Lagom Kaffe (已結業)

1月既某個星期二，同fd book左 1430 到左門口，個Staff首先提話今日只收Cash咁ok la，friendly remind，好過到時無現金比XD坐低掃佢個QE code 睇menu落單嘩！一半食物係灰色，賣晒 -___-雖然觀塘多工廠大廈，寫字樓又無晚市，主力可能只做Lunch Hour不過唔係咁阿嘛⋯⋯炸魚薯條，無！甜點窩夫，無！點完個漢堡⋯⋯隔一陣同我講⋯⋯無！有既係得翻幾件cake$148左右既牛肉麵⋯⋯etc主食既選擇係得翻3.4樣如果你咩都無晒，我建議係門口同客人講聲話一半野都Sold Out，唔好等人坐低先知感覺非常唔良好囉！最後我同Fd 各自單點 一件Cake + 一杯咖啡我Fd件 撻 就太乾身反而件 Tiramisu 有驚喜，係好食既！杯咖啡就普通囉，無特別優: 地方夠大的平日2半呢個時間Staff都無趕人Tiramisu 味道好，可以一試Staff態度都好Nice改善空間:食物存貨量如果好多野賣晒，應該係門口就話比客知下午茶時段，可以整下Tea set/優惠果日去到，係無餐set，咩都單點得 啤酒 做優惠

當星期一的上午和上班族相映成趣，我們在繁忙的人海裏，放輕腳步地移動，chill 下放假的時光雖然駿業街的人們衝着1小時的lunchtime，我們卻可以行到海旁的cafe這裏的flat white咖啡豆味香濃，飲落口亦10分滑。戀戀的咖啡滲透着冬天的溫暖。不要小看這個跟餐$10的Summer Peach Tea這個非一般茶包沖的茶，而是配上少少甜的蜜糖味。因為咖啡癮起，所以我們嗌多一杯ice mocha，又甜又甘香，滿足兩個願望。特別喜歡這個鮮茄意粉加上了中式的蒜芯，要等有口感，中西合璧。我們平時因為很喜歡食和式牛肉飯，所以我們叫了這個三文治來試試看，居然竟然有平時食飯的感覺，我不客氣了，洋蔥整得很入味，不會有肉感。最後，我們叫了兩個甜品，兩個都是以茶做主題，一個是烏龍，令一個Hojicha 同埋層次分明，吃落竟然有蘋果味道，很fresh流出來的茶醬和cheesecake 配合，發出雙重茶香原來星期一放假就是有這種感覺了。

本來約左班同事們係度食生日飯,但係尷於呢度俾人既感覺太差,最後甜品環節都轉去第二度食🥲果日係平日中午午飯時間，但間鋪的客人寥寥可數，但居然同我地講只有飲品同甜品即時供應，食正餐需要等候20-30分鐘(落單起計)🤨 我地覺得一場黎到，咁就照等啦，點知落果樣冇果樣，本身lunch menu已經夠少選擇，Burger缺貨，炸魚薯條缺貨，只有：All Day Breakfast 、一款三文治🥪多士、一款辣醬牛意粉、一款蕃茄豬肉意粉..😅😅😅😅seriously?? 只有4種選擇7個人黎一心就係想試下Openrice出現既幾款熱門美食，多個人試多幾款，點知原來全部都冇供應既！最後只食到3款加上店員服務態度差，天氣凍想這個開個暖爐，比到我嘅回饋係十分之不情願🙄雖然出嚟既賣相唔錯，但係班同事都異口同聲話「未食已經可以blacklist呢間餐廳」牛肉意粉係用左花椒八角調味，鍾意食中式意粉嘅可能會覺得幾特別，但若然唔鍾意麻辣的話就…😂Btw如果一心想嘆杯好嘅咖啡☕️ 可以話你知呢度既豆係極苦，冇回甘，來呢度沒有期望便沒有失望！

