160
17
6
港鐵堅尼地城站 B 出口, 步行約3分鐘 繼續閱讀
開飯介紹
來自澳洲的餐廳,多心的朋友可選擇beer tasting paddle,一次過品嚐六款不同的啤酒,如富花果及啤酒花香的Pale Ale。 繼續閱讀
付款方式
Visa Master 現金 AE 銀聯
座位數目
150
其他資料
Wi-Fi
酒精飲品
自帶酒水
電話訂座
外賣服務
加一服務費
食評 (210)
門口人好多,好多養狗人士聚下🐶🐕🐕‍🦺,感覺好正👍waitress 帶位,原來餐廳好大好深😱,仲要樓底高,人又唔多,周圍有啲酒桶,我以為自己去咗旅行,當確定呢度係香港,突然間我覺得香港好似無土地問題🤣menu 選擇好多,但由於我地都太肚餓,所以無乜用心揀,隨意點咗三樣野。《夏威夷pizza》🍕共6件,有菠蘿,cheese同hams , 整體唔太好食,好多好平嘅連鎖店都好食過佢🤣,hams 好鹹,芝士又唔香。《burger 》🍔呢個好味,牛幾有牛味,又juicy , 旁邊薯條就炸得over咗少少,乾咗啲,不過薯味好香,有茄醬又有松露醬幾唔錯。《安格斯牛》🥩雖然牛味濃不過好多筋,旁邊配薯仔同兩個小蕃茄,HKD3xx好似唔多抵。其實我無飲開啤酒🍺,但見呢度氣氛都好啱飲酒所以就隨意order 咗menu 上第一隻手工啤,有果味,飲完有少少澀咁,隨便order嚟講算唔差🤣🤣🤣😅整體感覺都幾好,空間感好足,我地三個人坐嘅檯size係今早食早餐嘅三倍😚, 所以坐得好舒服,waiter 人數唔少,做事亦積極,好難得,門囗望遠少少係海景,我覺得餐廳似無開冷氣,自然海風吹埋嚟真心舒服💞 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-26
115 瀏覽
在疫情肆虐的情況下~~禁止晚市堂食唯有提早在3:30pm吃了一個early dinner來慶祝平安夜在某訂座平台book位 主餐牌食物有50% off的優惠 (飲品除外)我們一共order了飲品及5款食物 (沙律+starter+pizza+pasta+dessert)Beer Tasting Paddle ($140) 啤酒由啖味至濃味,每杯都有其特色!建議第一次去這餐廳的客人可以order這個tasting set~選擇自己喜歡的味道~Caesar Salad ($108)  (*另有50% off的訂座優惠) 味道正常,蔬菜新鮮,麵包粒亦脆口~Avocado Nacho ($128) (*另有50% off的訂座優惠) 粟米片烘得香脆,一點也不油膩配上啤酒,十分合適~Pepperoni ($135) (*另有50% off的訂座優惠) Pizza 口感豐富~ 有很多芝士~Umami Carbonara ($175) (*另有50% off的訂座優惠) 雖然賣相普通,但有別於一般餐廳的carbonara~意粉配上蟹肉,三文魚子~~~十分有口感Creme Brulee ($85) (*另有50% off的訂座優惠) 侍應先把乾冰水倒進碟內,十分有仙氣!份量十足,有豐富的雲尼拿籽香味表層的焦糖焦香脆口~~很滿足總結以言,餐廳十分適合喜歡飲酒的朋友~食物味道不錯,氣氛亦很放鬆性價比高 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-21
127 瀏覽
TLDR: 啤酒迷天堂,野食一般呢到真係好多好多啤酒選擇,同埋staff 都會介紹下佢哋(as long as you ask),當然descriptive term 好abstract 又好subjective,所以呢到仲可以試下先order,真係好好🤩本身少飲啤酒所以comment 啲食物算Impossible nachos的確食唔出係impossible meat,同普通bolognese 無分別,但自己覺得同nachos 唔係特別夾,尤其去多最後令啲nachos 腍哂Pepperoni唔係特別好食嘅pizza,特別係pizza 底又係好糊嗰種腍Umami carbonara係佢地嘅signature dish🤩的確幾正,尤其係魚子burst inside your mouth🤩但有啲油餐廳門口睇唔出,但別有洞天入面真係好大🤣 繼續閱讀
