33
14
4
電話號碼
61860889
營業時間
今日營業
11:00 - 22:00
星期一
全日休息
星期二至日
11:00 - 22:00
*Cafe - 11:00-18:00 Bistro - 12:00 - 22:00
付款方式
現金
座位數目
46
以上資料只供參考, 請與餐廳確認詳情
食評 (61)
今次介紹是一間走日本明治x西洋風格的樓上餐廳。餐廳分成3個區域 — 喫茶咖啡室 (一入門口就係啦,要網上訂枱先有機會坐,因為只得2張枱)、主餐廳和日式酒吧 (最入面)。午餐時段有供應多款和風洋食午市套餐 (主食配餐湯),小食,甜食和飲品。先分享午餐主食、小食和飲品,下篇文才分享甜食。Wagyu Beef Pasta Bolognese (HK$168).意粉的軟硬度剛好,也會掛上好多和牛肉醬.多牛肉粒,牛味濃,我喜歡食呀~Omurice with Wagyu Demi-Glace Sauce (HK$168).雞蛋煎得半熟奶滑,幾香蛋香.同事話整體味道唔錯,好多燒汁,反而和牛粒得幾粒咋,俾多幾粒可以嗎?Classic Mentaiko Pasta (HK$168).主角是意粉上面的福岡明太子和紫菜同紫蘇片,撈勻晒一齊食,味道豐富帶有層次感,微鹹、微辣,再配搭意粉的軟硬度適中的口感,不錯👌🏻Karaage (跟套餐 +HK$30,單點 HK$78).雞肉外表酥脆內裡軟滑多汁,必點埋蛋黃醬一齊食Deep Fried Baby Shrimps (跟套餐 +HK$30,單點 HK$88).啲BB蝦炸得脆口到可以連蝦殼一齊食,調味幾好.配有沙律菜蘑菇忌廉湯.這個餐湯好高水準, 濃厚同時有好多蘑菇碎粒Lotus Latte (HK$54/熱, HK$59/凍).可以免費轉脫脂奶,也可以+HK$4轉燕麥奶.我杯熱飲版,拉花有點不完美😒.不攪拌飲一口會覺得是普通latte,攪拌之後,把杯底的lotus餅漿攪勻,即刻正好多.同事杯凍飲版,賣相靚好多😍,上面仲有好多鮮忌廉和lotus餅碎粒,佢話飲完好飽😌Signature Monogram Strawberry Shortcake (HK$78).我一直都被這款蛋糕吸引住,今次終於食到啦😍.最吸睛的是蛋糕面上的新鮮日本草莓,排列成日本 “Uroko” 傳統圖案,一定係食先.之後就係食左右邊的 Ruby Red 朱古力片,甜甜的.草莓下面原來有好多層,有好軟綿綿的香草海綿蛋糕,中間有一層滿滿草莓甜的草莓啫喱,之後是creamy的鮮忌廉,最底層是杏仁餅底,就是沙餅的口感*Matcha Yuzu Cheesecake (HK$61).呢款不在餐牌上,係是日蛋糕款式喔.濃郁的抹茶配清香帶微酸甜的柚子,幾夾喎.芝士蛋糕口感好輕盈和綿密 繼續閱讀
等級4 2022-06-17
1330 瀏覽
最近灣仔開了很多新店, 不知怎樣找到這間. 想訂座時才發現中午只有十二點跟一點半. 這時間完全不合上班族. 打去問原來也可以walk-in. 到達已經十二點半. 剛好就有最後的四個bar枱位置.先說一下門面. 不說也不知這間居然是網紅店. 日式復古的裝修. 不算豪華但氣氛高雅. 像去了日本的cafe. 店員全都說英文不會講廣東話. 還真的以為自己身在外地.好吧. 來到食品. Menu也是全英文或者日文. 初時以為份量不會大. 所以四個人叫了四個主菜再加四個甜品.全部set lunch都會配一碗湯, 今日係磨菇湯. 好濃烈的磨茹味. 打頭陣讓我地有驚喜.主食 :1. Wagyu Beef (Japan) Pasta Bolognese睇見個Menu, 同事以為和牛呀.. 一黎到賣相令人有點失望. 完全係一碟肉醬意粉. 不過味道不錯. 我地叫左三款主菜, 呢個的味道最濃. 食完個口整天都重有個陣味係度. 如果打算幾款share的話, 請將呢個意粉放到最後.2. Wagyu (Japan) Hamburg Steak w/Yuzu Ponzu Sauce同事又好天真以為得一塊漢堡扒. 原來呢個set 係配左碗白飯. 相比起第一個. 呢個的牛味道會啖d. 雖然有個柚子醬, 但同事話味道都唔係濃. 什至覺得唔太夠味. 