La Mensa Grill & Bar (Oasis Place)

營業中

休息中

去到啟德食咩？好之前好多人都話係美食沙漠，而家airside開咗之後，多咗好多選擇，但係我哋就想去返啲小店，於是去咗Oasis 樓下嘅la mensa grill & bar 試下。首先先點了前菜我們選擇了青口配蜆肉桶，份量非常多，價錢亦十分經濟，調味酸酸鹹鹹非常惹味。主菜方面我哋叫咗豬肋骨配薯條&沙律 ,另外突然之間好想食印度菜，於是就叫咗印度牛油雞，印度牛油雞非常適合唔食得辣嘅朋友牛油香味十足配上印度香料，用蒜蓉薄餅點咖喱，非常喜歡，比起好多印度餐廳都美味。半分豬肋骨竟然有八條骨，平時食開嘅豬肋骨都冇乜肉依度嘅竟然有厚厚嘅豬肉兩個人食好辛苦先食得晒非常抵食。餐廳位於啟德站D出口左轉就會見到地理非常方便，亦都係airside 對面，大家有機會要試吓。

真係要同大家推介下呢家店嘅黑松露香草pizza同Mojito，味道正到爆燈！首先，講下嗰個黑松露香草pizza，佢嘅pizza底脆到不得了，每一啖都聽到嗰種滿足嘅「卡滋卡滋」聲。而且啲黑松露香味夠濃郁，配上香草，味道層次豐富，每一口都食到黑松露嘅高貴同香草嘅清新。啲芝士又拉絲，真係一流！再嚟就係Mojito，Mojito真係清新解渴嘅代表。佢哋嘅Mojito調配得好均衡，薄荷味夠，唔會過於搶鏡，青檸嘅酸甜恰到好處，加埋碎冰，每一啖都係清涼嘅享受。整體嚟講，無論係pizza定係Mojito，質素都一流，下次想食披薩或者想飲雞尾酒，我一定會再嚟！如果你都喜歡食pizza或者收工同朋友同事小酌一杯，記得唔好錯過😋

星期日過開嚟airside，朋友講呢度開咗間幾靚嘅西餐廳，就喺對面所以我哋就過咗嚟😌呢度感覺比起大商場清幽少少，好友去咗郊區愉景灣嗰啲感覺呢間餐廳睇落都幾高級，全部都係外國人侍應😊個吧好似都幾靚咁樣，我哋叫咗兩杯酒同埋pasta, 朋友就話要蟹肉意粉，個樣好似幾好食咁😶‍🌫️🥰另外我哋都叫咗啲海鮮做開胃小菜，係來自紐西蘭嘅mussels and clams ($168）😌雖然係開胃小菜，但係都幾大碟😁我都幾鍾意佢嘅甜品，就係朱古力心太軟仲有雪糕，唔知係咪自己整嘅心太軟，好似熔岩咁樣流出嚟又脆脆地唔會太滯，雪糕都有好似忌廉咁嘅感覺，食落去做咗一個完美嘅結束，呢度嘅氣氛氛圍都唔錯，下次都可以過嚟😃😚啱晒，一家大細喺度慶祝特別日子

終於到了星期五，約了住啟德的朋友晚飯，朋友介紹了 Le Mensa，坐在近門口的位置，望住戶外舒服的環境，享受一下 Happy Friday。氛圍很適合 happy hour，可惜朋友剛病癒，這次點了兩個主食，閒聊一番。蛤蜊意大利粉 - 用上新鮮的蜆，排得整齊兼密密麻麻，每隻飽滿鮮甜，拌著以了檸檬汁及牛油煮成醬汁的意粉，加上香蒜香草，很是惹味。頂級牛排烤三文治 - 用上安格斯牛排，juicy 濃郁，烤得充滿炭香，夾著香脆煙肉、煎蛋、生菜、蕃茄、洋蔥等，非常足料，加入了燒烤醬，豐富滋味。還配有炸得熱騰騰的薯條，與朋友邊閒聊邊食薯條最合適。環境夠 chill，食物亦具水準，下次再來 happy hour。

今日同朋友帶埋隻狗過去airside 行街，行到黃昏時段打算食埋晚餐先走，點知商場入邊好多食肆都要排隊。所以就想OpenRice search下附近有啲咩好食！一搵見到呢一間喺地鐵站D出口一出就係，同埋又唔洗排隊，所以就決定食呢間！入到去見到環境都幾舒服，座位闊落，同埋好多人坐喺度飲酒吹水，有種外國嘅感覺，都幾chill🍻我同朋友都唔算超級肚餓，所以我哋淨係叫咗沙律同兩款小食，分別係大蝦芒果鱷梨沙律、墨西哥炸粟米片（雞肉）同韓式雞翼，當然唔少得仲有兩杯飲品，我哋叫咗Fruit Punch。當中最推介嘅就係大蝦芒果牛油果沙律，因為佢真係可以做到色、香、味俱全，既健康清爽，又口感豐富多樣，堪稱夏日經典開胃美食。

