14
1
1
Beside Tung Chung Fort 繼續閱讀
電話號碼
21091927
63466673
營業時間
今日營業
12:30 - 23:00
星期一至日
12:30 - 23:00
付款方式
Visa Master 現金 銀聯
其他資料
酒精飲品
電話訂座
室外座位
食評 (17)
呢間係荃灣Baba's station分店,巴巴站經常大排長龍,所以就轉去呢間試試。環境比荃灣闊落好多,有室內、室外之分。而且人流相對少,始終佢唔近市區、地鐵,係條村入面、炮台側。疫情底下,寧願行遠少少,空氣清新D既地方進餐。Baba's station我都食過幾次,比較之下東涌呢間質素仲高D,味道濃郁,同新鮮滾熱辣黎到印度餐廳幾樣野係必叫的:咖喱、Kebab、Samosa、naan,Lassi印度羊肉Kebab roll ($82)kebab係阿拉伯文,就係將俺好左既肉放係垂直肉串架到烤熟,再用好薄既捲餅包住,入面夾d生菜蕃茄咁。有D餐廳就會配上一枝枝沙律醬、辣醬、薄荷醬,唧係餡料上面。呢間餐廳就食原汁原味,羊肉完全唔會蘇,多汁,加埋生菜食,中和左肉類既膩白咖喱雞($85)雖然餐廳推介既係Butter chicken (味道係酸酸地的),但個人鐘意再CREAMY D,白咖喱用腰果整成,所以特別香口,本身雞難入味,配咖喱就最好不過,雞做得好嫩滑NAAN ($19)唔可以浪費左兜白咖喱嫁,於是就要叫下烤餅點黎食。原味配係最完美的! NAAN比相像中大塊,而且仲係即叫即做,熱辣辣,非常軟熟!!印式燒雞件薄餅 ($88)第一次食印度既pizza,原來係咁好食嫁!!!餅底即搓即烤,薄薄地,餅邊好脆,中間軟熟,d餡超足料,多到拎起塊pizza時太重,d料想跌落黎,雞肉又焗得好,加埋芝士好惹味!!Samosa ($30)咖喱角大大隻,又係剛炸好,外皮金黃香脆,入面有薯仔、洋蔥、碗豆,好有口感Lassi ($28)必叫飲品!!!!! 有甜有咸有加芒果既,香港人較喜歡加芒果,冇咁寡,香口D。我就一定叫甜LASSI!!! 其實就係乳酪飲品,比平時街買既杰身D,飲完會超飽,不過係幫助消化嫁,因為印度菜香料重,需要中和返先對腸胃好!!💛堅持才有希望💛 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-07
1849 瀏覽
位於東涌的印度菜小店, 位置不算好揾 幸好餐廳有接送服務 (雖然等得比較耐) 只要係東涌都會接你去餐廳,香港少有嘅人情味服務黃咖哩雞 ($85) 椰汁底唔辣 非常濃的椰香味 醬汁比較杰身 雞肉十分嫩,美中不足嘅係雞肉有啲太咸🤔傳統咖哩羊 ($90) 比黃咖哩辣少少 醬汁也較為稀身一點但羊肉有驚喜!非常嫩滑 入口即溶 正!😋牛油烤包($25) 牛油味非常香,超級多嘅牛油 超有滿足感,一客4大件 好抵食!😍芝士烤包 ($32) 每件烤包中都夾有芝士,香軟夠厚身有咬口,但我覺得加上咖哩一齊食就有啲太咸 而且有少少膩 單點食一份就飽了!Mango Lassi ($42) 芒果味香甜加上乳酪的酸味 剛好中和咗咖哩嘅辣味 感覺非常清新,只是飲品定價有點貴 份量都唔算好多 唔太值呢間餐廳在食過嘅印度菜中算是比較正宗,價錢算親民 份量都非常足 (除咗飲品),即叫即做 所以等侯時間偏長💁🏻要注意嘅係 餐廳大部分坐位都係室外,夏天可能會比較熱☀️要去嘅朋友可以係打電話預約位置 時間,同他們講想要有接送服務便OK👌🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-19
2088 瀏覽
