150
13
1
以上資料只供參考, 請與餐廳確認詳情
食家推介
尋日同另一個半搵餐廳慶祝食飯，想要慶祝紀念日，於是無意間搵到呢間喺何文田Bar&Restaurant，仲要咁啱見到佢哋有做緊優惠推廣，有得買現金券再抵食啲，所以就直接揀咗間餐廳。首先想講真係好鍾意佢呢個牛肝菌湯，唔知咁到底好似有少少芝士嘅味道，酸酸地，但係奶味十足，但我覺得同出面嘅牛肝菌湯好唔同。配搭餐湯嘅黑松露麵包非常之濃厚，黑松露嘅香味配搭芝士醬喺上面，成個口感非常之舒服。跟住要讚嘅係蜜汁黑椒豬手，成個豬手口感都非常之有水準，外脆內軟，配搭喺隔離嘅薯仔粒都非常之入味，呢個價錢值得食。然後驚喜嘅係，晚市套餐優惠裏面嘅煙三文魚卡邦尼意粉，意粉嘅口感同出邊嘅唔同佢哋嘅意粉比較幼身，同天使麵口感有啲相似，卡邦尼做得非常之好，底下面仲有好多雜菌，而且煙三文魚配搭卡邦尼意粉，口感真係好好。水牛城雞翼，第一啖覺得有啲似咕嚕肉嗰醬汁嘅味道😂但係食多幾啖就覺得係有啲唔同嘅，第一次試到味道嘅水牛城雞翼，其實係幾有風味，不過同我自己個人口味就爭咁啲。最後真係好想好想讚佢哋嘅餐廳服務，非常之有心哋幫我哋喺心太軟都寫低咗啲紀念嘅字句，令到成個用餐體驗進一步提升，餐廳員工非常之有禮貌，尤其是係貓店長「阿包」真係好得意，係一隻好高冷嘅貓貓，非常之為食，哈哈真係印象深刻！有機會再到紅磡區，一定會再次到訪呢間咁好味嘅西餐廳！
繼續閱讀
今日可以早少少放工，去咗公司附近嘅Macaroni食下午茶。平時食佢嘅午餐多，估唔到下午茶一樣咁高質！叫咗芝士牛肉漢堡連薯條同餐飲，嚟到睇倒已經好驚喜，漢堡同薯條都係新鮮熱辣即叫即製，麵包唔止熱仲脆，又有牛油香，牛肉有啲肉汁唔會好乾，沙律菜好新鮮，有唔同款，同醬汁夾埋可以同牛肉有好好嘅平衡，所有材料都好有質素！薯條亦係好脆唔油。仲有呀，呢個餐份量仲好夠，$58唔駛加一，性價比世一呀。順帶一提，下午茶人唔多，可以靜靜享受美食。平時好少寫食評，但係咁有heart嘅小店，誠意推薦！
繼續閱讀
①水牛城雞翼 $62先來個小食，6隻雞翼大大隻，味道帶微辣，惹味開胃。②美國1855黑安格斯西冷 轉套餐 $268套餐多左沙律，湯，飲品以及甜品。煙三文魚沙律賣相唔錯，塊三文魚幾大塊，蜜糖芥末醬正合我心。牛肝菌湯配松露牛油多士，個湯幾香濃，多士有驚喜，幾特別。主菜件西冷好大塊，有筋有膏，叫左Medium，切開少少紅剛剛好，口感唔會韌，就算唔點蘑菇汁都夠味。跟薯菜有沙律菜，西蘭花，紅蘿蔔以及炸薯粒，份量好多。飲品飲凍朱古力再另加$15，本身覺得有點貴，但見唔到杯凍朱同普通茶餐廳飲品很不一樣，感覺值了。③半熟刺身帶子黑松露意大利飯 $98份量幾多，兩隻帶子好大隻，煎香兩面，中間如刺身般軟腍。意大利飯有香濃黑松露味，仲有拉絲。套餐的是日甜品轉特色甜品可減$20，所以另加$42點了餐廳招牌甜品④ 二人拿破崙賣相吸引，切果下已經聽到鬆脆聲，不過略嫌只有酥脆而不夠香口，但也是非常不錯的拿破崙，不會覺膩。.