Mango Tree

營業中

休息中

放工聚會gathering 順便慶祝生日，之前行過見到入面好似幾有氣氛，特登book 定海景位！。鮮蝦柚子沙律。柚子幾甜，幾fresh~。黃咖哩雞。我地叫多左個麵包配咖哩，個包好鬆脆！咖喱就無咩特別啦～。馬拉盞炒菜苗。原本以為係椰菜仔菜苗，唔知而一款係咩菜苗呢？。芒果蟹肉炒飯。蟹肉唔算多，不過味道唔錯！芒果好甜，同個炒飯好夾啊！。燒豬頸肉。好味，唔點汁既話，有d似叉燒。鍾意佢切得薄同均勻。芒果芝士蛋糕。個人覺得無咩特別。。芒果糯米飯。個樣present 得幾好睇。 要再講一次，d 芒果好甜！好味！

朋友生日正日，特登請左日假同佢慶祝生日🎉難得請假唔想太早起身，約食下午茶一流😴做左一輪資料搜集，決定唔揀傳統下午茶餐，試下泰式嘅mango tree tea set ！由於係平日，餐廳唔多人，仲有得坐落地大玻璃側邊，當日天氣幾好，景觀一流餐牌～我地三個人，不過冇得叫一人份量嘅下午茶set，所以另外叫左個Phad Thai個set 包埋兩杯有酒精飲品～朋友話雞翼好食胡椒蝦同米飯蝦肉醬都唔錯～沙律同帶子不過不失，正正常常最期待嘅甜點，冇失望芒果糯米飯同椰汁西米糕好味另外以為係芒果布甸嘅甜品，睇返menu 原來係南瓜布甸黎，食落好有奶皇包嘅感覺！幾特別另外叫嘅Phad thai，蝦好新鮮，賣相好靚，味道都好唔錯，下次黎可以食正餐

家人鍾意食泰菜，想搵間坐得舒服又有少少景睇嘅泰菜，非芒果樹莫屬。早個幾星期訂位，成功留左窗口位。一行四人，點左好多野，同四杯野飲。大蝦柚子沙律，滿口清新，蝦好新鮮，開開胃先。冬蔭功好濃蝦味，蝦有好多膏，湯底較清，唔太辣，不錯。再黎豬頸肉同沙嗲，略嫌豬頸肉燒得唔夠燶唔夠香口。沙嗲中規中矩，家人鍾意啖啖肉。炒椰菜苗好食，好嫩冇渣。粉絲蝦煲有最少四邊大蝦，好彈牙，粉絲索晒鮮味，正！而芒果蟹肉炒飯就light少少，冇咁燶味，平衡番。最後叫左三個甜品，一個椰汁馬蹄冰、一個芒果糯米飯同埋芒果芝士蛋糕。由於同家人慶祝生日，餐廳都幫手點上生日蠟燭。最後埋單$1700，為番一人四百幾，作為泰菜fine dining，加少少景觀，算係唔錯。

相約友人周末於圓方睇戲，好耐無行個呢個商場實在大到不得了～睇完天已入夜，周圍逛逛，見到有間MangoTree 夾左係一堆名牌店之中。好即興就入左去試。叫鴨～沙律、BBQ 羊架、波蘿炒飯、沙嗲串、千層糕，都不錯。BBQ羊架，雖然份量唔算大，但味道正到不得了！燒到外層剛剛好，好香羊味！香料汁食得出係特別調配過的～唔似其他餐廳落好多調味粉會好口渴。而家好貼心用錫紙包住！波蘿炒飯仲正！同餐廳經理傾左幾句，原來Mango Tree廚房由泰國廚師主理，所以香料食材都採用泰國高級材料。唔怪得，咁唔就腳的位置，晚市仍然坐滿客人。原來除左九龍城，香港亦有高質的泰菜！香茅Mojito ，都幾足料，仲好香清新香茅味。好少飲涷野，不過呢個值得一試，下次都係叫返香茅茶，飲完仲醒神！３人埋單約$900，食足幾小時，好開心！餐廳原來仲有三層架High tea,有機會去圓方一定食呀～

