Lagom Kaffe (已結業)

嚟附近拎嘢，順便食個lunch，呢度幾舒服，過咗peak hour，可以慢慢食丶坐耐啲炸魚薯條 $98炸魚夠脆身，個醬好味，少少辣，加咗青檸似冬陰公味，最鍾意係有1/3碟係沙律菜，仲加咗啲鮮果，即刻覺得健康啲Strawberry Tart +$34士多啤梨夠香甜，吉士醬都好味，忌廉上加咗少少開心果碎，唯一不足係餅底偏硬咗少少笑牛牌芝士酥 $30芝士味特別香，入面有煙肉粒，酥脆Cafe Latte $38Macha Latte +$28抹茶味幾濃喎，好飲！

1️⃣白酒奶油三文魚意粉份量真係好多,食唔哂.三文魚熟度岩岩好,煎得好香,肉嫩.奶油汁好香濃,creamy.不過食得多都漏.酒味唔係好出.💰HKD$1082️⃣抺茶latte個獨角獸拉花係幾靚，但睇個色就知佢茶太多,隻色係深綠,飲落都較苦,奶唔夠.Lunch餐飲加$20

放假當然要食個靚brunch，平日經過都見到好多人幫襯，今次終於食到呢間Lagom Kaffe！餐廳裝修以木系顔色作為主色調，加上超大落地玻璃，空間感十足，感覺舒適。全日早餐（$128）如果你想吃一頓豐盛早餐，呢個全日早餐係一個非常好嘅選擇！煙燻培根、軟嫩炒蛋、烤大啡菇、薯餅以及蔬果沙律，其中蘋果肉桂醬塗上麵包超好味，各種不同食材令人好有飽足感，而且每種都非常美味，整體口感均衡，豐盛又令人滿足！芒果雞肉韓式辣醬三文治（$88）非常特別又創新嘅三文治，內餡有芒果、雞肉、芝士、生菜同蕃茄，再加上韓式辣醬，口感非常豐富。芒果的甜味和雞肉的鮮味非常相輔，麵包烘到脆口，同樣伴有沙律。Flat White（$38）咖啡的香氣、苦味和牛奶的濃郁、甜味非常平衡，整體口感非常順滑又易入口。日本小山園抹茶鮮奶（$48）甜度適中，帶微甘澀，啖啖都有濃厚嘅抹茶香氣，另外要一讚一陣呢度嘅咖啡拉花好靚，幾有心機！

呢幾日咁好天，梗係想揀番啲可以透到室外陽光嘅餐廳😌咁啱行過觀塘就諗起呢間啦。開呢間餐廳全部座位都可以望到出邊嘅環境，兩天就更加開心🥰天氣咁熱一入嚟梗係嗌快杯嘢飲先。呢度用QR code落單，可以customize返自己想要嘅味道。我就叫咗杯expresso tonic, 朋友叫咗杯香桃烏龍茶。espresso tonic上面嘅泡好棉滑，但係又唔會太厚👍🏼之前睇咗OpenRice食評已經諗住嗌佢嘅all day Breakfast😌一嚟到真係嚇親我，大碟到🤣總括每樣配料都幾好味😌另外，嗌咗個花雕雞意粉，意粉嘅軟硬度啱啱好，又唔會話太creamy好漏☺️之後朋友想食埋佢個豆腐芝麻蛋糕。😯豆腐味極重，好似真係食咗嚿豆腐落肚咁🤣🤣想搵靚景，但係又唔想坐戶外嘅朋友，不妨試吓呢間餐廳 性價比都幾高☺️

😋前幾日去咗喺牛頭角嘅Lagom Kaffe，一間西餐同埋咖啡店。嗰度嘅氣氛好悠閑舒適，好適合放鬆嘅感覺。☕️我叫咗白酒奶油三文魚意粉、水牛城雞翼同炸薯條。白酒奶油三文魚意粉味道好唔錯，奶油醬汁同三文魚好夾好，好好味。水牛城雞翼係香脆多汁，微微有啲辣味，好開胃。至於炸薯條，佢哋炸得金黃酥脆，好好食。😋❤️整體用餐體驗好輕鬆開心。Lagom Kaffe嘅氣氛好適合同朋友或者家人一齊享受美食同傾計。服務態度都好友善，令人覺得舒服同受到重視。❤️不論係食西餐定係飲杯咖啡，Lagom Kaffe都可以提供舒適愉快嘅用餐環境。如果你想揾個地方放鬆、品味美食，Lagom Kaffe絕對係一個唔錯嘅揀擇。‼️

呢間係我經常光顧嘅食店，店舖環境不錯，地方非常寬敞，食物方面水準高，店員亦非常有禮。台北燉牛肉意粉牛肉煮到好嫩，意大利粉幾有咬口，份量都幾足，有少少麻辣味，好開胃惹味。溫泉蛋帶子奶油燉飯帶子煎得夠金黃，有藜麥菇菌溫泉蛋，材料非常豐富，奶油醬汁亦好creamy，有少少油膩感。整體食物水準高，不過距離最近嘅大商場有10-20分鐘路程，唔太方便。價錢方面亦略高，不過可以享受悠閑嘅用餐時間，好適合假日嚟放鬆慢活一下。

