M Station 1

營業中

休息中

今次行過門口，心諗火雞腎同八爪魚點會搭，但點知原來出奇不意😋！火雞腎香口得嚟又爽滑，八爪魚外脆內軟，chok chok地真係正！燒雞翼又點少得？BBQ味跳晒入口，微微辣添d kick，啖啖肉一啖過癮。再講講芝士煙肉蘑菇啦，大隻肉厚，煙肉芝味撲鼻而嚟，簡直唔止哂數，係哂本👌！拆開蘑菇，係so juicy，心諗梗係要嚟多次！羊架就揀微紅，啖啖肉都散發著甘香羊味🍖。另外，蒜蓉包跟班，出爐時嗰陣熱辣辣，掂正！脆皮包著蒜香，無機會話喵。今次食得咁開心，下次帶埋班friend黎嚟鬥快少少👯‍♂️！

幫襯左快十年，最出名就係個菇，所以次次食2人餐，意粉款式唔多，但個個都幾惹味，每次都係外賣，夏天飲椰汁沙冰真係一流，仲有魷魚、雞腎、豬腸選擇，雖然唔係西餐，但係都幾好味，注意製作時間都好耐吓，所以最好打定電話落order，免得有排等

我在元朗 M Station 餐廳購買外賣，但是這次的體驗真的很差。我點了意粉和大啡菇，但等待了整整40分鐘，才有人通知我外賣已經準備好了。職員的態度也奇差無比，完全沒有積極幫忙或是道歉。更讓我感到不滿的是，最後我發現他們竟然沒有給我大啡菇！我已經付了錢，卻沒有得到我點的菜。我覺得自己被騙了錢，這讓我非常不開心。總體來說，這次在 M Station 餐廳的外賣經驗真的很差。等待時間長、職員態度差、而且最後還被騙了錢。我真心不建議大家到這家餐廳購買外賣。

諗住叫外賣打電話冇人聽去到舖頭諗住叫嘢食冇人理不特止仲要叫咗好多聲都冇人理㩒門口個linlin 都冇人理入埋去問佢有冇嘢食問咗兩次都冇人理唔知乜嘢態度好似對出邊嘅嘢完全聽唔到咁樣做到咁不如唔好做啦

行咗成晚就諗唔到食咩宵夜食佢就一流性價比極高價錢好抵，而食物質素又唔錯，今次叫咗三樣嘢仲有辣味雞翼都係好好嘅選擇👍🏻👍🏻👍🏻外賣又好方便下次想食我返屋企食又得星星批 🍕🍕芝士加火腿仲有塊香脆薯餅，而批底就係鬆軟嘅蒜蓉麵包再加埋少少蕃茄醬，成個口感好豐富，熱辣辣啱啱整好嗰時食就最好 👍🏻👍🏻👍🏻西西里流心蛋焗意粉好濃嘅蕃茄味再加埋芝士同肉碎，而肉漿同意粉嘅比例做得啱啱好🍝🍝一到夏天就想食蕃茄嘅🍅🍅

磨菇有包裝膠紙 都唔緊要 我一個女人仔拎番過去換 佢話無得換 退番5蚊比我 我朋友睇唔過眼過去叫佢換 佢先肯換過 但系仲要我地等左好耐三催四請先整 平時老板系到都唔會服務差成甘 今日個老板唔系到 啲飯仲要濕到好似咬泥膠甘 下次都唔似仲應唔應該幫襯 唔系磨菇大就得架 啲水準要老細系到先得既 個咖哩飯仲差過大快活既。 個餐仲叫左個凍奶茶 杯凍奶茶仲要無啦啦變左少甜多冰 個女職員態度惡劣 佢話果條膠紙系芝士溶左出黎既 咁餐廳有無寫明磨菇內附包裝膠紙先？無既剩系退番5蚊比人 甘如果食左落肚有咩事點呢？

味道還好，但服務質素就........想落單既時候係咁叫”唔該”都冇人理我 喺男職員面前企足5分鐘 佢都可以眼尾都唔望繼續做佢自己嘢 但其實個我就係佢面前 佢掛住整野都唔幫我落咗單先？間野等野食本身都要等得耐都算 仲要冇人排隊落單都要等？其實係咪唔想做生意😅

隔左好耐冇去，前兩日再去食，餐牌有少少唔同左，但芝士菇同星星批竟然仲比以前好食左😍🤤食完兩樣已經超飽，飲品要菠蘿青檸，今次叫左凍飲，以往叫開熱飲，個人覺得熱飲好飲啲🤓

我最初食，因為朗屏果邊試過佢，佢既菇好正！有size比你簡，唔同size唔同價錢！佢面果到會放芝士再燒😍最後佢會幫你切開（如果你想），一口咬落去勁juicy！一直都好鐘意食，但係成日要好夜先開檔，後尾先知原來係雞地果邊有😍😍😍😍

