Lobster Boss (已結業)

Lobster Boss上年係K11 Musea開幕，香港少有龍蝦及海鮮包專門店，終於唔洗去到日本先有得食又平又好味龍蝦包!! 🌭店內充滿海岸風情，海浪聲不斷彷彿置身於捕魚船上，未食都覺得新鮮!! 🛟⚓🛟- 甜蝦包 HK$118 🌭🦐甜蝦來自冰島，搭配蛋黃醬及檸檬汁鮮味濃郁，再以香脆牛油排包夾著清爽生菜，新鮮美味一秒置身海灣。- 沙律 （餐）🥗蔬果都十分新鮮，塊塊都好完整, 而且加埋鵪鶉蛋，食落好有飽足感。😋

今日天氣唔算好凍，想食下D簡單D既野，於是我就去左K11 Musea呢邊搵下有什麼食，行到一個位就被一隻龍蝦吸引到，原來係龍蝦包😉一個Set都幾抵食，有包、沙律同埋飲品，簡左一罐Soda Water🤩Salad沙律都算好大份下，可惜無配上沙律醬，只有加了一點醋，但是酸酸甜甜其實又有另一番滋味☺️Lobster Roll $128估唔到龍蝦包會有咁多龍蝦肉🥹原本以為只有大概一點點肉再加龍蝦醬，點知原來係啖啖龍蝦肉，果然係無簡錯🤤好味指數：8/10性價比指數：9/10餐廳名稱：Lobster Boss餐廳地址：尖沙咀梳士巴利道18號維港文化匯K11 Musea B2樓B201-34號舖電話：63644970

餐廳：Lobster Boss地點：尖沙咀K11 Musea菜式：海鮮包餐牌：海鮮包有3款，已經包沙律同餐飲，無需額外加錢。加$8仲可升級至餐湯。另外都有Mega Roll Combo同單點。唔收現金。龍蝦包 $128呢度選用加拿大龍蝦，切好細細件方便入口，撈好沙律醬，好夠味，餡料足，溫度凍凍地。用一片爽口生菜包住。外面個麵包簡直係大大加分，烤得外脆內軟，牛油味香，入口暖暖，味道甜甜地，好正。用牛油紙包住，方便用手食。伴有一塊檸檬。周打蜆肉湯 跟餐加$8冬天當然要飲返碗熱湯。周打蜆肉湯熱辣辣，用紙兜上。夠濃厚，而食到粒粒蜆肉同薯仔，味道都唔錯，好暖身。伴有即棄木羹一支。跟餐沙律跟餐沙律係爽口雜菜沙律底加上車厘茄，粟米粒同洋蔥片，簡單加上黑醋調味，仲有少見既鵪鶉蛋一隻，簡單健康。總括而言，個包真係好味道。買一個海鮮包就附送埋沙律同餐飲，抵wor。收銀隔離有四張高凳，可以坐低食，裝修都唔馬虎，好似係海洋中食海鮮包。即叫即整，等左10分鐘就有得食啦。

Musea k11 food court 旁邊有間Lobster boss, 有d幾正既combo, 最重要係有質量，而且幾好食。龍蝦包既包有焗過有d toast既感覺，特別香口！配料以龍蝦肉為主，非常足料，調味用既醬汁唔會太嗆味，仍然食出龍蝦既鮮甜味道，外脆内軟相當好食，即叫即整有heart, 配上英國手作薯片，更為豐富。沙律菜都係有誠意即叫即整，清新開胃，周打蜆湯幾creamy足料，熱辣辣幾好飲，而且仲包有可樂，都相當滿足。店員親切有禮，會介紹抵食套餐，真係食過番尋味。

放假前又黎K11 Musea食Lobster Roll啦🦞之前開幕都黎食過✌🏻今次叫左個Combo set有兩個roll同沙律🥗薯片配埋兩罐飲品 兩個人岩岩好Mega Roll Combo $198🔹 Crab Roll🦀🔹 Lobster Roll🦞🔹 Salad/ Chips/ Soft drinks x 2Lobster Roll同Crab Roll都好好味好鮮好多餡🤩外層個飽用牛油🧈煎過又香又脆😍 勁正❗️依個size食得好方便 唔會邊食邊跌食得elegant之餘仲可以慢慢打卡📸成件事$200有找有rolls有snacks仲有drinks真係好抵食😋