最近轉左日日wfh，夜晚又無堂食，所以晏晝都會自己一條友出去食下lunch，帶埋部laptop出去做嘢，費事日日都喺屋企唔出街人都癲呢間餐廳真係好大😮仲有outdoor seating.我就揀咗坐outdoor la.呢一日好肚餓所以比平時嗌多左嘢食，坐outdoor啲嘢食會用外賣紙盒上。>>>✨夏季香橙烤豬肉沙拉Lunch Set $88想健康啲同食多啲菜所以揀咗個沙律嚟食。有沙律菜，車厘茄，青瓜同橙，個沙律汁係比較清新嘅，酸酸甜甜。個豬腩肉肥瘦均勻，烤得幾靚幾好食。✨台灣風味牛肉層麵(辛) $98呢個有寫明等嘅時間會比較耐，等咗大概30分鐘，我食完個沙律啱啱好。佢呢個雖然話辣，但我覺得都係少少辣啫，上面鋪咗芝士同肉碎，好似肉醬意粉咁，但食落會多咗個花椒嘅味道，唔錯。✨Mocha +$23咖啡可以加$5轉fruity既豆，不過我個人鍾意nutty啲嘅所以冇轉到。✨雲呢拿蜜柑熱情果慕絲蛋糕 +$30個蛋糕食落幾smooth，唔會好甜，但無乜熱情果嘅味。同埋蛋糕冇得後上，變咗啲嘢食未黎個蛋糕就上左😅

今天跟朋友食LUNCH, 很久沒有食西餐，於是便去了樂感。由於疫情關係，有部份公司已經開始在家工作, 所以都不用等位。侍應帶位到比較中間的位置，近戶外感覺不錯。如果天氣暖一點我會希望座在外面。另外行過蛋糕櫃看見有些新蛋糕，今天一定要試試。我點了炸軟殼蟹漢堡配牛油果綠咖哩醬汁與炒雜姑而朋友則叫了嫩煎乾貝忌廉意粉。炸軟殼蟹漢堡配牛油果綠咖哩醬汁與炒雜姑都等了十分鐘，原因是軟殼蟹即叫即炸。大大個漢堡夾住軟殼蟹非常吸引，配上生菜及番茄非常健康。軟殼蟹非常脆，而且軟，配上牛油果綠咖哩醬增添了鮮味。另外炒雜姑都姑味濃郁。嫩煎乾貝忌廉意粉份量中等，意粉被捲起來非常可愛，上面平均放了3粒乾貝，賣相討好。最值得稱贊的是有大量白汁及蘑菇，每一口意粉都掛上大量醬汁，非常好吃。而乾貝則嫩煎至剛好，口感非常嬾滑，與白汁味道十分夾。吃完主菜後就是甜品時間。餐牌上的甜品都十分吸引，最後點了白桃烏龍撻，1分鐘後就送到了，工作效率超級快的。白桃烏龍撻的賣相很精緻，味道清新，一點都不會過甜。有濃濃的烏龍茶味與淡淡的白桃味，二者完美配合。中間還有些白桃蓉，酸酸甜甜的，不過餅底就比較硬，要比較用力才可切開來吃。餐飲我們叫了綠

本身目標係想食呢間既牛肉千層麵，可惜入座先知中午時段只能點lunch menu...試唔到有d失望🥲lunch menu幾款意粉價錢都略貴，揀左個特別dd既台式鹹豬肉蒜芯蕃茄汁意粉。黎到見賣相都唔錯，不過食落就覺得好一般。意粉質感係廉價cafe貨仔，烚得太透...蕃茄汁醬亦唔夠濃。幸好鹹豬肉煎得夠香，半肥瘦好惹味～另一樣試左佢地既炸牛肉芝士三文治，同樣賣相都係好吸引，不過一大堆既洋蔥絲就嚇怕左我唔食洋蔥既朋友喇🙈菜式名同材料個度完全冇提過既洋蔥，竟然係佔左呢個包過半既份量，同烤牛肉既比例大概係7:3😅雖然增加左口感唔係唔好食，不過都太多同太單一，食食下覺得自己其實食緊洋蔥三文治🙈值得一提既係三文治塊多士好好食，外脆內軟仲有d麥味，成份三文治靠塊包carry👍環境咁好既cafe當然mv嘆番杯咖啡，揀左flat white白咖啡，略嫌奶既比例唔太夠，唔係預期既口味～餐廳位置都算幾偏下，不過工廠區有咁開揚既環境都幾舒服。而且仲有露天位，岩晒好天既日子去做下文青😆

