La Vache!

營業中

休息中

這次是來這間餐廳慶祝友人的生日，我地7點鐘已經入左座。由於係平日加上我地去的時間早，所以唔使等位，但係大概過左半個鐘之後已經差5多full 曬！餐廳内面大概係7成外國人，3成香港人。餐廳氣氛好好，而且裝修很外國令我地好放鬆!呢間餐廳基本上可以講係無Menu！得一個餐，你只需要揀牛扒幾成熟。等上菜的時候，會送上法包，法包感覺偏干，然後送上沙拉，沙拉的醬係黑醋醬酸酸的頗開胃！主菜到la！牛扒加上秘製的醬汁配合的好好，盤子下會有蠟燭令牛扒能保持溫感，建議牛扒唔好叫太熟。令外會有埋薯條（可以任食的）。 最後我地叫左一個甜品慶祝友人的生日！ 甜品的側邊寫上法文的生日快樂（Joyeux anniversaire），餐廳仲會播生日歌，外國人會跟住一起唱。氣氛好好，最後餐廳仲會幫你影張即影即有送番比我地。

La Vache! 絕對是我最愛的扒房！數數埋埋，今次應該係第四次黎呢度了，今次係為左慶祝朋友生日，我地一行七人一齊黎La Vache! 慶祝！我地每人嗌左一份steak，一枝紅酒，兩杯可樂，三份甜品。呢度既可樂$50杯，但我啲朋友覺得食薯條一定要飲可樂！La Vache! 就係咁樣賺錢賺到開分店喇！低成本薯條任食，可樂就天價～牛扒質素真係唔洗講野，冇得彈！我嗌左medium rare，呢度既medium rare真係顯出廚師既水準，我每次黎都嗌medium rare，每次都冇多冇少，冇過生冇過熟，岩岩好！甜品環節：拿破崙、chocolate cake推薦chocolate cake勁濃！好似食緊朱古力咁！寫完呢篇食評又想食了

It’s hard to be consistent in Hong Kong, but whenever I visited La Vache, the food and the service is very consistent so always make us to come back again!Please keep it up as I have seen many restaurants which have changed after they got famous! Overall Food taste was good! Salad was fresh, The meat was juicy as expected and the fries were always brought to us when they were still hot.

三五知己生日飯 平時去開灣仔,銅鑼灣，今次試下soho。上次星期五晚八點多想食，但只有五位無得預訂。到場一問要等到十點先有位。只好放棄!今次星期一，四位一放工就去排，七點半到，肯搭枱即有，唔搭枱等半個鐘。朋友未到照等住先。環境比較嘈，可能因為樓底矮。坐位還可以，無乜四人枱，等半個鐘結果都係搭枱。主菜無得㨂，人人都係沙律、牛排、薯條，薯條可添食。沙律ok, 麵飽ok, 薯條ok, 牛排ok, 都係甜品最吸引。份量偏多，女仔胃口一定食唔晒。唔選極好味，但可以一試。

香港有好多地方都有牛排食，但一間餐廳只有牛排食，而且只有一款牛排提供就真係未見過🥩🤔 要何其的自信先可以做到～因為每個食客都係食同一款牛排，所以呢度無menu睇，唯一可以選擇的係想要幾成熟。食靚牛排當然最好選擇medium rare啦，店員會將已經切好一塊塊的牛排放係一個鐵(?)盤上，下面放著蠟燭，務求保持牛排的溫度，唔會因為時間耐左而令牛排失去最佳口感。當食第一口的時候就會明白點解餐廳咁有信心只賣牛排，肉質非常嫩滑，入口有微微要融化的口感。沾附上的醬汁或者鹽食又係另一種滋味，真係好滿意！成個餐仲包埋一個沙律同湯，仲有可以無限量refill的薯條，就算係胃口大的人都一定會食得飽！

FRIES:Fries are delicious and ready to go into your tummy!! You can dip it in ketchup or meat sauce . The tops are crusty and I would travel to the other side of the world to eat there!!!STARTER SALADS:The salads are served at your table all ready to go nuts,vegi,greens and many more!it’s a perfect way to start your mealMEAT:The meat is the best bit of your meal the warm,juicy just melts in your mouth all the flavour and texture together is amazing .DESSERT:No way to end a meal than to eat their

