Le 188° 餐廳及酒廊

營業中

休息中

最近去咗𝗛𝗮𝗿𝗯𝗼𝘂𝗿 𝗚𝗿𝗮𝗻𝗱 𝗛𝗼𝗻𝗴 𝗞𝗼𝗻𝗴 #港島海逸君綽酒店 到staycation，其中一餐我哋加錢去Le 188食一個價值$688嘅Dinner set💕餐廳環境真心勁靚，因為佢係飽覽到維港兩岸（尖沙咀及港島）嘅景色🌃今個Post主要講晚餐，值得大讚係呢間service好好❤️至於餐廳環境圖會係我IG嘅Staycation post到再講講✨.有關Staycation Review、呢間餐廳free flow drinks、早餐嘅食物及景色，可以到 hashtag #fibee_harbourgrand 到觀看（之後幾個post會出）❤️.⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰.𝑺𝒕𝒂𝒓𝒕𝒆𝒓𝒔▫️加拿大龍蝦配芹菜沙律，橘子汁及麥粉脆片（8.5/10）▫️酥皮焗法國鴨肉及鵝肝卷配紅雛菜及咖啡鴨肉汁（6.5/10）- 龍蝦沙律同橘汁好夾，再配埋個卜卜脆嘅脆片好香口好食；有對比下鴨肉同鵝肝就普普通通嘢～覺得鴨肉少少酥 .𝑺𝒐𝒖𝒑▫️迷你日本南瓜湯配煙肉及松露忌廉（9.5/10）- 佢個南瓜盅皮好薄，佢啲肉唔會太硬但又裝到啲湯，個湯亦都好好飲好creamy♪.𝑴𝒂𝒊𝒏 𝑪𝒐𝒖

平日下午茶， 一早訂位3:15pm去到，點知安排我哋坐喺廚房門口，但明明周圍仲有好多位。因為太多工作人員推車岀出入入，又食物車又碗碟車，次次一開門就聽到廚房員工喺度大聲講嘢，勁嘈，我哋忍唔住要求換位。一去到未開始食，已經心情大受影響。跟住到食物同樣令我失望，啲甜點鹹點好似自助餐咁，太普通。有折之後連加一都要$550，真係完全唔抵死。唯一可取嘅地方係可以見到個海景，但其實我可以叫杯飲品都可以坐喺嗰度唔使食下午茶，都幾肯定唔會再幫襯。

Le 188出哂名有超級靚景🥳 一眼睇哂維港對岸美景 高高甘欣賞香港甘動人既美景✨✨欣賞下維港、天空同船隻 好令人陶醉☺️時段由1500-1700 只可惜既係冇得睇日落🤭好老實甘講 食afternoon tea 為既一定唔係野食 亦唔會太期望食到好好食既小點 相反 係甘靚既餐廳環境 加上甘迷人既景色下 同朋友影靚相📸 飲下野🥂 傾下計🗣 真係好夠chiii~~💓So enjoy!!!!🥰🥰間唔中甘都可以放鬆下自己🤟🏻😝雖然味道麻麻 但就賣相幾唔錯 擺得幾靚 影得自然都靚👍🏻👍🏻It’s time to relax yourself~~~Carpe diem~~🤪🤪

其實我真係留意左你耐，你係一間酒店裡面就算匿埋係角落頭、定係後街都好，你都依然係最閃耀果個。你真係好charm，我自問都算個幾charm既人，但係你既charming係比我真係高十幾二十倍，錯！應該係100倍先岩。估唔到我會有機會係呢到見到你既威力，黎啦，「Le 188° Restaurant & Lounge」我要盡情佔有你呢個180 度既無敵維港海景，一句講哂…I am coming！👇📌Tasting · Menu -  $888/Head♦️A p p e t i z e r -▪ Pan Fried Scallop · parsnip cream · onion confit ·vegetable chip -▪ Royale of Foie Gras · seasonal mushroom andhazelnut - ▫ starter先黎個「香煎帶子·白甘荀蓉」，帶子賣相圓柱形，肉實夠厚身，大廚先將表面煎至脆口，而裡面保持嫩滑，鮮甜爽彈，配搭埋白甘荀蓉份外濃香；而「法國皇家鴨肝·野菌及榛子仁」鴨肝入口即化，陣陣既油香令人欲拒不能，配上野菌層次更豐富更惹味，唔錯。▪ Zubr

