85
18
5
港鐵中環站 K 出口, 步行約3分鐘 繼續閱讀
電話號碼
29072218
開飯介紹
以國際享負盛名的特級燒牛肉及使用獨家銀色餐車席前分切牛肉的經典美國餐廳, 頂級和親切的餐飲服務, 令餐廳成為慶祝特別日子的首選。 繼續閱讀
附加資料
週末及公眾假期提供半自助早午餐。設室外露天區供飲酒聊天用。
營業時間
今日營業
11:30 - 15:00
18:00 - 23:00
星期一至五
11:30 - 15:00
18:00 - 23:00
星期六至日
11:00 - 15:00
18:00 - 23:00
公眾假期
11:00 - 15:00
18:00 - 23:00
付款方式
Visa Master AlipayHK 現金 AE 銀聯 微信支付
座位數目
90
其他資料
網上訂座
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務
加一服務費
以上資料只供參考, 請與餐廳確認詳情
食評 (122)
又係一年一度增肥嘅日子,因為六月係我嘅生日月🥳,食好啲是常識吧。朋友預先搵定餐廳同我慶祝,大家都鍾意食牛,所以揀咗「Lawry’s The Prime Rib」。原本想早一個星期食,但撞正父親節,所以就改下個星期日。餐廳位於中環嘉軒廣場,港鐵站K出口行過去最近,二樓設有一個入口處,但餐廳位置實際係喺三樓。佢享有一部專屬電梯🛗,裡面貼上相片作介紹,但𨋢嘅速度慢到一個點,所以離開時我選擇行旋轉樓梯🤣。一到步店員向我哋查詢訂位資料,然後迅速帶領入座。前枱、侍應以至經理們嘅服務態度良好👍,用餐氣氛輕鬆,無其他高級餐廳咁拘束,或者要全部要英文對答。女侍應穿上女僕服裝,餐廳特意保留呢個傳統特色。餐廳最近嘅週末提供半自助早午餐Semi-Buffet Brunch🍽,包自助沙律、湯、前菜同甜品,而主菜共六款選擇,價錢由$398至$498不等;另外仲有一款盛惠$898嘅二人餐 — 特級烤肉拼盤。我目測大部份客人都係揀燒牛肉,其他幾款無人問津👀。特級燒牛肉 — 香港薄切Roasted Prime Rib of Beef au jus - Hong Kong Cut($498),老實講煎西冷或肉眼扒嗰啲就食得多,🥩但燒牛肉真係比較少食,就算食都係來自酒店自助餐,而味道亦未見突出。燒牛肉有兩種份量可選,分別係基本嘅香港薄切🇭🇰同埋升級版嘅加州薄切🇺🇸,後者喺美國嚟講已經係最小巧嘅份量,但香港人可能比較細食,所以特設加細碼。我同朋友都係嗌HK Cut,所以無得比較大小,不過我認為已經夠食,但都真係幾薄身。值得一提有關Lawry’s嘅一大特色係架重達600磅嘅銀色不鏽鋼餐車Silver Cart,👨🏻‍🍳廚師會喺客人旁邊即席分切燒牛肉,儀式感十足。我要咗五成熟Medium嘅燒牛肉,肉身呈嫩粉紅色,但並無血淋淋同滲血水,生熟度剛好。由於Prime Rib係肋骨位🍖,預咗會帶啲肥膏,不過幸好比例唔高,所以有九成都食得。燒牛肉肉質細嫩,食落好軟稔、咬得開,小朋友同老人家都啱食。我認為肉味都算香濃🐮,但就比起一般嘅煎牛扒無咁有咀嚼感,外層無炭燒嘅香氣,肉本身嘅油份亦唔高,換句講話即係口味較單調,無乜層次可言。