0
2
0
港鐵觀塘站 A2 出口, 步行約7分鐘
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
係熟食市場旁邊番工番左差唔多1年 都未試過熟食市場既野 今日心血來潮想試下 入到去因為疫情好多間都冇開 見到呢間餐廳開左 d餐睇落ok價值合理 咁咪落單囉 叫個雞胸同腸 中午12點45分落單 1點25分都冇得拎 企係門口得左40分鐘 完全唔係一間餐廳應該有既服務 午餐時間得1個鐘 我要等幾耐先拎到? 取消訂單 冇下次
繼續閱讀
叫左個lunch set L4 , d 魚大舊 唔腥,有魚味 煎得幾香,舊魚厚身有口感,意粉爽口, 忌廉汁 正常,50蚊仲有埋野飲。 抵到爛。唯獨係煮得慢左d , 得值得等,建議用手機落單 20分鐘後去拎差唔多。舊魚真係好食
繼續閱讀
由灣仔船街、合和對面、交加里去到西環,都幫襯咗1x年,往時都會同朋友去食Dinner,仲一定要食佢個心太軟,每年聖誕大餐仲有抽獎遊戲比啲客玩吓,自從西環鋪結業後,以為佢無再開,點知早排上網搵食,手痕search La Bon's cafe睇吓仲係唔係到,居然見到佢係觀塘再開鋪,不過地點就大不如前,轉咗只做早午餐,今日去開觀塘,就即管試吓同以前有咩分別首先,地點係係熟食中心1樓,唔係附近返工,都唔會專登去,成個熟食中心仲要有好多選擇,我選擇2點過後去,只得1枱,我一個人膽粗粗入咗去,食返佢地拿手嘅西班牙黑毛豬,同以前$2xx比係薄切咗同細塊咗,貨源係咪一樣我唔知,不過豬扒口感仍然keep到唔乾唔鞋,但係此終以前厚切嘅口感好好多,但以現在$70一個Lunch set仲有埋湯,我接受嘅(因為平時灣仔食lunch嘅價位都差不多),反而配菜就嘛嘛啦,有啲overcook,成個餐其實都係正正常常啦,無咩驚喜,今次都係過黎支持吓幫襯咗咁多年嘅鋪頭,其實最懷念呢間鋪嘅都係佢嘅心太軟
繼續閱讀
又一次去熟食市場發掘美食,今次就揀咗西餐。叫咗個虎蝦、日本小帶子、菠菜忌廉汁會意粉,連飲品只需要$46 ,另外加多$5要多個南瓜湯。意粉分量大大兜,有三隻虎蝦同埋好多嘅小帶子,一打開就聞到蒜茸既香味,意粉軟硬適中,好味!😋另外,南瓜湯味道濃郁,仲配有餅乾!整體非常好,CP值好高!👍🏻👍🏻👍🏻
繼續閱讀
駿業街熟食市場有好多餐廳, 想食碟頭飯有, 想食台灣野又有, 今次試下呢間西餐 - La Bon's Café! 因為疫情關係, 好多餐廳都有做外賣自取優惠, 呢間都唔例外, 外賣每個餐都平大概$10左右香煎西班牙杜洛克無骨黑毛豬扒 $60可自選跟 飯 / 意粉 / 薯條外賣唔包餐湯, 想飲就要另加$5主角黑毛豬扒幾腍同埋都幾juicy, 好有豚肉味, 唔會話乾身! 配埋蘋果BBQ汁食, 個汁幾特別係甜甜地既燒汁, 都幾好味! 意粉煮到口感剛好, 唔會太腍, 略嫌醬汁唔夠, 食到尾冇晒汁撈… 而餐盒另一格配有蔬菜, 西蘭花, 椰菜花同埋紅蘿蔔, 相信係就咁淥熟, 完全冇調味午餐仲跟飲品, 揀左凍檸水整體嚟講塊黑毛豬扒其實幾好食, 但份量唔算好多, 食完唔係好夠飽, $60一個午餐可以有更好嘅選擇
繼續閱讀