今晚嘅宵夜，食《有機溫室烤菇》有好多大大小小嘅菇菇比你揀完（按Size大小而計算價錢的，都好公平吖👍🏻👍🏻😎）～等佢烤⋯⋯烤完隻菇以為佢會好乾，但係一咬落去😳，隻菇依然勁厚好Juicy ahhh !! 仲有配埋半溶既Cheese 😍😍 唔錯唔錯～另外，如果唔鍾意等嘅朋友，佢呢度係歡迎預訂再去自取的🙌🏻🙌🏻👏🏻

M Station 1 名菜不用多介紹當然是燒大啡菇但他們的意粉也同樣出色！三文魚焗意粉餐 $63 ( 三文魚意粉+ 罐裝飲品) 三文魚跟意粉是分開的。 三文魚分量不少，大約有３小片魚柳，配上醬油焗，魚肉嫩滑沒有過火，味道不錯。另外意粉配上白汁再上黑椒調味，還有少許火腿做配菜。意粉軟硬度適中。$63 套餐不算便宜但分量足及味道不錯，抵食！

朋友指定要來食, 店子很少, 10個位都無, 有小食有焗飯/意粉。羊架: 有大細任你揀, 價錢唔同的, 一條條咁叫, 朋友話唔錯, 幾好。蘑菇: 呢度招牌, TOPPING有火腿, CHEESE同肉醬, 都幾HEAVY 架, 朋友推介話好食。雞翼: 煎得香口又算平海鮮蘑菇意粉: 是白汁, 雖然我唔中意食, 但比較稀, 唔會太漏, 主要是蟹柳粒+ 火腿絲+ 蘑菇片, 正正常常LA

去完又新街掃街邊小食就搵路食菇沿路都有好多餐廳 特別係泰國餐廳同潮州打冷😀由又新街行過黎 大約用左十幾分鐘一黎到門口就有個大雪櫃 入面排哂大大小小既有機大磨菇🍄🍄🍄🍄🍄🍄🍄每個都有因大小清楚標示價錢 更有用保鮮紙包好每一粒 好衛生啊！😎店內較細 只有三張枱 夠6-8個人坐當時店入面只有一個人打理 但都有主動招呼我地👍🏻Menu設有套餐 較抵食最後揀左Set A 自選菇+ $22 （3件澳洲懷舊雞翼 +3塊蒜容包+汽水）而自選菇方面 就揀左$38 係當中最平 但Size都有手掌咁大架✋🏻等左十分鐘左右就有喇 賣相好吸引大磨菇熟左就會縮水 菇內有大量火腿 茄醬😍茄醬唔係普通茄汁開出黎 有小小洋蔥碎 唔會好酸 好好味😍😍😍😍而且非常多汁！成隻碟都係 好juicy 😋😋蒜容包較薄 脆得黎唔會硬到整損嘴 好夠味😚雞翼好重口味 較咸 似滷水雞翼呢個小食 一共$60呢個套餐對於我一個人黎講 份量唔夠我食😂😂而且當日呢一碟係兩個人share 更加唔夠食😫但因為我地想留肚食其他野 所以先叫咁小店內亦有焗飯同意粉較飽肚既選擇埋單店員俾左張卡片我 話開到2點 可以做宵夜架🤓🤓🤓😌

想試好耐，終於有機會入到元朗。好似酒樓選魚咁，自己睇中隻磨菇，就買邊隻俾佢整，好特別。成塊芝士溶咗係磨菇上，賣相吸引。芝士濃郁味加上磨菇嘅鮮甜，味道好配。但只可當小食，因為男仔應該唔會飽。

之前朋友說這裏的食物好好味，見食評也不錯，便千山萬水由土瓜灣入元朗這裏吃晚餐。揀了最大隻的磨菇，售45元，焗出來時縮了水，芝士焗磨菇，賣相不錯，但芝士味道不夠濃。焗羊架35元一件，配上了很多香草，很香羊肉的羶味和香草味，但肉質很靭，有d肉咬唔到焗雞翼很好味，辣辣地，很惹味。蒜蓉多士不過不失。帶子海鮮焗意粉本來是焗長通粉的，我不愛吃長通粉，改為意粉，味道一般，餐牌的圖片上，帶子是很大隻的，可惜實物與圖差距很大。飲品要了凍菠蘿青檸，菠蘿味重 ，有些菠蘿肉，但完全飲唔到青檸味。已早知店舖很細，雖然開了冷氣，但整段晚餐時間都冇感受到有冷氣，很熱，反而店外還比入面涼少少。店主非常好人，主動將我們點的食物組成套餐，可以加些錢就有飲品。