50
22
9
港鐵長沙灣站 A2 出口, 步行約5分鐘 繼續閱讀
電話號碼
55088318
附加資料
營業時間或有變動,請留意Lucy Coffee n Food Instagram限時動態
營業時間
今日營業
12:00 - 18:00
星期一
全日休息
星期二至日
12:00 - 18:00
公眾假期
12:00 - 18:00
*最後截單時間: 17:30
付款方式
現金
食評 (95)
等級4 2021-02-01
1171 瀏覽
Lucy未搬舖前去過一次,依稀記得甜品幾高質,有日想食佢嘅抹茶紫米蛋糕就到訪新鋪,鋪內只有四張枱,我地好好彩坐到最後一張,無幾耐出面就排大隊,亦有唔少人外帶甜品。店員會喺甜品櫃玻璃上寫上是日款式,賣晒就打X或換上出爐新品,所以食唔今到你鍾意嘅款式要啲運氣,好可惜我去嗰個時段無任何抹茶甜品。🍽炒滑蛋芝士酸種包 Scrambled Egg, Chives, Cheddar Cheese w/ Sourdough ($88)酸種麵包酸味明顯,外皮質感偏硬脆,炒蛋時間控制得啱啱好,落左唔少車打芝士,香蔥令個包更加香口,呢點加分。老實講定價偏高,但呢個熟悉嘅早餐組合幾好食嘅。 🍽大紅袍半熟芝士蛋糕 Big Red Robe Tea Half-baked Cheesecake ($58)芝士蛋糕中央位置雖未至於流心,但明顯見到比外圍軟滑,蛋糕有唔少茶葉碎,茶味明顯,最欣賞係蛋糕免同邊真係有焦香,唔係間間cafe都做得到。呢款而家應該下左架,但有伯爵茶同咖啡等口味,我地當日外帶左一件咖啡味都非常高質。🍽特濃雞蛋焦糖布丁 Egg Pudding w Caramel Sauce  ($45)當日最愛,雞蛋布丁相當嫩滑,但又唔會一畢就散,蛋味焦糖味都濃郁。🍽柚子磅蛋糕 ($45) Yuzu Pound Cake呢款蛋糕推出冇幾耐已經賣晒,幾枱一齊等佢出爐,外層香脆,蛋糕係偏乾同鬆散嘅類型,唔係我杯茶,但糖漬柚子幾好食,蛋白香頗重。☕️冷泡咖啡配冰球 Cold Brew ($55)店家好貼心喺menu附上介紹,雖然Cold Brew經過長時間低溫萃取嘅咖啡,酸度、甘苦味已經較低,但我覺得佢地嘅blend酸度依然幾高,另帶果香,配甜品剛好。☕️Dirty ($38)朋友嘅Dirty都帶過酸,但甘苦味會相對出啲,望住漸層慢慢融合好治癒。雖然價錢唔平,但芝士蛋糕同雞蛋布丁質素唔錯,如果唔駛排大隊會想試埋其他款式嘅甜品。 繼續閱讀
(以上食評乃用戶個人意見 , 並不代表OpenRice之觀點。)
星期五放假,約咗朋友一齊出去找嘢食,佢就話好想嚟呢度食,咁就滿足佢要求嚟食甜品和飲茶啦~我係近門口嘅玻璃櫃上看甜品餐牌,揀咗以下甜品,由最淡味開始食到最濃味:1️⃣ 黃豆粉豆腐芝士卷 (HK$58) ⭐️必食⭐️蛋糕部份軟綿綿,不過不及中間嘅豆腐芝士忌廉咁吸引,有濃厚嘅豆腐味道,乳清芝士嘅鬆軟口感,真係好有驚喜😋2️⃣ 咖啡半熟芝士蛋糕(HK$58) ⭐️必食⭐️好特別嘅味道,入口第一刻係咖啡味,不久之後芝士嘅鹹味道慢慢滲出嚟,口感好creamy,似食緊mousse😋3️⃣ 提拉米蘇 (HK$58)這款甜品只限堂食。點了一份,面頭嘅可可粉太多,容易哽親,下一層嘅芝士忌廉,我覺得比較稀釋,可以再creamy一點。