Layback Cafe & Bar (已結業)

到附近買點東西後順便要吃點東西，原本想隨便找間連鎖食肆吃吃便算（尖沙咀不愁沒有吃的），但在難得的平日下午，天氣又好，還是想寫意一下！在openrice找找看有沒有能感受到陽光的餐廳，剛好看到這裡有室外用餐的位置，就來試試咯～餐廳面積不大，也許是因為剛過了午飯時間，客人不多，店員讓我們隨便選擇座位，那當然是室外喇！室外有個很高的地台，和朋友坐著喝啤酒聊天應該不錯，只是女生穿短裙的話也許會不方便。雖然過了lunch hour 但還有lunch set提供，我們share了一個pasta 和一個pizza，再加一份煙肉車厘茄，食完飽到上心口🤪↑芝士蘑菇釀雞翼配蟹籽忌廉扁意粉（很長的名字🙈），蟹籽很足料，多得可以用來撈意粉！雞翼也燒得不錯，咬開會看到裡面有蘑菇，只是略嫌雞翼小了一點。扁意粉是al dente偏軟，因為個人不喜歡中心還是硬的意粉，這個對我來說煮得剛剛好！↑黑松露野菌長薄餅烘得很脆，上菜時可以嗅到上面的香草味！松露味夠又不會太鹹～↑最初點這個煙肉車厘茄時也覺得有點小貴，但一份有3串，除開其實跟平時串燒單點的價錢差不多喇😛煙肉燒得很脆，不知道怎樣才可燒到像它這樣緊緊的包住裡面的車厘茄

最近搵到間好有情調既café ! 餐廳設有露台 設計感超正 最岩夜晚同朋友一齊吹下水 首先叫左個蟹肉扁意粉蟹肉一啲都唔馬虎 份量都算多意粉彈牙有嚼勁 唔算太乾身整體黎講都唔錯叫左個set仲有好香濃既蕃茄湯！ 另外仲有一個香辣肉醬意粉有超多肉醬 好正！ 鮮甜既蕃茄 又有肉香味 最岩鐘意多汁既朋友之後仲叫左洛神花茶同荔枝沙冰岩晒食完野慢慢飲茶 ！ 好適合情侶一起 最後仲有好多種甜品選擇我就選擇左最愛既芝士蛋糕～

好耐無同家姐二人世界，今日趁放假就同佢去尖沙咀行街買衫兼食野cafe係嘉威大廈，地鐵站出黎行7分鐘左右，都算就腳一入到去侍應問我地想坐室內定室外，見到室外唔太曬我地就選擇左室外除左跪坐既位之外亦有坐椅位，環境幾舒適粟米湯幾清甜，但個人喜歡味道再濃郁同埋結身d既口感蜂蜜綠茶同埋蜜桃紅茶， 嘢飲唔會太甜，味道啱啱好，飲落幾潤喉芝士蘑菇蟹子雞翼忌廉扁意粉係呢度既招牌菜式之一，蟹子份量令人驚喜，扁意粉食落每啖都伴隨一粒粒蟹子味雞翼燒得恰到好處，香口得來啖啖肉，意粉上面有好多芝士蘑菇汁，對於鍾意食野多汁嘅人一定好喜歡黑松露蘑菇意大利飯，意大利飯冇平日食嘅咁結，但蘑菇味仍然濃郁同家姐share是日甜品-朱古力蛋糕，上層鋪上合桃，brownie口感比較硬，但朱古力味濃，而且份量適中，食完都唔會覺得漏埋單每人約120，可以靜靜地咁傾左成個下晝，都不失為一個休閒既用餐地方

I can’t imagine I found this open balcony at the middle of Tsimshatsui. The atmosphere is really great for afternoon tea. Chilling in the afternoon with dishes of pasta is really relaxing. The food tastes good comparing with other cafes or restaurants at the same levels. The price is relatively high in terms of tea sets.

有同事介紹左呢間樓上Cafe話有露台好有feel但可惜嗰日落雨冇得出去不過就算係室內都有feel有啲好啱聽嘅Music我哋見到Snack Menu入面都有幾多唔同嘅小食雞翼控嘅我就叫咗個忌廉芝士磨菇釀雞翼好香好juicy 絕對唔會太乾Chill小食拼盤有一口芝士 炸紫薯 菠蘿釀雞翼 吉列蝦好香口 尤其是菠蘿釀雞翼 甜甜地幾特別卡邦尼煙肉蘑菇蟹肉扁意粉個意粉啲蟹肉好好食 卡邦尼汁好creamy黑松露雜菌芝士意大利飯意大利飯嘅硬度適中 黑松露都好香