又嚟到令人沮喪嘅星期日，因為聽日要返工😂嚟到呢個環境清幽嘅啟德站見到呢間個樣幾靚嘅西餐廳，所以就忍唔住同媽媽入咗嚟😎因為都幾鍾意食海鮮，所以就叫咗開紐西蘭蜆肉同埋青口$168，之後都幾好食，好有新鮮嘅感覺加埋一啲好味嘅汁認真開胃，我哋都叫咗個Cocktail margarita係傳統嘅雞尾酒，都幾出色我哋叫咗一個蟹肉扁意粉同埋meatlover pizza😚佢有薄同埋厚pizza兩種選擇，我哋就叫咗薄嘅😆 包括有燒烤醬意大利香腸，意大利辣，香腸片雞肉火腿，真係認真足料蟹肉意粉都幾好食，雖然個碟有啲細，但係份量都好夠，啲蟹肉包住啲扁意粉，感受到嗰種鮮味，好似喺海底游泳咁

啱啱搬咗嚟啟德除咗airside,附近屋苑仲有唔少餐廳，行過見到 la mensa grill & bar,於是同老婆入去試吓。半開放式餐廳，仲要係寵物友善餐廳，就算平日都唔少光顧。我哋今次就叫咗一個Starter同埋兩個main course . Starter就叫咗佢哋新西蘭青胎貝和蛤蜊桶。青口及蜆非常新鮮，富有海水嘅甜味醬汁方便用上蒜蓉辣椒乾牛油檸檬及白酒煮成，檸檬嘅酸香配上鹹鮮味蒜蓉牛油，非常惹味。main course 就選擇了半份豬肋骨，另外叫咗印度菜式牛油雞配薄餅。豬肋骨用上BBQ醬汁醃製而成，非常入味，配菜包括coleslaw及薯條。butter chicken 先把雞肉烤製加上奶油及印度香料，配上薄餅令人一口接一口。最後我同老婆都食到非常飽，想食甜品都冇辦法。

今日經過啟德見到依間餐廳環境氣氛非常好，好高級既感覺，餐牌食物亦都非常吸引，於是同朋友一齊食左依間既美食😋大蝦芒果鱷梨沙律，份量相當多，蝦真係好大隻，好新鮮彈牙，芒果亦都好甜，牛油果🥑熟得岩岩好，好香滑，加埋D沙律醬真係好清爽開胃。😋😋😋墨西哥雞肉炸玉米餅，平時都好想食依款菜式，今日食到真係好開心，融合左墨西哥同美式風情既特色小吃，外皮口感十分正，餡料亦都非常豐富，有嫩滑多汁既雞肉,加醬汁，口感層次豐富。搭配酸甜既酸奶油和牛油果醬，食落去只係非常開胃，好有係外國食到既味道。韓式雞翼，雞翼炸至金黃色，非常酥脆味香，雞翼內亦都可以鎖住到肉汁，再配上香濃既韓式辣醬，食落去微辣既口感，超級好味😋❤️❤️❤️飲品都係見住員工用心去調製，好好飲❤️❤️❤️，係依間高質素既餐廳，下次會再去食😋

今日約左朋友行下啟德，點知落大雨，唯有改變行程，食左晏先行街。地鐵站D出口轉左行一分鐘，就見到這家餐廳，非常方便。餐廳門面寬闊，光潔明亮，一邊有大電視📺，另一邊是酒吧🍷🍸🍹🍺，兩個外藉姐姐負責招呼客人，👩‍🔬👩‍🔬我們坐在靠墻的卡位，望著外面的雨景，感覺閒逸舒適，初夏的雨水💦洗滌微熱的灰塵，期待清爽的夏季。食飯時間比原來早了些，所以我們食不多，只揀了一個主菜，一個沙律。Cob Salad 考伯沙律＄165非常出色的沙律，內容豐富，賣相好靚，五顏六色，有我最喜歡的牛油果🥑，熟度剛剛好，仲要好大舊，流心糖心❤蛋，青瓜🥒，紅椒🌶，軟香鹹羊奶芝士🧀，脆煙肉🥓，脆麵包🍞，當然還有新鮮的沙律菜，🥬🥬配上酸酸地油醋汁，清新開胃，對√正兩個中年美少女的喜好。😍😍Beef Lasagna 牛肉千層麵 ＄155食完開胃的沙律，見到牛肉千層麵特別開心❤ ，因為千層麵焗得好香，面頭微焦，濃香的芝士味，中間軟軟糯糯，牛肉碎和手工麵各半，味道豐富，感覺滿足，還有兩塊脆脆的蒜蓉法包，新鮮的沙律平衡芝士牛肉的油膩，兩個餐份量剛剛好，食得乾淨利落。👍👍這裡還有一個特色，就是有一樽薄荷水，青綠的一枝薄荷葉放在水中，清雅嫻