用匙羹拔到底,會見到濕晒嘅咖啡蛋糕,可能店主落得太多咖啡酒啦,呢個有點扣分。4️⃣ 橙酒雙重朱古力無麵粉蛋糕(HK$58)呢個賣相最靚,甜度係最甜。入口即嚐到好重橙酒和濃厚嘅朱古力味道,食多幾啖會覺得有點膩。飲品方面,就喺紙餐牌上面揀:1️⃣ 杏仁焦糖薰紅茶(HK$58)淡淡嘅杏仁薰茶香氣,入口有焦糖甜味,配甜品一流👍🏻2️⃣ 伯爵茶可可(HK$58)使用 70% Varlhona 法國黑朱古力,可可味香濃,但不是朱古力味道,攪勻後伯爵茶味找不到🤨 繼續閱讀
(以上食評乃用戶個人意見 , 並不代表OpenRice之觀點。)
等級2 2021-05-02
0 瀏覽
今日好朋友嚟到屋企作客🥰🥰我哋由荃灣店去到長沙灣店都一路有幫襯開今日佢指明想食Lucy嘅蛋糕所以我就外賣左幾件返屋企💃🏻開頭滿心期待點知.....😓唔知係退步咗好多定係我今日唔多好彩嘅關係😭😭😭😭食左幾年同老公食素之前都有喺呢度訂蛋糕都好好食但係今次呢三件蛋糕好失望🤨🤨🧐😞檸檬半熟芝士蛋糕好鹹🙉🙉🙉🙉🙉冧酒芝士蛋糕冧酒嘅味道好苦😭😭😭想食蛋糕就係想食甜甜地我朋友講笑咁講係咪好似少林足球嘅阿梅咁樣整嘅時候唔開心留咗兩滴眼淚落去所以啲蛋糕係又咸又苦一啲都唔甜🤦🏻‍♀️係個香蕉蛋糕保持到水準希望今次係一時失手若果唔係我今年老公嘅生日我都唔知去邊度訂蛋糕好🧐😞過幾日等我再去多一次睇吓有冇唔同到之後再補番個食評😎因為真係食咁多年第一次遇到呢個情況 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-11
56 瀏覽
供應少量輕食、甜點、蛋糕、咖啡等,每天更會推出不同蛋糕,想知道就要留意IG了!Tiramisu ($58)得知推出了tiramisu,特意過來品嘗的,果然沒有令我失望!入口質感細滑柔軟,芝士味道香濃,ladyfingers不會太濕,入口時咖啡和咖啡酒味道突出,每一口都有淡淡酒香,相當美味!咖啡半熟芝士蛋糕 ($58)蛋糕裂開了,而且沒有流心效果,有啲失望,不過味道依舊好吃!入口咖啡味非常濃郁,質感柔軟濕潤,口感滑溜creamy,入口即化,不會有過膩的感覺,吃完後令人念念不忘。伯爵茶可可 ($58)入口朱古力味香濃幼滑,同時滲出陣陣清幽的伯爵茶的茶香,味道微甜,風味優雅溫和。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-03
48 瀏覽
之前吃過Lucy的抹茶夾心曲奇之後一直念念不忘好像期間限定那般,多次經過都沒見過再有得買🥲今日經過又偷偷望有甚麼賣😛見到宇治抹茶磅蛋糕好吸引之後又見到櫥窗那個有片閃亮亮橙片的物體-橙酒雙重朱古力,橙控的我簡直是瘋了,怎麼可能放過她呢🤩結果兩種都買下吧😋精緻的包裝拿著在路上是多麼的期待呀~結果也沒有令我失望抹茶磅蛋糕那種濕潤軟綿綿帶有抹茶清香,冷冷的質感吃下去多美妙啊,好像是要熱食的?店員有問要不要加熱😛不知熱食感覺是怎樣了,夏天冷冷的吃還不錯橙酒雙重朱古力是特濃巧克力蛋糕的味道,同是濕潤軟綿綿的口感加上混合橙酒的朱古力醬,實在時香氣迫人啊~據說是無麵粉蛋糕呢~真想再吃多次呢價錢是有點偏貴,但是味道真的不錯下次再試試堂食吧🤪 繼續閱讀
(以上食評乃用戶個人意見 , 並不代表OpenRice之觀點。)