61
18
1
港鐵九龍站 C1/ D1 出口, 港鐵柯士甸站 B5 出口 繼續閱讀
所有分店 (3)
電話號碼
23516678
開飯介紹
由名廚 Joël Robuchon 主理的法國茶室,供應多款令人一見傾心的法式三明治、鬆餅、蛋糕及其他小吃,還有風味絕佳的咖啡和名茶。 繼續閱讀
獎項殊榮
最優秀開飯法國菜餐廳 (2016)
營業時間
今日營業
08:00 - 21:00
星期一至五
08:00 - 21:00
星期六至日
09:00 - 21:00
公眾假期
09:00 - 21:00
付款方式
Visa Master 現金 八達通 AE 銀聯 JCB
座位數目
90
其他資料
Wi-Fi
酒精飲品
自帶酒水
外賣服務
加一服務費
食評 (96)
等級1 2021-04-02
1663 瀏覽
Easter假期前夕係Elements行到晚上七點幾揾晚餐食,見呢間餐廳3個courses既dinner收$388加一就去試下,點知中伏。一坐低服務員話重有5分鐘last order,一心以為防疫措施放寛下食肆收10點,自然反應講左句“咁早“,跟手問太太宜家幾點,服務員搶答“係呀,而家係7:55分”。上open rice望望,原來佢晚上9點收舖,但都吾駛咁冇禮貌吖。因為吾知其他餐廳係咪一樣收咁早,費事揾過另一間,嗱嗱臨落左order。頭盤叫左龍蝦沙律同牛油果沙律,味道ok但份量略嫌少。主菜香煎鲷魚,個portion真係好少,兩小塊鲷魚重要薄到好似紙咁。另一個主菜係蕃茄蜆肉意粉,味道普通,啲蜆重有沙添。最後上既甜品係朱古力mousse,成個晚餐得呢個係水準之作。食到8:40分,未叫埋單,服務員已急不及待遞上賬單,真係咁趕收工。成餐飯食到趕喉趕命,食物質素又吾係好,真係吾會再幫襯。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-31
1222 瀏覽
其實之前想嚟試,因為鐘意佢成間舖頭都紅卜卜咁,不過時間就唔到,剛好星期六有時間,終於可以試到入到餐廳,服務員好有禮貌帶位,叫嘢食時都好有禮貌,我哋入座時間其實未夠鐘嗌high tea set,不過佢哋好細心解釋high tea set要準時3點先出得,不過我哋因為嗌咗其他嘢食,所以佢哋會等我哋食完先再上high tea set松露芝士焗通粉,細細碟,但好好味,小朋友可以自己食哂high tea set比我想像中細舊,但其實我反而鐘意每款細細舊,因為平時嗰啲係大舊少少,通常食唔哂,但呢間餐廳係超迷你款,每舊大細就等於大人手指兩節左右,真係超迷你,但其實夠飽的,因為佢哋Tea set入面係有正常size嘅鬆餅,所以真係好抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-15
2589 瀏覽
世界各地都有分店,摘星無數人氣名店。可遠觀而不可食用, 放正中間非常搶眼。接近五星級酒店價錢。不同視覺享受的咖啡畫三層架下午茶, 硬件跟酒店還有一點點距離,服務員態度親切友善。甜品上都有印上自家logo的朱古力配襯,雖然比較hard sell, 看你是否粉絲。整體味道平穩冇乜驚喜,亦冇驚嚇。不要抱太大期望,出來感覺還可。~~~~~~~~~~~~~~~~~~~~~~~食物賣相=(滿分20) 16食物味道=(滿分20) 14服務質素=(滿分20) 18裝修整潔=(滿分20) 18性價比率=(滿分10) 6回頭指數=(滿分10) 6總評分 =(滿分100) 78分 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-18
2237 瀏覽
前些日子,我家小妹光顧此店讚不絕口,外賣試過其牛角包亦鬆脆上乘,今日就試試其午市套餐吧!裝修大紅大黑配搭,坐落圓方南門與W 酒店之間。一入餐廳便是其麵包 / 蛋糕凍櫃,稍後再談談其甜品。頭盤為北海道帶子配粟米汁,主角帶子上碟剛剛熟透,入口鮮甜;娘子試味卻嫌帶子胡椒味略重,有點美中不足。是日廚師精選為《黑松露火腿配法國芝士焗通粉》。娘子還笑我點了火腿通粉,很普通的菜吧!殊不知,每一口通粉都塞滿了濃濃既松露,每一口通粉內既芝士都似湧瀉以出,那濃濃的奶酪味留了在口腔大半天,甚為誇張難忘!甜品為Tiramisu(提拉米蘇),沒有了原來的酒香蛋糕底,創意變成了咖啡味啫喱配朱古力曲奇粒。上面是一啖啖入口即溶忌廉。 好味!但在這級數既餐廳,我本來更期待這甜品既味道和質感的。總括: 自助餐價錢高級法國菜,賣名氣賣服務賣地點 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-15
1907 瀏覽
之前試左金鐘置地個間,今晚再試同一集團呢一間,不過其實之前都過黎食過lunch或者tea,dinner就第一次食。今次我地就淨係叫咗一個set dinner(個人黎講覺得好抵食),另外散叫多兩個main course, 同加多一個甜品試試。煙煙銀銀,似麻薯質感,味道適中,值得試試。湯入面有啲好碎好碎既蘑菇粒,有口感,不過如果味道可以淡返少少會更加好最驚魚會有腥味,不過呢款係完全冇,就算吹凍咗都冇,配埋粟米味道都幾夾,唔錯。碟邊有佢出名嘅薯蓉,係幾好食。另外配埋側邊d香草葉,酸酸甜甜咁幾夾,或者配埋佢格離嘅醬汁都ok,唔洗再點跟埋既鹽都夠味。龍蝦好食夠彈牙,不過我個人喜歡偏淡少少會更加好因為我哋主要想試吓個味道得唔得,所以叫既係半份配薯條(唔要薯條可以揀沙律)。本人超鍾意食呢個甜品,酸酸地嘅生果配奶凍,可以中和返個味道,感覺唔會太甜,啱啱好。呢個會偏向咖啡味重啲,同出邊嗰啲比較我更加鍾意食呢個。總結整體分數唔錯,不過唯一我唔鍾意嘅係佢d主菜一次過上晒,正常如果我哋叫兩個一次過上晒係冇問題嘅,不過我地又叫多咗一個,搞到啲嘢食好快凍哂,呢個可以留意下,預先叫定唔好咁快上晒啲嘢會好啲。不過下次我都應該會再過嚟試埋其他嘢。 繼續閱讀
(以上食評乃用戶個人意見 , 並不代表OpenRice之觀點。)