整體食物質素算高，是日晚餐$100有找，其他主菜性價比亦高，甜品亦出色，絕對是有驚喜的平民西餐廳。.小事一樁，餐廳入面有隻好靚既英國短毛貓，當我坐低落完單想同隻貓影下相，點知呢個時候有個港女出現，佢一入餐廳仲未坐低就大叫「我好驚貓架，你幫我收埋佢」我聽到真係反白眼！佢連隻貓都未見到阿！唉，呢個客黎親，隻貓就要比人困住，仲要全間餐廳食客無得見隻貓，真係超陰功囉！.溫馨提示: 呢間餐廳雖然響紅磡區，但其實比較近何文田站。
繼續閱讀
雖然位於大街，但是這間餐廳門面並不起眼，裝修不搶眼門口又不大，不過經過很多次看到餐牌令人感覺貼地，今晚終於可以去試試她們的晚餐了。位於何文田站附近，很容易就找到也很近地鐵站。我們點了4客晚市套餐，店員先送上蒜蓉包和餐湯。蒜蓉包大概是曾經烘熱過，現在變凍了，有蒜蓉牛油味不過因溫度下降了所以不突出，質地也變脆硬。忌廉湯的稠度正常，可是味道不怎麼飲到忌廉味，再看看質地大概是加入了很多麵粉，不太知道自己飲了甚麼，又沒有其他餐湯的選擇😅香煎大和豬扒配黑椒野菌汁意粉($118)的份量十足，旁邊的配菜都算幾多的。豬扒的做法是先在表面撲上一層粉再拿去炸，不算很熱氣但感覺沒有煎的那樣有誠意。豬扒雖有一定的厚度但肉質十分軟淋，更不怎麼需要牙力，卻令我在想究竟是本身肉質夠淋，還是加了很多鬆肉粉呢？不清楚，但大概有用人手打過讓肉質鬆一點。意粉偏幼身，生熟度是剛剛煮軟的程度，個人來說可以硬少許，但這個軟硬度很符合大眾的喜好；至於醬汁方面就沒有甚麼特別，沒有突出的黑椒味，也沒有很明顯的野菌味吧。個人認為配菜的表現比較突出，不是那些煮好以後一直熱著令蔬菜變得黃黃的又太淋的那種，而是保持了一定的口感，特別是加入了蒜蓉製作，味道更佳水牛城汁焗雞扒意粉($88)的擺盤有點奇怪，不需要醬汁的位置就這樣空了，沒有整理一下😂雞扒厚身肉質淋滑，表面的醬汁惹味帶少少辣，幾過癮。雖然是走西餐路線，但熱奶茶的茶底香濃，是港式奶茶的味道，對於較喜歡港式奶茶的我覺得味道不錯。細細的一間店，蘊藏着人情味；店員態度友善又客氣，同樣是喜歡貓的我們都交流了不少心得呢雖然食物屬正常水平，但以價錢來說，可以慢慢坐在這裡聊聊天過一個晚上都不錯
繼續閱讀
性價比高 平民價 貼地西餐其實我去過好多次🙈亦帶過好多朋友去食 暫時一致好評👍因為真係好抵食！黑椒烤豬手是必點的！皮脆肉鬆軟是基本最欣賞係薯仔粒伴碟,但係絕對唔hea係炒過既 陣陣蒜頭香味😋😋 $158蒜蓉洋葱炒蜆 都好入味 蜆無沙 粒粒蜆肉都新鮮! 連洋葱都食哂👍$78雙重芝士夏威夷千島pizza 芝士控至愛Pizza係薄脆批底 都重口味架! $138炸魚柳薯條又係必點!! 魚柳脆而不油膩而且炸漿唔會過厚 $68 真心比出面賣炸魚柳薯條既舖頭仔更出色!!! 😍餐廳真心性價比好高 價錢貼地亦好岩朋友們吹水聚下!!💕
繼續閱讀