Manecy's Studio Restaurant (已結業)

意大利水牛芝士番茄沙律 - 呢個配搭點都會好食，蓄茄新鮮，黑醋好夠炸澳洲生蠔 - 外層夠脆，蠔味濃，唔算腥，不錯西班牙式烤乳豬 - 德國豬手平時就食得多，今次就試吓西班牙式烤乳豬，肉薄、皮唔夠夠，可能期望過高，有d失望...西班牙墨魚汁海鮮飯 - 份量比想像中少，海鮮味淡、偏乾，如果成個飯多返啲汁會理想D雜野莓伴窩夫配雪糕 - 生日字句係疑似沙律醬寫嘅，窩夫唔夠脆，雪糕溶得好快...Lemon Meringwe Pie - 賣相一般，無影到相，檸檬有D似洗潔精味

呢排心情都不是太好，所以一到放假日老公就帶左我出去行下街，放鬆一下心情。之後仲帶左我去食好西呢到都唔錯，環境闊落唔會太侷促。重點係呢到時食豬手放題，唔使就住就住出邊有個吧枱， 飲品都係任飲的除咗啤酒。還有自助bar，有好多唔同選擇，炸物，沙律🥗，生果...還有一些是menu自行點菜的，我叫左煙肉卡邦尼意粉，份量唔會太多，二人食剛剛好，都算唔錯重點就係一定要叫 德國豬手熱辣辣送上，豬皮十分酥脆，唔會太鹹，仲要係無骨架，啱晒我呢啲懶人，值得推介。

同同事食飯揀左係銅鑼灣近近地，呢間餐廳叫野食方法有啲特別，係計人頭，餐牌上既主菜係任叫，其他要加錢，另外出面重有個半自助餐都係包埋任食，但係餐牌叫法個到我地幾個女仔都搞左好耐都睇唔明邊啲係任叫、邊啲係要另外收費，坐底時侍應淨係講每人價錢幾多，又唔解釋清楚點叫法，邊啲包、邊啲唔包，最後問多兩次侍應終於都明點叫。出面拎野食既選擇唔算太多及吸引，有薯格、炸雞粒、春卷、咖哩角、Parma ham、三文魚、沙律等，我覺得啲Parma ham同三文魚應該係cold serve ，食落係暖有啲怪同埋唔太新鮮既感覺。餐牌上任叫既我地最鐘意係芝士雞翼，拆曬骨加埋芝士好香好夾。

今次食飯唔想去咁遠，所以就揀左間係銅鑼灣既餐廳，原來呢度除左散叫仲有自助餐可以揀，等我簡單講下佢既buffet style，因為睇完張餐牌都有少少confuse。佢既Buffet 係分兩part既，一part係要寫數量入紙比廚房，再由侍應拎出黎，情況就似食放題咁；另一part就係你自己出去張長枱到夾，近門口既長枱係個小型自助餐區，基本野都有，沙律、湯、HAM，仲有炸雞、薯格、春卷，不過略嫌炸物唔夠熱同有D淋，自助餐免費飲品就有橙汁同蘋果汁。今次我地就揀左呢個，每位238加一，價錢貴貴地，不過勝在可以慢慢坐，同朋友傾偈。

今晚約咗兩個朋友食飯，天氣咁熱唔想打邊爐，但係大家都鍾意食肉，於是最後就決定去食德國菜。德國菜真係好多肉類嘅選擇，大家見到個Menu都好開心先叫咗碗龍蝦湯試吓。味道都幾濃郁，小小偏鹹。再叫幾款啤酒，呢度有唔少款式嘅手工啤酒，最特別嘅係有一款冇酒精成份嘅啤酒（就係白色呢罐）。食物方面我哋都識得幾heavy!德國豬手就必點啦外皮炸得非常香脆，有啲邊位有少少硬。香腸拼盤都係必點！！呢個大拼盤份量好多，我哋覺得最長啡色嗰條幼腸最好食粗嗰兩條腸味道就冇咁鹹～最後仲要左牛扒薯條！牛扒唔算大件，牛味幾重！ 薯條好好食，新鮮熱辣脆卜卜成餐飯都滿意！臨走前發現指定日子原來有德國菜放題，下次要揀啱日子嚟食下

同好朋友做完瑜伽 就諗住食個西餐傾下計放鬆下成日講埋呢間好抵食今次我哋就去試一試餐廳都都闊落 老闆招呼左我地去左卡位 正呀！坐得好舒服😌因為都幾肚餓 我地點左菜之後就出去拎小食 都有好多款沙律選擇話咁快連熱食都嚟咗啦當然唔少得嘅就係要講呢度嘅豬手啦講真出邊食個豬手都要起碼$200up但呢度加埋一係$200幾任食呀！！！ 個皮好香口好脆仲要有埋carbonara 海鮮焗飯 各種各類嘅腸仔 雪糕 你都唔好話唔抵我哋嗰日就冇飲到酒因為出邊已經有果汁任飲不過見其他枱嘅客人一大班人飲住酒食豬手都真係幾chill🤭如果一大班朋友又想搵個位傾吓計呢度真係唔錯啊