因為疫情無得旅行，唯有係香港放鬆下。所以呢段時間都多左去staycation，而最近呢間真係超值 staycation package，都係$1820，一晚住宿連同4餐，仲有埋個景，真係好抵。4餐包括：1.Le188西式晚餐套餐：入到餐廳我哋已經被維港夜景吸引。晚餐都好滿意，完全冇Hea食客，每道菜都擺盤精美，staff都好有耐性介紹食物，服務態度都好好。2.下午茶：主要以小食為主，鹹點同甜點都有，好普通無咩特別，奶茶咖啡汽水啤酒任飲。3.黃昏雞尾酒：鍾意飲酒嘅朋友真係冇得輸，餐牌上嘅酒任飲！叫左幾杯試下，影埋個夜景一流。4.自助早餐：食物種類唔算好多，味道幾好，整體都唔錯。有時間會再去多次，超值之選。

今次去staycation嘅地方就係北角呢間酒店🍒🍒🍒我哋3個美少女同行👱‍♀️👱‍♀️👱‍♀️為返每人一千蚊鬆啲已經包埋加床費同食足4餐（tea,cocktail, buffet dinner同埋buffet breakfast）都咪話唔抵🤣🤣🤣🤣🐷酒店check in時間為3點我大約2點30左右到已經排曬隊真係要3點10分左右先到我提提大家如果如book泳池需要check in咗先book到🏊‍♂️可以喺櫃檯book埋由於第一餐tea嘅時間3點至5點黃昏雞尾酒6點至8點🍸自助晚餐就係630所以只可以喺食tea後6點前去游個靚水啦🏊‍♂️🏊‍♂️🏊‍♂️(當日本來3號風球，好彩下午轉返1號風球泳池先至開返)或者留待聽朝游都得🤣(如果起到身嘅話😅)先同大家講講個tea被安排到41樓食可惜無曬位要坐出走廊啲高櫈如果唔係打風個view應該超級靚😎😎😎😎老實講，真係無咩食來來去去得澱粉質少量甜品同精製煙肉、腸仔🥧🍰🍮🍭有啲失望嘢飲方面都係咖啡茶🍵成個擺嘢食嘅area應該30秒唔洗就行曬個scone味道ok有牛油香🧈可惜質地超乾😪😪😪完全無水份一叉落去仲要散曬呢餐食得下嘅就只有呢個薯蓉tart仔🥧入面有啲菇

今次Habour Grand Staycation有dinning credit，所以我哋揀咗呢間餐廳嘅午餐。餐廳位於酒店最高樓層41樓，落地大玻璃，景色望住北角對出維港。set lunch打頭陣係一籃子麵包，另外佢都好貼心咁配上左香草醬，牛油同橄欖油。可惜我哋都想留肚食之後嘅嘢，所以都冇點食過。而且麵包真係有啲硬。前菜有兩個選擇，我哋每樣叫咗一款。包括芒果蟹肉卷配龍蝦啫喱及慢煮豬腩肉配青豆蓉及法國芥末籽汁。芒果蟹肉卷真係好好食，每一啖都食到龍蝦啫喱，蟹肉同三文魚子，味道10分和諧，每一樣野都唔會搶走大家嘅味道，亦有帶出海鮮嘅風味。鹹嘅海鮮配鮮甜嘅芒果亦相當合襯，亦冇搶走大家嘅味道。慢煮豬腩肉就不過不失。慢煮豬腩肉其實味道相當唔錯，但食多兩件會太油膩，亦冇乜變化，至於配菜嘅青豆肉亦唔係好啱胃口。主菜方面係燒澳洲羊鞍配意式粟米糊，小椰菜及小紅苺汁同紅酒燴美國牛面頰肉配薯蓉。羊鞍好軟淋，羊食入口好嫩，亦有一絲嘅羊味，唔會太騷，冇諗過粟米糊原來係咁特別，配埋一齊都幾夾。但紅酒會美國牛面頰肉相比之下就冇咁出色啦。牛面頰肉煮得好入味甚至有啲過濃，我就認為有少少老咗啦。甜品方面我哋都係嗌左兩球雪糕