啟德站最近開左一個新商場，吸引左好多人流，買野睇戲應有盡有。不過如果喺度食飯，反而會覺得比較侷促。相反喺附近嘅另一個住宅商場嘅呢間餐廳，環境開揚，坐係度可以chill一晚。 🍺要chill當然一定要有酒，哩度既酒選擇好多，成個酒架都係酒。天氣開始熱，飲杯生啤就岩晒。而且佢地仲有推介嘅酒類配搭菜式，今期係生蠔加紅白酒優惠。 🍖不過今次嘅選擇上以輕型為主，所以叫左大蝦沙律，由於餐廳係半開放，外面又係一大片草地，而且經常有人拖住唔同品種嘅狗仔行過，係度食住新鮮嘅沙律真係好有野餐感覺。而大大隻既蝦，喺保持清新感覺之下，又提昇左沙律嘅整體味道。 🍖我地另外叫左炸魚薯條，佢雖然份量好大，但係一啲都唔油膩，我地將魚切成細細件，作為小食，貫徹輕型嘅主題。而且非常配搭啤酒。魚既炸皮做得薄而脆，入面魚肉保持濕潤，而且熱度十足。 ✨️簡單嘅一啲食物同埋啤酒，就已經帶出輕鬆嘅感覺，似乎到左無拘無束嘅歐洲旅行，假期本身就應該係咁嘆!

朋友搬咗嚟啟德， 食個飯就上去一齊打機一出地鐵站， 轉個彎就已經見到這一間餐廳，非常非常方便一入到去坐低就覺得環境好舒服，外面仲有好多 散步嘅行人， 感覺好休閒坐低就揀嘢食大蝦芒果鱷梨沙律,見到可以加雞肉牛肉或者三文魚,覺得呢個選擇幾好,就揀咗呢一個大蝦芒果鱷梨沙律加咗牛肉牛肉份量都幾多食完一整份都好夠飽裏面有半個牛油果,仲有四隻蝦,芒果+蔬菜食完覺得都幾健康飲品揀咗Peach Milk Shake味道唔會好甜,好重香奶味，滑滑的 餐廳環境都坐得好舒服最後當日餐廳有人慶祝生日 餐廳定勁大聲生日歌 感覺好有氣氛,因為離遠出面散步嘅人士都可以一齊慶祝生日咁樣, 其實都好開心覺得嚟呢度慶祝生日應該都幾好

Have started to come here since its beginning- always good returning to their nachos, pizza, curry, pasta and more.I normally order butter chicken with garlic naan, but tonight for a change, we ordered Nicois salad, chicken nachos, chicken spaghetti, wild mushroom linguini.The juicy yolk on the salad, stringy cheese on the nachos, umami flavour of the mushroom pasta are small things that make me happy good dinner to a rainy evening

我們今天去了啟德的La Mensa Grill & Bar，整體感覺非常不錯。由於係地舖，所以佢哋設計非常之通風，令人覺得好寫意我們點了他們的招牌菜Pulled Pork Taco，豬肉吃下去和叉燒一樣非常美味。這道菜配上了多種不同的醬料和蔬菜，增添了豐富的口感和風味。每一口都能感受到豬肉的鮮嫩和口感，讓人回味無窮。另外，我們還點了R8 Beef Lasagna。這個千層麵充滿了濃郁的芝士，每一層都堆疊著美味。而且旁邊還配上了兩塊多士和一些沙律，這樣可以將芝士倒在多士上一起享用，味道更加豐富多樣。每一口都充滿了濃郁的芝士味道，讓人垂涎欲滴。

朋友喺附近住，過開嚟探佢就約咗去附近的餐廳食選了這間餐廳，天氣唔熱地方夠晒開揚喺正地鐵站隔離好方便叫杯啤酒🍻嘆吓先Caesar salad生菜新鮮脆嫩，十分清爽。烤過的麵包酥脆，烤雞胸肉嫩滑，上面仲有少少煙肉，口感一流Fish and chip炸魚柳的外皮金黃色，酥脆可口，內部濕潤嫩滑。薯條外脆內軟的口感，十分香脆，並且可以搭岩鹽勁正小朋友想食的吞拿魚pizza即叫即整，上枱熱辣辣份量十足吞拿魚披薩上的蕃茄醬酸酸甜甜，加上濃郁的芝士，披薩10分開胃同朋友坐咗兩個鐘全程冇趕人走同朋友傾得好開心😁$800/2 人 (自費)

今日去了一間食店，一入去就俾啲小食吸引到。第一擊就試咗popcorn chicken，熱辣辣、鬆脆得嚟，每一啖都充滿哂雞味，等我回味無窮。跟住，我再點咗個Le Vera Pizza，喺意式pizza上見到羅列嘅香腸、沙樂美腸、又香又辣，加上啖啖雞肉，配合得好有層次。芝士撒滿全pizza，燒到金黃融化，拉絲滿天，食落去嘅時候，個芝士香四溢，啖啖滿足。最後犒賞自己一份Surf & Turf，seafood同steak一齊嚟，豪邁得滯！龍蝦尾煮到啱啱好，肉質彈牙。牛扒煎得medium rare，肉汁鎖咗入面，每一啖都朱古力般濃郁。啲薯條仲外脆內軟，無論係入口嘅纖細海味，定係厚實嘅肉香，都令人食指大動。總括嚟講，呢家餐廳嘅食物真係做得出色，食完仲想再食，尤其係佢哋嘅芝味pizza同鮮美seafood，真係值得推薦，下次仲要再嚟嘗試！🍗🍕🍤