最近多左個group係周圍食野group, 最開心係今次係同老公朋友O既group, 可以同埋老公一齊食真開心 今次去左中環食牛扒, 好期待佢d好好食又可以任加o既薯條 餐廳要5人以上先可以訂位, 我地就岩岩好有6人, 不過就要9點先有枱, 仲話限食到10.30, 唔緊要啦, 係晏左少少, 照食啦 其實都幾唔好意思, 有一位朋友突然飛機, 好似呃左人地個booking service咁, 因為大家都8點就收工, 我地都慢慢行, 差唔多8.30去到, 照上去睇下會唔會早d有 枱, 早d入去, 佢話set up緊, 叫我地等下 等下一陣, 等下又一陣, 到左9點都入得話埋緊單…………..同半個鐘前講o既唔一樣…..算, 如果我地係9.25分都未入得,…………….足足等左一個鐘, 其實如果佢一早同我講未夠9點未得, 我地會去搵地方坐. 到左9.26分佢地都覺得唔好意思, 請我地企餐廳門口飲杯飲品 有朋友要左蘋果汁, 係真係啖啖果肉架, 於是朋友就順番條氣, 不過唔夠10分鐘叫我再追下, 最後我地9.40分入坐……… 呢度主菜得一種, 選幾成熟就得架啦, 先係食左面包同沙律先, 面包係特別,

昨晚我去此店食飯，出品還可以，但是服務員的態度特別差！我們食完正歺正想點甜品，突然有個菲律賓樣的服務員，用英文叫我埋單，我用英文回答她，我還未點甜品，她強硬態度說個半小時一定埋單，我說隔離檯比我先來還未埋單，為什麼？未食完野比人叫埋單，仲鬧她先走，真無引！

近期見好多朋友去呢度食薯條牛牛，牛魔王的我怎能錯過，剛巧朋友生日，為安全起見上網預約訂位，未到6點已經有人排隊，好彩訂左位！侍應安排入坐，安排左梳化位置，餐廳情調好好，坐位舒適又寬闊！呢度每位$318， 包沙律🥗牛扒同薯條🍟！我地仲叫埋一支紅酒🍷，嘻嘻😁先黎沙律🥗，菜好鬼新鮮，脆卜卜，正到嘩嘩聲！呢度薯條是任添的，薯條好新鮮！薯條不得了，不停手咁食，我自己要左4轉！主菜牛扒出場，我地分別叫左4份，4成，5成，8成，全熟！每份牛牛🐮既口感都好唔同，食到好有層次意外驚喜全熟牛牛，脆脆地又好香，肉汁鮮嫩！無得彈！精美甜品🍮作終結，呢度既甜品相當出色，一試難忘相當出色的晚餐，會再黎幫襯

想去食呢間餐廳好耐了，有名既老牌法國扒房在港開設的分店，一直未有機會去朝聖，今日終於一嘗所願餐廳5位以上先可以訂位，我同朋友兩位，所以我6:45左右去到諗住早啲攞位，但原來要齊人方可入座... 朋友7:15才到，餐廳已經滿座，星期四閒日夜晚都滿座，果然有料...等咗一陣有位，第一感覺係餐廳音樂超嘈，兩個人傾計都要大大聲講野，服務員講既野一定要行埋啲聽先聽到... 完全無必要咁大音樂聲而餐廳獨孤一味得個牛扒套餐，包沙律、法包同任添薯條已經有太多食評講過，所以講番個扒，我同朋友一個要medium一個要medium rare，但黎到既感覺係兩個扒既熟度係一樣但個扒的確係出色，嫩口又多肉汁，一食就知係上級牛肉之前睇咗啲食評，話個牛扒會用蠟燭熱住，叫大家整熄枝蠟燭，否則食到最後牛扒會太熟、變靭，我都認同，一開始整熄枝蠟燭，食到一半啲牛扒開始凍時叫人幫手點番枝蠟燭再講講個薯條，嘩，好食到呢！近排睇中醫調理，中醫話我太熱氣，唔好再食熱氣野，但呢個薯條，我真係忍唔到口，又脆又香口，好食到暈低最後到甜品，個套餐唔包飲品同甜品，但完美的一餐梗係要用甜品劃上句號，今日無好多人推介既拿破倫，叫咗個朱古力蛋糕同

Love this place. Juicy and perfectly grilled steak. All you can eat so Plenty of fries . @iamhungry365

