Links Cafe (已結業)

今晚全晚得o我地三個客，包場，緊係食得開心啦！起初見間餐廳細細間，仲以為唔掂添，誰不知，食落Ｄ食物好掂喎！前菜全部叫“煙三文魚沙律配青檸汁”，份量十足，又清清地，幾好。今晚主菜order：“香煎牛柳配燈籠椒炒野菌，香草薯蛋伴黑松露汁” 最好味（因為個燈籠椒炒野菌及香草薯蛋配合得天衣無逢；“紅酒燴羊膝配菠菜，松子仁薯蓉”　太大份，羊膝這樣煮，比較中式o左少少，不過都幾入味，又唔騷。因為我o地帶o左生日蛋糕，所以叫o左生果做dessert。又係夠晒份量，不過，食到呢度，真係好飽喇，所以Ｄ棉花糖都食唔晒 lu~~~又免開瓶費，又可帶蛋糕，食物大大份，每位落樓都只係 $170，超抵！

今日生日男友帶左我灣仔廈門街一間叫做 Links 既cafe食dinner慶祝裝修簡單靜靜地幾啱情侶傾計佢地promote緊情人節set dinner一人叫左一set頭盤有煎蝦沙律同三文魚牛油果釀蕃茄揀男友話d蝦幾爽我碟釀蕃茄都幾fresh餐湯係魚翅周打雞湯,以為係普通假翅張粉水但好驚喜有真才實料一條條既真翅幾足料主菜男友揀左牛柳伴意大利飯我要三文魚因男友好怕牛柳太生或太老佢讚呢度控制得生熟剛好我就鍾意d意大利飯不會煮太爛好有咬口我件三文魚就冇一般煎魚既腥味怕魚腥既男友都食左幾啖輪到甜品因為book位時同經理講左係慶祝生日廚師好有心機將伴碟既士多卑利挑成而玫瑰花仲同經理一齊唱生日歌真係好有heart估唔到係廈門街咁靜既地方都有d好質素既餐廳可以再去試下

睇到網友黎呢度食過, 話好, 所以某日我行開就試下搵黎食.因為係樓上舖, 加上我唔係地頭蟲, 所以都搵左一陣仔,搵到上樓, 當時冇咩人, 因為未到lunch hour,老闆娘真係好nice, 一黎就知我未黎過,問我叫咩英文名, 然後好溫柔咁招呼我,我order左一個蜜糖豬軟骨＋雜菜＋飯的set,當然唔少得要咖啡啦~個豬軟骨好腍, 好好味, 蜜糖汁好正, 但係唔夠我點飯食啊, 可以多少少汁就好~湯係磨姑湯, 幾好味啊~咖啡呢, 可能我要求比較高, 我覺得只係麻麻地, 不過都唔算太差.食ge過程中我四圍望, 見到好多人留左咖啡豆, 花草茶包等等係度,證明好多熟客都會回頭, 而且係以hae的形式逗留,呢一個小corner的確又幾warm feel,如果我係香港長住或者呢頭返工, 我都會enjoy 係度發下呆, 飲下野, 食個salad之類的.可惜後來lunch time, 有一行熟行gathering, 幾嘈下...第日搵個tea time, 我會再去~

oct 31, 08同友人無意中走咗入呢條喜帖街,2人突然發現呢間樓上舖,咁有緣,咁就嚟lunch,叫咗 : 1) 友人set lunchi) 菜沙律-友人話個黑醋汁令佢胃口大增-咁即喺不錯嘅頭盤啦ii) 龍脷卷釀蝦肉-得2件龍脷卷,賣相好似少咗d-友人就唔鍾喺個汁用上食泰式嘅甜酸汁,而我就覺得咁薄嘅汁唔多啱用嚟配意粉/飯-但個龍脷卷就幾好味,薄薄嘅魚肉(嫩)包住1舊蝦肉/膠嘅混合體 iii) 生果 (送)-因垂詢芝士餅時,佢哋因為接咗party order,無整多到,所以客氣哋送我哋生果以作補償-正常 iv) 熱咖啡-友人話都有水準,相信意思指夠香同濃 2) 我嘅set lunch i) 西蘭花忌廉湯+蒜蓉包-都少"杰"身,滑,西蘭花當然食唔到因佢嘅味本身都清淡-但個味道溫味,鹹味適中,都幾討人-蒜蓉包都脆 ii) 鴨胸幼意粉-想轉其他pasta,可惜沒有-鴨胸連皮,睇落層皮都幾肥吓,當然skip啦-肉質正常,調味適中-個幼身意粉當然無咬口,但好彩都唔喺腍-意粉中嘅配料都好豐富,有洋蔥絲,紅椒,青椒絲,番茄...........-個汁都似用鮮番茄做,好夠味,很不錯 iii) 生果 (

