72
0
0
港鐵尖沙咀/尖東站 A1 出口, 步行約7分鐘 繼續閱讀
所有分店 (8)
電話號碼
37582631
營業時間
今日營業
10:00 - 22:00
星期一至日
10:00 - 22:00
付款方式
現金
食評 (78)
之前同朋友慶祝生日都食過La Famille,細細個兩三個人慶祝真係啱啱好!仲要性價比好高,最平50幾蚊已經有一個😎 早幾日喺海港城行完街,見到又買咗幾個蛋糕仔返屋企食。🔸香濃開心果戚風小蛋糕$65個人比較鍾意食香濃開心果😆尤其係上面嗰層慕絲,超香濃,又唔算好甜!仲有佢個外皮係脆皮朱古力😳開心果味的朱古力好好味😋我隻貓都忍唔住衝過嚟🤣🔸榛果阿薩姆奶茶戚風小蛋糕$56上面啲cream係榛子朱古力嘅味道🌰🍫戚風蛋糕好鬆軟😋係啖啖既奶茶味😌🔸瀨戶內檸檬芝士巴伐利亞$45🔸西瓜玫瑰巴伐利亞$45見到賣相好靚既巴伐利亞 Bavarois😍好似花圈咁見到都開心😚上面係啫喱,有水果同花瓣,好晶瑩剔透。我比較鍾意瀨戶內檸檬芝士味,檸檬味唔酸,有清甜既感覺,下面個層芝士味香濃,食落好順滑。西瓜玫瑰味混合玫瑰花和接骨木花,食落口比較重花香味,香甜的感覺☺️個人覺得比戚風蛋糕更出色😍海港城分店仲有啲位可以坐,如果無咁多人可以坐低嘆個tea食件cake😌📍La Famille (#尖沙咀美食)尖沙咀廣東道3-27號海港城海洋中心2樓Kiosk 5 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-07
465 瀏覽
提早數天預訂了這裡的earl grey tea whole chiffon cake,準備在星期五晚為家人送上小驚喜。想著晚上可以吃蛋糕,整天心裡樂滋滋,在納悶的2020年,真的需要為自己製造快樂。從不會把到La Famille取蛋糕的工作假手於人,因為每次到訪都可以欣賞到櫃內精緻美麗的小蛋糕,令人會心微笑。附上冰袋、蠟燭、鋸齒刀、保冷袋,店員說要在1.5小時內放回雪櫃,我大約一小時後回到家,保存得不錯。登登登登,伯爵茶蛋糕登場了!不是聖誕蛋糕,但蛋糕面的小圓球充滿節日氣氛,小圓球其實是朱古力脆米,一口茶味蛋糕一口朱古力脆脆實在美妙。忌廉是一貫La Famille式的輕柔,夾雜著自然、實在卻不搶喉的伯爵茶味,如雲朵細滑,不過甜,不油膩,伴著熱茶一起享用,是悠然自得的星期五晚上。忌廉輕滑,我們即使吃多了也沒有罪惡感呢。比上次到訪時增添了很多新口味,圖中的香濃開心果味是我下次的目標,聖誕版大甲香芋也很有冬日感覺!!特意拍下不同呎吋的蛋糕 for reference,左邊是1.5lb/17cm,右邊是我今次買的1lb/15cm。 繼續閱讀
(以上食評乃用戶個人意見 , 並不代表OpenRice之觀點。)
其實我一直都好鍾意鬆鬆軟軟的戚風蛋糕,每次經過 La Famille 都覺得佢地的迷你戚風好靚好吸引,最近先發現品牌的尖沙咀有現場座位,仲有下午茶餐可以坐低慢慢食,梗係要即刻去試下。La Famille 在尖沙咀海港城海洋中心二樓,唔熟路的話可能要搵一陣。這家店有提供外帶和內用,現場座位大約有三十個,下午茶時間都有機會會坐滿架!這天下午三點左右來到,店內還沒有很多人。我覺得這個corner 和張花花檯好靚,所以影一張相留念。迷你戚風蛋糕口味超級多,睇到人眼花瞭亂,最大件事係全部都好似好好食嘛!單是朱古力口味就有兩款,另外有秋天栗子口味,有玫瑰花的打卡良品,仲有好多fans的抹茶味等等。套餐有一人和二人份兩種,本來係一個迷你戚風再加一個花花果凍,不過這天果凍剛好無來貨,所以可以選兩個戚風蛋糕。套餐仲包兩杯飲品,經典咖啡系列都可以揀,特飲的話可能要補差價轉。除了咖啡之外,這邊都有預備一系列賣相好靚的打卡飲品,粉粉的玫瑰雲朵泡沫咖啡應該很受少女歡迎。