平日下午接近五點來到，見營業時間到六點半，但可能位於商廈裏面，蛋糕和輕食已經幾乎賣完，所以只是點了一杯咖啡。天鵝拉花很美！本來以為Latte味道會淡一點，但喝起來比想像中再濃烈點，帶少少酸澀，個人比較喜歡奶味較重的Latte。地方很大很寬敞舒適，下次再來吃東西！

今日想同大家介紹一間起牛頭角既餐廳,，應該話係cafe先岩，佢嘅菜單有好多唔同口味嘅意粉，而我地得兩個人，所以就叫左一個辣，另一個唔辣，希望可以試多Ｄ野。分別係台北燉牛肉意粉微辣同白酒奶油三文魚意粉。就先，真係要讚一讚環境幾好，有時間真係可以坐全日，同埋上菜時間都快，話咁快就上左第一道菜啦！「台北燉牛肉意粉微辣」嘅特別之處就係佢用咗燉牛肉，唔係一般常見嘅炒牛肉。燉牛肉煮熟嘅口感好軟嫩，而且微辣嘅調味，真係一流，一啖接一啖停唔到手。意粉嘅口感都好好，同牛肉搭配得好啱味。如果你鍾意微辣口味，咁呢道菜應該都會幾岩你！食到一半，「白酒奶油三文魚意粉」都上埋黎啦！呢道菜嘅主角係三文魚，佢哋切咗成小塊，然後混入濃郁嘅白酒奶油醬汁入面，令味道加倍濃郁。意粉煮得啱啱好，口感QQ嘅，令你可以真切感受到食材。整道菜嘅味道非常濃郁，但唔會過分油膩，食完之後令人感到非常滿足。如果你鍾意奶油同酒嘅味道，就一定要嚟試吓呢道菜啦！

休閒風打卡Café💖 餐廳空間寬敞，落地玻璃設計，景色優美 舒適雅致，環境寧靜，讓客人放鬆享受美食，擺盤精緻，很適合打卡🥰 適合約會或朋友聚會🥂 食物方面主打西式料理及輕食，包括意粉、窩夫及全日早餐等等，質素高，價格合理，值得一試☺️👍🏻二人消費：$246 🫧包括加一服務費🫧═ ═ ═ ═ ═ ═ ═ ═💖💖💖食評💖💖💖𝑭𝒐𝒐𝒅🥗樂感全日早餐 LAGOM ALL-DAY BREAKFAST ($128)✨沙律菜 · 酸種麵包 · 炒滑蛋 · 大啡菇 · 薯餅 · 煙肉 · 腸仔好豐盛的全日早餐！大量沙律菜配水果，炒滑蛋大份有水準，大大條香腸好脆身 微微香辣味😋 煙肉夠香脆，薯餅外脆內軟👍🏻 麵包好鬆軟 配上甜醬汁好好味，大啡菇軟腍多汁😚 𝑫𝒆𝒔𝒔𝒆𝒓𝒕🍫朱古力心太軟配雪米糍 Chocolate Lava cake With Mochi Ice Cream ($58)✨擺盤精緻💖 心太軟流心效果一流，還配上雪米糍😍 朱古力味特別濃郁，好好味！🥰 🍰栗子蛋糕 Chestnut Cake ($38)✨口感軟綿綿，味道香甜 有驚喜🥰

💚💛今日約咗朋友去牛頭角一間佔地超過2000尺既cafe，牛頭角好少有咁靚cafe 🍃比人打卡傾計👍🏻👍🏻而且距離地鐵站5分鐘就到，非常就腳。🐥🐥餐廳嘅落地大玻璃增加咗餐廳嘅採光度，而且望到出面嘅公園景色🍃，所以影出嚟嘅相都好靚👍🏻❤️台北燉牛肉意粉🍝牛肉煮到好嫩，完全唔會柴口，意粉有少少麻辣味，但又唔會好辣，唔食得辣嘅朋友都可以試吓，好開胃👍🏻而且份量都唔少，兩個人share一個都可以。另外仲點左芒果雞肉韓式辣醬三文治🥪呢個三文治一咬落去勁多肉汁滴晒出嚟，非常Juice，辣雞肉配上芒果好清新，芒果甜甜地意外同雞肉好夾👍🏻 配菜沙律有我最愛嘅粟米芯，配上黑醋好好味。最後我同朋友逗留左兩個小時先走，坐得好舒服，好啱同朋友傾計/ 打卡用。👍🏻

