985
24
24
港鐵太和站 B出口東翼, 步行約5分鐘 繼續閱讀
所有分店 (2)
電話號碼
98884532
開飯介紹
主打法國菜式,裝修奢華,富有情調。食物及酒類選擇多,擺碟精緻,適合與情人和朋友小酌幾杯。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 八達通 銀聯 微信支付 OpenRice Pay
其他資料
網上訂座
Wi-Fi
酒精飲品
自帶酒水
切餅費
VIP房
泊車
電話訂座
賞訂座積分
加一服務費
室外座位
電視播放
球賽直播
當面支付
以上資料只供參考, 請與餐廳確認詳情
有關獎賞計劃
食評 (1070)
等級4 2024-03-16
247 瀏覽
太和及大埔也是我常踏足的一個地區, 最近發現了小街的一間帶點神秘的餐廳, 從外是望不進去的, 只見一座鋼琴在門外, 兩個英文字LM估計是店名, 開門進入, 別有洞天! 霧化玻璃變通透, 看到華麗裝潢, 原來是主打法國菜的餐廳.L’amour 由前文華東方酒店Pierre 主廚主理, 翻開餐牌, 美食選擇頗多, 與好友選了湯、前菜、主菜及甜品, 也是滿足.  先來龍蝦湯HK$168, 適量的泡沫、食用花及麵包片, 就是高級餐廳的擺盤. 湯內有龍蝦肉, 與平時吃的有所不同, 半熟的龍蝦肉刺身質感爽滑, 份量也不少, 湯的濃郁度及稠度適中.我俩都喜歡火箭菜, 一看到有意大利巴馬火腿火箭菜水牛芝士卷HK$198, 立即order! 這個讓我們吃得很方便, 而且能同時把三款食材優雅地放進口.  而紅石榴的點綴把整道菜變成小花園, 漂亮~  來到主菜環節, 香煎法國鵝肝A5和牛肉眼 HK$658, 鵝肝軟滑沒筋, 和牛油脂豐滿, 相當誘人, 五成熟最合我們口味, 肉質細膩, 不錯~ 伴碟的三色球是紫薯蓉、南瓜蓉及椰菜花蓉, 好好味~ 黑松露忌廉半熟帶子薏米飯 HK$288, 不是預期的以帶子殼做擺盤, 然而份量之多令我們印象深刻! 薏米飯的熟度及硬度拿捏得非常好,  本身我也是喜歡吃薏米的, 滑捋捋的外層, 圓碌碌的米粒, 少不免滲入偏愛的分數.  半熟帶子煎至兩面金黃, 咬下就夠軟滑, 拌少少黑魚子, 整體也很高分~ 沒想過份量竟然這般大~ 法式焦糖蘋果酥HK$118絕對足夠滿足我們! 滿滿的肉桂蘋果餡, 香甜之餘兼爽稔有度, 香脆的酥皮充滿誘人牛油香~ 更要讚碟上桑莓雪葩,酸甜清爽,令味蕾重新出發. 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-09
186 瀏覽
經朋友介紹去左呢間位於太和嘅法國餐廳,門面比較神秘,整塊落地磨沙玻璃,外面望唔到入黎,內裡裝潢都幾Modern,樓底夠高,中央仲有一盞超大嘅水晶燈,別具氣派。價錢定位較高,係新界區賣呢個價錢,存在到咁多年,相信應該都有佢嘅價值。Bubble Bee (單點$82/ 跟餐+$38):以橙味作主調嘅無酒精Mocktail,飲落有啲似Fruit Punch什果賓治,幾甜幾好飲,而且非常大杯,夠飲成晚。