首先,此餐廳的營業時間並不準確餐廳聲稱11:30開始營業 本人於12:15 walk in 卻被要求站在店外等候15分鐘本人捧著對異國美食的一番渴求 站在店外苦等店員卻只是坐著 並不是如他們聲稱般處理廚具 及整理餐桌其次,此餐廳的食物質素參差不齊本人在menu上 看到午市套餐 叫佐牛肉捲餅配薯條當剛送上 一咬下薯條 覺得不錯 但真正的主菜 牛肉捲餅卻是冷的 只是一種預先已經製造好 隨便放上碟子直接送上來最後,此餐廳存在欺瞞顧客現象在menu上 的套餐 本人點的是58蚊+10蚊特飲(芒果奶昔)的68蚊餐 並且加佐一份28蚊的牛油烤餅再加上10%服務費 理應收取 (58+10+28)x 1.1=105.6/106蚊  但是 該餐廳卻將芒果奶昔另計 一杯35 再加上本來的58蚊餐和 28蚊烤餅再加上服務費 合共收取(35+58+28)x 1.1=132.1/133蚊 當本人對該數目存在質疑時 店員表面上重新落單 更改 但最後的價格卻是126.5因為基於對人的基礎信任並沒有即時拿計數機核實 最後繳付後 店員已經故作不理 並且以眼神示意另外3位店員形成包圍圈 本人正處於弱冠之年 不敢與其爭鋒 故只能扮作不知 默默離開 回家後雖覺不忿 卻知道已成過去特在此寫下經過 並不是為了求助 而是希望各位知道該餐廳的惡劣行徑 並思考這樣的餐廳即使食物幾特別 幾好食 又應5應該去幫襯尼?感謝各位的細心閱覽 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-25
1611 瀏覽
今日入東涌探個 friend,佢就帶咗我入到炮台嗰邊嘅天湖印度餐廳。餐廳有車接送,可以 call 佢地嚟接,係遠啲,不過都算方便。應該係家庭式經營,傾傾吓,仲原來話個廚以前喺半島做過,真係勁!我個 friend 熟印度嘢,所以等佢發板,我就負責等食。冇幾耐就陣陣香氣撲👃🏾而來,應該係啲 herbs 加 tandoori 燒烤,真係好鬼香!先嚟 D 薄脆,係送嘅,叫 Poppadom,好香口,仲有三隻醬料點,幾惹味。唔洗好耐,眼前就上咗兩個砵,係咖哩雞同毛茄嘅 Bindi Masala,仲有印度餅 Garlic Naan。個咖哩雞同毛茄都好好味,簡直係味蕾嘅沖擊!我原來好怕啲一 pat pat 嘅嘢,但係天湖令我改變,仲大開眼界!真係好正!D Nanna 仲要熱辣辣,軟綿綿,送D汁一流!可能係我食過最好味嘅 Naan!D Naan 好快比我掃晒,我個 friend 話要再嗌D飯送,我諗住都係普通黃薑 / Saffron Rice,點知嚟到嘅係名叫 Jeera Rice 嘅白飯,千祈咪睇小呢個飯,加左 Cumin Seed 同莞茜,食落齒頰留香!齋食都好好味!天湖令我對印度菜改觀,仲好似有D上癮,我而家寫食評諗返起都流晒口水,可能要再入東涌探探個 friend 先得! 繼續閱讀
(以上食評乃用戶個人意見 , 並不代表OpenRice之觀點。)
等級2 2016-11-09
2172 瀏覽
朋友推介我地食印度餐廳,未去之前已經打電話去book,唔識去仲可以叫埋餐廳老闆去東涌地鐵站接我地,真係好有人情味既小店。舖頭唔算好大,入面2張枱出面有4、5張。老闆係印度人但識少少廣東話,所以唔驚溝通唔到,而且仲好好人。7個人嗌左2個二人餐,再加啲小食。推介以下其中三樣。叫左個咖哩羊,好香好濃,但唔太辣,好岩香港人口味。仲配埋烤餅,味道好夾,如果有飯就更加好!仲叫左胡椒烤餅,顏色好靚,幾吸引!食落好香脆,好香胡椒味但唔會辣。用黎做餐前小食就一流!如果佢唔係咁多莞茜,我會更中意!最推介係芝士薯條,好香脆,好濃芝士,仲可拉絲,佢係幾種芝士混合而成,好少食綠色既芝士呢!食完好想叫多個,不過太飽喇,下次要再叫!最後食左7百幾,都唔算貴啦! 繼續閱讀
(以上食評乃用戶個人意見 , 並不代表OpenRice之觀點。)