104
42
18
港鐵沙田站 A1 出口, 步行約6分鐘 繼續閱讀
電話號碼
29402827
開飯介紹
意國度假式餐廳,引入一系列獨特歐陸美饌,並展示非一般意式食店格調,令置身鬧市的顧客可以放下腳步,輕鬆體驗意國飲食文化。 另此餐廳室內及戶外環境寬敞開揚,飽覽城門河岸優美景致,適合舉辦不同類型的私人聚會、節日慶祝派對及婚宴派對理想之選。 繼續閱讀
營業時間
今日營業
12:00 - 23:00
星期一至五
12:00 - 23:00
星期六至日
11:00 - 23:00
公眾假期
11:00 - 23:00
付款方式
Visa Master 現金 AE
座位數目
80
其他資料
自帶酒水 詳細介紹
切餅費 詳細介紹
電話訂座
加一服務費
食評 (182)
等級3 2019-08-31
806 瀏覽
今日同同事黎到久違嘅 La Terrazza 食午餐 , 平時 walk-in 輕鬆入座 , 今日1 點前去到都坐得幾滿 , 所以都係建議大家要訂位 🤣🤣今次唔食平時必點嘅 香芒鮮蝦鮮雜果沙律 , 而係食 set lunch ! 餐牌 :Set lunch 有 2 個餐牌 , 一個係 $98 有湯 / 沙律 , 自家製麵包 , 蘋果茶同主菜 , 另一個係較貴少少 , 價錢係 $128 - $268 , 只有自家製麵包 , 蘋果茶同主菜作為小資女嘅我緊係揀 $98 set lunch 喇 😂😂落單後 , 好快就上左沙律 , 沙律望落唔新鮮 , 配上一片偏酸嘅菠蘿 ... 食咗幾啖就冇食喇友人揀左蘑菇湯 , 佢話幾好飲 , 下次我會揀湯 🤣麵包係暖暖的 , 味道正常 , 無咩特別澳洲殼飼西冷扒 (7 oz) 跟燒薯時蔬配燒汁牛扒叫咗五成熟 , 生熟度啱啱好 , 有肉汁 , 肉質都幾腍 ! 唔錯唔錯 ! 牛扒唔大塊 , 正常食量女仔食完成個餐都夠飽 , 男仔就可能差少少燒汁偏重口味 , 有少少搶左個牛味 , 個人認為點少少芥末就夠 ! 😋 配菜有燒薯同椰菜花 , 椰菜花偏腍 , 味道主要靠燒汁三式芝士鮮果焗豚肉飯 友人的主菜 , 一上菜 , 大家都諗起某快餐店的焗豬扒飯 友人認為比快餐店的好食 , 但牛扒吸引好多 😏凍蘋果茶鍾意佢唔會太甜 , 但蘋果味亦都唔突出食店環境乾淨 , 夠光猛 , 坐得舒服 , 好啱傾計 ! 可惜好大陣油煙味 ... 😫😫😫以$98 加一 , 總數 $108 呢個價格黎講 , 喺沙田新城市廣場算係幾抵食 !! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-20
578 瀏覽
最近返工生活好疲累,放工要去間環境好啲,可以方便傾計嘅餐廳Chill下,朋友揀左位於沙田婚姻註冊處樓上嘅西式茶座見面。首先地理環境上已經係比一般餐廳有多啲私隱,無咁多人流,加上可以有戶外位置揀,傾計可以傾得放少少,唔使咁多顧忌。蘑菇餐湯味道唔錯,菇菌味重,但略為有少少稀。麵包我鍾意配蘑菇湯食,蘸住食都有好香嘅菇味😚香煎三文魚腩紅花義大利飯🤤🤤 三文魚腩好大舊,表面煎得好香,而內裡仲係好嫩滑👍🏻 唔好睇個份量好似唔多咁,但食完真係會超飽:)超滿足!加上環境好適合放鬆傾計,唔怕俾人趕走要叫檯👏🏻👏🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-21
1073 瀏覽
呢間餐廳想食好耐,咁啱去沙田行街 ,就一於去食啦 ! 近黃昏六點 ,天氣開始冇咁熱,從新城市廣場行出去,經過大會堂 ,從旁邊嘅樓梯上去餐廳 。餐廳外面有個花園,都有餐桌 ,即係可以揀喺戶外進餐。由於天氣都係好熱 ,當然會揀室內啦 。六點鐘剛剛係晚市開始 ,我哋冇訂位 ,侍應望下個訂座 ,之後終於安排到個位置畀我哋。真係好好彩,原來今晚係full booking。我哋被安排到近窗嘅座位, 可以望到外面嘅小花園。 餐廳有好多落地玻璃 ,當時天未黑齊 ,透光度非常高, 環境係好舒適,適合情侶 黎二人世界。第一次嚟食, 穩穩陣陣咁揀咗晚餐,分別係煎羊架同煎帶子天使麵。餐湯唔記得影相 ,係磨菇湯 ,好入味。 當然可以再滑啲 ,隨湯有個麵包。羊架煎嘅火喉係好適中 ,唔會過火唔會太生,好香口 。我自己都鍾意羊肉但係都接受唔到太重羊燥味 ,呢個呢就啱啱好喇,幾有少少嘅羊肉味,又唔會太過燥。非常滿意。帶子大蝦天使麵我就覺得更加好 ,因為佢嘅帶子真係煎得好好, 唔會老 ,但又帶點香口 ,外皮煎到金黃色。 大蝦亦都夠新鮮 ,意粉嘅汁調較亦都非常好。整體上好滿意會再嚟食。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-09
878 瀏覽
Seared Salmon Fillet Saffron Risotto Salmon幾滑 看似接近有200g 算大份 不過意大利飯則一般 無芝士又唔落herbRoasted Spring Chicken in Rosemary served with Salad and french fries燒雞正正常常 雞胸唔鞋口味道合格 不過成個lunch set 3 course連加一要$220 有d貴 同埋落完order d嘢湧哂上黎 係experience上扣唔少分 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-05
892 瀏覽
見今日假期,又撞正生日正日,所以嚟到「La terrazza」食個生日lunch。因為lunch時間,所以就叫咗2個Set lunch。自家製麵包配棷欖油及意大利黑醋如果換成黑松露油、同埋法包,我諗味道會更加好!不過作為餐前飽,都幾好食,仲可以扮晒野有種食高級西餐廳嘅感覺😂😂😂。蒜香紅椒白酒煮青口意粉青口喺細細隻果種,唔喺打邊爐果款大隻青口,所以青口食落好嫩,好重海鮮味。份量就感覺上小咗d,對於我呢d咁大食嘅人嚟講,確喺唔夠喉。脆燒原隻豬手伴薯條及酸紅椰菜呢盤豬手正呀🤤🤤🤤,外脆內嫩,散發住烤焗嘅香脆味,又有豬肉香味,雖然有肥膏,但喺做到肥而不膩。睇得出我對呢盤豬手評價好高。😂凍蘋果茶食豬手配呢杯蘋果茶就啱晒啦。不過有得揀,我都喺想要返茶記嘅凍檸茶。 繼續閱讀
(以上食評乃用戶個人意見 , 並不代表OpenRice之觀點。)