Lucky's Pasta & Pizzeria

營業中

休息中

同朋友叫左沙律、蝦意粉、牛排，沙律最正常，意粉味道唔錯，可惜兩隻蝦都霉既，塊牛扒先最離譜，價錢都$300，落咗好多鬆肉粉，而且味道係超鹹，仲難食過快餐店，非常失望

最近成日落雨，於是去咗TOP呢間好就腳嘅cafe，地鐵站行過去唔駛經室外，落雨濕濕都唔怕。坐低見1200~2000嘅happy hour叫小食好扺，我哋又唔算餓，就叫咗個set share再加小食最先上枱係煙肉薯仔湯，好creamy 有薯仔令個湯嘅consistency厚啲，唔會水汪汪。唯一可惜係無煙肉粒，口感爭啲，飲到底會發現有啲煙肉碎，可能係想避免令到個湯太油。鮮蝦柚子沙律，蝦肉鮮甜，本身望落以為有啲dry，但食落發覺都有落少少醋，份量啱啱好，夠味又唔會多到成碟係🤌 柚子嘅酸甜中和沙律菜嘅草青味，作為前菜更開胃。之後到兩個小食，唐揚魷魚新鮮炸起熱辣辣，外脆內嫩，配埋少少七味粉點綴嘅蛋黃醬，中和咗炸物嘅油膩感。至於西蘭花馬鈴薯餅，咬開入邊仲見到細細棵相對完整嘅西蘭花仔，保留少少食緊菜嘅口感XD 應該有落少少芝士，食到中間質感比香較滑，唔係齋薯蓉嗰種死實嘅口感。阿根廷青醬封門柳係今晚嘅主角，捧住良心黎講，加錢都值得叫！單係佢切埋俾我已經覺得好貼心，牛味夠濃，佢切開嘅位睇到無煮到好熟，肉質鮮嫩唔會有筋。再講埋青醬，本身以為係意粉嗰種青醬，但食落口有分別，有一絲辣味，點牛食可以吊到個味出黎

#20250729 📝📍 #LuckysPastaAndPizzeria @luckys.top.311 旺角彌敦道700號T.O.P This is Our Place 3樓311A號舖➖➖➖➖➖➖➖➖➖➖➖➖➖➖➖➖➖#慢煮法國黃油雞 #半隻 $118💭 隻雞可以揀全隻定半隻，兩個人食全隻就搞唔掂喇，叫半隻岩岩好，一切開已經見到啲汁咇晒出尼，個皮好似啲蜜汁叉燒咁甜甜地勁正，最正係可以拎左隻髀咁咬超爽，側邊有啲芝麻醬撈沙律菜，有肉有菜夠晒健康🐔.#脆皮德國蜜糖芥末豬手配秘製酸椰菜 $248💭 就咁睇名呢個豬手感覺有啲平凡，但其實佢係好多細微位都好有心思，首先係佢個醬好特別，唔係平時啲蜜糖芥末咁簡單，而係有啲杏脯味中和到個炸既油膩感，再尼係個酸菜，用煙肉炒過令佢無左陣酸味，連埋個薯蓉一齊食好似變到多左個小食咁，yummy🐷.#旺角美食 #🐷在旺角 #🐷_食

