Lion Rock

151
51
14
港鐵太子站 B2 出口, 港鐵旺角站 B3 出口, 港鐵旺角東站 D 出口 繼續閱讀
電話號碼
26226167
開飯介紹
型格餐廳酒吧Lion Rock,提供各國名酒及多款雞尾酒,讓您於輕鬆的氣氛下從特大落地玻璃欣賞香港的著名地標−獅子山。除了欣賞醉人美景,客人更可於酒吧享用午膳、下午茶套餐、晚市單點菜式及套餐,滿足味蕾之享受。Lion Rock同時備有一間VIP房THE DEN及另一連接戶外露台的房間HEA。 繼續閱讀
附加資料
晚餐時段消費港幣$500或以上可享有1小時酒店免費泊車
營業時間
今日營業
11:00 - 02:00
星期一至四
11:00 - 00:00
星期五至六
11:00 - 02:00
星期日
11:00 - 00:00
公眾假期
11:00 - 02:00
公眾假期前夕
11:00 - 02:00
付款方式
Visa Master AE 現金 銀聯
座位數目
74
其他資料
Wi-Fi
深夜營業
酒精飲品
VIP房
電話訂座
加一服務費
室外座位
有關餐廳
Lion Rock
型格餐廳酒吧Lion Rock,提供各國名酒及多款雞尾酒,讓您於輕鬆的氣氛下從特大落地玻璃欣賞香港的著名地標−獅子山。除了欣賞醉人美景,客人更可於酒吧享用午膳、下午茶套餐、晚市單點菜式及套餐,滿足味蕾之享受。Lion Rock同時備有一間VIP房THE DEN及另一連接戶外露台的房間HEA。

食評 (277)
等級4 2018-12-04
394 瀏覽
好唔容易先捱到嚟週末,最近工作唔太順利所以心情有所影響,成個人處於壓力之中搞到精神緊張悶悶不樂。阿肥見到我咁嘅樣,一起身就即刻打電話去Lion Rock訂位,之後再摷醒我叫我起身然後拉我去嘆high tea,誓要用甜點去慰藉我受創嘅心靈以往我哋兩個都曾經去過兩三次呢間喺帝京酒店入面嘅西式咖啡店嘆茶,一來佢位置優越,我哋喺屋企出發坐紅van十分鐘多少少即可到達,二來佢哋嘅性比價亦高,酒店high tea價錢唔算貴之餘質量同樣高分,所以聽見阿肥話帶我嚟享受吓我都即刻笑逐顏開心情變靚~是次幫襯嘅呢段期間,佢哋聯乘護膚品品牌Bare Minerals crossover咗一個系列嘅下午餐套餐,名為<夢幻星塵下午茶>鏡面嘅多方型層架送嚟嘅時候不禁令人心花怒放,大部分嘅甜品都加咗星星造型嘅裝飾,充份配合主題。當中咸點同甜點都分別擁有六個款式,樣樣都精緻漂亮,就等我逐一為大家介紹吓啦~咸點:海草青瓜生薑醋:用咗多數酒吧用嚟盛載shooter嘅透明小酒杯裝住嘅食物,就咁睇餐牌真係完全想像唔到呢幾款食物夾埋一齊係乜嘢東東,原來佢算係一份開胃沙律小菜,一口食落去有滿滿嘅青瓜香氣,然後薑醋嘅酸味滲入味蕾,繼續咀嚼細味到海草爽脆嘅口感,清新醒胃。咖央西多:一小舊正正方方嘅身型非常的骰,西多上面用果沾唧咗一吓花占形狀增添美感,插住星空畫面嘅品牌旗子賣一吓廣告,就算處於肚餓嘅狀態之中,都仍然令人拎上手欣賞佢幾秒先至捨得放佢入口品嚐。估唔到只係細細嘅一塊,咖央風味嘅椰香仍然能夠喺口腔中慢慢發出,頭頂上嘅果占醬帶有微微甜味,噢~!我可以話想食多幾件嗎(?!)鮮蝦木瓜沙律:呢隻size算大嘅鮮蝦冷盤確實新鮮彈牙,蝦肉爽口,之後根底會發現木瓜沙律,都係酸酸甜甜,口感清新爽脆,當中帶點水份有濕潤感,不錯~鱈場蟹肉青瓜杯:食咗幾道酸甜口味嘅菜式已經令人胃口大開,見到呢個蟹肉滿滿嘅物體已經忍唔住成個擺入口喇。