111
3
0
港鐵荃灣站 B1 出口, 步行約5分鐘 繼續閱讀
所有分店 (2)
電話號碼
28183533
營業時間
今日營業
08:00 - 22:00
星期一至日
08:00 - 22:00
付款方式
現金
食評 (128)
等級4 2020-04-29
1984 瀏覽
好開心,早前終於有時間約埋幾個朋友一齊食野,時間過得超快!食飽飽,影靚相,愛大家!焦糖雞軟骨🐓($58)芝士茄醬焗大啡菇🍄($58)石燒肉眼扒配薯菜🥩($118)特色鰻魚炒飯🍲($78)肉絲脆球麵🍜($68)熔岩芝士焗巨雞髀飯🍗($68)雜果雪糕窩夫🍦($38)特色芝士餅配香滑忌廉🧀($38)朱古力班尼配忌廉雪糕🍫🍰🍦($38)熱咖啡☕️(+$0)雪糕紅豆冰🍷🍦($42/+$10)士多啤梨法國牛乳特飲🍓🥛($42/+10)奇異果法國牛乳特飲🥝🥛($42/+10)——————價廉物美,真心樣樣都唔錯,好好味,cp值極高!推薦:📍雪糕紅豆冰好高質🍦🌰🥛,紅豆大粒軟糯,椰香奶香濃郁!📍牛扒好大塊🐮,五成熟,好嫩滑多汁!📍肉絲脆球麵🍜,脆卜卜好味😋!📍甜品係超抵,竟然$38咋,我最鐘意brownie🍫配雪糕🍦,好正❤️...店舖: M Kitchen (荃灣)荃灣眾安街68號荃灣千色匯I期2樓2032號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-27
1199 瀏覽
疫症爆發以來,甚少外出,更何況跨區用餐﹗?這天,相約久未見面的摯友,於荃灣短聚片刻。荃灣之友,帶我們去了荃灣千色匯的M Kitchen。餐廳裝潢以湖水綠主調,簡潔明亮,感覺頗為舒適親切。 為了客人的健康著想,餐廳跟足政府的防疫指示。枱與枱之間,相隔了一定的距離,提供酒精搓手液,酒精濕紙巾,以及讓客人放置口罩的紙袋,細心周到。此外,每位客人均會獲贈一杯可增強免疫及具強肺功效的湯水,值得一讚。 翻閱餐牌,選擇頗多,有十多款午餐選擇,價錢由$68-$118不等,奉送是日餐湯或熱飲一杯。此外,又有沙律、小食和甜品等選擇。友人P做足功課,甫坐下,毫不猶豫地,點了一客賣相靚且性價比高的原個蕃茄濃湯安格斯肥牛肉湯烏冬。 飲食業正處於寒冬,然而,時值午飯時間,且價錢相宜,餐廳生意不錯。稍待片刻,一桌子的食物,形態各異,色彩絢麗,教人看得心花怒放的。 A最愛新奇的東西,點了這一客炸雞翼爽脆海蜇配海膽醬$68。雞翼醃製後油炸,皮脆肉嫩,簡單而好吃。爽脆海蜇配海膽醬,第一次品嚐這個組合,口感爽脆非常,味道鮮上加鮮。只是,個人而言,還是喜歡酸香的海蜇多點兒。 P的原個蕃茄濃湯安格斯肥牛肉湯烏冬$68,配熱檸茶,賣相真的十分掂﹗紅彤彤的原個蕃茄濃湯以石鍋盛載,熱辣辣,香噴噴﹗一碗烏冬、一碟安格斯肥牛肉和雜菜、一小碗脆米,以及一金色水煲熱蕃茄湯,構成一頓豐盛的午餐。 P急不及待地,把肥牛放入熱湯中,稍稍灼至五成熟,即入口細味品嚐。看他吃得津津有味的樣子,好不滿足﹗然後,搯了一少碗蕃茄濃湯細嚐。據說,濃湯茄味極其濃郁,鮮甜而味美。 A,要了一客熔岩芝士焗巨雞脾飯$68,配粟米蛋花湯。此焗飯,飯如其名,雞脾果然極其「巨」也﹗侍應即席在我們面前,用刀把一大塊熔岩芝士,削下一大塊於焗巨雞脾飯上。 熔岩芝士焗巨雞脾飯的雞脾碩大,熔岩芝士和焗飯份量也多,且配有西蘭花、甘筍和車厘茄等有營蔬菜,實非一弱質女子可以全然吃它個一乾二淨也﹗雞脾肉質軟腍,味道略嫌較為淡味。幸而,混入熔岩芝士與茄醬等同吃,大大豐富了味道。餐廳在調味方面,整體感覺是較為輕手,估計以健康飲食為考慮之故。 小妹的焗鮮茄芝士厚切豬扒飯$68,調味恰到好處,且豬骨邊沿位置焗至焦脆可口,好好吃。 壓軸,他說想來一點甜。繽紛雪糕窩夫拼盤$128,芒果與朱古力雪糕,不是甚麼大牌子之作。然而,雪糕窩芙,配上雜果切粒與椰果,滿載了我們美好的童年回憶。但願,歲月安康,生活靜美…… 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-25
