30
9
1
港鐵旺角站 E2 出口, 步行約6分鐘 繼續閱讀
電話號碼
26380198
開飯介紹
主打西餐類的意大利飯、pizza、扒類和意粉,也有早午餐供應。厚燒安格斯肉眼,生熟控制剛好,份量十足,其他扒類如豬鞍、雞扒等會配上餐廳自家創作醬汁。 繼續閱讀
營業時間
今日營業
12:00 - 22:30
星期一至日
12:00 - 22:30
付款方式
Visa Master 現金
座位數目
40
其他資料
網上訂座
酒精飲品
自帶酒水 詳細介紹
切餅費 詳細介紹
電話訂座
賞訂座積分
外賣服務
加一服務費
有關獎賞計劃
招牌菜
德國咸豬手伴酸椰菜 脆炸軟殼蟹意大利飯 香草燒羊架 辣味乾蕃茄扁意粉
食評 (50)
等級4 2021-05-05
14 瀏覽
疫情好似好咗, 咁就同朋友行開旺角順便試下呢度啲西餐,咁我哋就揀咗呢一間餐廳,餐廳入面我哋覺得幾整潔,咁啱佢哋有一個二人set,咁我哋就叫咗呢一個Peral Couple Set :餐湯係南瓜湯同蒜蓉包, 其實佢呢個南瓜湯我覺得都幾好飲,因為佢南瓜磨到好粉,令我呢啲唔鍾意食南瓜嘅人覺得呢個湯都幾好飲 ,而且佢個餐包蒜蓉包整得都幾別緻,因為佢有啲蕃茄醬點落個包度食,所以呢個餐前小食都幾有心思。紐西蘭西冷牛配燒肉汁: 塊牛扒都幾大塊,我叫 medium 佢真係燒到 medium , 牛扒有少少肥膏正合我心意, 肥肥地先有咬口 同口感。 大家可以睇下我嗰幅相,可能有少少紅但係我就係鍾意呢啲生生地再加熟熟嘅感覺,令到個牛扒更加juicy。香草欖油蜆肉意粉: 呢個意粉我覺得就幾好食,因為有我最鍾意嘅香草欖油, 加上佢畀隻蜆肉都算多,我同朋友勉強都可以分到一人一半嚟食,overall嚟講呢個意粉我覺得就偏濃味少少同油咗少少但味道就幾香,所以如果鍾意食意粉嘅朋友可以試下呢個。伯爵茶奶凍伴雪糕: 最後呢一個甜品我覺得都幾好,而我覺得最好嘅就係佢個奶凍,因為佢個奶凍真係有啲似伯爵茶嘅味道, 味道都有少少似奶茶味,同有少少茶味,所以我覺得幾特別。最後我同朋友飲埋杯咖啡同凍檸茶就閃人,我覺得呢一間餐廳整啲西餐都幾好及有heart,不過餐飲嘅方面建議要凍檸茶, 因為檸茶我覺得呢間餐廳整得比較出色。 行過嘅朋友可以試下。 繼續閱讀
(以上食評乃用戶個人意見 , 並不代表OpenRice之觀點。)
行經通菜街見到呢間西餐廳——L.A. Restaurant & Dessert Bar,望落去都好似幾吸引,所以同朋友仔入去食晚餐😚香草汁橄油大蜆意粉 ($78)- 橄欖油香味突出,大蜆新鮮肉嫩,好足料,食落啖啖肉,而且意粉都煮得好有水準,軟硬適中,同香草汁橄欖油非常配合😍炸魚薯條 ($54)- 炸魚薯條份量超足,炸魚大條厚身,外脆內軟,薯條粗切大條,香氣四溢,配搭埋美味嘅cream cheese,每啖都好邪惡、好滿足😚Melon Smoothie (+$15)- 呢個沙冰真係好有驚喜,以蜜瓜為主調,清甜爽利,解膩一流,而且仲有滿滿嘅蜜瓜粒,啖啖爽甜嘅沙冰真係好正😋Fruit Punch ($32)- 雜果賓治都好好飲,酸酸甜甜,入口順滑,仲可以食到啲生果粒,係西餐嘅飲品之選🤩LA伯爵奶凍伴雪糕 ($68)- 呢個甜品都非常之出色,奶凍綿密,伯爵味超級濃郁,非常好食,啱晒我呢個茶迷😍餐廳嘅妝還充滿西式風格,擺設都非常有特色,非常IGable😎,而且職員都好有禮貌,好friendly,食得好開心💛 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-28