[ Lucky's Pasta & Pizzeria ]今日約埋朋友嚟旺角食嘢，想搵個地方傾吓偈就嚟咗Top商場嘅Lucky Pasta，佢地仲推出咗一系列Happy Hour小食優惠，好啱同一班朋友share👯‍♀️。✿ 香蒜大蝦扁意粉🦐🍝 $158意粉蒜香🧄濃郁，大蝦爽彈新鮮，扁意粉煮得剛好，帶點嚼勁，整體味道平衡，油份剛好，份量充足。✿ 牛油果大蝦海鮮薄餅 $228薄餅餅底薄脆🍕，牛油果蓉🥑清新，搭配大蝦&其他海鮮，口感豐富。芝士拉絲🧀效果不錯🤌🏻。✿ 小食自選3款 $128Happy Hour時段 12:00-20:00 供應多達9款小食😻。今次叫咗以下3款‼️✿ 咸蛋黃雞翼外皮酥脆，咸蛋黃醬香濃，單骨份量剛剛好🐓。✿ 芝士焗生蠔（2隻）生蠔🦪上鋪滿芝士，焗得金黃，再配搭沙律醬提鮮。✿ 鐵板燒牛舌牛舌厚切，口感軟嫩，搭配阿根廷青醬汁惹味，係3款中最出色小食，推薦必點‼️✿ 凍榛子鮮奶咖啡☕️ $37榛子香氣突出，咖啡順滑，甜度適中。✿ 蜜桃烏龍茶 $37蜜桃味🍑🫖清新，烏龍茶底甘香，無糖解膩之選。✿ 是日精選甜品 $78每日限定，不同款式！可以向店員查詢翻。當日係開心果巴斯克蛋糕，入口

旺角T.O.P裡面 環境清靜 非常適合交談嘅西餐廳座位好多 非常闊落食物賣相都不錯.✨蟹肉芒果牛油果他他清爽的冷盤 賣相吸引 打卡一流蟹肉鮮甜 配芒果同牛油果口感豐富 適合作為前菜打開味蕾份量都算大.✨香蒜大蝦扁意粉一上台 蝦香氣撲鼻 一定要趁熱食 蝦肉彈牙扁意粉掛醬汁 濃郁 蒜片好多 岩哂蒜愛好者見好多台都係食意粉.✨黑松露菌薄餅黑松露份量不多但好香 搭配菌菇薄餅底酥脆 份量多 食物款式都非常多薄餅都仲有好多款 好多都適合我口味

見到有人推介手工pizza，搵日同朋友特登去咗食。首先坐落望下餐牌有咩食，結果餐牌都未睇完個waiter已經企咗喺隔離stand by催落單。啱啱食完，嘢飲都未飲完個waiter就攞張單過黎要求埋單。當晚同朋友大約5點幾到，出面亦都無人等位，成個用餐過程唔計等餐1個鐘都無。食物方面叫左pizza同沙律，一般般，有啲失望，啲三文魚好咸，但勝在份量夠大。個餐湯好飲，普普通通。價錢方面唔太貴，但綜合上面，試過就可以。

已經冇客，仲要趕客21：15分未夠一）一枱客雖然有甜品上桌，但一位侍應瘋狂地收碟，客人一手持叉吃雞翼，該侍應已經要收客人的匙羹和碟。二）同枱另一位客人仍在吃意大利粉，該侍應又問客人替你收碟好不好，客人不理睬，該侍應在旁呆站。三）同枱客人仍在吃甜品，居然走到後面一枱掃地揚塵，小動作多多。四）另一枱的客人們尚在喝餐飲，居然到旁邊枱噴消毒水清枱，再四處掃地。我打這篇文章到這裡，已行到先達，時間是21：42。

話晒喺旺角搵間坐得舒服嘅西餐廳真係唔易，Lucky’s Pasta & Pizzeria係唔錯嘅選擇位於T.O.P.，環境型到爆，食物質素高，啱晒同三五知己chill住食飯傾計😎牛油果紅蝦扁意粉呢碟扁意粉真心係顏值同味道兼備牛油果醬滑到不得了，入口creamy得來唔會太膩，仲有兩氣紅蝦咁多，蝦肉鮮甜彈牙份量啱啱好，啱晒鍾意健康口味嘅你🥑🦐煙三文魚薄餅餅底薄脆，煙三文魚份量都多，配上濃濃芝士同新鮮火箭菜，食落有層次🍕🐟唐揚魷魚小食揀咗唐揚魷魚，炸得金黃香脆，魷魚爽口配埋特製醬汁好開胃，係同朋友share嘅完美小食🦑Lucky’s嘅環境真係要大讚！裝修走型格路線，燈光柔和又有氣氛，坐位寬敞，畫滿壁畫，無論係同朋友傾計定打卡都一流重點係旺角旺區，搵食方便，行完街過嚟食個飯真爽🛋️✨

