電話號碼
28732356
開飯介紹
Lady M來自美國，以千層蛋糕及起司蛋糕為招牌。此外，店家也會推出季節限定的蛋糕，甜點控不容錯過！
繼續閱讀
獎項殊榮
最優秀開飯咖啡茶室 (2016)
營業時間
今日營業
11:00 - 21:00
星期一至四
11:00 - 21:00
星期五至六
11:00 - 22:00
星期日
11:00 - 21:00
招牌菜
食家推介
相關文章
因為有海港城優惠卷所以就約埋朋友一齊黎食番件蛋糕，大約排20分鐘左右就可以入座。但係淨係淨番千層蛋糕冇其他蛋糕😢本身仲想食芝士蛋糕宜家Lady M有蛋糕配雪糕套餐：千層蛋糕配雪糕 $98 其他蛋糕配雪糕 $88加$38配飲品/加$46配鮮奶茶——————————————————————-同朋友揀左2set千層蛋糕（原味同Earl Grey)配彩虹牛奶雪糕，仲加左$38 叫左杯400次咖啡* 彩虹雪糕外靚好靚，顏色好夢幻食落幾重牛奶味，但係好快溶* 原味千層餅皮好薄，cream柔滑* Earl grey 千層幾香濃Earl grey 味，但偏甜左少少* 400次咖啡上面奶蓋好挺身，很難攪勻攪勻似重奶味，冇咩咖啡味一般般，唔會再叫
繼續閱讀
又是商場消費券到期，又可以差唔多半價吃lady m.正午時分，食客不多，也不用排隊，十分舒適。原來旦糕也可轉set, 有飲品和雪糕一球。玫瑰千層旦糕這玫瑰千層旦糕是這三款之中最喜歡的。千層旦糕又薄又滑，透出幽幽玫瑰香，輕輕的甜，感覺輕怡不膩口。加上那菊花雪糕，味道輕盈清新，淡淡的菊花香和奶滑滋味，不錯吧！伯爵茶千層旦糕這伯爵茶千層旦糕味道香甜清雅，有著濃厚earl grey 的獨有風味，配上咖啡，恰意。加上那牛奶雪糕，味道十分香甜，加上幻彩顏色，充滿童心。綠茶千層旦糕這綠茶千層旦糕十分creamy, 綠茶cream 味道香甜，既有綠茶香，又沒有澀口，味道亦不太甜，充滿和風氣息。Cappuccino 這泡沫咖啡泡沫豐盈，有著淡淡的咖啡香，沒有苦味，是標準水平。Earl grey這伯爵茶口感ok, 是順滑的，也不澀口，茶香雅淡，雖然沒WG的香滑幽香，但淡淡然的配旦糕還不錯。這一天的旦糕差唔多半價，太滿足了！
繼續閱讀
最近成日去海港城shopping，行到攰朋友就提議去Lady M 食蛋糕飲杯野。去到超級多人排隊，好彩堂食嗰邊比較少人，但都等左十五分鐘左右先有位。當日點左兩件蛋糕一杯野飲栗子蛋糕面層有啲合桃碎，栗子蓉香甜幼滑，忌廉厚滑蛋糕軟熟，整體唔錯。紫薯千層蛋糕紫薯味突出味道香甜，千層蛋糕層次豐富，整體唔錯。菊花茶雪糕洋甘菊梳打未上枱球雪糕已經溶，菊花茶雪糕菊花茶味清香，味道香甜口感軟滑幾有驚喜。洋甘菊梳打部分，冇乜味淡如水。整體唔錯，完全冇令我哋失望
繼續閱讀
星期六下午去咗海港城shopping，行行下見到lady M畀佢啲千層蛋糕再度吸引住😜雖然之前食過几次，但仍然被千層蛋糕造型吸引左眼球👀見到太多人，一於外帶回家慢慢歎😋一共買咗6件，今次買咗兩件栗子蛋糕，而千層蛋糕買咗原味，綠茶，伯爵同紫薯味。栗子蛋糕呢今次係第一次試，有淡淡清香嘅栗子味，食落去一啲都唔甜，好creamy同滑溜，正😋👍原味千層蛋糕，兩個字可以形容好食，冇得輸。綠茶千層蛋糕，食落去可以幻想自己以為去咗日本添🤣芬芳濃郁嘅綠茶味，好有日本旦糕的味道😍伯爵千層蛋糕淡淡的茶香味又唔係好甜喎。最後試埋紫薯千層蛋糕可能自己比較鍾意食紫薯，覺得好好味，好食到唔識得講🤤🤭🤭🤭
繼續閱讀
以前都淨係聽人哋講過食Lady M係港女Cafe，只有港女先至會食。今次我終於食到啦！仲要係俾個麻甩佬拉我去食，推介我去做港女。Btw,香港女人梗係港女㗎啦，唔通係韓妹咩？就係呢間位於尖沙咀海港城ocean terminal 中庭嘅Lady M!我排隊排咗大半個鐘頭先至可以入去坐住食。呢間分店嘅位置唔多，如果真係要去建議喺星期一至五先至去。坐喺入面可以見到忙碌嘅人周圍走，可以係一個繁忙嘅都市悠閒地食下午茶都真係幾舒服。係你入座嘅同時侍應會同你斟一杯檸檬水。當你飲完之後再叫佢斟佢都係好樂意。今次我試左玫瑰千層蛋糕，聞落去有淡淡的玫瑰花香，入口甜而不膩。蛋糕上面仲有少少玫瑰花瓣作為裝飾。食落去嗰陣玫瑰花齒頰留香。呢個蛋糕嘅奶油算係綿密，有種食落去入口即溶嘅感覺。食住蛋糕，又點可以唔叫杯咖啡呢？一路以來都好想試下呢個400次咖啡，我額外再加左$6轉咗做燕麥奶。所以飲落口嗰陣時唔係好甜，上面嘅咖啡泡打得非常綿密。飲到落底嗰陣時會飲到一陣陣苦澀嘅咖啡味，之後飲到落肚會轉化成回甘。但係我建議呢個咖啡就千其唔好晏晝飲，因為夜晚係瞓唔着。其實400次咖啡，就比一般咖啡嘅咖啡因都高嘅。嗰日我以為我自己係飲咗兩三杯咖啡咁。我反而覺得呢個咖啡同個玫瑰蛋糕唔係好夾。玫瑰蛋糕反而同檸檬水比較夾。食完蛋糕同埋飲完咖啡之後再飲番杯檸檬水，會有一種消滯嘅感覺。總括而言，除咗排隊嗰陣時真係耐咗少少要人喺度排隊等，而唔係派籌。呢一樣嘢真係做得有少少差之外呢。食物、飲品同服務質素都仲可以。
繼續閱讀