51
16
3
港鐵旺角站 B1 出口, 步行約3分鐘
繼續閱讀
開飯介紹
店內環境以法式宮廷為主題，櫥窗擺放了白色的鳥籠，其甜品以心情來命名，不但賣相精緻，並會配以裝置加以點綴，非常夢幻。
繼續閱讀
特色
包場派對
營業時間
星期一至日
09:00 - 23:00
以上資料只供參考, 請與餐廳確認詳情
食家推介
兩個女仔出街，最好就係食 afternoon tea set可以舒舒服服坐低傾偈又有得相機食先再瘋狂影相 😂難得喺旺角太子呢啲篤魚蛋地方會開間咁 elegant 嘅高貴甜品店裝修好靚，底位之間好有空間感坐得好自在，唔駛同隔離枱你眼望我眼咁今次嚟就係為咗呢個黃金鳥籠 afternoon tea set 😍個鳥籠係咪好有氣勢呢？呢個 afternoon tea set 鹹點唔多三文治好普通～ 但個三文魚卷卷幾好食甜點就一半半好食啦以價錢嚟講，都算性價比高嘅點咗個蘭香子果茶，個樣好趣怪 😂
繼續閱讀
本來諗住休閒開開心心試下新dessert店, 入左去女侍應show 左電子 menu 俾我同女友睇, 我哋loop 嚟loop 去都搵唔到openrice 及 大台介紹過的美味甜品, 超奇怪。。。後嚟我哋問待應有冇其他menu, 佢主動話 openrice 見到嚟特色甜品已經無做。我同女友唯有夾硬order 左 芝麻特飲及朱古力特飲, 杯朱古力凍飲衰過自己blend, 芝麻特飲就好似求期搵左小小芝麻醬溝冰加水。。。好嬲間嘢門面ok 但食品完全無heart。 如果同價錢去旺角掃街會開心d囉
繼續閱讀
急速既生活節奏 忙碌既工作似乎好似好難令人停落黎 休息下 諗下自己既下一步要點行 反而只係盲目咁跟住所謂既大方向走...😯😐趁住星期六 兩個女仔放假就黎到cafe食返個鳥籠tea set 除咗比個藉口自己扮下港女影下相過下high class生活 仲係放鬆傾下計既機會餐廳有兩層 我地星期四已經book咗位 我地就安排坐係第一層既中間位置💕💕 各張枱上面都會有部ipad mini 📲可以用黎睇menu 都有好詳細既食物介紹同描述 有寫埋價錢 不過落單就要同侍應講低 可以指比佢睇👉我地就一早諗好食鳥籠tea set 而飲品佢就唔包 我地就加咗$50 飲加大咗既芒果乳酪(實際個名唔記得咗) tea set大概10分鐘就送到黎 影相認真一流 鳥籠🐥🐦既設計幾特別 幾歐洲feel🌍🌏 我地都影咗唔少相 仲有叫伙計幫我地影合照📷 佢都幾好人咁幫我地影咗幾張 影得都唔錯😼😼係時候要講下有咩食🙆🙆各層都有唔同款既野食 最佳食法應該由上而下 由咸食到甜🚩🚩 款款都會有兩件 因為始終係兩人用既tea set 最上層有個好細既burger 夾咗生菜同煙三文魚 都幾開胃 細細個又唔會好飽 隔離就有塊餅 上面有吞拿魚醬同少少黑松露粒 冇乜特別 最右手邊就係蜜瓜🍈🍈上面都係煙三文魚塊 正正常常咁😃中間個層就有檸檬撻🍋 重檸檬味 好細個 一啖可以食完 但就唔係話好好食 有d過甜 中間個水果甜點就幾好食 有齊四種水果 配埋吉士醬 同塊餅幾夾 而d水果又幾甜 最右邊就係蝴蝶酥 冇特別冇驚喜 但都幾脆下😁最底個層有朱古力蛋糕🍰哩個有好濃朱古力味 唔會太苦但又唔會過甜 成個餐最高評價 食落唔會太鬆身又唔會過硬 好好味! 而側邊有雜果牛乳杯同泡芙 兩款都係不過不失 中上味道對於飲品 咁大杯$50真係幾抵 佢個杯真係幾靚 未飲見到個杯都已經幾開心 入面係有芒果粒同類似乳酪既飲品🍹🍹 好清新同幾好飲 唔會好濃芒果味但又會飲得出係芒果調配出黎既野飲 不過其實佢仲有好多款飲品 我下次可能會再試其他👧👧夾埋$248 我地兩個女仔一致都覺得幾抵👅👅 味道中上 環境裝修一流👍👍 同埋餐廳地方算係幾易搵 近地鐵站 不過差在餐廳地方比較細😥 座位同座位之間就有少少逼 好易聽到側邊人地傾計既內容😂😂
繼續閱讀
一進門便知這甜品店是走公主風的，裝修得潔白無瑕，有鳥籠裝飾，又有“亞加力膠”水晶椅， 名副其實走公主浪漫風。到達的時候快要十點，仍然其門如市，都是一枱枱的甜姐兒在談天說地，由於鋪面面積不大，樓底不高，聲音都困在店內，其實也滿吵的…這裡是用平板電腦點單的，我們點了兩杯朱古力（熱朱古力，薑汁熱朱古力）和一份甜品（雪濃莎堡）。其中一杯（薑汁熱朱古力）的拉花圖案不是很乾淨，畢竟這裏是主打咖啡甜品，不可像機械式的流水操作，花拉成這樣會讓人感覺到不夠heart！熱朱古力的濃度不足，奶味偏重，卻又不夠甜，和家沖的吉百利差不多。薑汁熱朱古力和熱朱古力的要求則不同，朱古力味不需要太香濃，會搶了薑的香辣味。這杯我有嚐到絲絲薑味，配合著淡淡的朱古力香，可算是合格。甜品雪濃莎堡的賣相簡潔優美，一球是綠茶味雪糕，另一球是芝麻味雪糕，綠茶雪糕甜度適中，感覺很清新，不會太甜，太甜會搶了綠茶的清香味，芝麻雪糕味道很香濃，而且內有芝麻碎，香脆有口感，蛋糕是杏仁味的，質感有點像芝士蛋糕，但餅底是蛋糕底，味道也不錯，挺香的。
繼續閱讀
< 開心 $78 >先講上面個兩個小杯，一杯就係朱古力脆粒黎既，一般就係熱情果汁，本身以為係就咁飲，一飲超級濃同酸 😂😂😂 後尾問返原來係倒落個粉紅波波球到既如果唔夠味既話，而果隻粉紅波波球係用蛋白糖霜整成既，但係一食落去真係好甜，仲甜過綿花糖，然後係勁痴落啲牙，我唔多識欣賞，然後蛋白球入面有球自製既芒果熱情果雪糕，芒果味唔多出，都係熱情果，中規中矩，冇咩驚喜，不過成個甜品賣相的確加分，而且整個蛋白球應該花唔少功夫，勉強過關啦！😂
繼續閱讀