不過呢個純粹係講緊燒牛肉同牛扒嘅比較,而非針對餐廳嘅出品。以Prime Rib嚟講,Lawry’s嘅質素已經較市面上嘅其他餐廳優勝😋。配菜方面,傳統係配英式烘薄酥餅Yorkshire Pudding同薯蓉Mashed Potatoes🥔 ,另外可加$60要忌廉菠菜或粟米。我見廚師突登喺薯蓉中間窩一下再淋上醬汁,薯蓉味道還好,牛油味唔算好強。約克群酥餅分開上,外層焗至金黃酥脆,蛋味亦都幾突出🥚,不過可惜太飽食唔晒。調味方面🧂,燒牛肉本身已經會淋上肉汁Gravy Sauce,惹味得嚟唔會過鹹,算係恰到好處。不過店員另外亦會奉上自家製調味鹽同兩款特製醬汁,淺色嗰款加咗忌廉芝士,深色嗰款就芥辣味強啲,仲好似帶少少蒜味。介紹完餐廳名物之後,就到自助餐Buffet部份,食物種類同味道都令人滿意😋,而且補充速度都算快,自助區域位置乾淨。留意返,自助餐做到兩點三㗎咋,要把握時間呢。不過店員亦會向客人作細心提醒。我食咗兩轉前菜,款式包括有煙三文魚🍣、凍蝦🦐、風乾火腿哈密瓜🥓、麻醬涼拌天使麵配牛柳絲及三色椒🍝、燒烤醬豬頸肉🐷以及炒雜菜🥦等,我全部試過晒,每樣都好掂,特別係個天使麵,Encore之選。自製沙律區唔錯🥗,有幾款醬汁可選,而嗰六款配菜都好正,水果同紅菜頭都好甜,麵包粒脆卜卜,芝士口感綿密,味道淡淡哋,但又幾香🧀。意大利雜菜湯嘅蕃茄味幾濃郁🍅,酸度適中,個底有好多雜菜渣,但味道上唔算好突出。如果細食嘅就可以Skip,留肚食其他嘢。題外話,🥖餐包味道都麻麻,有兩款,意大利軟包OK;但法包勁硬,不了。甜品方面,選擇都唔少,而且質素不俗,但我就試唔晒咁多款喇🙈,我唯一無食到雜果撻同布朗尼。焦糖燉蛋細細杯,但勁好食,蛋味超香,口感絲滑,焦糖層脆而不黏🍮。藍莓芝士蛋糕芝士軟滑,唔算太厚身,但相對飽滯,幸好切得細件,否則食唔晒。雜果忌廉蛋糕嘅海綿蛋糕層幾鬆軟,忌廉都唔算膩🍰。餐廳另外設有朱古力噴泉🍫⛲️,啱晒在場嘅小朋友,有得玩又有得食。配料唔多,有幾款水果同棉花糖,朱古力幾好味,甜得嚟唔過火,亦無苦味同酸味,但水果就變得好酸🍓。生日甜品終於出場喇🎂,造型非常適合打卡,餐廳亦會為壽星送上即影即有相片以作留念。今個中午我粗略計算應該有十枱客係慶捉生日,哈哈。店員無介紹呢個甜品係乜名堂🤔,我覺得都有啲似芝士蛋糕,三層海綿蛋糕夾住兩層濕濕哋嘅芝士。味道可以嘅,但未有太大特色,加上真係太飽,所以係唯一放棄咗嘅項目。餐前飲品有紅酒、氣泡酒、果汁或汽水可選,加$180位就可享1.5小時任飲。我同朋友都要咗紅酒🍷,係Lawry’s品牌出品,但氣味都幾重,唔易入口,可能我唔係飲開啦~。最最最後就係以一杯凍檸茶作結🍋,正常發揮吖,茶底唔澀。佢杯身呈橢圓形,但杯口就係正宗圓形,好得意。環境方面,餐廳設計有氣派🌟,其中一排餐枱繞住中間空心部份擺放,另一排就係靠窗邊。枱與枱之間嘅距離唔遠,但放咗隔板感覺好好多。呢度樓底好高,具空間感,而且圓形嘅天花好特別,好似博物館咁。總括嚟講,今餐係一個非常好嘅體驗,食物由前菜、主菜以至甜品都好有水準,雖然燒牛肉並非想像中咁驚艷,但都絕對係好食,一試無妨😋。價錢而言,每位連加一$550,平就當然稱唔上,但我又覺得可接受,生日一次半次開心吓嘛。因為食到美國馳名扒房,又能吃到飽,算係物有所值啊。 繼續閱讀
