3
0
0
港鐵太子站 E 出口, 步行約4分鐘 繼續閱讀
電話號碼
23418168
營業時間
今日營業
07:00 - 22:00
星期一至日
07:00 - 22:00
付款方式
現金
食評 (3)
黎到大埔道依間新開既西式快餐店,入面唔會播cctvb,值得加分。依到早午晚餐都有,菜式都非常之多,由港式到西式既都有。環境黎講都十分寬敞,特別係依家武肺疫情之下,距離愈遠愈安全。今日晏就叫左個海鮮焗飯同豬扒焗飯,價錢都唔太貴,大概50蚊左右,塊墊底既木板好靚,個豬扒飯汁都ok。海鮮飯都係正常水平,凍飲都係加2蚊。外賣仲可以平20蚊,真係抵到爛。如果想要食抵食既西餐,我強烈建議大家黎La Tessa食。味道:7環境:7態度:7.5性價比:9總分: 30.5評級: B+ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-02
232 瀏覽
是日突然覺得自己老左廿幾年,好似去左2047年咁。 身心俱疲下返到自己地頭,去左呢間新開既餐廳。 呢度以前都係叫翠麗,係港式茶記黎,宜家轉左手,行西式風格。 入到黎有兩張巨大海報,好有特色。 另轉頭,望到電視,竟然係直播緊,第一次見到有餐廳直播蘋果,真係好感動。 睇下餐牌,價錢相當抵食。 我地叫左兩份漢堡,加個薯條都係加10蚊,仲要本身包埋野飲,抵到爛,真係可以做飯堂。 漢堡同薯條既份量驚人,賣相十足出面兩舊水既水準。 個漢堡扒厚身,肉汁多,咬落有少少牛筋,絕對食得出係新鮮製造,唔係老麥果種人工肉。 薯條即叫即炸,熱辣辣,好好食。 今日惡法已啟用,要好好珍惜呢D用良心既經營既餐廳,一息尚存,抗爭到底。 繼續閱讀
(以上食評乃用戶個人意見 , 並不代表OpenRice之觀點。)
今日下午路過太子,見到lee間餐廳,起初以為係一般茶餐廳,入去後才發現有burger重有不同種類咖啡。雖然剛試業,但burger 水準高,我朋友點咗經典芝士牛肉漢堡,肉汁豐富,芝士味剛好,無蓋過牛肉,包也鬆脆,一讚,也只係$42。我叫咗蜜糖芥末菠蘿炸豬堡,味道也不錯,若芥末多啲會更好味。最驚喜係,點主菜可半價叫咖啡☕️咖啡也很有誠意,我朋友點cappuccino 入口順滑,泡沫豐富,份量也不少我點咗shakerato, (咖啡師很細心,問要唔要糖),我要糖,驚太苦。用骷髏頭杯上,零舍透心涼,味道沉實帶點苦,不錯。總括一句,充滿驚喜,令人回味,一定再來👍 繼續閱讀
(以上食評乃用戶個人意見 , 並不代表OpenRice之觀點。)