Element 向來都是高級的地方，有錢人聚集地，這裡的食店都是高級的氛圍，裝修別緻，價錢都算承擔到。出黎做野，同友人慶祝生日，呢d錢一定要洗，千金難買與好友既相聚！Element mango tree 中間真係有一棵著哂燈既mango tree 成個環境好浪漫，有fine dining感覺，坐無虛席！究竟係咪得個樣？野食究竟好唔好食？1. 飛天通菜好入味，唔辣，份量算多，大家都讚好食，食得肉多，一定要叫個菜balance返！推介！2. 炸魚餅呢個魚餅特別之處就係裡面有涵，賣相討好，醬汁特別調配，但我都係鐘意食傳統個隻多d!3. 菠蘿炒飯第一次菠蘿炒飯送半邊菠蘿，大家都讚好！呢樣野真的值回票價，推介！4. 雞肉河粉茶餐廳的河粉比佢好吃，賣相又唔得⋯⋯⋯5. 4杯特飲有暑假優惠，但除左mango 之外，其他都唔好飲6.甜品方面價錢甚高，但無個種既質素，唔算太吸引同好食，班蘭千層糕更有番梘味，不能接受⋯環境塔救，有幾樣又特別好食，總體而言都唔錯，值得一去！

星期五晚上,沒有訂位既情況下都唔需要等位可以即入座格調唔錯,唔似泰國菜叫左大蝦柚子沙律黃咖哩牛腩+麵包(要俾錢)芒果糯米飯好快就上菜了大蝦柚子沙律,有3隻中size既蝦,都幾爽口,柚子份量一般,成碟都唔算有好多汁黃咖哩牛腩+麵包(要俾錢)有幾粒花生點綴下, 咖哩味唔濃亦一D都唔辣, 好多咖哩汁,牛腩係細細粒的,大約有8細粒左右吧,唔會太硬,因為佢無跟飯/包,所以俾錢加了麵包, 都有5大片麵包,麵包皮都脆,唔錯(要$50)最後點了芒果糯米飯全白糯米,份量一個成年女性手心咁上下吧,有3舊芒果,無切開的. 椰汁都多 ,味道正常,應該好難失手掛整體味道一般,份量少,性價比低,不會再來了

男朋友生日正值8月大夏天，梗係食下開胃嘅泰國菜😋。預先訂座時要求坐係窗邊海景位，餐廳回覆會盡量安排。到入座果陣正係俾左個寧靜海景二人位我😍😍😍😍😍，實在太貼心。 果日買左個蛋糕慶祝生日，餐廳設有額外收費（$60）但可以叫一個甜品取代收費。另外，值得一讚嘅係細心而良好嘅服務態度，由介紹菜式到唱生日歌🙈🙈🙈🤣都好落力，哈哈。晚餐前菜叫左個海鮮粉絲沙津不過不失啦。主菜就食左招牌紅咖哩蟹肉🦀面包，以為紅咖哩好🌶🌶但原來呢度調番轉，青咖哩先最🌶🌶。呢道招牌菜個面包好有咬口，咖哩汁好香濃再加上鮮甜蟹肉，令人食唔停口😋😋😋😋😋😋😋😋。咖哩本身都預左好食，但要客人滿意就一定要食物質素+服務好過預期，而今次真係有驚喜，就係海鮮冬蔭公啦！ 除左足料超級鮮味，🌶得有層次外，仲有個火熱住個湯，侍應會幫埋你裝湯。飲料方面，我點左個椰青，男朋友點左杯芒果特飲。

朋友聚舊相約食泰國菜，記得之前去曼谷旅行時食過mango tree！令人回味，咁今次約會就訂左圓方內既mango tree試試啦！一行3人到左mango tree後，我地點左冬蔭公湯、青咖喱蝦配薄餅、碳燒豬頸肉、豬肉生菜包、蝦餅、炒菜、另外我點左杯荔枝特飲！店內很大，店員帶我們坐既位置係店內一個最入最後既位置，雖然唔係窗口位但亦可望到落地玻璃外既景色，令人舒服！我杯荔枝特飲先到，但味道屬一般😔，我還是比較中意飲椰青！之後冬蔭公湯同生菜豬肉包到左，我好大期望，我雖然不是很吃得辣既人，但就很喜歡辣既味道！特別係泰菜常用的配料香草香茅等！配埋海鮮簡直係絕配！可惜這兩樣味道都太辣，而且湯內蝦既肉質仲有啲'梅'......失望！😟但青咖喱蝦同蝦餅味道都不錯！而青咖喱內既蝦相對冬蔭公湯都比較彈牙喎！😋😋甜品部份我地點左芒果糯米飯同斑斕千層糕..芒果好香好甜，但糯米飯同千層糕都得不能令到我這個不喜歡食甜的人愛上！😜後話： 其間店員主動問我地覺得食物味道如何，我們告知太辣，店員跟我們說下次吃時發現太辣可即刻告知他們並會馬上再煮新給我們，這還算頗體貼吧！.......但我們太耐無見，談得太開心了，開心到

