更多
2012-05-12
379 瀏覽
Mamma Mia Gelato 係一間意大利 gelato 雪糕店2008年o係香港設立首間分店,現時全港有七間分店,分別位於銅鑼灣,灣仔,尖沙咀,佐敦,旺角,太子及大埔銅鑼灣分店位於世貿中心三樓,開左接近三年銅鑼灣世貿中心係少有o既分店設有坐位供客人堂食除左 gelato 雪糕外,Mamma Mia Gelato 仲有得賣乳酪雪糕,班戟,蛋糕及咖啡等飲品不過當晚我地見全部人都係買 gelato 雪糕,冇人幫襯乳酪雪糕gelato 雪糕味道有廿幾三十款可供選擇,金莎朱古力及益力多係比較少見o既味道有少部份雪榚係無糖無脂肪,糖尿病患者亦可盡情享用早前o係網站用每張$10 o既價錢買左兩張雪糕 coupon,每張 coupon 可以當$30 用,今次 coupon 有效期長達十個月,我地o係 coupon 到期前三星期先享用團購優惠當時呢個團購優惠賣點係話計落$5 就買到一球雪糕,非常抵食,不過商戶o係賣完 coupon 後將雪糕加價,一球雪糕加至$28,兩球雪糕加至$35,若果一張 coupon 唔補錢只可以買到一球雪糕,想要兩球就要補$5由於每次交易只可以用一張 coupon,我地兩
2008年o係香港設立首間分店,現時全港有七間分店,分別位於銅鑼灣,灣仔,尖沙咀,佐敦,旺角,太子及大埔
銅鑼灣分店位於世貿中心三樓,開左接近三年 銅鑼灣世貿中心係少有o既分店設有坐位供客人堂食 除左 gelato 雪糕外,Mamma Mia Gelato 仲有得賣乳酪雪糕,班戟,蛋糕及咖啡等飲品 不過當晚我地見全部人都係買 gelato 雪糕,冇人幫襯乳酪雪糕
gelato 雪糕味道有廿幾三十款可供選擇,金莎朱古力及益力多係比較少見o既味道
有少部份雪榚係無糖無脂肪,糖尿病患者亦可盡情享用 早前o係網站用每張$10 o既價錢買左兩張雪糕 coupon,每張 coupon 可以當$30 用,今次 coupon 有效期長達十個月,我地o係 coupon 到期前三星期先享用團購優惠
當時呢個團購優惠賣點係話計落$5 就買到一球雪糕,非常抵食,不過商戶o係賣完 coupon 後將雪糕加價,一球雪糕加至$28,兩球雪糕加至$35,若果一張 coupon 唔補錢只可以買到一球雪糕,想要兩球就要補$5
由於每次交易只可以用一張 coupon,我地兩個人要分開兩張單俾錢 既然 coupon 只係$10買返黎,梗係補錢俾多$5要多一球啦!
我地一杯要左特濃朱古力及提拉米蘇,另一杯要開心果及提拉米蘇 特濃朱古力及提拉米蘇 gelato 雪糕
特濃朱古力o既味道較普通
提拉米蘇除左有好香o既咖啡味,仲有o的蛋糕碎 開心果及提拉米蘇 gelato 雪糕
本人以前食過多個品牌雪糕,今次係首次嚐試開心果味道
開心果雪糕係淺綠色,有開心果肉,o的開心果仁粒打得好碎,味道算係濃郁,有果仁香味
Mamma Mia Gelato 若果與 Milkissimo 比較,我地會比較喜歡 Milkissimo 留意到以前o既 OpenRice 食評,有人投訴兩球雪糕o既份量只係去到杯邊,兩位店員成日掛住整理儀容及傾計,同埋利用較差o既態度對待團購客人
不過當晚我地兩球雪糕都份量十足,店員態度良好,唔會因為團購客人黑面,佢地主動介紹味道及俾我地試味,不過我地冇試到
今次呢個優惠幾抵食,每人只需$15 就可以試到兩大球 Gelato 意大利雪糕
若果日後再有團購優惠應該會再買,到時可以試下其他特式o既味道
題外話/補充資料:
近期見到有團購網站再賣o既 Mamma Mia Gelato coupon 已經加價,以往只需$10 就可以買到一張價值$30 coupon,而家就要$15 先買到 coupon 喔!
(以上食評乃用戶個人意見 , 並不代表OpenRice之觀點。)
張貼