之前牛頭角返工，成日同朋友，同事，每每放工，都來呢度聚一聚，吹吹水，又有美食。之後轉工，已經有一段時間無嚟，真係好懷念。今日咁啱，嚟到附近，一定要上嚟幫襯吓至得。叫左個台北牛肉燉意粉，呢個意粉真係好特別嘅。少辣帶甜，好似中式煮法，但又出奇地同意粉好配合。好有特式。👍👍👍雞胸凱撒沙律, 雞胸保持軟滑，算喺唔錯啦。食個沙律就無咁膩啦。藍莓芝士蛋糕～外型討好，芝士味濃。💖呢度環境裝修仍然保持舒適整潔，我就最重要坐喺中廳嘅大大梳化，同朋友閒聊，感覺真係好relax。而且近窗位，都有一排高椅坐位，適合一個人睇吓電腦，聽吓歌，唔怕俾人打擾。真係唔同類型顧客都照顧得到嘅優閒咖啡店。👍

今日帶埋阿女去食呢間光線好充足嘅餐廳🍴店舖超級大 有窗邊位 有圓枱 仲有相化位真係三五成群都得 唔同種類嘅座位一家大細去都夠位坐 我地推埋bb車都好夠位光線採光度好好👍🏻影相打卡好靚可以坐係到同朋友傾全日計～台式牛肉麵 （小辛）評分：👍🏻👍🏻👍🏻👍🏻👍🏻一擺係枱已經香味撲鼻 係麻香味～有幾塊嘅牛肉片 麻麻辣辣咁好開胃 牛肉片就比較韌 唔係入口嫩滑個啲但下面仲有啲牛肉碎 好驚喜🤩碗埋麻香醬 香香辣辣咁夾埋碎牛肉食口感好特別 麵亦都係軟硬適中 剛剛好真係好有台式風味嘅麵花雕醉雞意粉評分：👍🏻👍🏻👍🏻👍🏻👍🏻好香花雕酒味 好creamy嘅意粉🍝好嫩滑嘅雞扒 煎過嘅雞扒 皮脆肉嫩每一啖都充斥住淡淡花雕酒味～令人會一試難忘 一啖接一啖咁食而且份量都算多 雞扒都係厚大👍🏻White coffee評分：👍🏻👍🏻👍🏻👍🏻👍🏻好香濃嘅咖啡味 上面嘅奶泡打得好出色

Lunch唔知食乜……是但求其 有位就入去食啦🤣🍝奶油花雕燉雞意粉燉雞雖然只得三舊比較少，但夠入味又嫩口又滑🐓意粉彈牙爽口 軟硬度適中，多奶油汁且咸度適中唔會好油膩☕️ Ice Americano杯咖啡並唔係茶餐廳咖啡，佢係Coffee shop質素嘅咖啡，口感香滑細膩且非酸性總結💁🏻‍♀️ 份量對女女黎講正常 但仔仔就可能唔夠飽💛價錢方面其實偏貴同冇Lunch set，想飲野嘅要另加錢至少20但係幾好食嘅，值得試下😋

𝓕𝓾𝓮𝓵𝓮𝓭 𝓫𝔂 𝓱𝓪𝓹𝓹𝔂 𝔀𝓮𝓮𝓴𝓮𝓷𝓭 𝓪𝓷𝓭 𝓬𝓸𝓯𝓯𝓮𝓮休閒咖啡室|𝓛𝓪𝓰𝓸𝓶 𝓚𝓪𝓯𝓯𝓮|星期日想過一個悠閑下晝，可以嚟呢間cafe靜靜地食吓野呢度裝修好簡約，cafe嚟講呢間算好大間，而且有落地玻璃，光線十足景觀開揚，樓底高空間感十足，所以坐喺度hea下都幾舒服今次叫咗炸魚薯條，炸魚炸得好脆，肉質柔嫩薯條係坑紋薯條，有啲粗鹽喺上面，好食再配埋個咖啡望住唔多人嘅星期日外景，休閒好地方👍🏼

呢間餐廳食物唔算特別突出，但最大特色係似日韓台式cafe，真係一個好適合假日辦公/打發時間嘅地方，環境好舒適，氣氛都好放鬆，令人可以好專注咁做嘢。有卡位、梳化，圓枱、靠窗高櫈位，樓底高、空間感十足餐廳內嘅裝飾好有特色，擺設都有心思，令人感覺好溫馨。除咗咁，竟然有printer，方便打印文件同埋做其他辦公用途食物方面，我叫咗芒果雞肉韓式辣醬三明治啱啱一嚟望住就已經好吸引，個三明治烤到好香脆，入面夾住芒果同雞肉，再加上啲韓式辣醬，好夠味，又唔會太辣再嚟就係巴馬火腿蜜瓜沙律色彩豐富，好靚仔！味道亦都好清新，蜜瓜嘅甜味同火腿嘅咸味唔會相互衝突。不過我覺得啲沙律菜碎咗啲，我鍾意食大塊啲最後就係草莓吉士撻啦，吉士撻個皮唔夠鬆脆，偏硬，但我欣賞佢唔會太甜，佢啲士多啤梨酸酸地，夾埋一齊食唔錯總括黎講，呢三款食物份量適中，值得一試嘅！職員都友善，食物價錢可能貴啲啲，但坐得耐又唔同講法，好過去coffee shop啦。係度消費完有得免費泊車。可以一邊工作一邊享受美食（同打卡），真係好方便又舒服！