意大利辣肉腸薄餅🍕($168)Pizza上枱就已經好香，係薄批，批邊咬落煙靭，pizza面鋪滿芝士同辣肉腸，所以食落柔軟惹味，而且辣肉腸令到味道微辣，忍唔住一啖一啖咁放入口✨安格斯肉醬配手工意大利闊蛋麵🍝 (138)芝士絲、安格斯肉醬同埋香草鋪滿意大利面，半溶嘅芝士食落有咬口之餘仲能夠帶出肉醬焗香，肉醬調味適中，蕃茄味甜酸中和，手工意大利闊蛋麵咬落煙靭，手工係唔同啲✨鹹蛋黃雞翼🍗 ($68)鹹蛋黃粉沾滿每一隻雞翼，所以咬落好濃鹹蛋黃味，而且雞翼炸得香脆，單骨雞翼食落好方便✨

喺旺角想食西餐 打開op就見到佢期望唔算好大 整體都有值得稱讚地方晚餐兩百幾蚊/位 正常價錢但我哋揀咗單點Pizza $200左右意粉150左右 安格斯牛肉醬手工意大利闊蛋麵 8/10分比起平時食開的肉醬意粉更加推薦呢款意大利闊蛋麵質地都比較掛汁 醬汁口味都調得唔錯芝士半溶 仲有少許mushroom 覺得呢度的意粉比Pizza出色Pizza方面, 芝士四重奏平時都鍾意食芝士 但係冇留意到原來裏面加咗Blue cheese 🧀 口味都比較濃 我哋就唔係太食得慣餅皮係手工皮 屬於煙靭偏腍嗰種如果唔係特別鍾意blue cheese可能揀返其他口味會比較好 🙊我哋比較鍾意 mozzarella/ 車打芝士 奶香味道比較濃嗰種柚子蜜糖雞翼Menu上面寫8/pieces 原來係將四隻雞翼切開方便進食 都幾細心炸雞翼在蘸上柚子蜜糖 🍯甜甜地$68 正常發揮

估唔到T.O.P有個角落有間唔錯嘅餐枱！餐廳都佈置得幾靚，有啲花花，仲有個corner有唔少公仔同figure, haha!我地兩個人，叫左一個set同單點意粉，我覺得佢個set都包左唔少野，唔錯！Set Dinner $238鮮蝦柚子沙律
柚子沙律好清新，醬汁酸酸甜甜，幾開胃，份量都唔少！大蝦飽滿，正！是日餐湯：粟米忌廉 
粟米忌廉湯暖笠笠上枱，湯底濃郁順滑，粟米味好甜，仲有陣奶香～白酒蜆肉扁意粉 
蜆肉新鮮肥美，白酒醬汁帶點蒜香同酒香，濃郁但唔膩。我鐘意佢嘅扁意粉！彈牙又吸滿醬汁精華☺️餐飲：凍檸茶少甜少冰 正堂，仲要唔洗加錢是日精選甜品：Brownie
朱古力味濃郁，質地唔會太乾，上面嘅果仁碎加咗脆口感，甜度適中，set dinner包埋唔洗加錢好perfect!慢煮法國黃油雞（半隻） $118
黃油雞都好有驚喜！半隻雞慢煮到肉質嫩滑多汁，黃油香濃得黎唔會太重，皮仲有少少脆口，增加口感。配菜嘅菜都好新鮮👏結論🫰Set Dinner性價比高，氣氛亦唔差！🫰店員都nice我地細食所以share都夠食好味度：8.8/10