不過漢堡扒上的蘿蔔蓉同事話好味. 中和左之前食個個意粉的濃味.3. Omurice with Wagyu Demi-Glace Sauce叫左兩個蛋包飯. 飯係有處理過唔係白飯. 相對蛋包飯味道都係好淡. 但個蛋好滑. 味道就得靠旁邊的牛同sauce. 令個飯無咁"卦". 牛唔算多只有四至五舊. 肉質算鮮嫩. 食完主菜叫左兩個Matcha Yuzu Cheesecake及兩個Matcha Palmier首先抺茶控的我, 當然會叫Matcha 的甜品啦.個cheesecake texture好實淨. 食落去以為係抺茶味就大錯特錯. 入口先傳來的係濃濃的柚子味. 然後先到抺茶. 呢個cheesecake 十分之有口感. 好飽肚.最後係Matcha Palmier 抺茶蝴蝶酥. 可能我地又調轉位置食. 食完個甜的cheesecake後. 食呢個覺得好苦。 蝴蝶酥的抺茶好濃. 帶點苦. 超好味. 好脆. 推介! (如果唔係食完個甜品在前, 估辛唔會覺得咁苦.) 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-06
3837 瀏覽
🌹連續三天假期,勞動節一早預備要去《Masion Meiji》打卡。未到10點我們已到達附近,知道餐廳位置是活化項目,特登早點來在附近影相。茂蘿街7號 (M7) 是市區重建局 (市建局) 位於灣仔區的保育活化項目。項目範圍包括十幢被評為二級歷史建築的戰前樓宇,經保育活化後,項目盡量保留樓宇的建築元素和物料,其中包括露臺、法式窗戶、欄杆和木樓梯等。🌹食店早餐時間不供訂座,為求坐到合心水位置,準時到達。我們是第一位客人,座位任選擇。裝修走日式古舊風格,牆上燈飾,塌塌米座位,令人如置身於日本。餐廳早上供應只有糕點、茶及咖啡類。點餐前詢問了服務員有哪一些推介,下單點選了:Hojicha cake roll⭐️⭐️⭐️焙茶味道不足,不太甜Matcha Palmier⭐️⭐️⭐️⭐️抹茶餡配蝴蝶酥,不甜酥脆Lotus latte⭐️⭐️⭐️⭐️拉花美,咖啡香Ginger peach green tea⭐️⭐️⭐️⭐️混合薑及桃在茶中,齒頰留香個人評分食物味道飲品服務環境衛生(廁所很大陣尿味,要改善)回頭率抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-28
1070 瀏覽
“肥佬” 帶我食好嘢, 一反常態, 竟然建議試新餐廳. 去 “開飯喇” 做下功課, 嘩! 又明治時代, 又人氣食店, 又試業中. 今日抱住冒險精神試一試.Maison Meiji 走西日復古路線? 入門口見到歐式酒吧枱, 又見到日式 “堀炬燵”, 今日被安排嘅用餐區屬西式格調嘅普通餐枱. 我同 “肥佬” 周圍八卦睇睇, 發現一間設有類似壽司吧枱嘅細房, 另外仲有一間較大嘅包房.🥢 午餐價錢 $168-268, 包餐湯. 頭盤要再加錢, $78-148.🥣 蘑菇湯. 夠熱, 香味都OK喎.小食一: Deep Fried Baby Scrimp. 蝦肉實淨, 香脆.小食二: Fried Baby Aji. 炸魚仔. 香口, 唔會太油.主菜: Omurice with Wagyu Demi-Glace Sauce. 和牛蛋包飯. 飯比較濕身, 同隻滑蛋結合咗, 幾特別. 我食咗一兩舊好似 “牛腩” 嘅嘢, 是和牛嗎? 蛋飯份量就非常足夠, 好飽. 聽講蛋包飯係明治時代嘅產物.🧁 甜品另外加錢, $40-78甜品一: Matcha Palmier. 兩塊蝴蝶酥中間夾住抹茶醬. 蝴蝶酥本身好食, 抹茶醬味比較重, 我個人麻麻哋. 食完之後隻手黐𥹉𥹉. 點攪?甜品二: Hojicha Cake Roll. 軟熟.☕️ Lotus Latte, +$59. 贏賣相. 面頭嘅餅碎幾好食. 咖啡正常.🤗 總結一下: 餐廳裝修走品味路線, 午餐人多繁忙逼夾, 環境嘈吵, 冷氣唔夠, 就算加埋蛋糕同咖啡都享受唔到預期嘅優雅格調. 性價比一般般. 餐廳仲係試業中, 期望正式營業之後有機會再試下午茶或者晚餐. 繼續閱讀
(以上食評乃用戶個人意見 , 並不代表OpenRice之觀點。)