近日新聞常提到高鐵一地兩檢，於是帶小朋友由港鐵柯士甸站行天橋到九龍站，沿途看看這興建中的高鐵站。聽說九龍站有間出色的泰國菜，於是便走進去試試他們的下午茶。店內環境非常舒服，雖然我們只有一位大人和兩位小朋友，服務員也安排我們坐近窗邊的六人枱，原來是讓我們欣賞窗外境色。服務員給我們兩張餐牌，一張是二人下午茶，另一張是有頭盤、主菜、湯和甜品的，我們不想傷腦筋便選了二人下午茶。小朋友不飲酒，飲了橙汁，是鮮榨橙汁，好味，甜中帶酸。三層的下午茶當然要小朋友先吃下層熱食啦！雞翼和米餅啱晒小朋友，那蒜蓉大蝦也很美味。中層的青芒沙律，太酸了，小朋友不喜歡吃，那麼就讓我吃掉它吧！上層的甜點中芒果糯米飯最出色，小朋友吃過甜品便滿足地離開了。

餐廳位置係ELEMENTS, 環境唔錯, 唔嘈又闊落既.但野食就真係好麻麻, 兩個人食左一千蚊, 而食既野味道實在太一般, 如果想好食又好坐既, 真係唔洗揀呢間, 好處係你揸車黎消費, 有成5個鐘既FREE PARKING同埋行一個靜靜地唔洗同人迫既商場.講返D食物先, 個柚子沙律, 理論上無得輸, 因為唔洗煮, 但個敗筆就係唯一要煮既O個2隻蝦,梅既, 好唔新鮮, 又無味.豬頸肉係呢餐飯最好味道, 不過都唔係話特別出色.個咖哩牛根腩, 味道好單一, 唔係好識形容, 比起即食咖哩再差D.仲有一個係沙金邊粉, 無影到, 食唔晒既, 因為係無咩味道, 最好味, 係杯野飲,MOJITO 真係好好飲, 飲左兩杯, 不過可以提升小小酒精濃度.最後, 值得一讚既係服務態度, 員工有禮, 亦勤快

這個週末約友人到這裡下午茶。 $398@2人下午茶，現在可能只是中價位。因為現在環境稍為好環境，可能都要$200-300 @1位以上。喜歡這裡環境，就算客滿也不會很嘈吵。美中不足是下午有點曬，所以會落了部分窗簾，如果是晚餐環境和風景會更佳。上一次來這裡差不多是2年前，水準還保持得不錯。另外芒果沙冰很真錯，也不過過甜，不過套餐上沒有包。

Very disappointed in their food.  When something says pad thai... I expect it to be cooked with vermicelli noodles, but here, they use glass noodles.  And we also ordered the stir fried veggies, which also had glass noodles, so you can imagine, we were stuffed with glass noodles.  And the waiter didn't point this out to us.  They also had run out of baby cabbage.  I wouldn't say this is a stellar experience and the food wasn't stellar either.  The mango and ice cream sticky rice had rice that wa

We were constantly ignored by one waitress and had to make a complaint to the manager. The food came out unbelievably slow. It took an hour before the main dishes arrive. And only when checking out did we realize they failed to take one of the main dishes on order. Absolutely unacceptable. Bad bad service

I had a crave for Thai food and decided to try this.Booking was made the night before, so there isn't much waiting time.The ambience is great with nice lighting and table setting and it looks like western fine dining. We ordered coconut drink, grill pork neck, tom Yum kung soup and pad Thai.The coconut drink isn't cold enough so it isn't so great. Grill pork neck was nicely marinated but there isnt crispy enough in the outside, considering it was grilled.Tom Yum kung is nicely served with a pot

食物賣相ok，味道比較重，環境裝修細緻，地方夠大，lunch時段，等候不太耐，可能lunch時間多客，經理態度欠佳，黑口黑面，叫佢佢可以當聽吾到，心想我有比錢食飯，又吾係黑E，仲有鬧伙計聲音太大，因為呢個男經理。我大概不會再來了