💅🏻修完甲經過食左呢間🥳餐廳有好多選擇😍有pizza、小食、意粉同飯✅好適合朋友聚會🎈同朋友食生日飯都唔錯👍🫕黑松露牛肝菌啡菇意大利飯：意大利飯上面有成隻好大隻嘅蘑菇🍄‍🟫蘑菇烤得好香👍切嘅時候仲好Juicy😍意大利飯嘅質地係有咬口❤️係我哋最鍾意嘅口味👅🍝香蒜大蝦扁意粉：兩隻大蝦勁吸引🤩大隻又爽口😍佢個味道好惹味💯連個蝦殼都好香好正👍扁意粉索晒啲香蒜汁❤️好喜歡呢🥳🧆鐵板燒牛舌：佢哋呢個啲小食好抵食又好好食🤤一客牛舌已經有5件厚厚的✅咬落口仲好多汁😍仲一啲都唔柴添🥳🍹白桃乳酸梳打：見到餐廳好多人都飲呢杯白桃🍑果子味道真係好香甜👅🍹士多啤梨乳酸梳打：呢杯士多啤梨乳酸梳打都唔錯💯入口夠凍又清香👍

呢日約咗個好多年無見嘅朋友出嚟傾下偈食下嘢🗣~原來喺T.O P.呢個商場隱身咗一間環境咁舒服又精緻嘅西餐廳🍽~前菜先嚟食個巴馬火腿配哈密瓜無花果沙律🥗~甜甜嘅哈密瓜配埋鹹香巴馬火腿🍖~新鮮嘅沙律菜配搭咗酸酸地嘅黑醋汁🥬~簡單嘅前菜已經味道好豐富~佢哋出名嘅係手工薄餅🍕,所以一定要試一下~而我最鍾意食菇類🍄,所以叫咗個黑松露菌薄餅。黑松露味道好香,而且菇類配料都多👍。因為唔太餓唔想食多個主食,而小食選擇好多,好難入手🙈~呢度有得俾你自選小食拼盤🍱,我哋直接揀咗三款~有鹹蛋黃雞翼🐔,鐵板燒牛舌同埋西蘭花馬鈴薯餅🥔~鹹蛋黃雞翼略嫌鹹蛋黃份量唔夠,我鍾意大量😂😂~牛舌燒得外面有少少脆👅,入面又唔韌,薯餅亦煎得好香唔錯~呢度職員服務好好,會留意住不時嚟加水🫖~我同朋友坐咗勁耐傾偈,真係好滿足🥰~

餐廳位於TOP，用唔同乾花佈置，裝潢簡單，座位闊落，當日平日都座無虛席🤣-🍴咸蛋黃雞翼本身以為係流沙咸蛋黃，但原來係炒到比較乾身😝雞翼外皮好香脆，咸蛋黃味剛剛好唔會好感👍必點小食😛-🍴海膽醬蟹肉扁意粉扁意粉好掛汁🥰海膽味好鮮甜creamy💕上面仲有好多蟹肉/紫菜，撈埋一齊食好有層次感🤩-🍴牛油果海鮮大蝦薄餅餐廳主打薄餅，點可以唔叫😍薄餅係即叫即整，外皮薄身且脆，內裏鬆軟，每塊薄餅都有一隻大蝦，仲係新鮮爽口彈牙🥰芝士有拉絲效果，配埋車厘茄/牛油果/火箭菜，好fresh😜

同朋友係旺角行街，行到肚餓入左T.O.P商場醫肚，見到呢間義大利菜餐廳晚市套餐性價比唔錯，一於試下。叫左Set dinner（$218）另多加一個主菜，整體食物唔錯。餐廳環境格調乾淨舒適，座位闊落，好啱晒朋友聚會。前菜：鮮蝦柚子沙律鮮蝦爽彈，柚子清新無苦澀，沙律菜新鮮，醬汁開胃。蘑菇濃湯（是日餐湯）超濃郁！打碎蘑菇粒有口感，飲到奶香同黑椒味，暖胃之選。 蒜片欖油蝦扁意粉蝦肉大隻彈牙，意粉熟度剛好，每條都掛滿油香，仲有唔少蘑菇，增加口感。 慢煮黃油雞（半隻）$118半隻夠兩個人share，皮滑肉嫩！雞胸都唔柴，黃油香慢慢滲出，必encore！ 焦糖燉蛋表面焦糖層苦甜，蛋香滑溜，甜度剛好，細細杯完美收尾。 意粉同黃油雞高質，環境舒適，會再幫襯！