222
10
1
港鐵銅鑼灣站 A 出口, 步行約4分鐘 繼續閱讀
所有分店 (7)
電話號碼
24722989
營業時間
今日營業
11:30 - 20:00
星期一至四
11:30 - 20:00
星期五至六
11:30 - 21:30
星期日
11:30 - 19:00
付款方式
Visa Master 現金
食評 (259)
等級4 2020-10-17
4897 瀏覽
La famille 的蛋糕相片經常在 IG / FB 出現,製型令人一見傾心,惟一直未有機會去品嚐,今次有幸可以免費享用一個二人餐 (Special set for Two  $158 ),簡直令人興奮。星期六特意約友人到此下午茶,甫見一櫃精美的蛋糕,已按耐不住要舉機影相,冷靜下來後,才發現只淨下兩張二人檯,雖然不是最好的位置,但座位總算坐得舒適,店舖以青蘋果綠、金、啡作為主調,選用金色餐具,型格中帶點貴氣。由於店內不同口味、款式的蛋糕眾多,我們幾經掙扎才能下決定。朋友喜歡桃,所以點了日本白桃巴伐利亞 ,我點了日本柚子戚風蛋糕。日本柚子戚風蛋糕面層主要由忌廉與加有柚子味的忌廉作點綴,戚風蛋糕內混入了柚子皮及柚子肉,令每一口都品嚐到清淡芳香的柚子味,甜度適中,口感鬆軟,這裏的戚風蛋糕以吃後完全没有負擔感而聞名,今日終可親"口"引証。蛋糕的中央以新鮮幼滑的日本北海道忌廉填滿, 質感幼滑輕身、不膩、富奶香,令蛋糕有入口即化的感覺更強烈。日本白桃巴伐利亞 另一款是造型精緻可愛盡得大多數女士歡心的 "巴伐利亞",我們選了日本白桃味,上層是啫喱,當中加入色彩繽紛的食用花, 新鮮生果,感覺夢幻;底層是幕絲蛋糕,白桃果味濃郁,慕絲香甜軟滑,簡直是視覺與味覺的享受。意大利泡沬咖啡雖然是蛋糕店,不過咖啡質素豪不遜色,吃完甜品後喝一杯香濃熱咖啡感覺完滿。伯爵茶咖啡 (凍)伯爵茶那種特殊清香配合咖啡居然如此合拍,並沒有被咖啡濃烈的味道完全掩蓋,杯面的鮮忌廉口感香滑富奶味。戚風蛋糕不但口感獨特,味道及造型千變化,難怪深得一眾甜品控歡迎,其實在我們入座時已有幾款蛋糕提早售罄,所以如果想吃到心儀的蛋糕,便要看自己的運數了。 繼續閱讀
(以上食評乃用戶個人意見 , 並不代表OpenRice之觀點。)
la famille蛋糕好多人都食過~不過堂食又真係第一次~!😋​適逢上星期朋友生日,剛好待在CWB無嘢搞,於是就拉佢去la famille銅鑼灣店食Cake!☺️​勁鍾意la famille嘅蛋糕!細細隻,又唔會好甜,一個人KO晒成個都無問題!多幾個fd,仲可以share幾款口味!正!​佢哋銅鑼灣分店,仲要係4間店中唯一設有堂食嘅,裝修以金啡色為主,感覺好華麗呢!影相幾靚架!▲喺金碧輝煌嘅環境下食Cake,感覺好貴氣!▲櫥窗內有勁多款蛋糕,令人花多眼亂!▲唔打個卡,對自己唔住呢!(笑-v-)​✦日本柚子戚風蛋糕 呢款味道勁清新,入面有爽口嘅日本柚子肉,清香得嚟帶少少酸甜,好開胃。​✦英國伯爵茶戚風蛋糕 我最鍾意伯爵茶,呢款蛋糕茶味好香濃,加上戚風蛋糕鬆軟嘅質感,令人一試即愛上!係我最愛嘅口味!😝​✦皇牌士多啤梨戚風蛋糕 蛋糕上係日本士多啤梨,外型勁sweet,勁少女!不過,相對嚟講,隻味唔算話好特別。​✦西瓜玫瑰巴伐利亞 西瓜玫瑰口味好清爽,另外水晶花環果凍配果味慕絲,味道好有層次,而且打卡勁靚!​✦香印青提巴伐利亞呢款用咗時令嘅日本香印提子做,勁好味!🤤另外個水晶花環就同西瓜玫瑰差不多,都OK!​✦ 伯爵茶泡沫鮮奶又係我最愛嘅伯爵茶泡沫,奶泡好綿密,又唔會好甜,幾正。​✦春果花茶呢個花果茶會比較酸,我覺得齋飲麻麻地,但一配蛋糕食就好OK,好解膩!​▲不是太顯眼嘅店面。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-23
0 瀏覽
之前也有試過此店的戚風蛋糕當時選的是伯爵茶味 感覺不錯最近適逢有人生日 便再來買幾個小蛋糕4件共花費200元多一點 也算划算又可以試到幾個味道怕一大個的生日蛋糕只有單一味道太單調的話不妨來試試這間 味道選擇也挺多的當然 這裏也有大蛋糕 適合一大班人慶祝時吃.1) 柚子味戚風蛋糕柚子味好清香入面的cream雖然比較多 但吃起來也有淡淡的柚子味不錯.2) 開心果戚風蛋糕開心果味夠濃郁外層帶點微脆 有點像朱古力脆皮但整體比較甜.3) 香芋黑糖麻糬戚風蛋糕喜歡吃香芋的人一致認為這款最特別最好味 內面的麻糬令蛋糕更有咬口黑糖味則不太吃得出來.4) 檸檬芝士巴伐利亞清新的檸檬味 加上濃淡度適中的芝士味上層像啫喱 下層像慕絲吃完兩三件戚風蛋糕 再吃這款 一點也不會膩.下次的目標是朱古力味的戚風蛋糕😆 繼續閱讀
(以上食評乃用戶個人意見 , 並不代表OpenRice之觀點。)
La famille戚風蛋糕好多分店,今次就揀左黎公司附近嘅銅鑼灣店。一早訂左伯爵茶日本白桃,一磅嘅價錢$360。一黎到講出單號就有得攞。包裝好穩陣,有冰袋保鮮。番到屋企食完飯,就急不及待食呢個蛋糕🍰。本身有跟膠刀,好方便。切開就見到伯爵茶嘅蛋糕,中間同面頭都有甜甜嘅白桃。另外有cream令蛋糕無咁乾身。蛋糕口感鬆軟,甜度唔重,主要靠cream帶出口感。啱曬注重健康嘅人士。呢度仲有好多件裝蛋糕,下次可以試下。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-16
380 瀏覽
呢一間戚風蛋糕甜品店可以喺好多地方都搵到,價錢唔貴,蛋糕雖然細細件,但係啱晒兩個人一齊share!今日叫咗一個雜莓味(本身真係好想試朱古力,不過去到已經售罄),就咁講個外型,都幾精緻。先講一講佢嘅戚風蛋糕,我覺得要先擺喺室溫一段時間再食,個蛋糕底會再鬆軟啲,同時間個蛋糕嘅味道好淡,無咩莓味。然後到蛋糕嘅內在部份,都有少少失望,因為無餡,只靠小小cream去為個蛋糕調味。另外面頭嘅水果就更加好睇唔好食了。雖然都有好多人比好評,但我覺得真係名大於實~但佢勝在好多味道,睇吓有冇機會試吓其他味道再品評一下啦。 繼續閱讀
(以上食評乃用戶個人意見 , 並不代表OpenRice之觀點。)