603
79
17
港鐵尖沙咀/尖東站 A1 出口, 港鐵尖沙咀/尖東站 L5 出口, 港鐵柯士甸站 F 出口
繼續閱讀
電話號碼
21533730
附加資料
最後落單時間: 21:00
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
*星期一至四最後落單時間: 21:00 星期五至日最後落單時間: 21:30
以上資料只供參考, 請與餐廳確認詳情
有關獎賞計劃
相關文章
尖沙咀海港城港威商場間泰國過江龍Nara原來同佢嘅姊妹店Lady Nara開喺同一位置，餐廳以粉紅色為主調，好有少女風，仲可以睇到海景，啱哂女仔黎打卡見到menu有個The Blooming Lady tea set，加上晏晝又比較得閒，於是就叫咗呢個試下個tea set用兩個好靚嘅盒裝住，一個係鹹點，另一個係甜點鹹點入面最特別嘅我覺得係慢煮三文魚配伏特加青檸汁，因為食之前要擠啲汁落去三文魚入面，食入口充斥住魚油、青檸汁嘅酸味同酒嘅香味，好有層次甜點就scone比較新穎，有個粉紅色嘅scone係紅菜頭紫薯整嘅，入面有一片片嘅紅菜頭乾，幾健康，而配上無花果醬幾特別，幾清甜Tea set仲跟兩杯野飲，綠妍茉莉花茶充滿濃郁嘅茉莉花香，仲係成壺上，可以晚晚歎，而另一杯係桂花烏龍梳打，好多桂花糖喺底，攪勻配埋片橙肉酸酸甜甜，都幾好飲順帶一提，佢個小食炸蝦片依然咁正，炸得好脆，仲好有蝦味！
繼續閱讀
來自泰國嘅過江龍Nara，之前已經幫襯過沙田分店幾次。海港城呢間Lady Nara有afternoon tea set，睇落幾吸引所以weekend嚟食下午茶。尖沙咀分店佈置走少女風格，牆身用上粉紅色，仲有一個打卡位。Afternoon tea set以鏡面玻璃盒上枱，包括六款鹹點、六款甜點同兩款scones。當中有幾款係泰式fusion，例如青木瓜沙律卷、香辣肉碎卷同芒果泰式奶茶千層酥，相當有特色。鹹點有忌廉芝士蝦卷、菠菜芝士蛋批、香辣肉碎卷、parma ham蕃茄莎莎多士、青木瓜沙律卷同慢煮三文魚配vodka青檸汁。Parma ham卷成玫瑰花型，賣相精緻菠菜芝士蛋批芝士味香濃，酥皮酥脆唔會太膩甜點有香檸蜜桃瑞士卷、芒果泰式奶茶千層酥、薰衣草mousse芭菲、焦糖香芋蛋白脆撻、粉紅甜心曲奇同草莓macaron。Scones非常酥脆，食落啖啖牛油香氣。粉紅色嘅係紅菜頭紫薯scones，但無乜紅菜頭味。平時怕紅菜頭陣味嘅我都覺得幾好味。整體嚟講餐廳環境舒適，afternoon tea set賣相靚又豐富而且價錢合理，適合同閏蜜一齊嚟。
繼續閱讀
對住維港日落海景，同友人嘆番個期間限定 [ 戀暖春盛 The Blooming Lady ] 嘅下午茶 ($458/2人)。用咗兩個復古風格嘅玻璃首飾盒，放咗14款唔同口味嘅鹹甜甜點，睇住日落嘆下午茶，簡直係味覺同視覺嘅享受[ The Blooming Lady ]Savoury - 有六款口味，包括 忌廉芝士蝦卷、法式菠菜芝士蛋批、香辣肉碎卷、巴馬火腿蕃茄莎莎多士、青木瓜沙律卷、慢煮三文魚配伏特加青檸汁Sweets - 有六款口味，包括 香檸蜜桃瑞士卷、芒果泰式奶茶千層酥、薰衣草慕絲芭菲、焦糖香芋蛋白脆撻、粉紅甜心曲奇、草莓馬卡龍Scone - 有 提子英式鬆餅 及 紅菜頭紫薯英式鬆餅，配埋 無花果醬 及 奶油忌廉餐飲就叫咗兩壺花茶，有 [ 熱蝶豆花茶 ] 加入青檸，由藍色漸漸變成紫色，好有夢幻嘅感覺 及 [ 玫瑰普洱綠茶 ] 