幾次都想試呢間Layback Cafe，今次行完街，黎食下午茶，終於有機會試，地點超方便。凍左幾日，天氣又好好，有d陽光，所以揀坐outdoor，曬下太陽，好休閒寫意嘅星期六，果然layback 🤣呢度嘅下午茶好抵食，$68 main course 叫左芝士磨菇釀雞翼蟹籽忌廉扁意粉，同飲品花茶，+$20仲可以有埋cake。main course 芝士磨菇釀雞翼蟹籽忌廉扁意粉，雞翼好香口外皮脆，內有肉汁。意粉好creamy入味。小食，煙肉蕃茄，好味。仲叫左兩個蛋糕，cheese cake同brownie，兩個個賣相好靚，有心機誠意，相機食先，味道都好好味。花茶好香。好滿意d食物，環境，服務又好好，價錢合理，極力推介！！

多年前與友人來過這裡，因其室外露天雅座而令我有深刻印象。適達星期六又是上班的日子，相約友人陪我吃個lunch 為我解解悶，想起這間cafe，幸而依舊存在，便一起到此午息。週末的下午客人不少，只有兩位店員，不單要烹調食物，還是兼顧樓面服務，可謂應接不暇，但欣賞的是即使於忙亂中，仍保持親切有禮的服務態度，值得一讚!食量不多的我們最後點了一個午市套餐加一份小食，相信已足夠我們填飽肚子了。炸粗切薯條配蜜糖芥末醬 ($58)份量比我想像中多! 大大盤的粗切薯條，已看得令人食指大動! 薯條一拿上手已感受到其剛炸起的熱燙溫度，咬下去更是香脆怡人，由於是粗身，薯味十足，點上蜜糖芥末醬，一鹹一生，相當滋味! 薯條控的我真的...欲罷不能呢!芝士磨菇釀雞翼蟹籽忌廉扁意粉($68)同樣賣相精緻! 兩隻芝士磨菇釀雞翼放置於意粉頂上，雞翼尖彷彿誘惑著我們吃它吧! xp 蟹籽份量亦絕不欺場! 扁意粉煮得頗有彈性，韌度剛好，唯忌廉汁偏少，有點乾身。芝士磨菇釀雞翼有驚喜! 皮身燒得香脆，肉質嫰滑，或許加入芝士的緣故，鹹香味更突出，質感更豐盈，更加上磨菇有多重口感，味道確實不錯!甜品是少不了的一環! 點來了我至愛的焗藍

位於尖沙咀加連威老道41號嘉威大廈4樓的Layback Cafe & Bar, 主打精緻多國菜及樓上cafe。餐廳晚上會變身成一個小酒吧，適合三五好友點一杯啤酒，談談天。餐廳設有室外座位，感覺頗為通爽。平日的十二時至下午五時有午市套餐，價錢約為五十多元至八十多元。點了一客芝士蘑菇釀雞翼蟹籽忌廉扁意粉。意粉的賣相頗為精緻，兩件金黃色的釀雞翼放在頂端，還加上了兩片青瓜件伴碟。蟹籽的份量頗多，和忌廉意粉攪勻後，吃意粉時卜卜聲的，蟹籽在口內爆開，頗為有趣。而且意粉的軟硬度適中，蒜味香濃，味道不錯。跟餐奉上一杯紅茶或綠茶，是日中午有點炎熱所以點了一杯凍的蘋果紅茶。這款杯子的造型頗有趣，有微微的蘋果味但又不會太甜，頗為解渴。另外也點了一客是日餐湯，餐湯為粟米濃湯。餐湯來到時十分燙手，可能要靜候幾分鐘再享用。湯的質感頗濃郁，而且能吃到粒粒香甜的粟米，味道也不會太鹹。不要少看這碗濃湯，飲完整碗，已經飽了三分一呢。

今晚去左TST 行街, 之後食飯, 朋友原來一早BOOK 左間CAFE, 所以唔洗搵地方食飯.呢間CAFE 叫LAYBACK, 一坐低先叫左杯玫瑰花茶, 甜甜地幾開胃.之後我地叫左個SNACK, 薯條配蜜糖芥末醬, 超香脆! 個醬又好食WOR. 唔錯~一人一個意粉, 我要左個蟹肉卡邦尼扁意粉 , 朋友叫左個香蒜白酒露荀日本和牛粒煮扁意粉~香蒜白酒露荀日本和牛粒煮扁意粉個意粉軟硬度適中，和牛粒好嫩口，露荀好爽好健康！而我個蟹肉卡邦尼扁意粉估唔到蟹肉份量都幾多，而且味道好夾，平時以為淨係配搭雞肉，估唔到蟹肉味都唔錯。OVERALL 都唔錯, 環境舒服, 價錢合理, 下次可再食.