襯住禁晚市之前，趕緊去食「最後的晚餐」。今日去左依間西餐。佢位置係觀塘海濱附近，餐廳裝修令人好舒適，重有露天座位，今日涼涼地就唔坐出去啦。食物選擇唔算非常多，但款款都好吸引，重有D係幾有特色。今日叫左菇菇燻鮭明太子奶油章魚燉飯、夜市酥炸海鮮、牛角包窩夫。菇菇燻鮭明太子奶油章魚燉飯，顧名思義裏邊有菇、三文魚肉、章魚，重有一隻蛋，整體食上黎好香奶油味，配料異常地禁匹配，令人想食一啖有一啖。夜市酥炸海鮮包括左炸魚、魷魚圈、蝦，重有幾條青豆，炸粉厚度適中，分量唔少可以一班fd食，沙律醬可以中和油膩感。牛角包窩夫就岩晒中意食甜野嘅人，雪糕重要係用movenpick，但係最特別就佢嘅窩夫唔係一般嘅窩夫，佢質感好似酥皮咁，唔怪得叫做牛角包窩夫！

午餐.餐廳勝在位置夠多 搵到位嘅機會較高但最好都係book定位不過坐低感覺就有啲似喺canteen🤣要用QR code落單 落單是要揀定加唔加飲品/甜品仲寫到明飲品/甜品不設後上主菜未到就先嚟甜品...🥲安排略為不善.- 伯爵茶巴斯克芝士蛋糕 & 焙茶巴斯克芝士蛋糕 店員上蛋糕時話深色係a味 淺色係b味 (唔記得佢講咩)偏偏一個蛋糕深色醬淺色 另一個就蛋糕淺色醬深色所以都係要自己估邊個係伯爵茶邊度係焙茶兩款都食得出茶味 都幾好味不過個醬就甜咗少少.- 炸牛肉芝士三文治佐伍斯特花生醬汁食唔到有花生醬味🤨.- 炸軟殼蟹漢堡搭配牛油果綠咖喱醬汁與薯條都幾大份 薯條都好食 不過鹹咗啲.- 台北燉牛肉 意粉有牛肉片 肉碎好中式嘅味道 少辣 好麻 同埋比較油

今日除夕夜，上網睇吓有咩餐廳好食，諗住去觀塘海濱嗰邊倒數，所以就喺觀塘區搵吓餐廳。見到呢間餐廳仲有位，就立即去試吓。室外環境睇落氣氛好啲，所以我哋揀咗坐出邊。見到Stella啤酒有優惠👍🏻， $40有500ml，叫咗一杯高興下先。女朋友叫咗一杯聖誕紅酒👍🏻，冬天梗係要飲番一杯戀戀嘅紅酒。頭盤嗌咗一個酥炸海鮮拼盤👌🏻，份量好多，沙律醬好食，係一個唔錯嘅頭盤。之後見到有一個叫台灣版本千層面👍🏻👍🏻，見到好多人都有叫，所以叫咗一個試吓。真係不得了，原來係用咗麻辣牛肉去煮，味道啱啱好，好出色嘅fusion菜。另外叫咗一個慢煮羊架👍🏻，羊架大概五成熟，慢煮可以令到羊架非常軟熟，而仲會有羊味喺度，值得推介。最後叫咗一個綠茶tiramisu👍🏻，好creamy，綠茶味都好重，只係買$28 ，非常超值。******************************👍🏻好食 | 👌🏻可以 | 😔 難食評分 : 9/10簡評 : 服務，環境，食物都非常出色

