送意大利紅酒或白酒一瓶。Oyster Platter由3款生蠔組成，$28/隻的南非Cartiera，$28/隻的法國St Vaast及$38/隻的法國Four Season。Cartiera蠔肉薄身但爽口，海水味較淡。St VaastFour同樣薄身，而裙邊較為爽脆，海水味濃一點點，帶點甘甜。 Four Season最為肥美，質感creamy，蠔味濃郁，是三款中最好吃的。叫了一份法國鵝肝拼牛柳餐 ($298)，前菜是三文魚撻撻，賣相普普通通，三文魚tar tar已鋪好在多士上，另一塊多士上的是蛋沙律，味道正常。加$58配法式焗田螺，田螺大隻肉軟嫩，惟伴碟的薯蓉略鹹又不夠細滑。法國龍蝦濃湯，味道濃郁，湯入面有不少粒粒龍蝦肉。點了份巴馬火腿薄餅，又薄又脆的Pizza餅底上簡單的鋪上芝士、蕃茄醬及巴馬火腿，每一塊切好的Pizza上都有一大片Parma Ham，用料充足。微微鹹香又柔軟的火腿，配合香軟芝士及脆脆Pizza，口感及味道層次豐富。Main dish 3選1 ，三款都有鵝肝，配的分別是牛柳、豬柳扒及三文魚扒，我們選的是鵝肝併牛柳。牛柳面層放上鵝肝，鵝肝好大件，只是比牛柳的體積略小一點。鵝肝軟滑，配上黑醋醬汁，中和油膩感。牛柳軟嫩，肉汁豐沛，有牛味，蘸一點黃芥末就更為惹味。薯條熱焫焫夠鬆脆又不油膩。這頓晚餐的重中之重就是接下來的慶生環節🎉絕對充滿氛圍感！有汽球裝飾，枱上的擺設亦一絲不苟，壽星有汽球帽，還有各種道具，連應援手燈亦有提供。駐唱歌手還會來到枱邊唱生日歌。只是加$20便有的自家製意大利芝士餅，碟上的灑粉並不隨便。Tiramisu的口感細緻綿密，帶咖啡酒香之餘又有點微苦，很好吃！除了兩道前菜小食較為普通外，生蠔及其他食物也不錯。慶祝生日後，離開店舖時，職員也還是很有禮貌及笑容滿滿，是愉快的用餐時間。…查看更多

是日訂枱與朋友吃生日飯，在不知情的情況下，訂枱人數由兩位被改至一位喔，積分又少左。。。明明我地兩人是吃了兩個餐的。午餐牛👅飯特薄好吃，卡邦尼意粉不過不失，服務員熱情，可惜運用openrice系統經驗不足，一句簡單英文都聽唔明。。。餐廳環境有特色。大家自己睇相啦～第一次幫襯，試左是日午餐：野菌牛脷飯$80卡邦尼意粉$82*另需加一包飲品和餐湯白湯是特濃的蘑菇湯好正呀～餐包好似係酸種包，口感柔軟，點落個湯度好好食。成個餐我最愛碗湯❤❤❤…查看更多

今日情人節，朋友訂咗枱請我食西餐，之前都食過幾次呢間，西餐嚟講都算平，而家情人節有優惠一人套餐都係300幾蚊，有五隻生蠔，，生蠔好新鮮，有沙律，龍蝦湯好濃郁嘅龍蝦味，跟住主菜揀咗牛柳同埋海鮮龍蝦意粉，牛柳好腍，龍蝦意粉雖然佢寫原隻龍蝦，但係開邊後兩邊都係唔係同一隻，一大一細，唯一唔好嘅地方我哋冇叫上甜品，我哋仲食緊主菜嘅時候佢不停送個甜品上嚟，同佢講咗三次未食完個主菜，第四次佢堅持要上個甜品，搞到個雪糕溶晒，除咗上菜時間呢個問題之外，其實所有嘢食都係唔差嘅，佢個Tiramisu係好好食，總括嚟講呢間餐廳都好適合情侶去食，因為夜晚有結他手喺度一路自彈自唱，係好有氣氛的。…查看更多