細嚼發現軟軟嘅蟹肉蟹香甚濃,灑上咗蟹籽之後口感豐富,配合青瓜嘅清新味道好夾,又軟又脆縱橫交錯。香芒海鮮脆:一小塊脆多士上面佈滿咗切碎嘅八爪魚同蝦肉,混合埋蘋果碎再攪拌,當中帶有小小沙律醬嘅調味整體味道極之討好,口感一流。一小掫芒果蓉加喺頂上襯托,實屬細膩心思之作。帆立貝木瓜撻:一大粒豪華版帆立貝非常吸睛,未食已經知道係靚貨~灑上小小香草之後更加美觀,簡簡單單一粒飽滿嘅貝柱入口風味極佳,新鮮又美味。而底下嘅木瓜撻口感有啲酥化感,入口後鬆鬆軟軟的。甜點:咖啡榛子銀河蛋糕:深藍色半圓形狀帶著星塵圖案嘅模樣就好似銀河表面一樣,神秘又美麗,好奇咁先咬開一半睇睇裡面係點?見到微黃色嘅榛子醬後,視覺加上味覺就可以將答案肯定咁與餐牌配對。朱古力咖啡蛋糕:類似歌劇院蛋糕外形嘅朱古力蛋糕非常吸引,上面亦有星星裝飾仲用金粉畫上一條條星河身為朱古力迷嘅我又點會唔為咗呢件蛋糕而心動吖~置頂嘅純朱古力醬,中間夾住咖啡溝朱古力味嘅蛋糕,底部嘅曲奇餅底幫助解除甜膩感,層次分明。朱古力控必定愛上!巴西莓奶凍:可以拎得上手嘅透明小酒杯極為精緻,紫紅色嘅造型亦都不難估中呢款甜點屬於哪項^^酸酸甜甜嘅巴西莓味道喺奶凍度發揮得淋漓盡致,同朱古力咖啡蛋糕一樣富有實實在在嘅口感,味道濃郁。食完記得飲番啖水淡化吓口中之甜,先至可以再真正試得出下一款嘅味道哦!左起=雲呢嗱木瓜撻:味道相比起其他較為清淡,雲呢嗱味一吃便出來,阿肥對佢極高評價紅色蓋頂的小紙塊實是糖霜製造,全個可以放心食用,實在令人甘拜下風。中間=青蘋果青瓜慕絲蛋糕:青綠色嘅半圓蛋糕上面仲擺放了珍珠裝飾,非常華麗蛋糕甜度適中,青蘋果果味喺蛋糕嘅中心點尤似果醬,慕絲輕柔嘅質感令人無比舒服,咀嚼幾口已經輕如陣風下肚了。右邊=巴西莓慕絲蛋糕:淺紫色嘅唧花造型慕絲正好同巴西莓奶凍首尾呼應,屬於重口味嘅奶凍而呢一件慕絲嘅味道則只有清甜脫俗,令人讚不絕口呢Afternoon tea set亦會包括多款飲品選擇,見到可以試special drink嘅我又點會執輸(?!)揀咗一款名叫Coco Meteor嘅熱飲試試。原來係迷人朱古力粉加上牛奶沖調,另配雲呢嗱糖漿自行加進飲品之中,繼續甜甜蜜蜜。阿肥呢杯係普通嘅Cafe Latte,好少見佢會點甜嘢飲品呢今次嘅high tea體驗新鮮感十足又令人非常寫意,職員仲向我哋介紹嚟緊聖誕檔期推出嘅午餐同晚餐系列,阿肥已經即時俾埋訂金留枱到時再次幫襯呢!!!咁到時候嘅聖誕大餐體驗就待續分享喇...... 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-21
650 瀏覽
位於Royal Plaza的Lion Rock,最近跟化妝品牌Bare Minerals合作,推出超漂亮的夢幻星麈下午茶。是日放假休息,便相約媽媽來渡過美好的下午吧。夢幻星麈下午茶 $508/2人下午茶包括: 六種鹹點和五種甜點,全部小小一件,廚師更貼心地將甜點勻配上曲奇底,方便女孩子能用手優雅進食。鹹點包括: 鱈場蟹肉青瓜杯,香芒海鮮脆,海草青瓜沙律,帆立貝木瓜撻,鮮蝦木瓜沙律,咖央西多。滿滿蟹肉的青瓜杯,具備柔軟和爽脆兩種囗感,很有衝突感呢。香芒海鮮脆,是以八爪魚,蘋果等組成,配上香脆多士。帆立貝木瓜撻,木瓜味不太特出,所以整體沒有違和感。咖央西多小巧可愛,不太夠喉啦。甜點包括: 青蘋果青瓜慕斯蛋糕,巴西莓奶凍,雲呢拿木瓜撻,咖啡榛子銀河蛋糕,朱古力咖啡慕絲,巴西莓慕斯蛋糕。非常可愛的小地球,是朱古力咖啡慕絲。青蘋果青瓜慕斯蛋糕,甜度適中,青綠色感覺特別。咖啡榛子銀河蛋糕,是我最愛之一。賣相吸引的銀河圖案和層次分明的蛋糕,顯出廚師的功力。酸酸甜甜的巴西莓慕斯蛋糕,是最有驚喜的甜品,更有內餡哦。 繼續閱讀