黑朱古力戚風 / 榛子奶茶戚風 / 玫瑰泡沫鮮奶咖啡 / 伯爵雲朵鮮奶咖啡蛋糕座和盤子都有金色圖案,好靚喎。迷你戚風蛋糕比想像中大個,口味配搭和造型都很有心思。我和朋友都是朱古力控,所以揀左這個黑朱古力戚風蛋糕,切開中間有流心熱情果醬都幾驚喜。蛋糕外層有朱古力脆皮,就係脆皮雪條果種有果仁的朱古力脆皮,配蛋糕又幾特別。因為中間的酸酸夾心,所以吃起來不會太甜膩,朱古力味都幾充裕。滿滿榛子醬的蛋糕,真係唔係講笑,比外表睇起來多一倍。兩層戚風蛋糕中間也是滿滿榛果香,幼滑口感好像吃雪糕一樣,味道不會太甜都幾適合香港人口味。專注做戚風蛋糕的甜點店我覺得都幾特別,每一款口味都充滿誠意,如果想約朋友在尖沙咀下午茶,很推薦這個充滿少女心的粉紅角落。 繼續閱讀
(以上食評乃用戶個人意見 , 並不代表OpenRice之觀點。)
幾年前食過La Famille既大蛋糕,今次想買幾件細蛋糕試下。La Famille既細蛋糕其實分量並唔細,$50樓上買一個來做個人少少既小小慶祝活動亦不錯,拍照很好看。細蛋糕口味選擇也不少。今次我地揀左皇牌士多啤梨同日本柚子戚風蛋糕。另外見到三款巴伐利亞蛋糕,又試左瀨戶内檸檬芝士巴伐利亞同西瓜玫瑰巴伐利亞。先講下戚風蛋糕。皇牌士多啤梨戚風蛋糕 $54La Famille主打戚風蛋糕。戚風蛋糕鬆軟無比,中間的忌廉入口清新而富奶香,不會太膩。我家女兒喜愛士多啤梨,所以一定要揀呢款。蛋糕上面的六塊士多啤梨新鮮帶點酸而不甜,上面蓋住一塊透明啫喱,啫喱完全不甜。食完都不會感覺太膩。日本柚子戚風蛋糕 $54蛋糕上面放左不同顔色的忌廉同新鮮藍莓,紅莓同士多啤梨。 呢個蛋糕比士多啤梨蛋糕乾爽一點,柚子味香濃感覺清新。個人比較鍾意呢款戚風蛋糕。巴伐利亞(Bavarois)蛋糕更加精緻!上層的透明啫喱內藏食用花及水果,如同綻放中的花環,下層是軟滑香甜慕絲蛋糕。我之前從來未見過呢種蛋糕,決定試下先。瀨戶内檸檬芝士巴伐利亞 $45我將蛋糕用刀切開幾份,很容易切得分明。慕絲濃郁而入口即化。食用鮮花,啫喱同慕絲都好配。我很鍾意濃郁既芝士配微酸既檸檬,再加上清新既啫喱,食完一點都不膩。啫喱入面個d食用鮮花同鮮果更增添口感。西瓜玫瑰巴伐利亞 $45西瓜同玫瑰出奇地夾,不過玫瑰既味道較爲突出。呢個巴伐利亞啫喱既鮮果有藍莓,紅莓,紅桑子等貴價水果。總括而言,試左四款蛋糕,個人最鍾意瀨戶内檸檬芝士巴伐利亞同日本柚子戚風蛋糕。以蛋糕質素,賣相同大小黎講,呢個價錢絕對不貴。如果想影相好看d,就揀戚風蛋糕好d。 繼續閱讀
(以上食評乃用戶個人意見 , 並不代表OpenRice之觀點。)
今日趁唔落雨🌧️,小妹去左尖沙咀到買日用需品同護膚品, 臨走之前見到d蛋糕仔🎂好吸引😍, 本來想自私食, 但又諗起屋企人都好耐無出去食好西於是就買d番屋企開心❤share😊日本完熟蜜瓜蛋糕🍈見到<期間限定>E四隻字就好似中左毒咁🤣🤣🤣仲要係日本蜜瓜, 已經深深被吸引😍🤤, 蜜瓜爽甜又多汁, 朱古力名牌🍫比一般蛋糕店做得更重朱古力味,而小妹最中意就係切開中間嘅特色奶油,滑得嚟質感好厚而且極重忌廉甜味!日本白桃蛋糕🍑基本上奶油同日本元熟蜜瓜一樣, 白桃味極濃又多汁桃汁同忌廉融合埋一齊, 多左種桃香同酸甜嘅感覺!香濃開心果蛋糕一個好有特色嘅蛋糕🎂, 蛋糕入面夾雜左好多開心果碎, 好重開心果香, 幾有口感, 加埋香滑嘅忌廉, 味道唔錯!日本柚子蛋糕🍊比起一般生果蛋糕不同,頂層用左士多啤梨, 藍苺,紅桑子等酸味較重的生果襯托整個蛋糕🎂, 柚子味清新爽口,加上以上生果唔會太甜蓋過左個柚子味, 反而令柚子獨有嘅嘅酸甜味更突出! 繼續閱讀
(以上食評乃用戶個人意見 , 並不代表OpenRice之觀點。)