買咗openrice 200幾蚊套餐優惠諗住有生蠔又有牛扒食下 而家都難搵到價錢咁實惠，本身都唔期望佢五星級咁嘅質素始終羊毛出在羊身上不過見開得係酒店入面都應該正正常常 唔會中伏掛抱住個普通西餐廳既心態去同朋友一齊食一入到舖頭，裝修帶時代感但係啲枱排到好密好逼，快餐店d枱都可能隔得闊過佢地侍應如果肥d應該都埋唔到黎上菜地下行既時候有少少跣成個餐黎講感覺如下（冇按上菜次序列出）1. 生蠔真心好好食，又肥又飽滿，新鮮講真，有時酒店自助餐d蠔都未必隻隻新鮮冇壞同肥嘟嘟十隻都一樣咁飽滿咁靚，係認真抵食2. 忌廉湯、龍蝦湯兩者都中規中矩 龍蝦湯略為偏咸當然唔好期待有好濃龍蝦味3. 煙三文魚沙律、蕃茄水牛芝士沙律先唔講味道，賣相真係誇張煙三文魚得薄薄一片放係堆雜菜之上蕃茄水牛芝士兩片小小可憐咁伴係雜菜側邊不過主角係沙律，咁d菜好食就算啦只可惜唔係囉！超市買包沙律菜即食都多水份過佢友人同我都覺得薩x亞擺盤同埋d菜既水份都好過佢4. 煎牛柳冇咩肉味，好un 要趙好耐先吞到唔知關唔關落order既時候，侍應冇問到我地食幾多成熟事呢本來我同友人都冇發現架係食到臨尾，等緊甜品既時候聽到有侍應同另一枱客落order時有問，先醒起我地冇比人問要幾熟薯條普通，唔太特別5. 即煮卡邦尼意粉入場時，咁岩師傅燒緊塊芝士芝士既香味驅使我地叫左呢個食聞落好香芝士味，但冇見到前面食評所講既拉絲效果食落都唔多覺芝士味，反而好濃蛋黃味整體ok唯一小插曲係意粉疑似甩左單食完牛柳之後十靚分鐘左右侍應行埋黎問想收碟，我地話仲爭個意粉結果侍應唔單止收左牛柳隻碟仲一次過收晒我地d刀叉同share plates 初初以為幫我地換過咁貼心點知等多十分鐘左右又唔見有餐具fill返亦唔見意粉身影問另一個侍應仲第一句回我地話 “吓乜你地有意粉架”心諗 答句”我幫你睇睇”會唔會好d唯一讚既係煮意粉個個廚師好細心送碟意粉黎既時候得佢先發現我地又冇碟又冇晒餐具6. Tiramisu 味道不過不失，普普通通，可以接受唔算好甜但係由落單到上枱 等左前後就黎30分鐘落完order之後等左差唔多20分鐘友人同我都心諗 又唔洗焗又唔洗成 都係預先準備好架啦 邊有可能咁耐都未有然後 第一次追單 就話冇落到 話而家落返咁我地咪乖乖地再等，點知再等成10分鐘覺得唔對路，所以追第二次單跟住冇幾耐先有得食賣相冇食評見到咁靚咁試正，一舊長方形咁企係度只係好似求其用匙羹不起，是但pat 落碟咁形狀不規則，東歪西倒，一岩一忽咁分分鐘馬x或者便利店d即食有時仲高質d總括黎講除左生蠔真係冇野可以講食物一般、環境麻麻、服務一般、坐得又唔算舒服軟硬件都差少少，性價比又唔算高真心好難有回頭客可能只食生蠔會滿足好多…查看更多

還記得起初上班的時候鄰座並沒有特別喜歡我，甚至有點不滿上司怎麼會安排一個黃毛丫頭和她同坐一間房，但有時緣份就是如此奇妙，我和她不屬同一部門，年紀也差一截，但她總是待我如待女兒般親切，即使現在若干年後，我們也時常互相問候，保持聯絡。趁着她生日聚一聚，選來幾年沒光顧的西餐廳，裝潢和忙碌程度十年如一日。野菌忌廉湯忌廉湯姍姍來遲，可幸菇菌味濃郁，一口接一口好美味。附上的餐包有蜜糖香，不過口感實在太乾，即使有牛油也幫不了多少。香煎比目魚意粉 $100比目魚肥美有魚油香，意粉用龍蝦汁拌過，感覺比一般的惹味有誠意。心太軟伴雪糕 +$32記得以前最喜愛加點這個甜點，今天再吃覺得遜色不少；流心是流心，但蛋糕溫度只是和暖，做不到冰火交融的效果，朱古力味也淡。繁忙時間眾人應接不暇，落單沒人手，出餐順暢錯亂，不過各位叔叔姨姨倒是好盡力，值得一讚。…查看更多

同屋企人慶生，一行10人嚟呢度食晚飯。經OpenRice訂枱主menu有七折, 指定鵝肝dinner set有8折。餐廳職員有善，主動介紹餐牌，亦唔會太hard Sell 。我哋叫咗一打生蠔：coffin bay + Irish rock, 送咗一支意大利白酒。我哋叫咗鵝肝dinner set，有前菜+湯+主菜，而甜品可以加$20揀心太軟、Tiramisu、cheese cake。餐湯係龍蝦湯入邊有一粒粒嘅龍蝦肉幾好味。主菜叫咗牛柳，正常發揮不過不失。當晚有駐場歌手係一個菲律賓籍嘅歌手，好識搞氣氛，每張台會過嚟問你想聽咩歌，屋企人生日亦有過黎唱生日歌，氣氛好好！…查看更多

