116
44
6
港鐵香港站 C 出口, 步行約6分鐘 繼續閱讀
所有分店 (7)
電話號碼
28651099
開飯介紹
來自美國的精品餅店Lady M,首次於香港開分店,當中以千層蛋糕及芝士蛋糕最受歡迎,更會推出季節限定蛋糕系列,蛋糕控絕對不能錯過!Lady M 特別推出品牌的皇牌蛋糕「朱古力棋盤蛋糕」(Checkers) 只限 IFC 店開業初期,於 IFC 店獨家發售,更將全球首度推出的「伯爵茶千層蛋糕」(Earl Grey Mille Crêpes) 於香港率先獨家發售! 繼續閱讀
營業時間
今日營業
10:00 - 21:00
星期一至六
10:00 - 21:00
星期日
10:00 - 20:00
付款方式
Visa Master 現金 八達通 銀聯 Apple Pay 易辦事
其他資料
加一服務費
海景景觀
Live Music
食評 (207)
一次過食咗咁多種唔同口味嘅千層蛋糕,有原味啦抹茶啦玫瑰啦伯爵茶啦同埋嗰個開心果,最好食呢就係原味跟住就係抹茶然後呢伯爵茶我覺得都味道幾好嘅但係呢就其他兩種口味啦玫瑰就太甜,咁個人最推介呢就係原味👍👍😋另外呢如果唔係一兩個人食呢就推介可以試吓佢嗰個芝士蛋糕因為你真係要人多食先得,唔係會好濟!價錢來講呢其實呢試咗咁多隻口味啦咁都係$480除翻開其實每人大概就$80到嘅啫 咁呢間來講其實排隊就唔算太多人但因為佢位置有限大概得10張枱左右所以要等嘅時間呢都可能會耐. 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-03
0 瀏覽
係網上訂左一個6寸既earl grey千層蛋糕 係ifc攞 以前食過原味覺得好唔錯 但earl grey覺得太甜 似奶茶味 唔算特別出眾 同埋甜味有少少蓋過d千層本身 有少少失望 如果再食會食返原味 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-29
142 瀏覽
同事今日Last day出手闊綽竟然請食lady M。成60幾蚊一件cake我真係未試過。雖然知LADY M出名食千層蛋糕,但我好怕好多Cream好多奶味嘅野所以揀左件最少cream嘅朱古力蛋糕。佢個名叫checkers,由一格朱古力蛋糕,一格原味海綿蛋糕一格一格咁組合而成。面頭係一層朱古力,食落口朱古力味重,係口感帶軟嘅朱古力,可以成塊片開黎食。呢件Checkers雖然都有cream但唔算多,同中間嘅海綿蛋糕一齊食可以增加濕潤感。中間一格格嘅海綿蛋糕好鬆軟,味道唔會好甜。呢件CAKE嘅質素唔錯,而且連個外賣盒同支叉都靚過人,難怪成為港女至愛。 繼續閱讀
(以上食評乃用戶個人意見 , 並不代表OpenRice之觀點。)
LADY M 蛋糕的確好貴一件 哥哥今日買四件返黎SHARE ! 兩款千層蛋糕 和粟子蛋糕🎂1)開心果千層蛋糕今次嘅主角 新出嘅開心果口味, 忌廉依舊幼滑綿密 開心果味好濃郁 入口鬆軟 濃而不膩 後勁有果仁香味留係口腔! 個人覺得比其他恒常售賣的更出色! 2)伯爵茶千層蛋糕喜歡伯爵茶獨特香氣嘅朋友 一定會愛上 忌廉同樣做到綿密 厚度適中 入口時口感順滑! 蛋糕的甜度適中, 手工做嘅20層餅皮 層次豐富!3)栗子蛋糕鬆軟的海綿蛋糕 口感綿密 濕潤度適中。 海綿蛋糕夾住幼滑的忌廉 甜度適中面層的栗子蓉和果仁 香甜 更豐富! 栗子蓉比市面上大多糕點店做得出色 甜度剛好 清甜不膩 繼續閱讀
(以上食評乃用戶個人意見 , 並不代表OpenRice之觀點。)
等級2 2019-05-20
194 瀏覽
話說另一半因愛理不理嘅態度以致訂唔到Lady M千層蛋糕為我慶生,之後仲要好無理咁責怪我同發我脾氣,令我好失望又委屈😞朋友們即二話不說上Lady M網站為我預訂生日蛋糕,令我可以一嘗所願😭真係令我由地獄去返天堂,滾動到我眼濕濕!我哋又去咗高高酒家預祝我生日,大家真係好鍾意食高高酒家😂食完例牌會點嘅冰川無骨咕嚕肉及避風塘賴尿蝦肉後,大家都表示滿足👍🏻到主角上枱,一打開個包裝盒,我即刻忍唔住大笑,佢地不停叫我考慮吓蛋糕上面嘅字😂我終於食到期待已久嘅千層蛋糕啦,真係好好食呀😍我好鍾意食cream,但又好怕好甜,而Lady M千層蛋糕真係唔覺好甜架,所以我食咗兩件,真係大滿足呀🥰另一半知道我真係好鍾意食千層蛋糕,之後佢都有間中放工後係中環外賣Lady M千層蛋糕俾我食😊 繼續閱讀
(以上食評乃用戶個人意見 , 並不代表OpenRice之觀點。)