上完全日堂，又有presentation又要傾project，真係好攰， 放學係時候要同朋友去chill下， 由理工大學行咗十分鐘去尖東呢間好多人推薦嘅cafe， 終於可以坐得休息下食好嘢。餐廳佈置富現代感之餘，又有溫馨嘅感覺， 好適合同朋友一齊傾下偈飲下嘢， 呢啲地方喺尖東鬧市中難得一見。朋友有啲感冒唔舒服，大家齊齊叫咗杯鹹檸檬蜂蜜，滋潤下先。睇燈光下呢杯晶瑩剔透嘅飲品十分吸引， 可以清晰見到裏面有足足有半個鹹檸檬， 飲落感覺好舒服 ， 暖暖哋嘅蜂蜜水，加上咸度適中嘅鹹檸檬，簡直係絕對完美嘅配搭。餓咗成個下午 ，好興奮迎接啲碟睇落去滿佈龍蝦汁嘅扁意粉， 除咗圖中所見兩隻大隻嫩口嘅新鮮青口之外， 餐廳真係落足蜆肉， 一路食扁意粉 ，一路品嚐鮮甜嘅蜆肉粒， 再混合滿滿嘅龍蝦汁， 味道鮮甜到不得了， 雖然呢碟意粉過100蚊，但真係落足料！見個樣已經流曬口水，呢個係黑松露雜菌芝士意大利飯！ 離遠都聞到好香嘅黑松露味道， 忌廉醬汁重重包圍每一粒飽滿嘅飯粒， 上面再鋪咗些少芝士碎， 口感更creamy， 不過整個醬汁收得更加稠就更好了。

跟朋友來尖沙咀上堂，先搵附近有什麼好吃的，搵到附近有間樓上CAFE，野食睇落幾岩食，就揀左呢間啦。餐廳分左室內同室外，唔太熱唔太凍就鍾意揀室外，感覺開揚啲輕鬆啲，最重要有冇人食煙，好彩我地食到尾先有人隔離食煙，我地食完就盡快走。+$50 有餐湯、甜品、飲品減$10餐湯是蕃茄湯, 味道頗濃, 有細細蕃茄蓉, 口味偏咸。香蒜白酒露筍日本和牛粒煮扁意粉$128：和牛粒有口感得來，不會靭，牛味幾香，扁意粉軟硬適中，有少少白酒味同蒜香，露筍細細條夠晒嫩。士多啤梨鮮奶+$48：打到似奶昔咁，有粒粒細碎冰，味道不太突出，呢度飲品都幾貴，多是五十元上下，跟餐只減十元，所以未必需要跟餐。龍蝦汁紐西蘭青口蜆肉扁意粉$128：龍蝦汁做得唔錯，扁意粉又好掛汁，裡面好多蜆仔，仲有兩隻大青口，口感都幾豐富。CHILL小食拼盤$118：有紫薯餅、炸天婦羅蝦、菠蘿釀雞翼、炸一口芝士，大部分係炸物，好邪惡，菠蘿釀雞翼肉嫩菠蘿又減低肉膩感，炸一口芝士我幾鍾意，咸香惹味，炸蝦就皮較厚蝦較細小，紫薯餅都幾香甜，全部野即叫即整熱辣辣。鏡面朱古力伯爵茶凍餅：味道較清，口感不算滑，有少少彈性似的，士多啤梨頗酸。總結，食物質素幾有水

在尖沙咀返工的朋友帶路，今晚飯聚傾計選了這間上樓餐廳。餐廳有分室內和室外兩part，室外部份很有氣氛，很適合飲嘢傾計，其實已設有暖爐，可惜大太風又落雨所以最後選擇坐室內。其實無所謂的餐廳都讓我們坐得舒服，兩個人傾下計品下酒配美食無得輸啦！ 好想飲下果味酒幾款選擇兼介紹 我們都叫了西柚果味酒, 西柚味很香, 酒味不濃，得適合我們酒量淺的人。先點了些小食：薯條配蜜糖芥末醬，炸嘢冇得輸夠香脆磨菇忌廉芝士雞翼超好味！已去骨的雞翼釀了芝士同磨菇，得滿足，啖咪肉之餘又有香滑的芝士和磨菇 估唔到這種組合咁好味，比起平時常吃的明太子或糯米餡更有心思。特式之選！主食方面，我們叫了main menu上的香蒜白酒露荀日本和牛粒煮扁意粉，意粉的軟硬度適中，和牛粒有肉味，有咬口得來又其實很腍。就是因為個和牛粒太好味, 我們就另外叫了個ㄧ口牛柳伴粉紅喜馬拉雅鹽，主攻牛肉，送酒一流！雖然店員細心地建議點鹽食，點了鹽果然有種令肉味提升的感覺，但朋友則覺得原味吃已很好。室外環境清優