清香味鹹點就介紹一下呢兩款 " 慢煮三文魚配伏特加青檸汁 " 食之前要唧啲青檸汁落去，食落令口感豐富有層次；另一款就係 " 巴馬火腿蕃茄莎莎多士 " 用鹹香嘅巴馬火腿包住蕃茄莎莎，配埋塊脆口多士一齊食，真係好好味道另外甜點，細細件夠哂精緻，最鍾意就呢款 " 香檸蜜桃瑞士卷 " 分別食得出酸酸嘅香檸味及蜜桃嘅香甜味，軟綿綿口感嘅瑞士卷；" 芒果泰式奶茶千層酥" 香甜嘅芒果，泰式奶茶醬係每層嘅中間，甜甜嘅味道，酥脆口感嘅千層酥，一食就愛上期間限定嘅下午茶去到3月月尾咋，快啲同朋友一齊去品嚐啦！逢星期一至日下午3點至5點30分Lady Nara尖沙咀廣東道3-27號海港城港威商場3樓3303號舖
繼續閱讀
農曆新年期間日日都食糕, 食中餐, 食到個人都滯滯地, 所以返工第一餐就決定食泰菜轉轉口味, 朋友話呢間餐廳靚，所以就試吓呢間泰式fusion菜～ 入到去裝修真係幾靚, 唔係一般傳統泰菜裝修, 反而走西餐風格, 空間感大, 座椅舒適, 部份枱係用高背藤椅, 好有渡假feel, daytime 去食tea 應該更靚更啱feel, 所以已立即約定閨密再去食下午茶 🤭🤭餐廳以QR code 落單, 方便快捷, 揀咗一陣我地決定咗: 🥢燒豬頸肉配青木瓜沙律 好耐無食泰菜, 青木瓜沙律及豬頸肉是必點的, 豬頸肉好大份, 比個沙律仲多, 而且充滿油香, 而個木瓜沙律都好新鮮, 酸酸甜甜咁, 正 🥢Top 東北小食拼盤 諗住叫小食拼盤, 見到有寫泰國東北小食, 見平時都係炸蝦餅, 魚餅春卷咁, 呢個比較少見D, 所以叫黎試吓, 東北小食拼盤有肉碎沙律、東北豬肉丸、清邁香腸及泰式香腸, 肉碎沙律即平時會常叫的肉碎生菜包, 豬肉丸外表炸得香脆, 入邊是混有香草, 幾惹味, 清邁香腸則有少少似臘腸的感覺, 而泰式香腸就有煎肉丸的口感, 小食拼盤整體都唔錯, 味道香濃, 啱晒重口味朋友 🥢海鮮冬蔭意大利飯 呢個係fusion 菜, 偏西式, 取冬蔭公的香味, 但唔辣的, 飯面加咗芝士碎, 飯係creamy的, 有芝士香，而且海鮮都幾多，有蝦、青口及柱貝等海鮮😋 😂香蕉薄餅配榛子醬及煉奶 見到呢個甜品必點, 泰國地道街頭甜品, 一般餐廳比較少見, 呢個甜品落單是可以揀「叫起」, 幾細心, 而且係即叫即整, 上到枱時是熱焫焫的, 內裏香蕉香甜, 上邊加咗榛子醬及煉奶, 配上香蕉一齊食, 又唔會太甜, 剛剛好, 為餐飯畫上完美句號。🫶🏻
繼續閱讀
今日行到海港城購物，行到腳都疼咗，啱啱好收到好多海港城美食券，咁一定要揾個餐廳歎杯咖啡先。之前一路有幫襯開Lady Nara哩間餐廳，裝修好PINK同埋海景靚，啱啱好佢轉咗下午茶menu，咁一定要試試。前菜送嘅蝦片，好香脆，全部食晒！泰式生蝦，一份有10隻蝦，每一隻蝦都搭配埋辣椒和蒜片，泰式酸辣汁唔會好辣，酸酸辣辣好好味，完全唔夠食。Tea set好豐富，鹹點有冬陰鮮蝦碎蛋捲，香脆雞肉棒，巴馬火腿芝士三文治同青咖喱雞酥盒，甜點有咖啡啫喱泰式奶茶慕斯杯，紐約芝士餅，特濃抹茶卷蛋同白朱古力覆盆子馬卡龍，仲搭配埋兩件英式松餅同斑斕松餅。凍卡布奇諾和凍拿鐵，咖啡味都好香濃，和奶泡balance得幾好，唔會好甜，唔錯。Tea set最鐘意從甜點開始食，芝士餅芝士好香，慕斯杯好有特色，是奶茶味，唔錯。咸點裡面，冬陰鮮蝦碎蛋捲好有特色，吃得出蛋香同少少冬陰味道，青咖喱雞酥盒好香酥，入口即化，唔錯。松餅好大一件，仲搭配埋忌廉同果醬，食完真係好飽TIM。食完下午茶，繼續shopping啦！
繼續閱讀