影片
營業時間
今日營業
12:00 - 22:30
星期一至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
有關獎賞計劃
相關文章
餐廳瀰漫著浪漫慶祝氣氛，不時可見餐桌上擺放著氣球和生日佈置。生日套餐內容相當豐富，包括前菜、餐湯、意粉/意大利飯、主菜及精緻甜品。 【前菜精選】 • 煙三文魚凱撒沙律：新鮮煙三文魚配搭爽脆生菜，灑上帕瑪森芝士碎與紅椒粒，層次豐富，配上香脆麵包片，開胃爽口。 • 吞拿魚他他：新鮮吞拿魚切粒配以五色豆點綴，賣相精緻，一口大小剛好。 • 蟹肉紫菜塔可餅：鮮甜蟹肉配上香脆紫菜，點綴三文魚子，口感豐富。 • 蒜片大蝦：以精緻銅製餐具盛載，金黃蒜片與鮮嫩蝦肉完美配搭，綠色嫩芽點綴，賣相講究。 【餐湯】 周打蜆湯 - 香濃滑潤 【主食推介】 海鮮意大利麵：金色銅鍋盛載，配搭帶子、青口、蜆和蝦，麵條彈牙入味，微辣，風味十足。 【主菜之選】 炭燒伊比利亞豬鞍：肉質鮮嫩，配上特製醬汁，配菜清新。 【生日打卡甜品】 生日套餐已包含精美甜品，只需加$88即可升級至精選甜品拼盤，包括幼滑芝士蛋糕、濃郁布朗尼、配上夢幻乾冰效果的雪葩。每款甜品都附送精美畫碟裝飾，配上金色煙花棒，為生日慶祝錦上添花！
繼續閱讀
少有嘅高評價，食物、服務、環境同氣氛都俾100分，每樣都做到好到位‼️ 不過首先都要俾嗰credit我老公先😍 結婚後嘅小驚喜🩷雖然唔係生日🎂 但見套餐好吸引，所以都叫咗嗰生日二人套餐$788，佢包四嗰前菜、餐湯、意大利粉或意大利飯，主菜係豬/牛，我哋就加咗$128轉炭燒安格斯肉眼同埋加咗$98要海膽多士🍞前菜最有特色係蟹肉牛油果迷你夾餅，外脆內軟，口感好好👍🏻 加錢嘅海膽多士當然無得輸😍 煙熏法國鵪鶉髀都好正🙌 有營養、肉質嫩，唔肥🤩佢嗰牛加$128係超級值得，肉又香又淋，最緊要係儀式感滿滿😍 絕對係視覺嘅衝擊‼️ 仲有最期待嘅甜品，有得畫碟，係我最愛嘅Usagi😍 成件事好sweet，仲有佢甜品配搭好正😍 絕對推介慶祝生日、紀念日嚟打卡🥰埋單$1115本人覺得超級抵，佢拎牛同甜品出嚟嗰份儀式感都令我好開心，非常打卡able😍 如果要有驚喜一定一定要book枱，雖然未必一定畫到碟，但佈置枱等等都一定有滿滿儀式感😗 經Openrice叫正價menu仲有88折🩷 順帶一提，如果想易啲搵嘅話，可以選擇，去到3樓搭𨋢上5樓，一出𨋢就見到‼️
繼續閱讀
📍 一入餐廳，就知道係「慶祝活動專業戶」😂 餐廳提供一站式慶祝服務，餐枱有用氣球同玫瑰花瓣佈置成花藝枱🌼儀式感滿滿。難怪一半客人都係到慶祝生日/紀念日，座位闊落有私人空間。「生日套餐」 有齊6道菜品， 包括前菜/ 沙律/ 是日餐湯/ 精選意粉/ 主菜/ 甜品，$788/ 2個人價錢都算好抵食🙋🏻♀️🔅 吞拿魚他他 : 甜筒精緻可愛，吞拿魚他他蓉新鮮🔅煙三文魚凱撒沙律: 煙三文魚鹹香新鮮，清爽開胃🔅蟹肉紫菜塔可餅: 呢個配搭幾amazing 🤩 Taco帶點天婦羅口感，長時間保持香脆。