每週一次同舊同事lunch break, 他要近胡忠, 又要坐得舒服, 頭裡只想起這所樓上Cafe, 一個有湯, 有麵包, 有正餐, 有茶啡, 有水果的午餐, 正常來道, 好豐富.先來湯, 薑汁南瓜忌廉湯, 薑味有而不重, 標榜食得有營的老闆娘, 做得非常好. 果真是一個健康食品.二人都叫B餐, 什麼排骨忘記了, 味道不錯, 也是多菜的正餐, 中午, 實在不想做純食肉獸.食物是有質素的, 中午不Book, 有機會被拒門外. 不過 (連加一) 90元一個lunch, 吃的不是上等食物, 收到的只是一般樓上Cafe 的服務, 實在有點overcharge........不過, 論環境, 中午閒聊. 在大道東, 是一流的選擇.

有日我行過廈門街個邊，見到呢一間cafe，就走左上去試下。睇過d人o既食評，話呢度以健康為主……這更加吸引我了~~~一心以為……Lunch時間的灣仔，間間有野食的地方都好多人…不過入到去，唔係咁多人，地方都靜d~~我叫左個白汁蟹肉野菌扁意粉set lunch。首先來一個餐\湯。我唔記得叫什麼了……只記得那個侍應說是用豆做的湯。豆湯的豆香味，加上滑口的清新感覺不錯的說~~~因為湯造得不錯，我很期待自己的意粉。侍應上意粉的時候……唔？？？這是我的意粉？？我叫的不是白汁蟹肉野菌扁意粉嗎？蟹肉在哪裡了？？很想喊……(：_：) 扁意粉味道偏淡。白汁的味道也很淡……整個吃下來的感覺就是……我在吃一碟齋扁意粉……是不是因為湯味道有點濃，所以吃扁意粉不覺得有什麼好味的？(：_：)之後來的餐\飲咖啡都算ok，不過我忘了叫少cream少奶……= =\"\"健康和好味道之間，有時真係好難做決擇……不過可以做到水準，對我來講已經不錯的了。

早幾日行過見到，仲以為係新開，原來已經開咗２年。今日一個人去食晏，坐正係書架旁邊，見有幾多ｃｏｏｋｂｏｏｋ，就隨手拎起本講魚嘅黎睇。可能老闆娘Becky見我得閒，而且今日又比較靜，就過黎傾吓偈。傾落發覺佢都幾好傾，而且都算有心做ｄ好質素嘅食物。呢度嘅ｓｅｔ其實都唔係太細，當然同附近太原街嘅食肆比，呢度係貴咗ｄ同細碟咗ｄ，但係以質素黎講，佢絕對係值呢個價錢。今日叫咗：１．　甘筍薑湯好香甘筍同薑味，今日有ｄ涼，岩晒！２．　蜜糖豬軟骨＋雜菜＋Linguineｄ雜菜好新鮮，個人覺得可以加多些少鹽去灼去釣個甘甜味出黎。個Linguine口感都算ｏｋａｙ。而個蜜糖豬軟骨的確係幾好，簡單得黎都幾滑。３．　Blueberry cheesecake呢個係需要加錢嘅，但亦都係全餐我最鍾意嘅！佢個口感，有質感得黎又比較鬆化；有芝士味得黎又唔會太滯。原來係Becky自己做，材料中特別用咗low-fat cheese、新鮮檸檬汁、蛋白，所以個口感好爽而不膩。４．　咖啡好！對鍾意飲咖啡嘅我黎講，可以唔洗加糖加奶都得，入口香醇，難得係依然留有咖啡中嘅果糖，真係幾好。