香港專門售賣龍蝦包/海鮮包的地方好少，原來尖沙咀K11 Musea就有一間。小店地方唔大，只有幾張bar椅，但店舖的裝修好有特色，模仿一隻船咁，配合返海鮮的主題，感覺都幾有特色。外籍店主服務態度親切友善🥰❇️Lobster Roll Set 龍蝦包套餐 (包沙律、飲品)，另加周打蜆肉湯▶️嚟到當然要試下招牌的龍蝦包啦！個包係新鮮即製，麵包外層咬落好香脆，食落味道甜甜地，亦食到牛油香味。入面用上加拿大龍蝦，龍蝦拆咗肉，唔會好大舊容易食，但龍蝦肉滿滿，混入沙律醬但又唔會覺得好膩。入面亦有大大片生菜，同時亦附上檸檬可以按喜好加入龍蝦肉中，令味道及口感更豐富😋▶️跟餐的沙律都幾大碗，而且好新鮮▶️周打蜆肉湯材料豐富，有薯仔亦有好多蜆肉粒，入口creamy而且好香濃蜆肉鮮味，都幾好飲！整體來講，食物質素唔錯，價錢合理，鍾意食海鮮的朋友要嚟試下！

🦞 K11 Musea即點即製爆餡龍蝦包🦞🦐🦀 如果你特別鍾愛龍蝦、蝦、蟹的話，一定不能錯過Lobster Boss的滋味輕食了。位於K11 Musea的海洋風小店，主打爆餡龍蝦包，更有手作薯片、周打蜆湯、冷泡白咖啡等選擇，小編偶然做完facial都會來這裡醫肚喔！🦞🦐 龍蝦鮮蝦包Set $128套餐包沙律及餐飲，加$8可升級至餐湯。這次選擇了龍蝦鮮蝦包，麵包富牛油香，入口暖笠笠，鬆軟香口。 龍蝦鮮蝦包塞滿了龍蝦肉和海蝦，餡料份量多，賣相吸引。餡料加入沙律醬調味。最令人印象深刻的是有大大隻龍蝦鉗加持；新西蘭甜蝦爽口彈牙，啖啖肉口感豐富，麵包以生菜墊底，吃時加上少許檸檬汁更顯清新之感。🫕 周打蜆湯濃稠暖和，有粒粒蜆肉和薯仔，清新的沙律竟然有鵪鶉蛋，真的又被驚喜到，這個組合真的十分豐富。✨ 凡購買任何一款海鮮包均附送沙律及餐飲，絕無額外付費，性價比極高。🍽 餐廳：Lobster Boss🌐 地址: 尖沙咀梳士巴利道18號維港文化匯K11 Musea B2樓B201-34號舖

K11 Musea 地庫有個好大嘅food court 主打中高價位。但原來穿過food court再行入啲都仲有幾間不應比遺忘嘅餐廳！ 香港要食lobster roll 唔太多選擇 慶幸搵到呢間 高汁又親民嘅lobster roll! 🦞 Combo Set 188 (Any 2 signature rolls + salad + drinks + chips) 🦞 roll 啖啖肉 大大舊又juicy! 調味做得相當好 夾在微烤過散發着濃濃牛油香既Brioche裏 相當滿足🥰😋 加少少檸檬汁風味更佳！ 🦀 roll 味道不相伯仲 非常鮮甜又足料 我同朋友各有所愛～ 呢個價格係K11 Musea 食到呢種質素同份量既lobster roll 回頭率極高！💡💡💡💡💡

之前在日本及泰國都食過龍蝦包, 香港這店竟然做買一送一咁抵, 就來一試食物 : 雖然買一送一可以有其他口味, 但都係叫咗二個龍蝦包 $140 ~ 龍蝦鮮味不足, 食到有雪藏味, 醬汁不夠香濃, 麵包是嘉X排包, 但唔夠熱, 整體有D失望 環境 : 小店地方不大, 只有四個座位, 裝飾佈置有心思, 地方舒服乾淨 地點 : 此店在K11 MUSEA, 非常方便 服務 : 職員有禮貌 價錢 : HK$140 (無加一服務費)