今日同朋友去尖沙咀行街，不知不覺已經七點幾了，有啲肚餓。行過加連威老道，諗起朋友推介 一間樓上cafe叫layback喺附近。於是乎，便上去一看究竟。上到去果然有驚喜，原來呢間cafe有個好大嘅露台， 我哋二話不說便揀咗坐出面。可以喺到邊嘆 美食，邊欣賞尖沙咀嘅車水馬龍，十分過癮。睇睇個menu先，價錢都算親民，晚餐100蚊左右 就可以叫個main course，加多50蚊仲可以配埋 餐湯同甜品。於是我哋就叫咗一個A餐同一個C餐。唔使一陣，餐湯就嚟咗了。係南瓜粟米忌廉湯呀！ 南瓜忌廉湯味道相當香濃，配合埋甜甜的粟米，令味道上升咗了去另一個層次。 緊接其後嘅係我哋嘅main course，A餐係香蒜白酒露筍和牛粒煮扁意粉。 和牛肉真係相當肥美，喺烹飪嘅過程，和牛嘅脂肪滲落扁意粉中，令每一口都有了和牛嘅香味。再經過香蒜和白酒嘅調味， 更進一步放大了和牛的香味，淨係諗諗都已經流曬口水了。 而C餐則是黑松露雜菌芝士意大利飯， 黃色嘅芝士配埋少許雜菜，五顏六色的，淨係賣相已經十分吸引， 食落一啖啖濃濃嘅芝士味， 真係令人停唔到手呀！另外，我地仲叫咗一杯檸水同水中花仙。水中花仙相當特別，起初壺中嘅

男朋友神神祕祕話帶去尖沙咀行街食飯 再去一幢大廈上樓 原來係去Cafe食西餐慶祝情人節去到有得揀坐indoor or outdoor，見天氣唔係好凍 揀左坐出面 有啲led燈咁 幾浪漫 枱面仲有蠟燭叫左兩個dinner set 加埋湯同甜品 另外點個我最愛既黑松露厚切薯條湯係紅湯 有啲薯仔粒 每一口都有啲薯仔食下 唔水 都好濃 好飲既之後上個蟹肉忌廉扁意粉 我同男友都係中意食忌廉汁意粉既 所以兩set都係忌廉扁意粉一開始見到個意粉以為啲汁咁小 一定冇咩味 點知一食 原來啲味已經滲入扁意粉 每一啖都係超好味超香 扁意粉都係好煙un既 唔會太林 唔會太硬 蟹肉都當然唔小 連埋意粉食好木味再來一個蟹子煙三文魚忌廉扁意粉 個人認為呢個比蟹肉更好食 因為有蟹子卜卜脆 加煙三文魚咸咸地 多啲味道同口感 當然扁意粉係一樣既再來一個岩岩炸起既厚薯條 脆卜卜好香口 其實唔點個蛋黃醬都好好味 當然蛋黃醬都係重點 成兜比男友食哂 仲唔夠點 不過加多一個要加錢 所以冇加了甜品時間就有幾款揀 唔知係咪每日唔同我地就揀左藍莓cheese cake同朱古力凍餅 兩份都唔算太甜 份量細細舊岩岩好埋單每人二百頭，可接受

今日好姊妹話book左間好chill嘅餐廳要帶我去試下餐廳十分方便，位於尖沙咀啱曬食完飯去行下街Layback Cafe位於大廈的4樓，一進店內店員十分有禮地問我們prefer坐室內或室外今天天氣還好，不算超冷，所以我們揀了坐室外的位置，因為較有氣氛是的室外還有高台位置，十分有格調是的而且室外還有暖爐，所以很溫暖Layback Cafe座位舒適而且十分cozy,適合放工後來放鬆一下一坐下後店員更為我們送上暖水，十分體貼是的！前菜我們點了炸粗切薯條配黑松露沙律醬（$68）。粗薯條配上香濃黑松露醬，十分香脆可口而且份量十足！另一款小食則點了忌廉芝士蘑菇釀雞翼（$68）雞翼去骨,並且包著芝士和蘑菇。香濃的忌廉味不會令雞翼太甜，反之取得平衡飲品方面好姊妹點了榛子朱古力咖啡（$52 ）咖啡充滿香濃的榛子味和朱古力香味，但又不會互搶味道而我就點了焦糖朱古力咖啡（$52）滿滿焦糖香味和朱古力味令人覺得溫暖是的！主食方面點了煙三文魚蟹籽忌廉扁意粉（$108）煙三魚份量也十分多。另外蟹籽令意粉很有口感。蟹籽份量絕不吝嗇，sauce也十分多。值得一試！是日晚餐二人共三百多，而且享受了十分舒適的一晚，西餐來