(以上食評乃用戶個人意見 , 並不代表OpenRice之觀點。)
難得去開西環海旁,就想搵個地方嘆吓啤酒chill下,西環本身都開咗好多間酒吧,不過飲手工啤酒嘅就唔算好多,而little creatures喺澳洲開過嚟,都幾出名㗎。坐低揀手工啤酒都研究咗一陣子,因為佢嘅選擇非常多,而且味道嘅範圍都非常廣闊。我本身就比較鍾意果香味重嘅手工啤,所以最後就叫咗Juciebox。佢係用咗橙皮,芒果同木瓜去釀製,初初以為會係偏酸,但係原來佢係偏重苦味嘅啤酒,飲嘅時候會聞到微微嘅果香,有驚喜,唔錯見有少少餓,不過佢食物選擇唔多,最後嗌左煙三文魚bagel。但呢個就令人有少少失望,因為個bagel係凍嘅,好硬,冇咗bagel應該有嘅軟熟同煙韌。炒蛋亦都冇話有任何嘅調味,煙三文魚就普通超市貨,唯一可取嘅就係個cream cheese我睇返佢嘅lunch同dinner Menu分別都幾大,dinner menu啲嘢食吸引好多,所以如果想一路嘆啤酒,一路食餐好嘅,就可能要夜晚嚟。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-13
137 瀏覽
堅尼地城不經不覺係呢一兩年已經發展成文青同外國人chill嘅好地方,今日就為大家去試下呢間澳洲過江龍手工啤酒廠,以我所知佢仲係係澳洲拎過唔少啤酒相關嘅獎項。地點:位於西環海傍,週邊有唔少有唔同特式類型嘅西餐廳環境:單睇門口可能會覺得係一間小店,但原來內有乾坤,入面樓底超高,比到我地有一種有闊落嘅空間感,樓底高到放左幾個大大嘅釀酒爐都仲綽綽有餘。而且仲好深好入,仲聽聞如果唔係疫情嘅關係,係會有live band show睇嘅添!咁空礦嘅餐廳係香港真係好少有食物質素:話明係手工啤酒廠,真係唔好對佢嘅食物有太高期望😅先講下酒,款式方面多到有啲唔識揀,最後叫左一杯Juicebox IPA同New Hop IPA。Juicebox IPA(後面細杯啲果杯)係用上左唔同種類嘅生果(包括橙皮、芒果、木瓜)去釀製而成嘅啤酒,本身諗住應該會比較甜,會比較light啲同淡啲,但後來睇返先發現佢嘅IBU有成56,所以係比較偏苦叫啤酒,口感相對較濃厚粗獷啲,喜歡比較重啤酒味嘅朋友絕對啱飲。另一杯就係New Hop IPA,可能係beer of the week嘅關係,差唔多每一枱人都叫咗一杯。呢個相對比Juicebox你講就相對較light,唔會太苦,而且有微微嘅木筒香味,口感相對比JuiceBox更有層次感!本人較喜歡呢一杯Brewer Burger($165)漢堡包外脆內軟,而且肉嘅生熟度係可以隨意挑選,嗰日我就叫咗五成熟。肉質鮮嫩多汁,食得出係手工漢堡肉,上面再加左一片已經溶咗嘅芝士,特別好味。但係入面夠煙肉就有啲overdone,有啲燒焦嘅味道薯條方面都好有誠意,唔係喺超市買嘅一包薯條,而係用新鮮薯仔整嘅薯條。而且配上茄汁同埋黑松露醬,味道好濃郁,但可惜份量較少,而且冇得添加。Smoke salmon Bagel ($98)呢樣係我比較失望嘅一道菜,好味方面係佢嘅蛋炒得好嫩滑,而且又會cream cheese另上,算係幾有誠意。但差嘅地方就係,佢嘅bagel係超市嘅急凍貨,一啲都唔鬆軟仲幾硬,而且又整得唔夠熱,好似食緊一舊凍冰冰而且放咗好多日嘅麵包咁樣。另外碟上面嘅沙律菜唔係太新鮮,有啲苦苦地黃黃地,真心唔係咁好食。三文魚方面就中規中矩,唔係太有魚味。所以呢道菜真係可免則免。服務:本身以為唔使book位都可以食,但礙於疫情嘅關係,餐廳只可以坐一半人,所以去到要留名等店員再call我地。最後都要等咗成粒鐘先有得食。服務方面就真係一般,想叫個職員介紹一下啤酒邊樣啱飲,但佢哋好似乜都唔識咁扮唔知,你一點有啲失望,最後只可以靠自己嘅知識去揀一款黎飲。價錢:價錢方面,啤酒嘅價位都幾吸引,特別係佢有一個每周啤酒推介,價錢會比一般嘅啤酒便宜。但食物方便就真係比較貴,而且質素一般,建議大家去飲杯酒chill下就算啦。 繼續閱讀
(以上食評乃用戶個人意見 , 並不代表OpenRice之觀點。)