再以薄荷葉包裹海量牛油果蓉及蟹肉沙律，層次感鮮明🔅 蘑菇湯: 濃湯夾雜不少蘑菇粒口感十足🤤蘑菇香氣濃郁🔅 蒜片大蝦: 爽口大蝦配合少少蒜蓉牛油醬，已經夠惹味🔅 海鮮意大利麵另一款帶子墨汁意大利飯都好吸引，不過驚食到個嘴好污糟😂 慶祝生日影相就唔好睇🙈 意大利麵掛滿蕃茄龍蝦汁，番茄醬保留咗海鮮同大蝦鮮味，雜錦海鮮份量足🔅炭燒伊比利亞豬鞍估唔到有2塊咁大塊，我地2個女仔係食唔哂既🙉🙈 豬鞍火候控制剛剛好，中間夾住一陣薄薄脂肪層，帶點油脂感又有肉香🤤 配搭烤洋蔥、波波蕃茄仔和薯角，幾鐘意酸甜蘋果蓉令配搭更輕盈🔅 精選甜品拼盤記住book位講定要畫碟服務，畫得超靚 未見過有一間畫小燦子畫得咁靚😻 仲會免費幫你加煙花蠟燭，好有儀式感🎇 我最鐘意係青檸雪葩，作為飯後甜品好解膩🙋🏻♀️🔅 Blue Hawaill & Treasure好多款特色Cocktail & mocktail🍹🔺 餐廳仲免切餅費，仲會細心幫你加埋蠟燭❤️
繼續閱讀
令人無法抗拒嘅高質西餐廳🩷儀式感滿滿🩷如果想搵餐廳慶祝特別日子或生日，又想要靚靚嘅佈置，唔好錯過位於旺角LAB EAT餐廳啦❣️ 餐廳會提供心形花瓣佈置、氣球、祝福語佈景板、畫碟甜品、仙女棒。滿足晒你所有要求😍✨Happy birthday dinner set ✨$388/位，套餐有前菜（小食➕沙律➕餐湯）、主菜、精選生日意粉、甜品。小食蟹肉牛油果迷你夾餅🌮咬入口，食到好香嘅蟹肉同牛油果味，加埋三文魚籽一齊，味道鮮甜。沙律🥗一人份量，火腿、沙律菜，淋上芝麻醬，開胃又清新。餐湯🍲蘑菇湯🍄🟫味好濃，幼滑creamy，湯入面仲有粒粒蘑菇。主菜炭燒豬斧頭扒🥩原塊豬斧頭扒上碟，肉質嫩滑多汁，切嘅時候已經感覺到啲肉好鬆化，燒嘅火候溫度控制得好好，見到裡面嘅肉帶粉嫩嘅顏色，食嘅時候唔鞋口。精選生日意粉🍝今次係黑松露蘑菇意大利飯，黑松露好香，配埋蘑菇🍄🟫，飯味好香，煮到好creamy，仲可以見到粒粒分明嘅飯粒。甜品🍮驚喜連連😍畫碟甜品💛係我好鍾意嘅Linabell💕 檸檬撻清新得黎唔會好甜，職員即場點著仙女棒🪄，啱晒打卡📷海膽多士🥖鮮甜嘅海膽，入口即溶，多士嘅香脆感，口感層次分明。芝士煙肉焗蘑菇🧀🍄🟫加入咗芝士、煙肉，拉絲感十足。吞拿魚他他🌯吞拿魚切粒放係雪糕筒上面，感覺好似食緊雪糕咁，造型非常可愛，口感清新。Treasure🍸加入咗水蜜桃🍑、蜂蜜🍯、香水檸檬🍋，味道酸酸甜甜，職員會即場喺杯飲品上面整一個氣泡嘅形態，非常特別。Fresh Fizz加咗紅莓梳打水、幾片薄荷葉，攪勻之後，清新得黎帶少少酸酸地嘅味道。
繼續閱讀
今次同朋友仔去咗🚇旺角 LAB EAT 慶生真係冇揀錯！入邊裝修充滿🥰低調奢華vibe，仲有個戶外用餐區，訂枱慶祝生日🥳仲有特別嘅佈置，幾浪漫幾好氣氛。當月生日嘅壽星🎊除咗可以叫佢哋嘅生日餐，跟餐甜品有🤩免費畫碟服務，仲免切餅費🍰同埋飲品買一送一，紅白酒🍷同埋氣泡酒都可以，飲到微醺慶生啱晒個氣氛🥂。勁IGable嘅🐟吞拿魚他他迷你脆筒🤤，除咗賣相別緻之外，吞拿魚肉👏又鮮味，好似食緊高級版🍦雪糕筒咁。海膽多士👍鮮味又甘香，😋入口充滿海洋🌊氣息。生日餐包曬🥗沙律同埋餐湯🥣，比起佢哋平時嘅晚餐👏更加抵食。蟹肉🍅鮮茄醬天使麵🍝，茄味嘅天然酸甜撈埋絲絲🦀蟹肉好開胃！炭燒豬斧頭扒🥩係成隻斧頭柄咁長嘅🐖豬鞍，炭香香撲鼻，🔪切開肉質好嫩滑又多汁。香煎🔥帶子墨汁意大利飯味道好香濃，😍大大隻嘅帶子輕輕煎過，🤤入邊仲係鮮甜嘅刺身，意大利飯煮得幾有咬口，🍚配上獨特嘅墨汁香味，正呀！甜品🍮擺盤十分之精緻，🥰又有 Happy Birthday 畫碟，上枱時仲加咗🧊乾冰有煙霧彌漫🌬️嘅效果，啱曬打卡！
繼續閱讀
您可能會有興趣的...