847 瀏覽
今日同3個朋友一齊係荃灣食lunch 食完之後就出發行山⛰️🤣 所以要食飽d 行行吓黎到千色匯搵嘢食~見呢間都好似幾多人 但唔洗排隊 就入左黎😆 餐牌都幾多選擇有扒餐芝士焗飯意粉漢堡包仲有日式鰻魚飯、日式火鍋等等大家差唔多想食嘅嘢咩都齊🤣 原個番茄濃湯安格斯牛肉烏冬 $68 雖然晏晝就打邊爐有啲重口味 但見到價錢吸引仲有肥牛食而且成個蕃茄做湯底 就忍唔住叫🤣 個番茄湯底唔錯完個新鮮蕃茄而且底仲有蕃茄肉 可以揀烏冬或者飯 ~ 熔岩芝士焗巨脾飯 $68 超巨型大隻嘅雞脾 大到鋪滿成個飯! 而且仲有芝士拉絲喺面 本身以為就咁食 但係原來仲會親自切出熔岩芝士 放落去場面 好壯觀🥳 芝士味濃 送飯一流👍🏻另外仲有叫啲小食 芝麻雞翼薯條配黑松露蛋黃醬 $58 雞翼炸得香脆可口 ~ 鍾意呢個芝士茄醬焗大啡菇 $58 好juicy 而且又係足料芝士😋令我最滿意嘅就係呢度嘅飲品因為加$10就可以飲到新鮮嘅果汁而且仲有果肉特別推薦呢個芒果汁同埋奇異果汁! 味道新鮮淡淡果肉🥰🥰🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-21
741 瀏覽
荃灣有間餐廳都幾有特色,但係價錢唔貴,主要都係啲西餐同埋茶餐廳之類嘅食物為主。而家政府限制令,所以要分得開咁坐,但係基本上都座無虛席餐牌選擇好多,特色嘢飲,小食同埋午市套餐包羅萬有,基本上想食中式西式都一應俱全。焗鮮茄芝士厚切豬扒飯$68轉特飲加$10 奇異果法國牛乳特飲$42紅豆冰$28紅豆嘅份量非常充足,甜味恰到好處,而且口感都軟林,值得一嘗。奇異果特飲味道清新,甜味適中呢!個豬扒飯真係好大舊豬扒,非常厚身而且size都好大,上面嘅芝士味飄晒出嚟,味道濃郁,新鮮蕃茄酸酸甜甜亦非常開胃,旁邊有啲蔬菜令整體感覺健康得多。芝士茄醬焗大啡菇$58原本以為係一個大嘅蘑菇,原來分開兩個,同樣有芝士同蕃茄味,清新而且亦非常Juicy。炸薯條洋蔥圈$58味道冇問題,而且醬汁嘅配搭亦非常好,口感亦十分香脆,唯一可以駛善嘅地方就係個熱力差少少!流心紅豆西多士$45呢個真係超級邪惡,上面有好多紅豆,西多士外皮,炸得金黃,顏色已經夠晒吸引,趁着熱辣辣快啲切開佢食就最正!總括來講,呢間啲小食都OK,不過如果定食lunch嘅話佢啲lunch set一定係最抵食,好食同埋夠晒份量。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-20
598 瀏覽
今日去咗荃灣千色搵食🍴~見到 M Kitchen 餐廳裝潢好fresh好清新,門口好多消毒用品,所以揀咗佢嚟試🤩(入前要先量體溫,正常才可進入的。而裡面每枱都有一定距離,絕對可放心用餐)入座後,每人1個口罩袋,2張酒精濕紙巾,好體貼👍🏻然後侍應送上每人一杯welcome drink(抗炎飲品),入口有淡淡参味,滋補涼茶,都幾好飲今日分別點了:❤️《芝麻雞翼拼薯條🍟黑松露蛋黃醬$52》~兩者均炸得香脆可口,配埋蛋黃醬,食唔停口😆🧡《熔岩芝士焗巨雞髀飯$68》~除咗個飯本身的芝士,再有熔岩芝士刮落嚟!份量相當多!!呢個好驚喜!芝士控必點!💛《凱撒沙律配煙三文魚$68》~食完炸物、大量芝士,梗係要食番個沙律,消膩😹💚《士多啤梨法國牛乳特飲$10》士多啤梨唔會太甜!Nice 🙌🏻💙《奇異果法國牛乳特飲$10 》提一提,飲品跟餐只需加$10,大大杯,抵飲!埋單$208,已經食到好飽,食物質素都唔差,下次會再嚟食!! 繼續閱讀
(以上食評乃用戶個人意見 , 並不代表OpenRice之觀點。)