上星期六睇完戲，喺K11 Musea搜尋冇乜好嘢食。比呢間店名吸引咗眼球，即時回想幾年前曾經喺東京、大阪、曼谷食過嘅啖啖肉Lobster Roll。毫不猶豫，即刻去試吓。撞啱有買一送一優惠，仲可以揀龍蝦、蟹肉或蝦肉包，意料之外嘅優惠，但食唔晒，將個蟹肉包打包返屋企，諗住慢慢嘆，但係比阿媽食咗，佢都讚好。見阿媽咁鍾意，今晚專登放工後去買外賣，拎返去俾佢再試吓個龍蝦包，仍然有買一送一優惠呀。仲有新產品周打蜆肉湯、老闆好好人，又極力推介，就試吓啦。味道又真係幾濃喎，細細碗，份量啱啱好，太大碗就好滯㗎啦。美味再回味😊😊😋😋😋

心血來潮想食龍蝦包🦞🍞上網搵到呢間，睇相好吸引，睇menu又好似唔貴，又係K11幾方便，就黎試下😍驚喜發現原來做緊頭50張單買一送一，姐係$70幾一個包成個包都塞滿左龍蝦，個包熱辣辣脆脆地咁，好好食我地2個人一人食左2個都唔覺得膩🤣強烈推介！唯一唔好係堂食得4個位🤣而佢又啖啖肉 如果企係度會有d狼狽🤣🤣好易跌到周圍都係😂😂平時好少寫食評但因為覺得太好食覺得應該要推介下希望佢生意興隆 我繼續有龍蝦包食🤣🤣

行經尖沙咀k11，唔可以錯過呢一間龍蝦包😍宜家更加有限定優惠買1送1，新鮮即製，麵包勁好食！今次叫咗龍蝦包同鮮蝦包兩款，試下唔同口味😉🦞龍蝦拆咗肉，啖啖肉口感好正！會加咗沙律醬調味，搭配清新。🍤蝦肉採用新西蘭甜蝦，細細隻爽口彈牙。欣賞個包外層焗到好脆，更有濃郁牛油味🧈全港唯一一間龍蝦包，🌊行經海旁唔可以錯過！@lobsterbosshk 📍尖沙咀 #tsimshatsui #lobster

好耐之前喺其他地方食過龍蝦包，對龍蝦包念念不忘，今日放假專登去左k11 Musea 試下呢間🦞🦞lobster boss，點知咁好彩撞正買一送一，一個人食唔曬兩個包，所以有一個要外賣，外籍店員好細心，外賣嗰個飽佢幫我暖住。雖然係買一送一，個龍蝦包都啖啖肉好足料，牛油味都好香。

今次去左K11行街，經過見到個promote下午茶餐半價咁抵，仲要送埋飲品同薯片😮 睇落咁抵梗係去試下佢啦叫得Lobster Boss，我就梗係食佢龍蝦包套餐（$70），佢個龍蝦肉加埋d醬係幾好味，不過覺得龍蝦肉就碎左d，我會鐘意食到啖啖肉多d，份量還好，薯片就食得出真係自己整既，唔係我地零食咁普通，加埋杯凍檸茶岩岩好😋整體算係唔錯，如果正價係呢個份量就真係唔收貨，正價淨包都$140，加埋薯片同飲品又多$50，呢個餐如果$190真係太貴😂 但$70呢個餐就真係食得過，希望呢個promote會長做啦🤓

Lobster Boss 招牌龍蝦包賣相得體的龍蝦包，兩片烘烤過的厚麵包夾著滿滿的龍蝦肉，店家真係落足料，夠哂大方🫶🏻麵包塗上了少量蒜蓉醬，烤得外脆內軟食落真係啖啖鮮甜爽彈撈上沙律醬的龍蝦肉，加埋塊新鮮生菜，令成個包層次感豐富又清新，無可挑剔經典和牛漢堡選用澳洲M9和牛包面烤至脆身，包體密度高加入酸瓜，原片芝士，大片番茄及新鮮生菜和牛只輕輕將表面煮熟，內裡仍呈現粉紅狀態，充滿油脂感的和牛帶淡淡甘香