海景超靚，餐廳好寬敞。但係下午茶食物質素非常一般，浪費咗個環境。食物就係普通自助餐擺喺度任攞果種甜品嘅質素。飲品都係睇得出冇乜心思，茶就係比普通twinings茶包。仲有就係冷氣太凍，同職員反映後都係冇乜改善，唔係坐得好舒服。

上星期喺網站買左北角海逸君綽酒店 Le 188餐廳及酒廊 下午茶tea set…假日係$559 已包加一如果酒店價 假日下午茶就$588 再加一我一早去到 冇咩人，啲侍應帶我去到左邊靠窗位錯坐⋯我朋友嚟到之後問可唔可以轉後面嗰啲靠窗口坐⋯點知個侍應答我：唔好意思 今日full左場，同埋人地俾左錢⋯我同朋友反白眼🙄️咩叫俾左錢，難道我地未俾錢咩？ 我一拎位嗰陣已同你講左我係喺klook買⋯🤦🏻‍♀️你話唔可以指定位坐喺得囉⋯啲野食嚟到，er 感覺都係好簡單嘅野食嚟 好多野都係一口食曬🤣好快食完 食完都唔係好覺得自己食左咩咸點⋯未試過食一個tea咁快⋯不過 $559/2人 都應該有一半係食view…因為望到海景⋯如果正價就唔係多抵食

短期內連續幫襯 2️⃣次，由🎆環境＞👩‍🔬服務＞🎂食物＞💰價錢＞都係無得彈，真係要畀💯分。5月6月一樣餐牌，等更換後一定會再幫襯😋😋。🎆環境: 飽覽維多利亞港景色，落地大玻 璃窗，夠晒光，影相光度一流👩‍🔬服務: 服務員都好nice🎂食物: 甜品 細細件唔會太甜， 質素😋&出品🍽仍然保持著最佳狀態💰價錢: $538/set for 2 persons 某銀行信用卡可享有8️⃣5️⃣折優惠 絕對唔會介紹錯👍性價比超高💯

食完西式午餐，上房抖一抖，三點零鐘落到嚟又食tea buffetTea buffet設於Le 188隔鄰的貴賓房， 也可在通往餐廳的走廊，貴賓房只擁有一邊海景和地方細了很多，平日人數也頗多， 有幸也能坐窗邊位食物種類也頗多，有炸餃子，煙肉串，芝士條，撻仔，蛋糕仔，scone，仲有果汁，咖啡或茶…… 食物質素不錯不會將貨就價。跟住出酒店外逛逛，回來也順道食個cocktail buffet， 我哋今次選擇咗入餐廳走廊的bar枱。以為只係飲杯cocktail，食少少餅仔，誰知道也有一盤盤的食物，炸魚餅呢個好好食我encore咗，好有泰式風味，炸雞球，蝦多士，牛角包，撻仔，蛋糕仔….. 飲品除咗果汁，咖啡或茶，還可以在餐牌選擇指定酒，有一些是自助酒類飲品，真係好多選擇。整體真是相當不俗了Staycation $1209(未包10%)包房間，二人份的set lunch，tea buffet，cocktail buffet，早餐buffet，食足四餐。真心抵呀