Vodka Lime($90):尤如其名,即以Vodka伏特加溝青檸,青檸微酸,Vodka味會較突出,呢杯野唔甜,感覺上糖份唔高,所以我比較Prefer so called無咁肥嘅Cocktail其中一款Set Dinner $788/位,包含前菜、湯、小食、主菜、甜品及咖啡茶:巴馬火腿果仁沙律:擺盤幾靚,乾果沙律感覺較健康低脂,捲花嘅巴馬火腿乾身,具咸香。頂級牛肝野菌忌廉濃湯:湯頭濃郁,牛肝菌味突出,食到唔少牛肝菌碎粒。自家製藍花蟹餅:外層酥脆,內裡軟滑,餡料含大量真蟹肉,味道鮮香,就如豪華版嘅可樂餅。鵝肝牛柳:鵝肝嫩滑多汁,食落唔會太油太膩。牛柳五成熟,內層肉質粉嫩幼細,而且富肉汁,牛味適中,擺碟都幾精美。比利時朱古力心太軟:外脆內軟,切下去完美呈現流心質感,朱古力味濃郁香甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-29
266 瀏覽
今日慕名來到太和這間隱藏在太和中心地下的西餐廳,吃了頓精緻的法式西餐。午市套餐共有4道菜,全都擺盤精美如圖畫,廚師精心運用色彩、形狀和紋理等元素,搭配醬汁、鮮花等裝飾點綴,使餐點化身為一件賞心悅目的精緻藝術品,讓食客在品嚐美食之餘,也能在用餐過程中獲得視覺的享受。這個每人$338的Set Lunch,可說色香味俱全。🍴前菜🏅Foie Gras $ Grape with Port Wine法式鵝肝醬軟滑可口,波特酒釀葡萄濃郁美味。🏅Homemade Crab Cake with Lemon Sauce自家製蟹餅外脆內軟,每一啖都有蟹肉的鮮味和蔬菜的清爽。🍴餐湯🏅Soup of the Day 南瓜湯香甜濃郁幼滑,主廚們運用色彩和紋理,將普通的西湯創作出一幅賞心悅目的圖畫。另外,那兩片蒜蓉多士極之香脆。🍴主菜🏅Sous Vide Iberico Pork Loin Rack with Caramel Apple Sauce慢煮西班牙黑毛豬鞍,入口即溶。焦糖蘋果和果醬,香甜好滋味。🏅Pan Fired Barramundi Fillet with Cauliflower Mash 香煎盲鰽魚柳肉質細嫩白滑。伴碟的南瓜蓉、紫薯蓉和椰菜花蓉增添色彩。🍴甜品🏅Daily dessert是日甜品是Tiramisù 口感幼滑。🍴飲品🏅生啤(+$28)🏅Mocha(+$20) 繼續閱讀
(以上食評乃用戶個人意見 , 並不代表OpenRice之觀點。)
今次係第二次黎呢間隱世法式Fine Dining,大門一貫格局嘅設計形式,大型趟門印上餐廳品牌法式風味非常吸睛。餐廳內嘅環境同大水晶吊燈依然係顯得餐廳更加高貴嘅燈飾。三文魚子泡沫生蠔 $398/6pcs單點左6隻生蠔,生蠔即點即開,時令嘅生蠔加上泡沫,魚籽同埋金箔,高貴得黎又高級。生蠔蠔身好大隻飽滿,口感爽身,味道鮮甜又有強烈嘅海水味。加上魚籽一齊食,魚籽嘅口感同鮮鹹香味道更加多一層味道同口感。焦糖法國鵝肝撻 $88/pcs另外單點左個鵝肝撻,即焗嘅鵝肝撻望落個撻皮焗得好香脆,鵝肝肝粒係撻內焗到有好香濃嘅香味。入口撻皮酥脆,食到有一層層嘅酥皮脆,撻內嘅蛋香味適中,鵝肝嘅香味濃烈突出,棉滑口感食落夠舒服而且唔會太油膩。