(以上食評乃用戶個人意見 , 並不代表OpenRice之觀點。)
喵😽!各位貓奴要注意啦💖!帝京酒店的Lion Rock 同彩妝品牌 Paul & Joe聯乘推出以貓咪作為主題的 I Love Cats 下午茶!看到我心心眼彈哂出來呀😍😍😍呢set下午茶仲特別集結法、日元素,配合貓咪🐱作主題,炮製一系列精緻又可愛的滋味鹹甜美點,鹹點甜點各6款,食完仲有價值 HK$330 PAUL & JOE BEAUTE 的旅行試用套裝禮品包可以拎走呢!.先嘗六款鹹點:🐾山葵醬玉子三文治厚厚的玉子以蒸焗方式做成,比平時的玉子更香甜可口,加上薄薄的山葵沙律醬,令味道更加豐富~.🐾黑松露野菌撻呢個係我最喜愛的一款❤️本身野菌已經好香 ,再加埋黑松露、忌廉、蛋汁及芝士,放入牛油撻焗至金黃色,超級正,好想瘋狂encore呀😍😋😋🐾吉列蠔配辛子味噌醬平時我唔多食蠔,但以吉列方式去整很香口,廣島蠔好肥美,肉厚又鮮甜,點上辛子味噌醬,味道酸甜中帶微辣, 非常惹味呢~🐾魚子醬伴新薯初時以為白色的果粒係帶子,點知食落原來係薯仔😂有點意外,味道都不錯,但如果係真係帶子會更開心😂🐾柚子伴煙三文魚及三文魚子煙三文魚平時我也很愛吃,加埋柚子醬同三文魚子,味道好清新,底下的脆餅亦好好食~ 🐾鵝肝醬多士鵝肝醬味道好濃郁朋友是素食者,俾埋她那份我吃雙倍鵝肝醬,更加滋味!再來六款精緻甜點🐱檸檬白朱古力貓呢個白朱古力甜品,賣相跟Paul & Joe新出的貓咪造型唇膏殼是一樣的,好可愛呢!敲開白朱古力外殼,仲內藏檸檬味的白朱古力軟心,口感好輕柔,清新又酸甜~🐱 香橙榛子曲奇另一款超吸晴的甜點,曲奇上面可愛貓咪圖案,香橙味的曲奇配上朱古力榛子脆脆,甜度雖有點高,但非常香口~🐱檸檬橄欖油蛋糕甜點中我最愛這款,蛋糕以橄欖油代替牛油做成, 味道更清新輕怡,而且海綿蛋糕好鬆軟,混合檸檬味橄欖油的忌廉味道也很好,仲有點點檸檬醬,酸酸甜甜仲特別加入檸檬橄欖油爆珠😝咬開滲出淡淡橄欖香氣,很特別又好吃😋🐱洋甘菊杯子蛋糕賣相好精緻,洋甘菊整得好神似,cupcake好香牛油味~🐱草莓忌廉伴鼠尾草泡泡這個泡泡我也幾喜歡的,泡泡好綿密又充滿草莓香呢🐱迷迭香朱古力蛋糕朱古力蛋糕味道好香濃,上面仲有印上菊花圖案的朱古力,令造型更精緻,忌廉帶有鼠尾草香,慕絲之中藏有黑朱古力海綿蛋糕,層次好豐富呢!果香特飲下午茶中亦有兩款特別調配的特飲,一冷一熱,凍飲的是Cherry Blossom以Ginger Ale 配以玫瑰糖漿調成,粉粉的,仲有好得意的貓爪造型的冰呢!而熱飲的 Yellow Blossom,以洋甘菊茶配上蜜糖,滋潤又養生呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-18
2144 瀏覽