聽日復課啦⋯⋯所以帶埋家姐仔同埋6299一齊嚟𝗹𝗮𝘄𝗿𝘆’𝘀 食𝗹𝘂𝗻𝗰𝗵...今次仲係 𝟮𝟬%𝗼𝗳𝗳今日𝘀𝗲𝘁 𝗹𝘂𝗻𝗰𝗵湯係 🎃#南瓜湯 / 🦞 #龍蝦湯 ,,餐包方面係有🥖#法包,由於食咗好多包🥩所以𝚅𝚒𝚎𝚗𝚗就要 𝗛𝗼𝗻𝗴 𝗞𝗼𝗻𝗴 𝗖𝘂𝘁 𝟰安士(medium)🥩 𝟲𝟮𝟵𝟵 +肥肥 就𝗖𝗮𝗹𝗶𝗳𝗼𝗿𝗻𝗶𝗮 𝗖𝘂𝘁 𝟲安士(medium) (𝗖𝗮𝗹𝗶𝗳𝗼𝗿𝗻𝗶𝗮 𝗖𝘂𝘁 + $𝟭𝟬𝟬)🥩 家姐仔照舊side dish 要粟米🌽🥩最中意呢度嘅🥔#薯蓉# 加埋燒汁簡直係「完美」仲有埋𝗬𝗼𝗿𝗸𝘀𝗵𝗶𝗿𝗲 𝗣𝘂𝗱𝗱𝗶𝗻𝗴🍮 今日我竟然清晒😱𝘂𝗻𝗯𝗲𝗹𝗶𝗲𝘃𝗲𝗮𝗯𝗹𝗲 (另外可以加錢要🥦#忌廉菠菜#/ #粟米🌽)🥩 另外𝘀𝗲𝘁 𝗹𝘂𝗻𝗰𝗵 有🍫 #朱古力蛋糕 / 𝘁𝗶𝗿𝗮𝗺𝗶𝘀𝘂 🍰 (個朱古力蛋糕做得非常之有水準‼️好濃郁而且蛋糕夠濕潤)🥩 𝗸𝗶𝗱𝘀 𝗺𝗲𝗻𝘂 照舊都係 雪糕 🍦/ sherbet🍧🥩自從上次食過水準完全返埋嚟😍唔做折都抵食🤣做折就抵上加抵🤣🤣🤣歡迎大家嚟開中環約埋𝚅𝚒𝚎𝚗𝚗去食🤫 另外細食嘅朋友仔好建議𝗛𝗼𝗻𝗴 𝗞𝗼𝗻𝗴 𝗖𝘂𝘁 ..唔會食到勁𝗳𝘂𝗹𝗹咁如果大家中意俾個like支持下🤟🏽 𝗖𝗶𝗮𝗼~🥩Lawry’s The Prime Rib (中環)🥩中環皇后大道中9號嘉軒廣場3樓 繼續閱讀
(以上食評乃用戶個人意見 , 並不代表OpenRice之觀點。)
🍪【#中環】Lawry’s The Prime Rib💥可遇不可求 Lawry’s 6折特級燒牛肉💥.🍪美國加州比華利山品牌Lawry’s The Prime Rib推出6折燒牛肉優惠‼️機不可失‼️✧ Lawry’s The Prime Rib from Beverly Hills, California, introduces this ‘Now or Never’ 40% off prime rib offer, good enough for us to taste the famous roasted beef at a more affordable price😍~~~~~前菜:周打蜆湯或冰旋翡翠沙律🥗 Appetizer: Clam chowder (4/5) OR Spinning bowl salad (5/5)😍好鍾意呢個冰鎮沙律!菜好新鮮爽口,配搭香脆麵包屑,微酸嘅沙律醬超開胃😋唯獨車厘茄太軟身。連碟同叉都雪凍咗,特別清涼🤣✧ The salad is by far my favorite one. Fresh and crunchy lettuce, well-seasoned croutons, cherry tomatoes which are however a bit too soft, are mixed perfectly well with the appetizing salad dressing. Served on a cold plate with a chilled fork, the salad is made particularly refreshing for summery days! 