同事最近推薦昔日觀塘碼頭對面的舊工廈，部份已演變成為繁華商廈；其中一座Two Harbour Spuare商廈，有間姊妹分店在1/F的樂感餐廳，食物製作用心和地方非常寬敞。趁普天同慶的日子，和好友去試試！設計有室內雅座和提供喜歡鬆弛壓力的食客在室外空間亨用。。採用攪碎羅勒葉混入免治牛肉的特製牛肉起司漢堡與薯條，肉質豐厚，喜歡植物香草味的朋友就至咁，也有墊底爽脆沙律菜和伴上薯條。夜市酥炸海鮮拼盤，食材包括鮮尤、魚柳、蝦、豆角和矮瓜，䕴點千島醬同吃，可提升鮮味。口感有層次和軟綿綿的台灣風味牛肉千層麵，牛肉餡料豐富 ，至愛濃味的我最適合，雖然這款菜式餐牌註明（辛），但一點也不覺辣，味道還不錯。

這餐廳好正，完全呼應了Lagom這個名字。Lagom是剛剛好的意思，而這晚在這裡吃的，不論味道還是分量，都是剛剛好，perfect池！官塘好多商廈交通都不算很方便。附近的餐廳主打午市給打工仔，或者在工廈開cafe都可以做晚市。這間餐廳地點就真的不是特別好，所以下班時間不多人，收工時間也比較早。如果這裡不是地點問題，以這裡的質素和價錢，一定晚晚爆棚。我們都點了蟹肉意粉。蟹味濃，意粉有嚼勁，精緻地放在健康份量的碟上，叫為我們準備最佳胃口吃甜品。比起waffle，朱古力蛋糕已經不算特別驚喜。蛋糕外表精緻，質地厚實，濃郁的朱古力味加上滑溜飽滿的口感，滿分！至於waffle，一上檯就有撲鼻的朱古力香味，熱烘烘，外面脆卜卜，裡面是嚼勁十足的麻糬，還有香甜而有濃滑質感的vanilla雪糕襯托，實在太好吃，值得比主菜還貴。環境方面，寬敞舒適。落地大玻璃加上光潔明亮的木地板和木桌椅，硬件已經贏了。軟件方面，不知道是不是我們幸運今晚遇到好店長，其他員工都很有禮貌，招呼比得上五星級酒店，關照得來又不會跟車太貼而令人不舒服，真心佩服他們待客之道。希望有機會再遇到這樣用心經營的餐廳，享受超水準的食物和服務！

今日平安夜，menu 可供選擇既不算多有二人套餐同10款左右既主食可以揀仲有甜品同野飲由於二人套餐對我地黎講唔太吸引所以選擇左散叫一黎就黎左份薯條先，其實都黎得幾快心諗今次中伏了，肯定唔係即炸啦食落口真係嘛嘛地，間間快餐店都好食過佢D油入哂落薯條度，有7成都係深色薯條個汁就淡左d 同稀左d呢份薯條$78 黎講，計份量既話唔係貴不過奉勸各位唔好叫喇第二份黎既係夜市酥炸海鮮有蝦，魚，魷魚圈，同幾片洋蔥無錯係幾片洋蔥😂😂😂食落D粉厚到爆 又唔酥食兩舊已經成口又油又‘漏’同香港街邊炸物差唔多第三份黎既係意大利飯食落凍冰冰，牛又係之後要求換過碟不過再黎 飯繼續凍 舊牛就微暖飯其實食落唔差，但可以再濃味D但舊牛真係又乾又無味....仲衰過湯渣總結：份量黎講係ok，價錢唔貴不過食物質素低薯條最起碼都即炸啦唔該炸海鮮D粉超厚 食落成口油或者廚房要重新調教下個炸爐位？牛板腱意大飯係凍既舊牛柴到肉汁都無滴唯一讚既係服務態度幾好