日式放題食得多，德國菜放題今次真係第一次食，好有新鮮感。去咗銅鑼灣嘅 manecy's studio restaurant 食放題，成人238蚊食足九十分鐘， 選擇都算多。有任飲蘋果汁，檸茶，橙汁，仲有自助沙律吧 ，有南瓜湯，沙律同埋西班牙火腿配蜜瓜。我最鍾意食火腿配蜜瓜，因為呢度嘅蜜瓜非常甜，食咗好多。 另外叫咗招牌菜鹹豬手， 各款串燒，西班牙海鮮燴飯，芝士釀雞翼 ，選擇豐富。餐廳環境好舒適，佈置有外國氣氛 ，好適合一班朋友嚟傾計食嘢飲啤酒🍺。

行過銅鑼灣見到有餐廳做緊德國菜放題，有好多唔同嘅菜式可以任食，非常吸引，就即刻上去試下啦。一入到餐廳店員就好親切咁招呼我哋，服務幾好，坐喺窗邊嘅梳化位，真係好chill，好放鬆，好似喺屋企咁舒服。行出去沙律吧見到有好多美食仲，又可以無限斟飲品，例如橙汁，蘋果汁，檸茶等等 。沙律吧仲有南瓜湯飲，又有唔同款式嘅沙律，選擇豐富。 另外可以任點唔同嘅菜式，例如咸豬手，意粉，海鮮燴飯，串燒，釀雞翼，德國腸 ，全部都係任叫， Cp值高，食一兩份已經回本 仲有雪糕櫃可以任食雪糕，非常滿足。

餐廳可以揀放題或者散叫，我哋揀咗放題，有自助沙律同cold cuts，仲有啲炸物。飲品包檸茶檸水蘋果汁橙汁，主食就落單等廚房整。自助嗰part，哈密瓜好甜，配parma ham好味。番茄仔同酸瓜等都滿意。飲品嗰邊有冰有茶有檸檬可以自己沖檸茶，好過飲蘋果汁橙汁。放題好處係乜都可以試吓，啱心水仲可以嚟多轉。首先上枱有豬手配酸菜，皮偏硬乾身，但夠香有肉味。腸仔有唔同選擇，我哋揀咗維也納腸同慕尼黑白腸，好似德國食到嗰啲咁，再配芥末，諗返起以前去旅行嘅日子。小食試咗黑松露雞蛋、雞串同芝心雞翼。本身見到雞蛋以為中伏，但係食落又幾好味。卡邦尼意粉好味！夠咸香，唔會太濕或太乾，又有芝士味。$238一位加一，好擦得嘅話呢個放題都幾抵。

朋友呢排話有心事想同我傾計 我就搵咗呢間喺佢公司附近嘅餐廳有豬手同德國腸任食就可以慢慢聽餐廳內有張自助食物檯包括有沙律菜,凍盤例如巴馬火腿,炸物,德國漬物同生果等 另外亦有蘋果汁橙汁任飲 可以加錢啤酒任飲添 小食呢就有松露溫泉蛋, 串燒(有豬牛雞3種)我地主攻牛肉 食起黎有孜然味而且幾有牛肉味 另外特別欣賞個蘑菇芝士釀雞翼 入面嘅芝士令雞翼味道香濃 蘑菇又增加口感 主食方面係任叫 包括有各式德國腸,豬手,海鮮燴飯,卡邦尼意粉 豬手好好味 德國腸就正常 不過一次可以試幾種口味都唔錯 意粉同海鮮飯就意料之外好味一路傾一路食 食下食下都幾飽 原本想試晒全部腸 可惜太飽 呢到環境輕鬆 仲有房仔 都幾岩一大班人黎傾下計

👭Manecy's Studio Restaurant(銅鑼灣)👭90分鐘任飲任食放題 $238心思思乜都想食點算?放題幫到你! 呢間餐廳設有單點同放題，乜都想試下既38緊係叫放題，不過就無加到$48任飲啤酒，如果係一班人黎食德國小食再飲啤酒一定好正💖講返野食，總類唔算多，大約有30款左右，但都令人滿足~因為上至前菜，下至甜品都包羅萬有。38最推薦係63度溫泉蛋配黑松露醬，雞蛋滑溜溜，配上濃郁既黑松露醬，38忍唔住encore 左2次🙈另外仲有係自助bar自取既炸物，例如咖喱角、炸雞粒等，38都好喜歡。雖然熱度不足，但味道搭夠🐵邊飲果汁邊食都好滋味。最後不得不提銅鑼灣第一脆爆咸豬手。豬手表皮較厚，咬落外脆內軟，同埋真係好夠咸，好有風味😆總括而言，呢間餐廳坐位幾舒服，而且裝修幾有格調，係同朋友食飯吹水既好選擇😁推薦度：7/10🏠銅鑼灣駱克道447-449號中威商業大廈1樓🕐Mon-Sun12:00noon-03:00pm06:00pm-11:00pm