🌻.🥩牛肉︰美國農業部認証的黑毛安格斯牛肉🥩 Beef: USDA Black Angus prime rib of beef.🍽 加洲薄切 California Cut $294 (Original: $490) (4/5)餐廳保留銀色餐車,即場切牛肉!話就話係薄切,其實份量都好大。兩款牛扒都叫咗3成熟,牛肉😍色澤粉紅,肉質柔軟,全無血水。第一啖覺得偏鹹,好彩醬汁啱口味😋整體味道唔錯,不過牛肉味未算有好大驚喜🙊✧ It is the restaurant’s tradition to serve the beef by a silver cart, designed by the co-founder on his own. The California Cut is a smaller portion of the standard Lawry's Cut. I gather I have underestimated the American food portion after all🤣. The medium-rare steak is soft, spongy, and presents a beautiful pink in the center👍🏻. I suppose it is rather salty at the first bite, fortunately the delicious gravy later downplays the saltiness. .🍽 招牌美味切 Lawry Cut $408 (Original: $680) (4.5/5)😱未食先興奮,係超巨型厚切嘅大牛扒!食完我覺得一個月唔洗再食牛扒🤣一切落去就知肉質好鮮嫩😍口感比薄切更佳😋牛扒都會配薯蓉同英式烘薄酥餅,薯蓉好綿滑😍酥餅幾香口,但都係偏鹹。✧ To me this is absolutely an enormous steak😨! I wouldn’t bother if I can’t have steak for a month after this. The thick cut steak is remarkably textured, and no doubt as soft and succulent as the California Cut. Yorkshire pudding is crispy but too salty. Mashed potatoes are not at all grainy. I love it so much! 😆.🌳忌廉波菜 Creamed Spinach $60 (4/5)超級多忌廉又幼滑!但無可避免呢碟菜係幾滯~ Exceptionally creamy and silky smooth! .