好朋友又帶我去試新嘢，觀塘開咗間Lagom Kaffe，主打西式料理和輕食，餐廳以落地玻璃設計，感覺舒適，最特別是有特大露天後花園，可讓客人聚會和打卡拍照！餐前麵包：自家製意大利香草麵包及酸種麵包，旁邊有一朵小花系牛油，塗上麵包食增添美味！干貝與松露忌廉醬汁燉飯：干貝都好大粒，兩面煎至金黃色，中間剛剛熟保持鮮嫩，另外有炸香嘅干貝絲、流心溫泉蛋，多重口感，配加左松露忌廉醬汁嘅飯，味道又香又creamy。炸雞翼佐明太子香吉士酸辣醬，雞翼內釀滿糯米飯，之後炸到金黃色賬卜卜，加上明太子香吉士酸辣醬，香脆可口帶少許酸辣味，送啤酒一流！夜市酥炸海鮮，即叫即炸，海鮮有魚、魷魚、蝦、四季豆及洋葱，蘸上自家製芥末沙律醬，脆卜卜超好味！

｜觀塘 夠chill夠空間感 良心cafe 工廈區的綠州｜😚上個星期就同friend子去左觀塘staycatio, 我地都食左唔少幾唔錯既野食，所以今日同大家分享下我地究竟食左d咩啦。今日想同大家分享既系一間cafe，佢地都有唔同既食物種類，仲有甜品添。一行入去，間cafe比人既感覺好舒服，好有空間感。黎坐下嘆杯咖啡都好，完全放鬆~😚🍚菇菇煙燻鮭明太子奶油章魚燉飯 尼個燉飯既味道好多層次，味道好豐富。😍其實分量都唔少。味道方面，燉飯有三文魚魚油既味道，好濃郁，仲有好多菇，配上奶油口味，整體好順滑，好溫柔。溫柔中又有少少辣辣地，系明太子既味道。整體味道好配合，有豐富既海鮮味同奶油味。超級夾。另外仲有一條好大條既章魚，口感好彈牙，完全唔會難咬，吸盤既位置就微脆，幾得意。🍝台北風味牛肉千層麵唔好睇佢好似一個正方形，驚唔飽，但其實分量好足！佢既千層麵都幾特別，系屬於口感比較Q既麵團，但真系又幾特別，幾煙韌。再配上巨量既芝士夾層同肉醬，真系超級濃郁，建議大家分黎食就比較好。中意芝士既就一定要試下，芝士味超級濃郁。🍰焙茶巴斯克芝士蛋糕食完主菜就更系要食翻個甜品先系終極既完結啦。中意焙茶既朋友就一定

約左朋友喺度食lunch，無book位既情況下12點半都有位，睇門口以為入面唔係好多位，入到去原來都幾深～有卡位亦有bar table ，環境都唔錯，幾有文青feel😮我地分別叫左burger同pasta，不過朋友唔食牛，所以叫左個豬既burger一黎到個賣相其實就普普通通啦，而且豉油同個burger又唔算太夾。食到最後見到呢幾條😅少少Hea咁🙈而我就叫左奶油羅勒干貝意粉 ($128)，有3大粒帶子，煎得幾香，口感啱啱好，意粉夠煙韌幾好食，仲有啲藜麥添整體都OK既，係略嫌多油左啲啲，同埋咸左少少咁⋯⋯飲品方面我地就分別加左$10叫左個summer peach green，其實即係蜜桃綠茶味既茶包😂正正常常啦。另外加$24要杯京都抹茶鮮奶，再加$5轉燕麥奶，飲落燕麥奶味道唔係好重，成杯都較淡，抹茶味都唔太濃郁，有少少失望雖然未去到好難食，但我就未必會再黎食lunch，不過如果下晝想喺觀塘呢一帶搵個地方chill下，同朋友傾計飲下咖啡係一個幾好既選擇，因為呢度啲店員唔會趕你走，可以慢慢坐👍🏽