其實是睇中呢間餐廳，才book呢間酒店staycation。經酒店官方網站, $1209(未包10%）房間一晚，西式午餐，下午茶buffet， cocktail buffet，早餐buffet，全部二人份🤗選擇了在入住當天吃午餐，餐廳在酒店最高樓層41樓，三面大玻璃，沿海景色盡入眼簾。空間感十分之足夠，入到去已經有放鬆嘅心情😊Set lunch先來一籃子麵包，講究地配上香草醬，牛油，橄欖油。 欣賞餐廳把麵包，醬汁這些連餐牌也沒有寫下的食物乜擺放得好乾淨整齊。香草醬沾麵包也十分清新🌿前菜兩個選擇，一人叫咗一樣。 意式薄切帶子配牛油果醬，奇異果及三文魚籽畫面好靚，帶子好鮮甜，三文魚子也十分新鮮。慢煮豬腩肉配青豆蓉及法國芥末子汁豬腩肉有油香又淋，意料之外嘅味美。是日餐湯為南瓜湯，加兩塊蒜蓉多士。南瓜湯好綿，濃濃的南瓜味道主菜有雞，牛，魚和素菜選擇， 我哋揀咗魚和雞。香煎鱈魚配香橙醬汁及法式麥米鱈魚非常香滑，一啲都唔腥。 法式麥米好特別，黏黏糯糯的。烤法國春雞配洋蔥，薯仔及雞肉露筍看似平凡，但春雞烤得唔嚡口，夠惹味，就連配菜也相當入味。甜品有特色香芒熱情果和Movenpick雪糕，上甜品嗰陣時

因為買左Klook嘅staycation package，可以一嘗5星級餐廳，佢包左1個set 四道菜同1杯嘢飲，最高質嘅一定係食佢地嘅牛面頰肉，超級無敵嫩，配岩鹽更加食到牛味，加埋炸蒜片口感更加豐富，但就唔prefer 揀春雞，肉質好柴之餘冇乜特別，另外佢嘅南瓜湯係超級香濃，其他兩道菜例如豬腩肉作爲前菜就唔係好做到開胃菜嘅作用，同埋太肥，之後揀帶子可能比較好，而甜品就不過不失，係movenpick雪糕，因為牛面頰我可以再黎，其他就不過不失，冇乜太大驚喜

今日幫2個朋友仔慶祝生日，一行4人。早左少少到，職員貼心安排左係走廊附近枱比我地坐住等。讚！入到去個環境好舒服，落地大玻璃窗，陽光可以照射到入來，好舒服，枱與枱之間有一定嘅距離。職員安排可以望啟德海景嘅枱比我地，一邊望個景一邊食野，好歎又可以打卡！High tea嘅食物都好好味，唔會太甜，全部都岩食。

仍記得前年慶祝結婚周年，就是在 Le188，當時仍有live band 表演，但在疫情及限聚令雙殺下，亦已經取消，未免有點可惜。基本上每次到訪都是晚間，加上有激光show，景色當然優美，想不到跟新朋友午饍，又是另一番風光。餐廳是依舊的寛敞開揚，設計上，部份坐位就算有陽光透入，都不會直接照射到，反而有種寫意的感覺。午餐不作他選，簡單的來個 Lunch Set 算了。餐前先送上麵包籃，伴以原味及香草牛油。Scallop Carpaccio意式薄切帶子配牛油果醬、奇異果及三文魚籽Avocado guacamole, kiwi and japanese salmon roe擺碟亮麗，帶子是預期中的嫩滑，與奇異果綠白相間，更有豔麗的三文魚籽作點綴，眼睛先行享受一下，味道清清地，很合宜的開胃菜。Pork Belly Confit with Green Pea Creampommery mustard sauce朋友就選了另一道慢煮豬腩肉配青豆用及法國芥末子汁。Soup of the Day餐湯西餐是南瓜湯，呷一口，質地綿滑，甜美芳香，用來配麵包真的不錯。US Beef Cheek Cooked i