86 瀏覽
早排同frd去咗旺角行街,經過女人街見到間細細哋嘅西餐廳仔竟然有威靈頓牛柳食😯 仲要唔貴,於是我哋抱住試伏嘅心態入咗去幫襯,點知食完之後又幾有驚喜喎,所以特意介紹一下😋呢個risotto見到好多人嗌,我哋都唔執輸嗌返份,無諗過原來佢隻蟹咁大隻!而且仲炸得好酥脆,趁佢熱辣辣食,唔錯👍🏻 而佢個risotto煮得剛好,唔會過腍過硬,個sauce食耐咗會有少少膩,好彩佢加咗啲菇一齊煮,食起上嚟就無咁膩,啱啱好🤓威靈頓牛柳製作繁複,如果呢個價錢食到就真係好抵😳 上到黎唔算好大舊,個size啱啱好夠兩個人食,酥皮焗至金黃,我哋嗌咗medium,切開牛柳呈鮮嫩粉紅色,好吸引😋 食落好腍,熟度剛好!不過佢酥皮同牛柳中間無咗層鵝肝醬,就唔多夠正宗,但如果純粹想平平哋過下口癮,呢個絕對推介😬嗌佢呢度嘅dinner set加多$30就可以加份細細份嘅鵝肝多士,多士烘到好脆🤪 而鵝肝雖然唔算好厚身,但食落去依然充滿油脂,好香口好好味🤤而佢個set仲包咗海鮮忌廉湯同法包仔,個湯好重忌廉味,入面有蘑菇同蟹柳,配料就唔多「海鮮」啦,不過味道都正正常常咁🤣 而個包又幾好食喎,包皮用咗牛油烘至金黃,食落好脆口,再配埋佢個西西里醬,意想不到地夾😆總括而言,呢間餐廳雖然的的式式,但估唔到嘢食都幾唔錯,個威靈頓牛柳比想像中好食😋 而餐廳嘅環境係行輕工業風,坐係入面食飯都幾寫意👍🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2021-03-05
307 瀏覽
等左成粒鐘都未有主菜食 同一個餐遲黎落柯打仲快有得食我 又唔肯cut 左我個餐 等到就黎完堂食都未有 冇下次 又唔係平 又貴又細份 又慢 店員態度又唔好 等既期間見到有幾張枱催上甜品都催兩次先有 有枱叫乜話冇乜 垃圾 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-05
626 瀏覽
今日同同朋友約去旺角行街,都好耐無行旺角,去shopping買野,行到肚餓去附近睇下有咩食,見到有間LA Restaurant & Dessert Bar,一於就去呢間食飯啦😋原來呢間餐廳係由一班酒店嘅後生仔一起創辦。😄🎀蘋果核桃藜沙律沙律淋上蘋果汁,沙律菜好新鮮,食落口感好爽好鮮甜呀!😋🎀水牛城雞翼雞翼係我嘅最愛,雞翼外層炸過,再配水牛城醬汁,一咬落口好令人回味😋🎀澳洲殼飼肉眼配燒汁肉眼扒我叫咗7成熟,🔪切開肉扒熟度岩岩好呀😍咬落去肉質好嫩滑呀!配埋燒汁食到舔舔脷,係我近期覺得最好食嘅肉眼扒😋🎀接骨木花石榴椰果梳打見到餐牌上有呢杯接骨木花石榴椰果梳打,接骨木花好特別,飲落去似果汁味道,好好飲😄🎀下次帶埋老公黎食先,覺得佢哋好耐心咁製作,看得出每樣食物整出來都用心烹調😄 繼續閱讀
(以上食評乃用戶個人意見 , 並不代表OpenRice之觀點。)