「銅鑼灣第一脆爆德國咸豬手」、「任食豬手放題」... 淨係聽到呢啲都已經夠哂吸引，所以😎決定左去挑戰一下呢個脆爆咸豬手放題。呢度真係任飲任食，除左出面既salad bar 呢張卡上面既小食同主菜都係可以無限叫。Salad bar都幾多野食，有沙律、ham、水果等等。另一面仲有炸物熱食，春卷、薯角、咖哩角.... 仲有南瓜湯。Salad bar 其實都係俾你打個底先，之後正式打大佬。話明係豬手放題又點會唔食豬手架呢，除左豬手都叫左卡邦尼意粉、海鮮燴飯同埋食德國野點少得既德國腸丫！一份豬手都多既，個皮整到好卜卜脆，豬手肉偏粉紅，味道偏咸。可以去出面拎芥末醬，蘸埋芥末醬加酸菜，味道都幾夾。叫左隻63度溫泉蛋，可能我唔識食，我唔係太鍾意就咁食溫泉蛋既口感，下次都係加埋係卡邦尼度食😂😂卡邦尼意粉同海鮮燴飯都出色既。因為係任食，所以每碟份糧都唔算好多。即使係少少既海鮮燴飯都有青口同兩隻大蝦，而且個飯都幾重海鮮香味。任食黎講都仲keep到水準唔係劣食係幾唔錯！👍🏻呢度既雪糕幾特別，好少係出面見到。最後食埋雪糕，又捧住個肚返屋企。

晚餐來到這間西班牙餐廳Manecy和友人共進晚餐。食飯是其次，找個機會聊天是重點，最近有太多事要宣洩下。✨簡單點了以下幾樣: 吞拿魚他他配三文魚籽 $138 海鮮濃湯扁意粉配大虎蝦 $178Sangria $78 =========================前菜: 吞拿魚他他配三文魚籽 $138 賣相頗吸引，透明玻璃樽盛滿吞拿魚粒，面上鋪上三文魚籽。吞拿魚粒大大粒，不過食食下有幾粒會有咬嚼不掉的魚肉渣，食得不夠爽。三文魚籽口感不錯。主菜海鮮濃湯扁意粉配大虎蝦 $178意粉有淡淡的龍蝦湯味，吃得出是拌著海鮮湯煮成的，不錯！大虎蝦就普普通通，沒什麼特別。份量頗足，算飽肚！Sangria $78 酷酒的我們當然要來一杯！點了一杯sangria! 酒味不夠濃，適合那些不太喝酒的朋友，對我們來說不過癮。這晚全餐廳滿座，滿滿都是客人。見到侍應們忙得喘不過氣來，想來的話記得預早book位呀！

知道呢間野有德式自助餐就急不及待黎左啦!真係有好多野食呀,有德國咸豬手,自助餐既好處下可以食到少少,又可以試下其他野食。平時只食完個豬手已食唔到太多野,今次可以食下沙律,水果,有melon加ham既組合,正呀!ham同melon永遠都係最佳拍擋。今次仲叫左d任食既雞翼,去左骨,裡面有少少mushroom,好惹味。仲有d串燒添,我叫左牛同豬串,如果加錢任飲啤酒,食下串燒都好正呀!我冇加錢飲啤,但佢有個自助飲品bar,都好多野飲呀!小食有春卷,咖喱角,都係d香口野,好好味,係會食完又食的。我叫左個carbonara,呢個都好飽肚,味道都好唔錯的。整體黎講價錢都唔算貴,多唔同款式既野食,岩中意德國野既人呀!

Manecy’s Studio Restaurant ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎銅鑼灣嘅樓上Cafe 有西餐放題食🤣 連salad bar 仲有湯 炸物 。不過我唔係太肚餓嘅關係 無揀到放題 🤪⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎黑松露雜野菌pizza $148 超多cheese ! 黑松露味都幾香 佈滿整個pizza ! 個低焗得好脆。因為芝士好滯 超大食既我都係食到2舊only 🤪 夠3-4人share! 卡邦尼意大利麵伴溫泉蛋$158份量幾多下 意粉嘅質感偏淋 個汁唔膩 蛋黃味出 溫泉蛋流心程度幾好。法國鵝肝多士伴炙燒無花果 $128鵝肝好細舊 煎得唔夠 反而無花果幾好食 炙燒效果唔錯 外面脆脆的～⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎地址 銅鑼灣駱克道447-449號中威商業大廈1樓⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎#meangirlsday #instafood #420 #pizzatime #music #HashmeApp #nomnom #instagram #cheese #starwars via #HashMeApp #food