下雨的星期六,再一次來到獅子樓,但今次不是high tea,而是食lunch,友人介紹Lion rock semi-lunch buffet,一於去試下先。 訂了兩位,可借不是坐窗邊。 吧枱,就是自助餐桌位置,有甜品、沙律、前菜、餐包、湯品及飲品等。 以半自助餐來計,甜品款式算係差唔多,當中有抹茶卷蠻吸引。 沙律及前菜款式多。 咖啡或茶。 是日湯品及糖水。 半自助餐的餐牌,菜式上有中及西式。 未上主菜前,先來一份沙律,沙律菜新鮮,火腿、茄子都幾好味呀。 忌廉磨菇湯,味道濃郁。 中式點心拼盤,$168,有田園素餃、蘆筍帶子餃、蝦餃、燒賣、蝦春卷及炒飯,共5件點心一碗炒飯,要呢個價,感覺好貴,但因半自助餐之下,又覺得抵返,點心大部份是餃呀。 蝦餃,皮煙韌,鮮蝦大粒爽口。 素餃,內餡似羅漢齋。 蘆筍帶子餃,有帶子感覺矜貴, 帶子食落甜鮮,有蘆筍之下更有口感。 燒賣,夠大粒,味道正常水準。 蝦春卷,口感香脆,但饀料少,味道普通。 炒飯,粒粒分明夠乾身,夠足料,但不夠香口。 帝京乳豬黑豚叉燒煎蛋飯,$178。 叉燒煎蛋呢個組合,不禁又想起黯然銷魂飯,不過呢碗冇洋蔥(溏心煎蛋...菜心..),而係有乳豬,乳豬口感薄脆鬆化,肉嫩香口,好味,只可惜...叉燒味道普通。 我最期待的畫面出現了~甜品時間,每件都是小小的一件,可試多款又唔洗過飽,巨峰提子慕絲蛋糕,巨峰提子味道太淡,培茶芝士蛋糕,芝士味濃培茶味淡,抹茶蛋卷,口感有點硬,抹茶味太淡,牛奶布甸,牛奶味濃但口感太實。 嘆返杯熱咖啡先,之後再紅茶,個茶反而幾好呀。 仲有Mövenpick雪糕作小甜品,士多啤梨好味呀。 半自助午餐約百幾至三百幾不等,似乎食物級別了,價格合理,指定信用卡有折呢,主菜上今次只試左中式,食物味道正常水準,反而沙律、前菜、湯品幾好味,甜品比較遜色,同平時Tea的甜品有好大相差....坐得舒服,態度良好,下次可再去呀。 繼續閱讀
(以上食評乃用戶個人意見 , 並不代表OpenRice之觀點。)
食過Lion Rock品牌合作的下午茶已經有3次以上了這裡環境優雅 光線充足 服務好下午茶時間由3點至6點每次都會預訂近窗邊的位置3個小時與閨蜜拍美照及聊天今次都不例外 為慶祝閨蜜生日我選擇了Lion Rock x Paul and Joe BeauteAfternoon Tea Set I Love Cats下午茶這款貓咪下午茶賣相超精緻!超美!拍照呃like打卡絕對冇難道!這個下午茶內有6款鹹點6款甜點全部結合了法、日元素及貓咪做主題味道ok 個人覺得鹹點味道比較出眾而甜點就較為精緻美麗6款鹹點有山葵醬玉子三文治配合一層薄薄的山葵沙律醬口感滑順美味魚子醬伴新薯柚子伴煙三文魚及三文魚子鵝肝醬多士啖啖盡是濃郁的鵝肝醬味道不錯!黑松露野菌撻吉列蠔配辛子味噌醬這款吉列蠔選用了肥美的廣島蠔相當juicy惹味個人覺得可以點少許醬汁(不用太多 會比較咸)醬汁是特別用唐辛子與西京味噌做成的6款甜點:檸檬白朱古力貓香橙榛子曲奇洋甘菊杯子蛋糕檸檬橄欖油蛋糕草哃莓忌廉伴鼠尾草泡泡迷迭香朱古力蛋糕選擇到兩款特飲Cherry Blossom (cold)Ginger Ale配以玫瑰糖漿調成的味道以貓爪造型的冰塊 超美!Yellow Blossom (hot)以洋甘菊茶配上蜜糖的熱飲暖胃滋潤養生供應日期: 2018年7月1日至9月30日時間: 3pm-6pm價錢: $508/2, $270/1現在凡惠顧兩位用套餐還有PAUL & JOE BEAUTE旅行套裝禮品包 繼續閱讀
(以上食評乃用戶個人意見 , 並不代表OpenRice之觀點。)