«Set lunch $338/pp»今次發現set lunch比上次黎嘅時候平左抵食左,食物質素依然保持住高品級水準。«前菜»蝶豆花木魚清湯鯛魚刺身設計感滿滿嘅前菜,蝶豆花木魚清湯淡淡嘅清香加少量檸檬汁增加少少酸味,鯛魚刺身配住清湯一齊食好清甜,鯛魚刺身口感比較爽身,口感比較實在,夠鮮香。自家製蟹餅配檸檬忌廉汁呢個自家製蟹餅係驚喜之一,圓筒形嘅蟹餅入面大量嘅蟹肉加上薯仔粒增加口感,外表炸得夠脆身,味道上鮮味又有住檸檬忌廉汁嘅甜酸味,夠開胃。«餐湯»是日餐湯法式龍蝦湯 +$40是日餐湯係鮮雜菜紅湯,唔同嘅雜菜粒同埋腰豆加入紅湯一齊煮,口感好多而且有飽腹嘅感覺。另外加錢點選左龍蝦湯,香濃濃郁加上忌廉增加濃厚又滑身嘅口感,龍蝦味濃另外湯內有唔少龍蝦肉粒,爽口又彈牙。«主菜»海膽扁意粉好creamy嘅意粉,未食已經聞到好香濃嘅忌廉香。意粉比較粗身,忌廉同時可以比意粉吸收,有口感之餘又非常之香。加上有加上一大片嘅鮮海膽,海膽夠鮮味而且好濃嘅味道,混合埋意粉一齊食口感好濃厚,非常滿足。澳洲草飼羊T骨扒 +$68今次點選5成熟嘅羊T骨扒,羊肉味夠香帶住少量嘅羊騷香味,封煎脆面嘅羊扒切開後包覆住羊油油香,少量嘅洋蔥醬汁提起羊肉嘅肉香。«甜品»是日甜品今日是日甜路係雞蛋布丁,雞蛋味道夠香,口感滑身有類似食mousse嘅口感。美女與野獸 +$48加點左呢款美女與野獸甜品,原來係自家製蓮蓉唧成嘅一朵玫瑰花,絕對成為最後一道好打卡嘅菜式。蓮蓉磨得好滑身,甜甜地嘅味道味道唔差,加上花內原來有黑朱古力,少量嘅苦中帶甜,切開後先發現呢隻野獸嘅存在。Sapphire Blue $98海洋藍嘅cocktail望落好靚,藍酒,Gin酒,再加入Soda,味道甜而且有汽,好適合飲住黎同朋友傾計。 繼續閱讀
(以上食評乃用戶個人意見 , 並不代表OpenRice之觀點。)
呢間隱匿係🔎太和一條後街入面嘅🇫🇷法國餐廳🍽️出品極為精緻😍,每一道菜擺盤都好似係🎨藝術品一樣,用料高級👍又好味,佢哋除咗有🍷紅、白酒之外,仲有好多唔同款嘅🥃酒精飲品,亦都有各式嘅🍸Cocktail同埋Mocktail🍹,十分之多元化。時令海膽刺身多士🍞用上大量時令肉厚鮮味嘅🤩海膽刺身,放係香脆嘅🥰多士上面,而且仲用咗💛金箔做裝飾,矜貴☺️又好味!佢哋嘅🇫🇷法式鵝肝凍🤤入口猶如雪糕🍨般咁香滑,🪿鵝肝味道濃郁有層次,下面滿佈香甜嘅🥃波特酒釀葡萄🍇,上面仲配咗少少🤏不同嘅鮮果粒,呢配搭食起上嚟👍好夾之餘又唔會膩。🇫🇷法式🦞龍蝦湯用咗cream來拉花🌼好靚,飲落去係好濃厚好甘鮮嘅🦞龍蝦味,質感好幼滑😋,而且配嘅蒜香🧄牛油🧈多士亦都好鬆化美味!慢煮♨️西班牙🇪🇸黑毛豬鞍🐖擺盤精緻😍,豬鞍用慢煮♨️方法製作所以好鬆軟又濃🐷豬味,配埋煮到又腍又香甜嘅焦糖🍎蘋果味道好平衡,再配咗少少紫薯蓉同埋🥔薯蓉更加起到畫龍點睛嘅效果!海膽控❤️必食佢嘅忌廉🇨🇦加拿大海膽扁意粉🍝,因為用料優質👍而且慷慨所以海膽味極濃厚🥰鮮甜,加上 al dente 嘅扁意粉🍝,絕對係最佳組合!原隻海膽雪糕🍨一上枱有乾冰🧊煙霧效果,而重點係佢用🤩原隻海膽做成又香又滑又甘甜嘅😍海膽雪糕🍨,用料上乘鮮甜無比! 繼續閱讀
(以上食評乃用戶個人意見 , 並不代表OpenRice之觀點。)