經BLOG友兩次介紹﹐今天終於"的起心肝"去試這間cafe。在灣仔厦門街(合和中心斜對面的一條小街)﹐如果不是有人介紹的話我一定不會行去的。 大廈外面放了一個易拉架﹐就走入去了。上到一樓﹐看到一間的式的餐廳(比Spoil 大小許)﹐裡面沒有客﹐初時也不敢推門進去﹐但廚師看見我﹐就叫我入去﹐及後cafe負責人B也行出來招呼了。看到cafe set up 似是剛做完private function﹐原來昨晚真的有兩大group人來了﹐今晚也被包場-- 其實這個也真是一個很好的包場地方﹐可以容納30人左右。它們賣的是健康美味的食物﹐而客路通常是白領﹑專業人仕﹐不像其他上樓cafe般多少男少女為主。 是日午餐是Green Salad 或甘筍湯﹐主菜可以選擇Shrimp + baby tomato Angel Hair﹐炆豬軟骨或鴨胸(伴蔬菜﹑飯或angel hair)﹐另咖啡或茶(但茶好像只有Twinings)﹐加蛋糕+$15﹐另外還有其他特飲。我叫了Green Salad﹐份量較小﹐但菜很新鮮﹐balsamic vinegar很香(稍嫌多油了少少)。 不能吃蝦的我﹐本來叫了豬軟骨但又想問可不

座落係一條好靜的街, 而且要上樓, 但還算多人。可能近合和中心啦!Set lunch只得三選擇，對我以言太小啦! 價錢60-70 頗貴味道方面很淡，叫了一個蕃茄蝦意粉，淡到好像沒味咁!可能叫做健康啦!

今日有兩位同事帶我來到這間Cafe吃飯，由於我是第一次來這裡，給予我的感覺，無論環境、食物都不錯！！雖然舖仔細細！但都應該可以坐到20人，它的裝潢簡單得來給予人有些清新的感覺，白色加粉橙色的椅，還有一邊有一行打橫的長形的水族裝飾，幾特別！今日嘅午餐：1. 菠菜湯（好似係）或蕃茄什菜沙律2. 三文魚什菇意粉、咖哩雞、羊扒（三選一）可配什菜、意粉或飯3. 咖啡或茶還可以加$1x元吃芝士蛋糕我們選了沙律、咖喱雞飯、兩個羊扒（一跟飯、一跟什菜）它們的味道比較清淡，適合怕肥人士！不錯！！咖啡味道很香！

朋友仔介紹黎呢度食lunch.真係唔知係呢條街會有Cafe. 因為條街的一半已被土發收晒樓，仲以為呢條街無商店仲營業。上到去，店子細細，不過幾旺，可能灣仔區都缺乏同類型的Cafe.呢度set lunch 頭盤可選沙律或湯。主菜有三款選擇。連咖啡或茶，大約$58 - 62，另外可以加錢加甜品，加特飲之類的offer. 但我都無見有人加。我地點了凱撒沙律，呢度主張tasty, healthy, 可能因為咁，個沙律都幾healthy, 份量細，約8片菜，有個light caeser dressing, 小小芝士粉，煙肉粒咁。失望，唔係用romaine lettuce, 凱撒沙律係要用romaine lettuce才是啊。主菜我選了紅酒燴牛肋骨。牛肋骨去了骨，炆得好淋。味道較淡口，不過我覺得幾好，因為肉類太濃味只會覺得漏。值得一提的是呢度提供的咖啡，係一隻叫Arcaffe的意大利咖啡。不過記住要早點叫，因為，呢度人手似唔係好夠，所以出菜之類都比較慢。同埋如想約人，喁喁細語的話，呢度就唔係好適合。因為呢度都幾嘈。