餐廳在特定時段，提前於飲食平台優惠訂購平台book位有折扣，我今次趁佢5折優惠食聖誕餐。餐廳等候和出餐時間比較長，可能因為聖誕節比較繁忙，但服務態度好，當天還有駐場表演提高聖誕氣氛。環境衛生有待改善，地下比較黏。1. 三文魚他他好味: 7/10性價比: 9/10 ⭐️推薦: 8/10 ⭐️麵包鬆脆，三文魚好fresh調味很好，折扣後價錢好低食。2. 鵝肝拼牛柳好味: 7/10性價比: 7/10 推薦: 7/10 原本我唔中意食鵝肝，但鵝肝一點也不膩，跟牛柳十分搭配👍🏻 只是稍嫌牛柳不夠嫩3. 法色焗田螺 ⭐️好味: 8/10 ⭐️性價比: 8/10 ⭐️推薦: 8/10 ⭐️田螺新鮮調味也很好，田螺下還有薯蓉配搭，薯蓉雖然沒有調味，但十分軟滑，剛好跟田螺配搭去除油膩感，食完想再食多舊🤤4. 卡邦尼意粉好味: 7/10性價比: 7/10 推薦: 8/10 ⭐️有廚師即場用大芝士煮的，味道比較清淡，不會覺得味精味重，做法上較為傳統。即場的烹煮表演很加分，推薦大家一試👍🏻…查看更多

上次用網上訂座平台 訂枱已經去過佐敦呢間Marco's Oyster Bar & Grill 餐廳一次，今次星期日晚一行九人，就用OpenRice 再訂多次呢間餐廳，仲有六折優惠，可以叫好多嘢食。餐廳位於酒店裡面上一層，裝修簡約而舒適，氛圍輕鬆，非常適合與家人和朋友慶祝生日。餐廳有註場歌手彈結他唱歌，增添了用餐的氣氛。菜單豐富多樣，叫了頭盤水牛芝士沙律，新鮮蔬菜搭配柔滑的水牛芝士，味道清新且口感豐富的開胃菜。法國蝸牛經過精心烹製，搭配香草和蒜泥，墊底嘅薯蓉口感非常細膩。另外，叫了兩次餐廳既義大利粉，特別由大廚即場係你面前煮，用煙肉和芝士烹製，濃郁芝士風味令人回味無窮，兩位小朋友都食得開心所以先 encore。威靈頓牛，五成熟皮脆肉嫩。豬手也非常值得一提，皮脆肉嫩，香氣撲鼻。最後，12月之星，叫了一磅芝士餅$100，奶香四溢，口感細膩，為整個用餐體驗畫上了完美的句號。特別讓人驚喜的是，當日有歌手在現場為壽星唱生日歌，營造了溫馨而難忘的氛圍。服務人員熱情友好，服務態度良好，幫忙拍生日影片及拍照，職員會WhatsApp 給我，讓我感到非常舒適。他們的服務速度也很快，讓我們不用等待很久就能享受美食。整體來說，這家餐廳的價格合理，性價比很高。我覺得這裡是一個很好的選擇，如果你想在香港品嚐一道美味的海鮮和義大利菜，Marco's Oyster Bar & Grill 絕對值得一試。…查看更多

這間位於佐敦的【Marco's Oyster Bar & Grill】，主打意大利菜，亦有多款每日空運到港的新鮮生蠔，臨近聖誕，可以預訂同朋友一齊開PARTY。我們點了一份鵝肝牛柳餐，包了頭盤、湯及主菜等，十分豐富又抵食。餐廳還有駐場歌手表演，十分有氣氛。店員先送上微暖的餐包。三文魚撻撻多士表面放上三文魚及雞蛋撻撻，配上爽脆沙律菜。法國龍蝦濃湯龍蝦湯味道濃郁，加了忌廉後更濃稠，鮮味十足。鵝肝拼牛柳鵝肝剪至表面香脆，中間剛熟，配上黑醋汁可減輕油膩感；牛柳厚身且味道濃郁，肉質嫩腍多汁。肉醬闊條麵闊條麵每條都沾滿了醬汁，帶點煙韌，酸甜開胃。Tiramisu質感幼滑且有淡淡酒香，甜度適中。…查看更多

本人於上週三（20/11）到此餐廳罎龍蝦午餐，半邊龍蝦既少肉又不好味，餐後飲latte ，冇人通知要我加錢。訂了三個籃莓芝士蛋糕給友人，本想給人驚喜，又交帶員工（志偉哥）會有一位吳生（或其助手）到取，結果，人家當然領不到蛋糕，餐廳固網電話轉了去老細的手機，她不知內情，又話有周大福人來取貨（吳生和其助手都不是在周大福工作），又話要我whatsapp單據給她，更糟的是不可讓我跟志偉哥搞清楚，折騰一大輪後終才取貨走。事從我有再追電話跟進，說不夠幾句，老細的手機就斷線。現作食評，句句事實，絕無抵毁。…查看更多