215
9
1
港鐵銅鑼灣站 A 出口, 步行約4分鐘 繼續閱讀
所有分店 (6)
電話號碼
24722989
營業時間
今日營業
11:30 - 20:00
星期一至四
11:30 - 20:00
星期五至六
11:30 - 21:30
星期日
11:30 - 19:00
付款方式
Visa Master 現金
食評 (248)
等級4 2020-10-17
301 瀏覽
La famille 的蛋糕相片經常在 IG / FB 出現,製型令人一見傾心,惟一直未有機會去品嚐,今次有幸可以免費享用一個二人餐 (Special set for Two  $158 ),簡直令人興奮。星期六特意約友人到此下午茶,甫見一櫃精美的蛋糕,已按耐不住要舉機影相,冷靜下來後,才發現只淨下兩張二人檯,雖然不是最好的位置,但座位總算坐得舒適,店舖以青蘋果綠、金、啡作為主調,選用金色餐具,型格中帶點貴氣。由於店內不同口味、款式的蛋糕眾多,我們幾經掙扎才能下決定。朋友喜歡桃,所以點了日本白桃巴伐利亞 ,我點了日本柚子戚風蛋糕。日本柚子戚風蛋糕面層主要由忌廉與加有柚子味的忌廉作點綴,戚風蛋糕內混入了柚子皮及柚子肉,令每一口都品嚐到清淡芳香的柚子味,甜度適中,口感鬆軟,這裏的戚風蛋糕以吃後完全没有負擔感而聞名,今日終可親"口"引証。蛋糕的中央以新鮮幼滑的日本北海道忌廉填滿, 質感幼滑輕身、不膩、富奶香,令蛋糕有入口即化的感覺更強烈。日本白桃巴伐利亞 另一款是造型精緻可愛盡得大多數女士歡心的 "巴伐利亞",我們選了日本白桃味,上層是啫喱,當中加入色彩繽紛的食用花, 新鮮生果,感覺夢幻;底層是幕絲蛋糕,白桃果味濃郁,慕絲香甜軟滑,簡直是視覺與味覺的享受。意大利泡沬咖啡雖然是蛋糕店,不過咖啡質素豪不遜色,吃完甜品後喝一杯香濃熱咖啡感覺完滿。伯爵茶咖啡 (凍)伯爵茶那種特殊清香配合咖啡居然如此合拍,並沒有被咖啡濃烈的味道完全掩蓋,杯面的鮮忌廉口感香滑富奶味。戚風蛋糕不但口感獨特,味道及造型千變化,難怪深得一眾甜品控歡迎,其實在我們入座時已有幾款蛋糕提早售罄,所以如果想吃到心儀的蛋糕,便要看自己的運數了。 繼續閱讀
(以上食評乃用戶個人意見 , 並不代表OpenRice之觀點。)
======================📍精美鬆軟戚風蛋糕 -- La Famille🍰次次經過La Famille見到每個蛋糕都蓋上高高嘅玻璃罩,整齊有序排列喺雪櫃入面,非常精美🥰前排經過終於忍唔住試下!🤤因為好多味都想試,小編一口氣簡咗五款蛋糕🤣------------------------------🍒小編私心排行榜🥰1️⃣ 香濃開心果戚風蛋糕($65)蛋糕體頗驚艷❤️❤️食落真係有好濃嘅開心果香🤤再配上原粒士多啤梨食酸酸甜甜👍•_2️⃣ 青森蘋果吉士紅茶戚風蛋糕($54)呢個味道係期間限定,清甜嘅蘋果肉配上順滑吉士醬,甜而不膩👍紅茶蛋糕體頗驚喜,食落散發陣陣清新茶香❤️小編同屋企人都好中意!•3️⃣ 皇牌士多啤梨戚風蛋糕($54)士多啤梨散發濃郁嘅果香❤️士多啤梨蛋糕體味道微甜,忌廉奶味香濃🥰簡簡單單嘅款式卻令人回味無窮🙈•4️⃣ 焦糖完熟香蕉戚風蛋糕($54)面頭香蕉忌廉味道好突出😛甜道亦啱啱好❤️香蕉戚風蛋糕軟綿,配上香滑嘅忌廉啖啖滿足😍惟焦糖味道可再濃一點🙈•5️⃣ 雙重朱古力戚風蛋糕($54)蛋糕豐盈鬆軟,滲透濃濃嘅朱古力香,朱古力忌廉香滑👍------------------------------整體嚟講蛋糕頗有水準,鬆軟濕潤,忌廉香滑唔膩,款式又多選擇😛價錢亦幾親民,性價比高😍值得一試❤️------------------------------賣相:8.9/10味道:9.2/10性價比:8.3/10回頭率:8/10------------------------------店舖資料名稱:La Famille地址:銅鑼灣耀華街25號丹納中心地下2號舖前往方法:銅鑼灣站A出口 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-28
1486 瀏覽