今晚突然想食好小小但係又唔想太貴，諗起La Vache!係我個wish list 度好耐都未試，既然係咁今日就食呢間喇！中環既La Vache!係半地牢，燈光比較暗，好似啲好高級既餐廳。但係然而呢度既食物只有一種，每人都嗌同一個set。佢地既menu就係你位上面個張紙 只有一句today $318 per person。完全唔需要諗食咩，而且價錢實在貼地。唯一要揀既就係牛扒既熟度首先係沙律同餐包，沙律雖然好簡單，但係材料好新鮮。餐包加上牛油都好好味主角話咁快就黎喇，兩個set，一個medium 同一個medium rare 。兩份牛扒既熟度都岩岩好，同樣好香好有牛肉味。而且盤下面仲有個小蠟燭，可以keep warm但又未至於會整到牛扒更熟係牛扒黎既時候，店員同時間會為你加上薯條。薯條炸得夠乾身唔太油 仲已經調好味 茄汁都唔需要加。而且薯條仲可以無限encore 食到你夠為止！雖然知道大家對佢既甜品都讚不絕口，但我地食哂成個set已經好飽，今次無緣品嚐甜品 唯有下一次再試。相信我好快會再反黎呢度真係一個約會絕佳既地方，而且性價比好高！冇諗過食高質牛扒都可以食得咁chill😎

有個好姊妹要去上海工作了 今日同佢食lunch farewell 揀左佢想食既呢間扒房 餐廳無food menu 因為獨孤一味 得一種牛扒 一個set包括沙律 牛扒同任食既薯條 所以淨係需要同waiter講想幾成熟就得架啦～沙律好食 菜好新鮮 醬汁唔會過分多 剛剛好 菜係原片咁上 所以有d比較大塊既食上黎會少少唔方便牛扒我地都叫左5成熟 碟下面擺左candle用黎恆溫 如果驚塊扒會overcooked 可以隨時叫waiter拎走個candle就得 牛扒肉質好食 肥瘦剛好 味道亦足夠 加上香噴噴既grilled味 一流！配菜薯條方面亦好食 因為食得出係新鮮出爐 waiter間唔時就會行埋黎問洗唔洗添 Lunch set 有包埋一款甜品或茶或咖啡 反而之前我黎食dinner就無包 因為我同朋友都食飽飽 所以大家都叫左earl grey茶作呢餐飯既結尾呢間餐廳完全唔適合唔食牛既朋友 可以話係無選擇可言 黎得食既朋友目標都好明確 值得一試！

這間餐廳對一上想靜靜地座低傾計有點難道，背景音樂太大、檯與檯密度太高。餐廳環境尚可接受，食物質素、用料高、背回其它不足之處。這晚我們一行二人了一支House Red Wine，味道易入喉，果味重，出奇地好味。全間餐廳只有一款菜式，牛排🥩餐，只要跟侍應說明熟成數即可、食物會隨之送上，首先是麵包，沙律、牛排、甜品（另叫）沙律🥗食得出用上靚欖油牛排略有點失色，有點鞋（五成）甜品侍應會推著手推車向客人介紹每一款甜品，但要另外計錢，每一款都好吸引，最後點了栗子蛋糕，很好味，栗子味重總結：餐廳無得訂檯、嘈雜，但食物拉回不少分數，值得一試

男朋友生日特登book呢度同佢食呢度嘅牛扒,雖然唔係乾式熟成牛扒但係係紐約風味嘅牛扒,佢非常鍾意食。紐約風味牛扒特別有風味,我哋坐係吧枱,都幾有情,bar入面位侍應服務態度很好,一坐低就問我地要飲啲咩,并奉上餐牌,我哋book咗六點半鐘,如果唔book枱都一定無位今日仲要係星期一！餐牌食物只有一個餐選擇,但可選份量,個餐就係牛扒同埋任食薯條,你冇理由黎扒房食羊扒吧？當然是唔會問你要竟以成熟啦我哋分別叫咗medium同埋medium rare, 牛扒上桌時用小蠟燭熱住。所以唔好擺太耐否則變成全熟,牛扒煎得很香,熟度亦都如我哋叫嘅一樣,餐牌上寫明用美國牛扒US PRIME。食落很有牛肉味唔會太肥,脂肪亦算普遍均勻。比起一般酒店嘅牛扒呢度算得上係非常出色。最後見到佢哋會推住一架三層高嘅甜品車出嚟俾你地揀甜品,我地分別要左raspberry macaroon同埋strawberry tart,分量十足好好味,就算食完牛扒好飽都一定要食晒。最後我哋走嘅時候出邊已經大排長龍所以一定要book枱。