🍷Lawry’s品牌葡萄酒 Lawry’s Private Label Wine $69 (3.5/5)目測每張枱都有叫紅酒,不過不失,稍為澀口😳✧ Every table at sight does have a glass or two of red wine to go with the beef. The taste appears to be just average. 🥲~~~~~🍪牛扒味道雖然唔係超級難忘,但質量有保證。用餐大廳有圓拱形天花,環境優雅,今餐好滿足😍有6折優惠即刻大大提升性價比,比好多扒房都平😱鍾意食牛扒值得一試!✧ The roasted beef, though not superbly delectable, is still scrumptious with quality guaranteed. The unprecedented 40% off discount is definitely budget-friendly. ☺️~~~~~~~~~~~~~味道 Taste:🍪🍪🍪🍪/5環境 Ambience:🍪🍪🍪🍪/5💸消費 Spending:$457 /人 Person🔥推介度 Recommendation:4/5.📍 Lawry’s The Prime Rib中環皇后大道中9號嘉軒廣場3樓 (中環站 K 出口)3/F, The Galleria, 9 Queen's Road Central, Central (Exit K, Central station).🍪#hungrycookie_good 繼續閱讀
(以上食評乃用戶個人意見 , 並不代表OpenRice之觀點。)
🥩⠀ஜ ɴᴏᴡ ᴏʀ ɴᴇᴠᴇʀ ᴀᴛ ʟᴀᴡʀʏ’ꜱ ஜ⠀• • • ✎ • • •⠀𝙰𝚖𝚊𝚣𝚒𝚗𝚐 𝚍𝚎𝚊𝚕 @lawryshk - they’re 𝚍𝚘𝚒𝚗𝚐 𝟺𝟶% 𝚘𝚏𝚏 𝚘𝚗 𝚝𝚑𝚎𝚒𝚛 𝚁𝚘𝚊𝚜𝚝𝚎𝚍 𝙿𝚛𝚒𝚖𝚎 𝚁𝚒𝚋𝚜 𝚏𝚘𝚛 𝚊 𝚕𝚒𝚖𝚒𝚝𝚎𝚍 𝚝𝚒𝚖𝚎 😍 loved the ꜱɪɢɴᴀᴛᴜʀᴇ ʟᴀᴡʀʏ ᴄᴜᴛ that’s 𝚝𝚑𝚒𝚌𝚔, 𝚜𝚞𝚌𝚌𝚞𝚕𝚎𝚗𝚝 & 𝚖𝚎𝚕𝚝𝚜-𝚒𝚗-𝚢𝚘𝚞𝚛-𝚖𝚘𝚞𝚝𝚑 🥩 those with smaller appetites would be well-satisfied with the ᴇɴɢʟɪꜱʜ ᴄᴜᴛ at 𝚝𝚑𝚛𝚎𝚎 𝚝𝚑𝚒𝚗𝚗𝚎𝚛 𝚋𝚞𝚝 𝚜𝚝𝚒𝚕𝚕 𝚍𝚎𝚌𝚊𝚍𝚎𝚗𝚝 𝚜𝚕𝚒𝚌𝚎𝚜 𝚘𝚏 𝚖𝚎𝚊𝚝 🤤⠀☞︎ ɪᴛ’ꜱ ʀᴇᴀʟʟʏ ɴᴏᴡ ᴏʀ ɴᴇᴠᴇʀ ✨⠀*:..。 ɴᴏᴡ ᴏʀ ɴᴇᴠᴇʀ 𓈒 ˲ヽ 𝚜𝚎𝚛𝚟𝚎𝚍 𝚠𝚒𝚝𝚑 𝚜𝚘𝚞𝚙/ 𝚜𝚙𝚒𝚗𝚗𝚒𝚗𝚐-𝚋𝚘𝚠𝚕 𝚜𝚊𝚕𝚊𝚍, 𝚖𝚊𝚜𝚑𝚎𝚍 𝚙𝚘𝚝𝚊𝚝𝚘𝚎𝚜 & 𝚢𝚘𝚛𝚔𝚜𝚑𝚒𝚛𝚎 𝚙𝚞𝚍𝚍𝚒𝚗𝚐 ヽ• 𝙻𝚊𝚠𝚛𝚢 𝙲𝚞𝚝 ($𝟺𝟶𝟾)• 𝙴𝚗𝚐𝚕𝚒𝚜𝚑 𝙲𝚞𝚝 ($𝟹𝟹𝟶)• 𝙲𝚛𝚎𝚊𝚖𝚎𝚍 𝚜𝚙𝚒𝚗𝚊𝚌𝚑 (+$𝟼𝟶)...📍 ʟᴀᴡʀʏ’ꜱ @lawryshk.ℂ𝕦𝕚𝕤𝕚𝕟𝕖 ☞︎ #𝚝𝚑𝚎𝚏𝚌𝚑𝚔_𝚠𝚎𝚜𝚝𝚎𝚛𝚗𝔻𝕚𝕤𝕥𝕣𝕚𝕔𝕥 ☞︎ #𝚝𝚑𝚎𝚏𝚌𝚑𝚔_𝚊𝚍𝚖𝚒𝚛𝚊𝚕𝚝𝚢.#lawryshk #lawrys 繼續閱讀
(以上食評乃用戶個人意見 , 並不代表OpenRice之觀點。)