266
52
7
港鐵銅鑼灣站 E 出口 繼續閱讀
開飯介紹
火爆上海、深圳等地的美國甜品神店Lady M,以千層蛋糕及乾酪蛋糕為招牌,也會推出季節限定蛋糕。集美味與顏值於一身,即使大排長龍也不容錯過。 繼續閱讀
營業時間
星期一至四
11:00 - 21:00
星期五至六
11:00 - 22:00
星期日
11:00 - 21:00
付款方式
Visa Master 現金 八達通 銀聯 Apple Pay 易辦事
其他資料
海景景觀
Live Music
食評 (380)
等級4 2022-01-25
524 瀏覽
食完燒肉唔飽即刻轉場去食甜品,去左幸福班戟見款式唔多吸引又冇乜新口味,於是決定去Lady M食蛋糕。平日下午兩點大把位,例牌食呢款餐,任選4款蛋糕(最多兩款千層蛋糕)同兩款飲品,$318另加一。一客4件蛋糕眨吓眼就上枱,隻碟係凍嘅,另配一小兜新鮮士多啤梨,紅桑子同藍莓。紫薯千層蛋糕見到呢個浪漫紫色嘅新款紫薯千層蛋糕,即試。千層超薄皮數一數足有二十幾層,入面夾住滑溜紫薯忌廉,輕易用一支叉就切到一細件一口食哂。中間有兩層係深少少嘅紫色,令到顏色變化更有層次。上面加左紫薯脆脆同白色糖霜,食落有少少脆脆口感。味道有適當嘅紫薯味,又唔會太甜,可以一試。雖然都係抹茶味好食啲。抹茶千層蛋糕抹茶千層蛋糕同紫薯千層蛋糕唔同在紫薯忌廉變左抹茶忌廉,而蛋糕面頭灑上日本抹茶粉,成個蛋糕抹茶味香濃而唔膩。招牌千層蛋糕真係要堂食先食到最好質素,趁住佢仲夠凍,影完相即刻就要趁凍食。呢個加一服務費抵比。法式芝士蛋糕法式芝士蛋糕係薄薄餅底上面有超豐富濃厚又滑嘅芝士,上面再有一層薄薄白色酸忌廉,啖啖都係酸酸哋嘅芝士,芝士迷必試。栗子蛋糕栗子蛋糕係有兩層用杏仁麵粉造嘅蛋糕夾住白色輕忌廉,上面有好多栗子忌廉,再加上碎合桃。食落唔差,不過栗子忌廉唔夠濃厚。爆谷榛子鮮奶 加$8加錢升級一杯餐飲,要左呢杯新產品爆谷榛子鮮奶。大大杯凍鮮奶上面有忌廉同6粒爆谷。爆谷夠脆,焦糖味配鮮奶好好飲,飲落帶微微榛子味。蘋果赤萁茶蘋果赤萁茶冇咖啡因,又可以試吓。一壺茶另配蘋果乾同蜜糖。個人覺得淨飲茶都夠好飲,茶水帶淡淡蘋果香味。Lady M蛋糕係貴,不過質素有保證。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-28
215 瀏覽
裝修以白色為主簡約設計,令人覺得好清新舒服設有outdoor,可帶埋寵物一齊chill下最欣賞嘅係Lady M無限時用餐唔洗擔心食得嘢嚟就唔夠時間傾計週末帶埋阿女同友人brunch$188 有主食+蛋糕+飲品,價格合理經典意式蕃茄扁意粉啱晒小朋友口味酸酸甜甜好開胃👍🏻意式早餐蛋批蛋味香濃😍菇菇好juicy,口感軟熟薯仔波波太淋,面唔脆阿女㨂咗經典原味千層蛋糕平時少食甜品嘅佢,佢話好香好滑自隊咗一件👍🏻伯爵茶千層蛋糕好香濃嘅伯爵茶味口感柔滑細膩😙法國玫瑰熱鮮奶茶好香嘅奶味我覺得甜咗少少😜 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-28
141 瀏覽
Lady M最出名一定係個千層蛋糕!但小編之前就食過千層蛋糕,今次試下新野先😎🔸法式士多啤梨千層酥🍰 $62/件酥皮鬆脆唔會過腍,但有啲難切黎食😬而夾層係香濃既忌廉同海綿蛋糕,仲有酸酸甜甜既士多啤梨薄片,層次分明,真係甜而不膩😚如果個酥皮可以再厚身啲就更加好😋整體而言,個千層酥好食,但相對下都係佢個千層蛋糕出色啲🤤~~~~~~~~~~~~~~~~~~~🔍 推薦指數: 8/10 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-05
192 瀏覽
🍰話 說 🤭我 都 係 第 一 次 食 Lady M 🤫果 然 無 令 人 失 望 啊 🤤·🌹粉 色 玫 瑰 花 瓣 裝 飾一 層 一 層 的 蛋 糕 層望 到 都 好 想 食 落 肚最靚係面頭嘅花瓣裝飾食之前一定要影相打卡仲有其他口味下次一定要試吓💗 繼續閱讀
(以上食評乃用戶個人意見 , 並不代表OpenRice之觀點。)
等級2 2021-11-25
276 瀏覽
每日都匆匆忙忙,今日忍唔住要輕鬆一下。要輕輕鬆鬆就梗係一定去食甜品嘅地方啦同朋友仔行到去Lady M嘅時候,已經係食brunch嘅時間,選擇實在太多,最後決定一齊食新午餐肉公司三文治,然之後甜品呢就選擇左兩款:彩虹牛奶雪糕&爆谷千層蛋糕,菊花茶味雪糕&伯爵茶千層蛋糕淨係睇個顏色已經好吸引好夢幻,菊花茶味雪糕味道清甜,再加埋出名正嘅千層蛋糕,簡直冇得頂!唔飲咖啡嘅我,朱古力絕對係一個好選擇,味道濃郁、甜滑軟棉。 繼續閱讀
(以上食評乃用戶個人意見 , 並不代表OpenRice之觀點。)