同幾位閨蜜敘舊聊天,最適合就係去靚靚Cafe影相打卡,揀咗位於銅鑼灣耀華街嘅la famille,地點旺中帶靜,最適合就係同朋友坐低閑聊一個下午。呢度最招牌就係唔同口味嘅戚風蛋糕,價錢大約50幾蚊一件,份量都唔少,有手掌咁大,最適合就係order唔同口味,大家一齊分享。焦糖完熟香蕉($54)焦糖忌廉入口即溶,戚風蛋糕口感鬆軟、清新又輕盈,仲散發淡淡嘅香蕉味,真係好食。雙重朱古力($54)呢個係口味最濃烈的一款,朱古力味極重,鍾意甜食嘅朋友一定會愛上。法國玫瑰(54)呢款係我個人最鍾意嘅,唔單止賣相靚,仲有好清新嘅玫瑰味,淡淡然嘅香味,女仔一定會愛上!英國伯爵茶巴伐利亞($49)另外試咗一款Bavarois,係英國伯爵茶口味,口感似啫喱同埋布甸,入面有水果同食用花,整體配搭非常清新,推介!鮮奶朱古力($36/熱)玫瑰泡沫鮮奶($55/凍)今次嚟La famille 食甜品,完全體驗到佢地認真製作甜品嘅態度,不但講究食材質素,而且不添加任何化學香料和色素,絕對係高質又美味嘅蛋糕,以後有朋友生日都一定幫襯 La famille! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-14
1423 瀏覽
/La famille 🇭🇰/#sa銅鑼灣篇 #sa蛋糕篇 ➖➖➖<多款口味、迷你精緻蛋糕🍰>▪️▪️▪️La famille 蛋糕真係有好多款口味成日都會繼續食番😂今次都係第一次去門市堂食 唔算多人 坐得舒服💕今次叫左個2人set $180 可以揀一件細戚風蛋糕、一件巴伐利亞、兩杯經典咖啡☕️ 如果想飲其他飲品就可以加$15 我地額外加錢再要多左一個戚風蛋糕💛➖➖➖1️⃣戚風蛋糕: 焦糖完熟香蕉蛋糕 $54呢個係人氣之選❣️戚風蛋糕底食到少少香蕉肉 蛋糕體依舊鬆軟、濕潤 幾有彈性💕至於餡料方面 有焦糖脆脆、朱古力餅 甜度適中仲有一粒新鮮紅桑子 酸酸甜甜 特別清新🥰➖➖➖分數: 7.8/1➖➖➖2️⃣榛果咖啡朱古力蛋糕 $54 唔係set 入面只可揀一個 但想食多個蛋糕😋呢隻幾好味 已經再encore ❤️戚風蛋糕幾重咖啡味 面頭仲有個朱古力球同埋榛子味、咖啡味嘅cream 幾出味加埋有榛果粒就好😍➖➖➖分數:8.3/10 ➖➖➖3️⃣西瓜玫瑰巴伐利亞 $45 第一次食巴伐利亞😋😋面層似啫哩口感 中間有層好似mousse 有好靚嘅食用花作點綴🥰食到淡淡西瓜味 幾清新 玫瑰味唔算好突出味道唔會好難入口➖➖➖分數: 7.5/10➖➖➖4️⃣春果花茶 $68 (套餐 +$15)足夠2人分 大概可以沖到3-4杯飲到好濃嘅果香味 唔會好酸、苦澀而且可以解膩特別嘅地方係原來佢係用蠟燭保温🕯️➖➖➖分數: 7.5/10 ➖➖➖5️⃣伯爵茶泡沫鮮奶 $55 (套餐+$15) 每次去親邊見到有earl grey latte 一定叫見佢外貌好吸睛 朱古力macaron 杏仁味幾濃鮮奶味較濃 初頭未搞勻 唔太飲到伯爵茶味🤣同埋加左隻糖可能會帶酸味 飲熱嘅應該會濃啲➖➖➖分數: 6.3/10➖➖➖📍La famille 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-24
0 瀏覽
早已經聽過La Famille 既威風蛋糕嫁啦, 今日特登黎試!可惜真係太遲來, 5點-6點來, 大部分蛋糕都賣晒!!!所以上圖得返小量可以選, 原本想試既味都賣晒, 大家記得要早小小去!我今次就唔係餐廳食, 外賣走左, 個盒都好靚, 每個盒可以裝2件.香濃開心果(65$) (左) 白桃(65$)(右) , 開心果味道最為唔錯, 主要係蛋糕本身既味好食, 開心果粒會係蛋糕入面, 而La Famille蛋糕既特色就係成個蛋糕既中間係cream 外層就鬆軟既蛋糕.食既時候一定要連埋中間既cream食, 味道就會岩岩好, 只食其中一邊都會差d.cream 比較滑, 外層既蛋糕比較乾拉埋就岩岩好! 同時中和小小cream既甜度, 如果只食cream就太甜!我諗La Famille 蛋糕出名都係因為呢個. 青森蘋果吉士紅茶(54$) (左), 焦糖完熟香蕉(54$) (右)青森蘋果好特別, 因為面頭個d青蘋果係十分之酸如果就咁食,但加埋紅茶小小苦香味又好夾岩岩好, 其他蛋糕比我感覺味道上差別無咁大,除左青森蘋果吉士紅茶, 呢個真係味道好特別, 唔知係唔係季節限定? 之前好似見唔到有呢隻味.焦糖完熟香蕉, 其實焦糖係真係上面個2粒, 個蛋糕我唔覺得係好甜.整體黎講其實堂食環境好靚, 下次可以試下堂食, 今次真係好多野都試唔到, 因為已經賣到7788 咩都無晒了...!下次一定要早d去! 整體黎講幾有特色, 可以一試~! 繼續閱讀
(以上食評乃用戶個人意見 , 並不代表OpenRice之觀點。)